India's largestHyperlocal short
news App
Get daily news updates that are tailored for you based on your preferred language & location.
download Way2News app now
Salem
News November 12, 2024
ரேஷன் கடை பணிக்கு 15,500 பேர் விண்ணப்பம்
சேலம் மாவட்டத்தில் உள்ள ரேஷன் கடைகளில் காலியாக உள்ள 152 விற்பனையாளர்கள், 10 கட்டுநர்கள் காலிப் பணியிடங்களுக்கு ஆன்லைன் மூலம் கடந்த நவ.7ம் தேதி வரை 15,500 பேர் விண்ணப்பித்திருந்தனர். சரிபார்ப்பு பணி முடிந்ததும், நேர்முகத் தேர்வு நடைபெறும். அதில் தேர்ச்சிப் பெறுபவர்களுக்கு பணி நியமன ஆணைகள் வழங்கப்படும் என அதிகாரிகள் தெரிவித்துள்ளனர்.
News November 12, 2024
சபரிமலை சீசன்: சிறப்பு ரயில்
சபரிமலை சீசன் தொடங்கியுள்ள நிலையில், பக்தர்களின் வசதிக்காக எஸ்எஸ்எஸ் ஹூப்பள்ளி மற்றும் கோட்டயம் இடையே இருமார்க்கத்திலும் வாராந்திர சிறப்பு ரயில் (07371/ 07372) வரும் நவ.19-ஆம் தேதி முதல் இயக்கப்படும் எனத் தெரிவிக்கப்பட்டுள்ளது. சிறப்பு ரயில், பெங்களூரு, கிருஷ்ணராஜபுரம், சேலம், ஈரோடு, திருப்பூர், பாலக்காடு உள்ளிட்ட ரயில் நிலையங்களில் நின்றுச் செல்லும். பயண டிக்கெட் முன்பதிவு தொடங்கியுள்ளது.
News November 12, 2024
சேலத்தில் இன்று மின்தடை
சேலத்தில் இன்று (12.11.24) பல்வேறு பகுதியில் மாதாந்திர பராமரிப்பு பணிகள் நடைபெறவுள்ளது. இதனால், மல்லியக்கரை, கரூப்பூர், மேட்டுப்பட்டி, உடையாப்பட்டி, நங்கவள்ளி, கூடமலை ஆகிய துணை மின்நிலையங்களின் கீழ் உள்ள ஊர்களுக்கு காலை 9 மணி முதல் பிற்பகல் 2 மணி வரை மின்விநியோகம் இருக்காது. மக்களே உங்க துணை மின்நிலையம் எதுனு கொஞ்சம் பாத்துக்கோங்க. ஷேர் பண்ணுங்க.
News November 11, 2024
சேலம்: அரசு மற்றும் தனியார் பேருந்து மோதி விபத்து
சேலம் மாவட்டம் சங்ககிரி ஐவேலி ஜெயம் தாபா முன்பு அரசு பேருந்து பின்புறத்தில் தனியார் பேருந்து மோதி விபத்துக்குள்ளானது. அதைத்தொடர்ந்து தனியார் பேருந்தில் பயணித்த ஐந்துக்கும் மேற்பட்டோர் லேசான காயங்களுடன் மருத்துவமனையில் அனுமதிக்கப்பட்டுள்ளனர். இதுகுறித்து போலீசார் வழக்கு பதிவு செய்து விசாரணை மேற்கொண்டு வருகின்றனர்.
News November 11, 2024
சேலம்: இளம் பெண்களே உஷார்..!
அங்க அடையாளங்களைக் கூறி இளம் பெண்களை மிரட்டி பணம் பறிக்கும் வட மாநில கும்பல் குறித்து சைபர் போலீசார் தீவிர விசாரணை மேற்கொண்டு வருகின்றனர். இளம் பெண்களை தொடர்பு கொள்ளும் கும்பலிடம் யாரும் ஏமாற வேண்டாம்; உடனே சைபர் கிரைம் அவசர எண் 1930 என்ற எண்ணை தொடர்புக் கொள்ளும் பட்சத்தில் கும்பலைப் பிடிக்க முடியும் என அறிவுறுத்தியுள்ளனர். சேலம் மாநகர காவல்துறை ஆணையாளர் தெரிவித்துள்ளார்.
