India's largestHyperlocal short
news App
Get daily news updates that are tailored for you based on your preferred language & location.
download Way2News app now
Salem
News April 24, 2024
நூறாண்டு பழமையான இலுப்பை சந்தவமனை
பெத்தநாயக்கன்பாளையம்: இடையப்பட்டி கிராமத்தைச் சேர்ந்தவர் விவசாயி பழனிமுத்து. இவரது வீட்டில், சந்தவம் என்கிற பாரம்பரிய நூடுல்ஸ் தயாரிக்க பயன்படும் 100 ஆண்டு பழமையான ‘சந்தவமனை ‘ உள்ளது. தேர்கள் செய்ய பயன்படும் இலுப்பை மரத்தில் செய்யப்பட்ட இந்த ‘சந்தவமனை தற்போது வேறெங்கும் பயன்பாட்டில் இல்லை. இதற்கு மாற்றாக எவர்சில்வர், இண்டோலியம் , இரும்பினால் செய்யப்பட்ட சந்தவமனை பயன்பாட்டிற்கு வந்துள்ளது.
News April 24, 2024
சேலம் மண்டலத்தில் ரூ.54 கோடிக்கு மது விற்பனை
மக்களவைத் தேர்தலையொட்டி கடந்த 17,18,19 என தொடர்ந்து 3 நாள் டாஸ்மாக் கடைகள் அடைக்கப்பட்டு, 20ம் தேதியான சனிக்கிழமை அன்று கடைகள் திறக்கப்பட்டன. 3 நாள் விடுமுறை அடுத்து கடை திறந்ததால் சேலம், நாமக்கல், தருமபுரி, கிருஷ்ணகிரி, ராணிப்பேட்டை, கள்ளக்குறிச்சி, வேலூர், திருப்பத்தூர் மாவட்டங்களை உள்ளடக்கிய சேலம் மண்டலத்தில் 20ம் தேதி ஒரே நாளில் ரூ.54 கோடியே 88 லட்சத்துக்கு மது விற்பனை நடந்துள்ளது.
News April 22, 2024
சேலம் அருகே ஆச்சரியப்பட வைத்த வாழை!
சேலம் மாவட்டம் பனமரத்துப்பட்டியை சேர்ந்தவர் தங்கவேல்(45), விவசாயி. இவர் தாதகாப்பட்டி உழவர் சந்தையில் பழங்கள், காய்கறிகள் விற்பனை செய்து வருகிறார். நேற்று காலை இவர் உழவர் சந்தைக்கு விற்பனைக்கு கொண்டு வந்த வாழை ரக சீப் ஒன்று மிகப்பெரிய அளவில் இருந்தது. ஒரே சீப்பில் 42 வாழைப் பழங்கள் இருந்தன. அதன் எடை 3 கிலோ இருந்தது. இது பொதுமக்களை ஆச்சரியத்தில் ஆழ்த்தியது.
News April 21, 2024
சேலம்: கோயில் யானைக்கு நினைவஞ்சலி
சேலம் மாவட்டத்தில் அமைந்துள்ள அருள்மிகு சுகவனேஸ்வரர் கோயிலில் இறைப்பணி செய்து வந்த ராஜேஸ்வரி என்னும் யானை மறைந்து இன்றுடன் 6 ஆண்டுகள் ஆகிறது. அதன் நினைவிடத்தில் 6வது ஆண்டு நினைவஞ்சலி நிகழ்ச்சி இன்று நடைபெற்றது.
சேலம் மேயர் இராமச்சந்திரன் இதில் பங்கேற்று யானைக்கு மலரஞ்சலி செலுத்தினார். ஏராளமான பக்தர்கள் இந்நிகழ்வில் கலந்துகொண்டனர்.
News April 21, 2024
சேலத்தில் ரூ.2.87 கோடி பறிமுதல்
2024 மக்களவைத் தேர்தல் நடத்தை விதிமுறைகள் நடைமுறைக்கு வந்த மார்ச் 16 முதல் ஏப்ரல் 20 வரை சேலத்தில் ரூ.1.78 கோடி பணம் மற்றும் ரூ.1.09 கோடி மதிப்புள்ள பொருட்கள் பறக்கும் படை அதிகாரிகளால் பறிமுதல் செய்யப்பட்டுள்ளதாக சேலம் மாவட்ட தேர்தல் அலுவலரும் மற்றும் சேலம் மாவட்ட ஆட்சியருமான டாக்டர் பிருந்தாதேவி தெரிவித்துள்ளார்.
