India's largestHyperlocal short
news App
Get daily news updates that are tailored for you based on your preferred language & location.
download Way2News app now
Salem
News August 3, 2024
மேட்டூர் அணையில் அமைச்சர் ஆய்வு
சேலம், மேட்டூர் அணை முழு கொள்ளளவை எட்டியுள்ள நிலையில் இன்று நீர்வளத்துறை அமைச்சர் துரைமுருகன், அணையின் வலது, இடது கரை மற்றும் 16 கண் மதகு பாலம் ஆகிய பகுதிகளுக்கு சென்று நேரில் ஆய்வு செய்தார். அணைக்கான நீர்வரத்து, அணையின் பாதுகாப்பு குறித்து நீர்வளத்துறை அதிகாரிகளிடம் கேட்டறிந்தார். அப்போது எம்எல்ஏ ராஜேந்திரன் உள்ளிட்டோர் கலந்து கொண்டனர்.
News August 3, 2024
பாமக சார்பில் தீரன் சின்னமலை படத்திற்கு மரியாதை
விடுதலைப் போராட்ட வீரர் தீரன் சின்னமலையின் 219-வது நினைவுத் தினத்தை முன்னிட்டு, சேலம் சங்ககிரி மலைக்கோட்டை மற்றும் அவரது நினைவு மணி மண்டபத்தில் வைக்கப்பட்டிருந்த திருவுருவப் படத்திற்கு பாட்டாளி மக்கள் கட்சி கௌரவ தலைவர் ஜி.கே.மணி, சட்டமன்ற உறுப்பினர் அருள் மற்றும் பாட்டாளி மக்கள் கட்சி நிர்வாகிகள் மாலை அணிவித்து மரியாதை செலுத்தினர்.
News August 3, 2024
மேட்டூர் அணையில் அமைச்சர் துரைமுருகன் ஆய்வு
மேட்டூர் அணையிலிருந்து உபரிநீர் திறக்கப்பட்டு பல்வேறு மாவட்டங்களின் வழியாக காவிரியில் கரைபுரண்டோடி வருகிறது. இந்த நிலையில் தமிழக நீர்வளத்துறை அமைச்சர் துரைமுருகன் இன்று மேட்டூர் அணையில் ஆய்வு மேற்கொண்டார். இந்த ஆய்வின்போது, பொறியாளர்கள் உள்பட அதிகாரிகள் உடனிருந்தனர்.
News August 3, 2024
சேலம் மாவட்ட காவிரி ஆற்றில் புனித நீராட தடை
மேட்டூர் அணையில் உபரிநீர் திறந்து விடப்பட்ட நிலையில், இன்றும், நாளையும் சேலம் மாவட்ட காவிரி ஆற்றங்கரை பகுதிகளில் பொதுமக்கள் புனிதநீராட ஆட்சியர் தடைவிதித்துள்ளார். இன்று ஆடிப்பெருக்கை முன்னிட்டு பக்தர்கள் நீர்நிலைகளில் நீராடுவது வழக்கம். ஆட்சியரின் அறிவிப்பு பக்தர்களுக்கு ஏமாற்றத்தை அளித்தாலும், முன்னெச்சரிக்கை நடவடிக்கை அவசியம்தானே! உங்கள் கருத்து என்ன?
News August 3, 2024
ஆடிப்பெருக்கு: 9 இடங்களில் சேலம் ஆட்சியர் அனுமதி
ஆடிப்பெருக்கு விழாவை ஓட்டி பொதுமக்கள் பூலாம்பட்டி, பில்லுக்குறிச்சி, கிழக்குக்கரை வாய்க்கால், ஓனம் பாறைகால்வாய், நெடுங்குளம் மாம்பாடியூர், வெள்ளரி வெள்ளி பவளத்தார் மோரி, கொளத்தூர், செட்டிபட்டி, கோட்டையூர், பண்ணவாடி, சென்றாய பெருமாள் கோவில், காவிரி பாலம் முதல் முனியப்பன் கோவில் வரை, எம்ஜிஆர் பாலம், திப்பம்பட்டி உள்ளிட்ட இடங்களில் மட்டும் நீராட அனுமதிக்கப்படுவர் என ஆட்சியர் தெரிவித்துள்ளார்.
