Salem

News November 16, 2024

அமைச்சர் பங்கேற்கும் நிகழ்ச்சி மற்றும் மாநாடு

சேலத்தில் இன்று சனிக்கிழமை (16-11-24) காலை 10:30 அமைச்சர் ராஜேந்திரன் பல்வேறு நிகழ்ச்சிகளில் பங்கேற்கிறார். இந்நிலையில், அரிசி பாளையம் பகுதியில் உள்ள செயின் மேரிஸ் மேல்நிலைப் பள்ளி மாணவ, மாணவிகளுக்கு தமிழக அரசின் இலவச மிதி வண்டிகளை வழங்குகிறார். ஒய்.எம்.சி.ஏ ஹாலில் சேலம் மாவட்ட அரசு ஊழியர்கள் மகளிர் மாநாட்டின் இரண்டாம் நாள் நிகழ்ச்சியில் நடைபெற்று மாலையில் தீர்மானங்கள் நிறைவேற்றப்பட உள்ளன.

News November 16, 2024

சங்ககிரியில் பரவும் “வாட்ஸ் அப்” தகவலால் ஆய்வு

சேலம்: கலியனூரில் இருந்து ராயலூர் செல்லும் வழியில் உள்ள செட்டியார் காட்டில் மர்ம விலங்கின் காலடி தடம் பதிவாகியுள்ளது. எனவே, பொதுமக்கள் எச்சரிக்கையாக இருக்க வேண்டும் என அப்பகுதியில் உள்ள ”வாட்ஸ் அப்-பில்” தகவல் பரவி வருகிறது. இதனையடுத்து வனக்காப்பாளர், வருவாய்துறை அதிகாரிகள் ஆய்வு செய்தனர். மேலும், ட்ரோன் கேமரா மூலம் ஆய்வு செய்யவுள்ளனர்.

News November 15, 2024

சேலம் கலெக்டர் முக்கிய அறிவிப்பு

சேலம் மாவட்டம், கொண்டப்பநாயக்கன்பட்டியில் செயல்பட்டு வரும் செவித்திறன் குறையுடையோருக்கான அரசு உயர்நிலைப்பள்ளியில் கணினி பயிற்றுநர் பணிக்கு தற்காலிகமாக ஒப்பந்த அடிப்படையில் பணிபுரிய விண்ணப்பங்கள் வரவேற்கப்படுவதாக சேலம் ஆட்சியர் தெரிவித்துள்ளார். தலைமையாசிரியர், குறையுடையோருக்கான அரசு உயர்நிலைப்பள்ளி, கொண்டப்பநாயக்கன்பட்டி, சேலம் 636008 முகவரியில் நவ‌.20 மாலை 5 மணிக்குள் விண்ணப்பிக்கலாம்.

News November 15, 2024

சபரிமலை: சேலம் வழியாக சிறப்பு ரயில்கள்

ஐயப்ப பக்தர்களின் வசதிக்காக, சேலம் வழியாகச் செல்லும் கூடுதல் சிறப்பு ரயில்கள் அறிவிக்கப்பட்டுள்ளன. நவ.22, 29ல் மௌலா அலியில் இருந்து கொல்லத்திற்கும், நவ.24, டிச.01ல் கொல்லத்தில் இருந்து மௌலா அலிக்கும், நவ.18, 25ல் மச்சிலிப்பட்டணத்தில் இருந்து கொல்லத்திற்கும், நவ.20, 27ல் கொல்லத்தில் இருந்து மச்சிலிப்பட்டணத்திற்கும் சிறப்பு ரயில்கள் இயக்கப்படுகிறது.

News November 15, 2024

போலி ஆவணம் தயாரித்து ரூபாய் 2.45 கோடி கையாடல்

சேலம் மாவட்டம் சங்ககிரி பகுதியில், மகளிர் சுய உதவிக்கு உதவிக்குழுக்களுக்கு வர வேண்டிய கடன் தொகை வழங்காமல், போலியாக போலியாக தயாரித்து ரூபாய் 2.45 கோடி கையாடல் செய்த, பந்தன் வங்கியின் கிளை மேலாளர் மனோஜ்குமார், காசாளர் மல்லிகமணி உட்பட எட்டு பேர் மீது மத்திய குற்றப் குற்றப்புலனாய்வு வழக்கு பதிவு செய்து கைது செய்தனர். பின்னர் நீதிமன்ற உத்தரவின்படி சிறையில் அடைத்தனர்.