News April 21, 2024
சேலம்: கிணற்றில் விழுந்த மான் மீட்பு
சேலம் மாவட்டம் கொளத்தூர் அருகே உள்ள கோடம்பாக்காடு பகுதியை சேர்ந்தவர் செல்லப்பன். இவருடைய விவசாய கிணற்றில் மான் ஒன்று தவறி விழுந்து தண்ணீரில் தத்தளித்து கொண்டிருந்தது. இதுகுறித்து செல்லப்பன் மேட்டூர் தீயணைப்பு நிலையத்திற்கும், மேட்டூர் வனத்துறையினருக்கும் தகவல் தெரிவித்தார். இதையடுத்து தீயணைப்பு நிலைய அலுவலர் வெங்கடேசன் தலைமையில் தீயணைப்பு படை வீரர்கள் மானை உயிருடன் மீட்டு வனபகுதியில் விட்டனர்.
News April 20, 2024
சேலம் அருகே ஒரே ஒரு வாக்கு மட்டுமே பதிவு!
சேலம் மாவட்டம் ஏற்காட்டில் உள்ள செங்கலத்துப்பாடி மலை கிராம மக்கள் மயான வசதிக் கேட்டு பலமுறை கோரிக்கை விடுத்தும் நடவடிக்கை எடுக்கவில்லை என கூறப்படுகிறது. இதையடுத்து, இம்மக்கள் நேற்று தேர்தலைப் புறக்கணித்ததால் அங்குள்ள வாக்குச்சாவடியில் ஒரே ஒரு வாக்கு மட்டுமே பதிவானது. 336 வாக்காளர்கள் வாக்களிக்கவில்லை என்பது குறிப்பிடத்தக்கது.
News April 20, 2024
சேலம் இடங்கணசாலை: 826 வாக்குகள் மட்டுமே!
சேலம் மாவட்டம், இடங்கணசாலை பேரூராட்சி இ.காட்டூர் அரசு பள்ளியில் அமைக்கப்பட்டுள்ள வாக்குச்சாவடியில் 826 பேர் வாக்களிக்காமல் தேர்தலை புறக்கணித்து உள்ளனர்.
கழிவுநீர் சுத்திகரிப்பு நிலையம் அமைப்பதற்கு எதிர்ப்பு தெரிவித்து தேர்தலை புறக்கணிப்பதாக அப்பகுதி மக்கள் அறிவிக்கப்பட்டிருந்த நிலையில் குறைந்த வாக்குகள் பதிவாகியுள்ளது.
News April 20, 2024
எடப்பாடி: இலவச சேவைக்கு குவியும் பாராட்டு
எடப்பாடி அருகே சித்தூர் பகுதியை சேர்ந்தவர் அஜித்(25). 3 ஆம்புலன்ஸ் வைத்துள்ள இவர், நேற்று மக்களவைத் தேர்தலில் வாக்களிக்க நடந்து செல்ல முடியாத முதியோர், ஊனமுற்றவர்களுக்கு இலவச ஆம்புலன்ஸ் சேவை வழங்கப்படும் என அறிவித்து, 30க்கும் மேற்பட்டோரை இலவசமாக ஆம்புலன்சில், அழைத்துச் சென்று வாக்களிக்க வைத்து மீண்டும் வீட்டில் வந்து இறக்கிவிட்டுள்ளார். இச்சேவைக்கு பாராட்டு குவிந்து வருகிறது.
News April 20, 2024
சேலம்: இறைச்சி கடைகள் செயல்படாது!
சேலம் மாநகராட்சி ஆணையர் பாலச்சந்தர் வெளியிட்டுள்ள செய்திக்குறிப்பில், மகாவீர் ஜெயந்தியை முன்னிட்டு நாளை (ஏப்.21) சேலம் மாநகராட்சிக்கு ட்பட்ட பகுதிகளில் அரசு உத்தரவுப்படி இறைச்சி கூடங்கள் மற்றும் கடைகள் செயல்படக்கூடாது. மீறி செயல்படும் இறைச்சி கடை உரிமையாளர்கள் மீது சட்டப்படி நடவடிக்கை மேற்கொள்ளப்படும் என ஆணையர் தெரிவித்துள்ளார்.
Featured News
Sorry, no posts matched your criteria.