India's largestHyperlocal short
news App
Get daily news updates that are tailored for you based on your preferred language & location.
download Way2News app now
Salem
News October 18, 2024
செயல்பாட்டுக்கு வரும் நகரும் படிக்கட்டுகள்
சேலம் ஈரடுக்கு பேருந்து நிலையத்தில் ரூபாய் 2.5 கோடி மதிப்பீட்டில் அமைக்கப்பட்டுள்ள நகரும் படிக்கட்டுகளை வரும் அக்.20-ம் தேதி சேலத்தில் நடைபெறும் அரசு விழாவில் கலந்து கொள்ளும் துணை முதலமைச்சர் உதயநிதி ஸ்டாலின், பேருந்து பயணிகளுக்கு அர்ப்பணிக்கிறார். அதேபோல், சேலம், நாமக்கல் மாவட்டங்களைச் சேர்ந்த மக்களுக்கு நலத்திட்ட உதவிகளையும் வழங்குகிறார்.
News October 18, 2024
எதிர்பார்ப்பு இல்லாமல் உழைப்பவர்களுக்கு பதவி: ஆனந்த்
சேலம், ஆத்தூரில் உள்ள தனியார் திருமண மண்டபத்தில் தமிழக வெற்றி கழகத்தின் மாநாடு குறித்த ஆலோசனை கூட்டம் இன்று நடைபெற்று வருகிறது. இதில் தமிழக வெற்றி கழக பொதுச்செயலாளர் ஆனந்த் கலந்து கொண்டு பேசும்போது, தமிழக வெற்றி கழகத்தில் பதவி நிரந்தரமானது அல்ல. எதிர்பார்ப்பு இல்லாமல் உழைப்பவர்களுக்கு பதவி கிடைக்கும் என தெரிவித்தார். மாவட்ட தலைவர் பார்த்திபன் உள்ளிட்டோர் உடன் உள்ளனர்.
News October 18, 2024
காலில் விழக்கூடாது: புஸ்ஸி ஆனந்த்
ஆத்தூர் கொங்கு திருமண மண்டபத்தில் இன்று தமிழக வெற்றி கழகத்தின் பயிற்சி முகாம் நடைபெற்றது. இக்கூட்டத்தில் பொது செயலாளர் புஸ்ஸி ஆனந்த கலந்து கொண்டு நிர்வாகிகளிடம் பேசினார். அப்போது தாய், தந்தை காலில் மட்டும் விழ வேண்டும், மற்றவர்கள் காலில் விழக்கூடாது என கூறினார்.
News October 18, 2024
தமிழக வெற்றிக் கழக அரசியல் பயிலரங்கம் தொடக்கம்
தமிழக வெற்றிக் கழக மாநாட்டை முன்னிட்டு பணிக்குழுக்களுக்கான அரசியல் பயிலரங்கம், அக்கட்சியின் பொதுச்செயலாளர் என்.ஆனந்த் தலைமையில் இன்று (அக்.18) காலை தொடங்கியது. கடமை, கண்ணியம், கட்டுப்பாட்டுடன் மாநாட்டை நடத்துவது உள்ளிட்டவைப் பயிலரங்கில் இடம் பெறுகின்றன. த.வெ.க.வினரின் வருகையால் ஆத்தூர் நகரமே விழாக்கோலம் பூண்டுள்ளது.
News October 18, 2024
தவெக நிர்வாகிகளுக்கு இன்று அரசியல் பயிலரங்கம்
தவெகவின் முதல் மாநாடு குறித்து சேலம் மாவட்டம் ஆத்தூரில் இன்று (18.10.24) காலை 10 மணிக்கு ஆலோசனை கூட்டம் நடைபெறவுள்ளது. இக்கூட்டத்தில் ஒருங்கிணைப்பு குழு தலைவர்கள், தொகுதி பொறுப்பாளர்களுடன் நாளை தவெக பொதுச் செயலாளர் புஸ்ஸி ஆனந்த் தலைமையில் நடைபெறுகிறது. வரும் 27ஆம் தேதி விக்கிரவாண்டியில் முதல் மாநாடு நடைபெறவுள்ளதால், அதுகுறித்த ஆலோசனை நடைபெறவுள்ளது.
