India's largestHyperlocal short
news App
Get daily news updates that are tailored for you based on your preferred language & location.
download Way2News app now
Salem
News March 21, 2024
கள்ளக்குறிச்சி தொகுதியின் புதிய திமுக வேட்பாளர்
முன்னாள் அமைச்சர் பொன்முடியின் மகன் கௌதம சிகாமணி போட்டியிட்டு வென்ற கள்ளக்குறிச்சித் தொகுதியில், இந்த முறை திமுக-வின் தியாகதுருகம் பேரூர் கழகச் செயலாளர் மலையரசனுக்கு வாய்ப்பு அளிக்கப்பட்டுள்ளது. 2006-ம் ஆண்டு கிளைக்கழக செயலாளராக கட்சிப் பணியைத் தொடங்கியவர். ஒன்றியத் துணைச் செயலாளராகவும், மாவட்ட பிரதிநிதி மற்றும் மாவட்ட பொறுப்புக் குழு உறுப்பினராகவும் கட்சிப் பணியாற்றியுள்ளார்.
News March 21, 2024
சேலம்: நகைக்கடன்… அதிரடி உத்தரவு
சேலம் மாவட்டத்தில் உள்ள கூட்டுறவு சங்கங்களில் நகைக் கடன்களை ஆய்வு செய்ய சிறப்பு குழுக்கள் அமைக்கப்பட்டுள்ளன. நகைக் கடன் வழங்குவதற்கு உரிய ஆவணங்கள், பதிவேடுகள் முறையாக பேணப்பட்டு இருக்கிறதா? விதிமுறைகள் சரியாக பின்பற்றப்படுகிறதா என்பது உள்ளிட்ட பல்வேறு அம்சங்களை இந்த குழுக்கள் ஜூன் 15-ஆம் தேதிக்குள் ஆய்வு செய்ய உத்தரவிடப்பட்டுள்ளது.
News March 21, 2024
சேலம்: வேட்பாளர்கள் அறிமுக கூட்டம்
சேலம், கள்ளக்குறிச்சி மக்களவைத் தொகுதிகளில் திமுக சார்பில் அறிவிக்கப்பட்டுள்ள வேட்பாளர்கள் அறிமுக கூட்டம் இன்று அமைச்சர் கே.என்.நேரு தலைமையில் சேலத்தில் நடைபெற்றது.சேலம் தொகுதியில் தி.மு.க. சார்பில் போட்டியிடும் டி.எம்.செல்வகணபதி, கள்ளக்குறிச்சி தொகுதியில் போட்டியிடும் மலையரசன் ஆகியோரை அமைச்சர் அறிமுகம் செய்து வைத்தார், கூட்டத்தில், இந்தியா கூட்டணி கட்சிகளின் நிர்வாகிகள் கலந்து கொண்டனர்.
News March 21, 2024
தருமபுரி தொகுதி மேட்டூர் சட்டமன்றத்தின் புதிய திமுக வேட்பாளர்
2024 மக்களவைத் தேர்தல், தருமபுரி தொகுதியில் திமுக சார்பில் ஆ.மணி போட்டியிடவுள்ளார். இவருக்கு 2019ஆம் ஆண்டு, நாடாளுமன்றத் தேர்தலோடு இணைந்து சட்டமன்ற இடைத்தேர்தலும் நடைபெற்றபோது, இவருக்கு பாப்பிரெட்டிப்பட்டி சட்டமன்றத் தொகுதியில் போட்டியிடும் வாய்ப்பு அளிக்கப்பட்டது. ஆனால் 17 ஆயிரம் வாக்கு வித்தியாசத்தில் தோல்வியடைந்தார். மேட்டூர் சட்டமன்ற தொகுதி தருமபுரி மக்களவைத் தொகுதியில் அடங்கும்.
News March 21, 2024
சேலம் தொகுதியின் புதிய திமுக வேட்பாளர்
2024 மக்களவைத் தேர்தல், சேலம் தொகுதியில் திமுக சார்பில் செல்வகணபதி போட்டியிடவுள்ளார். இவர், 1991இல் நாமக்கல் எம்எல்ஏ-வாகவும், 1991 – 1996 ஆண்டுகளில் உள்ளூராட்சி அமைச்சராகவும் இருந்துள்ளார். 1999 மக்களவைத் தேர்தலில் சேலம் தொகுதியில் அதிமுக சார்பில் போட்டியிட்டு வெற்றி பெற்றவர். 2008இல் அதிமுக-வில் இருந்து விலகி திமுக-வில் இணைந்தார். திமுக-வின் 11 புதிய வேட்பாளர்களில் இவரும் ஒருவர்.