News November 11, 2024
முதல்வர் மருந்தகத்திற்கு விண்ணப்பிக்கலாம்
முதல்வர் மருந்தகம் அமைக்க விருப்பமுள்ள B.Pharm மற்றும் D.Pharm சான்று பெற்றவர்கள் அல்லது அவர்களின் ஒப்புதலுடன் www.mudhalvarmarundhagam.tn.gov.in என்ற இணையதளம் வாயிலாக வரும் நவம்பர் 20-ஆம் தேதிக்குள் விண்ணப்பிக்கலாம் என சேலம் மாவட்ட ஆட்சியர் பிருந்தாதேவி தெரிவித்துள்ளார். முதல்வர் மருந்தகம் அமைக்க விருப்பம் உள்ளவர்களுக்கு 110 சதுர அடிக்கு குறையாமல் சொந்த இடம் அல்லது வாடகை இடம் இருக்க வேண்டும்.
News November 11, 2024
மனுக்களை பெற்றுக் கொண்ட கலெக்டர்
சேலம் மாவட்ட ஆட்சியரகத்தில் இன்று (நவ.11) நடைபெற்ற மக்கள் குறைதீர்க்கும் நாள் கூட்டத்தில் மாவட்ட ஆட்சியர் டாக்டர்.பிருந்தாதேவி, மாற்றுத்திறனாளிகளை நேரில் சந்தித்துக் கோரிக்கை மனுக்களை பெற்றுக் கொண்டார். இந்நிகழ்வின் போது, மாவட்ட மாற்றுத்திறனாளிகள் நல அலுவலர் மகிழ்நன் மற்றும் அரசு அதிகாரிகள் உள்ளிட்டோர் உடனிருந்தனர்.
News November 11, 2024
சரவணன் கொலை வழக்கில் 10 பேர் சிறையில் அடைப்பு
வெள்ளியம்பட்டியைச் சேர்ந்த சரவணன் கொலை வழக்கில், 7 பேர் கைது செய்யப்பட்டனர். இந்த வழக்கின் முக்கிய குற்றவாளிகளான, ரவுடி காட்டூர் ஆனந்தனின் மற்றொரு மைத்துனன் கார்த்தி(33). வெள்ளியம்பட்டியைச் சேர்ந்த உறவினர் கந்தசாமி(32). சேலம் அழகாபுரம் பகுதியைச் சேர்ந்த பூபாலன்(27). மேட்டுப்பட்டி தாதனூரைச் சேர்ந்த ஹரி (எ) மதியழகன்(33) உள்ளிட்ட 10 பேர் போலீசில் சரணடைந்தனர். அவர்களை போலீசார் சிறையில் அடைத்தனர்.
News November 11, 2024
முதல் உலகப்போரில் உயிர்நீத்த வீரர்களுக்கு மரியாதை
சேலம் கலெக்டர் அலுவலக வளாகத்தில் முதல் உலகப்போரில் உயிரிழந்தவர்களின் நினைவாக நினைவு ஸ்தூபி வைக்கப்பட்டுள்ளது. சேலம் மாவட்ட வரலாற்று ஆய்வாளர் சங்கத்தின் சார்பில் இன்று நினைவு தினம் அனுசரிக்கப்பட்டது. சங்கத்தின் தலைவர் பர்ன பாஸ் தலைமையில் காங்கிரஸ் மூத்த உறுப்பினர் தாரை குமரவேல் கலந்துகொண்டு மலர்வளையம் வைத்து அஞ்சலி செலுத்தினார்.
News November 11, 2024
மலைப்பாதையில் “டிரக்கிங்” செல்ல அழைப்பு
சேலம்: தமிழக வனத்துறை சார்பில், மலை பிரதேசங்களில், ‘டிரக்கிங்’ செல்ல அனுமதி தரப்பட்டுள்ளது. இதன்படி சேர்வராயன் மலைத்தொடரில், 3 வழித்தடங்களில் ‘டிரக்கிங்’ செல்லலாம். http://www.trektamilnadu.com/page/about -ல் முன்பதிவு செய்யலாம். முன்பதிவில் நாள், நேரம், எத்தனை பேர் என்பதை தேர்வு செய்ய வேண்டும். பயணியருடன் மலைக்கிராமத்தைச் சேர்ந்த கைடுகள் செல்வர். அவர்கள் மரங்கள், பறவை குறித்து விளக்கமளிப்பர்.
Featured News
Sorry, no posts matched your criteria.