News August 3, 2024
சேலத்தில் இன்று உள்ளூர் விடுமுறை
சுதந்திரப் போராட்ட வீரர் தீரன் சின்னமலை நினைவு நாள் மற்றும் ஆடிப்பெருக்கு தினத்தை முன்னிட்டு இன்று (ஆகஸ்ட் 3) சேலம் மாவட்டத்தில் உள்ளூர் விடுமுறை அறிவிக்கப்படுகிறது. அனைத்து அரசு அலுவலகங்கள் மற்றும் பள்ளி, கல்லூரிகளுக்கு இன்று (சனிக்கிழமை) உள்ளூர் விடுமுறை அறிவிக்கப்படுகிறது. மேட்டூர் அணையில் இருந்து அதிக அளவில் உபரிநீர் வெளியேற்றப்பட்டு வருவதால் அணைக்கு வருவதை பொதுமக்கள் தவிர்க்க வேண்டும்.
News August 2, 2024
விளக்குகளால் நினைவுச்சின்னம் அலங்கரிப்பு
நாளை 3.08.2024 சுதந்திரப் போராட்ட வீரர் தியாகி தீரன் சின்னமலையின் நினைவு தினத்தையொட்டி, சேலம் மாவட்டம், சங்ககிரியில் அமைந்துள்ள தியாகி தீரன் சின்னமலையின் நினைவுச்சின்னம் தமிழ்நாடு அரசின் சார்பில் வண்ண விளக்குகளால் இன்று (02.08.2024) அலங்கரிக்கப்பட்டுள்ளது. இதனை காண அப்பகுதியில் உள்ள ஏராளமான பொதுமக்கள் வந்து பார்வையிட்டு செல்கின்றனர்.
News August 2, 2024
ஆதார் அட்டையில் திருத்தம் செய்ய சரியான நேரம்
சேலம் தலைமை அஞ்சலகம் மற்றும் அஸ்தம்பட்டி துணை அஞ்சலகத்தில் காலை 8 மணி முதல் மாலை 8 மணி வரை ஆதார் சேவை வழங்கப்படுகிறது. ஆதார் புதிய சேவை பெறுவதற்கும், 5 -7வயது மற்றும் 15-17 வயது குழந்தைகளுக்கு கட்டாய பயோமெட்ரிக் சேவை பெறுவதற்கும், கட்டணம் ஏதும் இல்லை. பெயர் திருத்தம், முகவரி திருத்தம், தொலைபேசி எண் மாற்றம் போன்ற மற்ற சேவைகளுக்கு ரூ.50 முதல் ரூ.100 கட்டணமாக வசூலிக்கப்படும் என தெரிவிக்கப்பட்டுள்ளது.
News August 2, 2024
மேட்டூர் உபரிநீர் திறப்பு குறைப்பு
சேலம் மாவட்டம் மேட்டூர் அணைக்கான நீர்வரத்து குறைந்திருப்பதால் இன்று உபரிநீர் திறப்பு வினாடிக்கு 1.70 லட்சம் கன அடியில் இருந்து ஒன்றரை லட்சம் கன அடியாகக் குறைக்கப்பட்டது. மேட்டூரில் இருந்து நீர் திறப்பு குறைக்கப்பட்டதால் காவிரி கரையோர பகுதிகளில் வெள்ள அபாயம் சற்று தணியும் என்பது குறிப்பிடத்தக்கது.
News August 2, 2024
சேலத்தில் ஏலியனுக்கு கோவில்
சேலத்தைச் சேர்ந்த லோகநாதன் என்பவர் ஏலியன் கோவில் அமைத்து வழிபாடு செய்து வருகிறார். 2021ஆம் ஆண்டு முதல் கோவிலை கட்டும் பணி நடந்து வருகிறது. இதுவரை எங்கும் ஏலியன் சித்தர் இல்லை என்றும், கோவில் திருப்பணிகள் நடந்து வருவதால், விரைவில் கும்பாபிஷேகத்திற்கு பிறகு அனைத்து பூஜைகள் நடக்கவுள்ளதாக தெரிவித்துள்ளார். ரஜினி (ம) மோடிக்கு கோவில் கட்டி வரும் வரிசையில், தற்போது ஏலியனுக்கு கோவில் கட்டுவது வைரலாகியது.
Featured News
Sorry, no posts matched your criteria.