News November 15, 2024

சேலம் வழியாக கோட்டயத்துக்கு சிறப்பு ரயில்

சபரிமலை சீசனை முன்னிட்டு, சேலம் வழியாக கச்சிகுடா- கோட்டயம் இடையே சிறப்பு ரயில் (07131/07132) இயக்கப்படவுள்ளது. நவ.17, 24 ஆகிய தேதிகளில் கச்சிக்குடாவில் இருந்தும், மறுமார்க்கத்தில் நவ.18, 25 ஆகிய தேதிகளில் கோட்டயத்தில் இருந்தும் சிறப்பு ரயில் இயக்கப்படுகிறது. சிறப்பு ரயில், சேலம், திருப்பூர், ஈரோடு, கோவை வழியாக இயக்கப்படுகிறது. சிறப்பு ரயிலுக்கான டிக்கெட் முன்பதிவு தொடங்கியுள்ளது.

News November 15, 2024

சேலத்தில் விருதுக்கு விண்ணப்பிக்கலாம்

2024 ஆம் ஆண்டிற்கான தமிழ் வளர்ச்சிக்கு பாடுபட்ட தமிழரின் கவிஞர்கள், சான்றோர்கள் ஆகியோருக்கு திருவள்ளுவர் திருநாளில் விருதுகள் வழங்கப்பட்டு வருகிறது. இதில் டாக்டர் அம்பேத்கர் அவர்களின் பெயரில் பட்டியலின மக்களின் முன்னேற்றத்திற்கு தொண்டு செய்பவர்களுக்கு அம்பேத்கர் விருது வழங்கப்பட்டு வருகிறது. இதற்காக நவ.19ஆம் தேதிக்குள் மாவட்ட ஆட்சியர் அலுவலகத்தில் விண்ணப்பிக்கலாம் என கலெக்டர் அறிவித்துள்ளார்.

News November 15, 2024

சேலம்: மாற்றுத்திறனாளிகளுக்கு விளையாட்டு போட்டி

மாற்றுத்திறனாளிகள் தின விழாவை முன்னிட்டு, மாற்றுத்திறனாளிகளுக்கான மாவட்ட அளவிலான விளையாட்டு போட்டிகள், சேலம் காந்தி விளையாட்டு மைதானத்தில் வரும் நவ.18ஆம் தேதி காலை 9 மணிக்கு நடைபெறவுள்ளது. ஓட்டம், நின்று நீளம் தாண்டுதல், குண்டு எறிதல் போட்டிகள் நடக்க உள்ளன. விருப்பமுள்ளவர்கள் மாற்றுத்திறனாளி அடையாள அட்டை, ஆதார் அட்டை நகலுடன் பங்கேற்கலாம் என சேலம் மாவட்ட ஆட்சியர் பிருந்தாதேவி தெரிவித்துள்ளார்.

News November 15, 2024

சேலம் மாவட்டத்தில் மின்தடை அறிவிப்பு

சேலம் மாவட்டத்தில் பராமரிப்பு பணிகள் நடைபெறுவதன் காரணமாக கீழ்கண்ட துணை மின் நிலையங்களில் நாளை (16.11.24) மின்தடை அறிவிக்கப்பட்டுள்ளது. அதன் படி அஸ்தம்பட்டி, தும்பிப்பாடி, ஆத்தூர், நத்தக்கரை மற்றும் அதன் சுற்றுவட்டார கிராமங்களில் காலை 9 மணி முதல் மாலை 5 மணி வரை மின்தடை அறிவிக்கப்பட்டுள்ளது. ஷேர் செய்யவும்.

News November 15, 2024

சேலம்: விவசாயிகளுக்கான முக்கிய அறிவிப்பு

சேலம் விற்பனைக் குழுவின் கீழ் செயல்படும் சேலம், வாழப்பாடி, ஆத்தூர், கெங்கவல்லி, தம்மம்பட்டி, கருமந்துறை, கொங்கணாபுரம், மேச்சேரி, ஓமலூர், எடப்பாடி ஆகிய ஒழுங்குமுறை விற்பனைக் கூடங்களில் 15,500 மெ.டன் கொள்ளளவு கொண்ட 17 சேமிப்பு கிடங்குகள் உள்ளன. குறைந்த வாடகையில் செயல்படும் இதில் தற்போது, சிறப்பு சலுகையாக 2 வாரம் வரை வாடகையின்றி விளைபொருட்களை இருப்பு வைத்துக் கொள்ளலாம் என தெரிவிக்கப்பட்டுள்ளது.

4

…

Featured News

Sorry, no posts matched your criteria.

↑