News March 21, 2024
சேலம்: முதியோர்கள் வீட்டிலிருந்தே வாக்களிக்கலாம்!
தமிழ்நாட்டில் மக்களவைத் தேர்தல் ஏப்ரல் 19ம் தேதி நடைபெறவுள்ள நிலையில், முதியோர்கள்(85 வயதிற்கு மேற்பட்ட) மற்றும் மாற்றுத்திறனாளிகள் வீட்டிலிருந்தே வாக்களிக்கும் வகையில் தபால் வாக்கு வசதி ஏற்படுத்தப்பட்டுள்ளது. அதன்படி, பகுதி வாக்குச்சாவடி அலுவலரிடம் படிவம் 12D-ஐ பெற்று பூர்த்திசெய்து மார்ச் 24ம் தேதிக்குள் சமர்ப்பிக்குமாறு அறிவுறுத்தப்பட்டுள்ளது.
News March 21, 2024
வாழப்பாடி: ரூ.62,000 மதிப்புள்ள மது பாட்டில்கள் பறிமுதல்
சேலம் மாவட்டம் வாழப்பாடி அருகே 224 மது பாட்டில்கள் நேற்று(மார்ச் 20) பறிமுதல் செய்யப்பட்டது. வாழப்பாடி பேரூராட்சி, புதுப்பாளையம் அருகே சேலம் – உளுந்தூர்பேட்டை தேசிய நெடுஞ்சாலையில் வாகன தணிக்கை நடைபெற்றது. அப்போது, புதுச்சேரியிலிருந்து வந்த காரை சோதித்தில், ரூ.62,000 மதிப்புள்ள 224 மதுபாட்டில்களை அனுமதியின்றி எடுத்து வந்தது கண்டுபிடிக்கப்பட்டு பறிமுதல் செய்யப்பட்டது.
News March 20, 2024
சேலத்திலிருந்து 150 சிறப்பு பேருந்துகள் இயக்கம்
பௌர்ணமி மற்றும் வார இறுதி நாட்களை முன்னிட்டு தமிழ்நாடு அரசு போக்குவரத்துக் கழக சேலம் கோட்டம் சார்பில் 150 சிறப்பு பேருந்துகள் இயக்கப்படவுள்ளதாக நிர்வாக இயக்குநர் பொன்முடி தெரிவித்துள்ளார். மேலும், சேலம், தருமபுரி, கிருஷ்ணகிரி, திருவண்ணாமலை, ஓசூர், பெங்களூரில் இருந்து திருவண்ணாமலைக்கு சிறப்பு பேருந்துகள் இயக்கப்பட உள்ளன.
News March 20, 2024
அதிமுக சார்பில் சேலத்திற்கு புதிய வேட்பாளர்
2019 மக்களவை தேர்தலில், சேலம் நாடாளுமன்றத் தேர்தலில் அதிமுக சார்பில் போட்டியிட்ட சரவணன் என்பவர் 4,59,376 வாக்குகள் பெற்று தோல்வியடைந்தார். இதையடுத்து 2024ம் ஆண்டு நாடாளுமன்ற தேர்தலில், சேலம் நாடாளுமன்ற தொகுதியில் அதிமுக சார்பில் புதிய வேட்பாளராக பி.விக்னேஷ் போட்டியிடுவதாக அதிமுக தலைமை இன்று அறிவிப்பு வெளியிட்டுள்ளது.
News March 20, 2024
சேலம் நாடாளுமன்றத்திற்கு புதிய வேட்பாளர்
2019ம் ஆண்டு மக்களவை தேர்தலில், சேலம் தொகுதியில் திமுக சார்பில் போட்டியிட்ட எஸ்.ஆர்.பார்த்திபன் என்பவர் 6,06,302 வாக்குகள் பெற்று எம்பியாகி இருந்தார். இந்நிலையில் வரும் 2024ம் ஆண்டு நாடாளுமன்ற தேர்தலில் சேலம் தொகுதிக்கு திமுக சார்பில் புதிய வேட்பாளராக டி.எம்.செல்வகணபதி போட்டியிடுகிறார் என திமுக தலைமை அறிவிப்பு வெளியிட்டுள்ளது.
Featured News
Sorry, no posts matched your criteria.