News October 18, 2024
அரசு இசைப்பள்ளியில் கலைப்போட்டிகள்!
சேலம் அரசு இசைப்பள்ளியில் வரும் அக்.20- ம் தேதி அன்று காலை 09.15 மணிக்கு மாவட்ட அளவிலான கலைப்போட்டிகள் நடைபெற உள்ளதாக ஆட்சியர் டாக்டர்.பிருந்தாதேவி தெரிவித்துள்ளார். குரலிசைப் போட்டி, பரதநாட்டிய போட்டி, நாட்டுப்புற நடனப் போட்டி, ஓவியப்போட்டி நடைபெறுகிறது. 5 முதல் 8 வயது, 9 முதல் 12 வயது, 13 முதல் 16 வயது வகை சிறார்களுக்கிடையே கலை ஆர்வத்தினை ஊக்குவிக்கும் வகையில் இப்போட்டி நடைபெறுகிறது.
News October 17, 2024
சேலத்தில் பெங்களூர் புகழேந்தி பேட்டி
அதிமுக ஒருங்கிணைப்பு குழு நிர்வாகி பெங்களூர் புகழேந்தி இன்று சேலம் வந்தார் அண்ணா பூங்கா வளாகத்தில் உள்ள எம்ஜிஆர் ஜெயலலிதா ஆகியோரின் சிலைகளுக்கு மாலை அணிவித்து மரியாதை செலுத்தினார். இதன் பின்னர் செய்தியாளர்களிடம் பேசினார். அப்போது அதிமுக இதே நிலை நீடித்தால் அடுத்து வரும் தேர்தலில் சேலத்தில் ஒரு தொகுதியில் கூட வெற்றி பெற முடியாது என தெரிவித்தார்.
News October 17, 2024
துணை முதல்வர் சேலம் வருகை குறித்து ஆலோசனை
தமிழ்நாடு துணை முதலமைச்சர் உதயநிதி ஸ்டாலின் அரசு மற்றும் திமுக நிகழ்ச்சிகளில் பங்கேற்க வருகிற 19ஆம் தேதி சேலம் வருகிறார். துணை முதலமைச்சராக பதவியேற்ற பிறகு முதல் முறையாக சேலம் வரும் அவருக்கு சேலம் மாவட்ட எல்லையான தலைவாசல் சுங்கச்சாவடி அருகே 20,000 மேற்பட்டோர் பங்கேற்கும் வகையில் சிறப்பான வரவேற்பு அளிப்பது குறித்து சேலம் கலைஞர் மாளிகையில் ஆலோசனை கூட்டம் அமைச்சர் ராஜேந்திரன் தலைமையில் நடைபெற்றது.
News October 17, 2024
பதக்கப்பட்டியலில் சேலம் 2ஆவது இடம்
‘தமிழ்நாடு முதலமைச்சர் கோப்பை- 2024’ மாநில அளவிலான போட்டிகள் சென்னையில் 13- ஆவது நாளாக நடைபெற்று வருகின்றது. பதக்கப்பட்டியலில் 151 பதக்கங்களுடன் சென்னை முதலிடத்தில் உள்ளது. அதேபோல், 14 தங்கம், 18 வெள்ளி, 17 வெண்கலம் என மொத்தம் 49 பதக்கங்களுடன் சேலம் மாவட்டம் 2-வது இடத்திற்கு முன்னேறியுள்ளது. ஈரோடு, செங்கல்பட்டு, கோவை மாவட்டங்கள் அடுத்தடுத்த இடங்களில் உள்ளன.
News October 17, 2024
தவெக மாநாடு: நாளை ஆலோசனை
தவெகவின் முதல் மாநாடு குறித்து சேலம் மாவட்டம் ஆத்தூரில் நாளை(18.10.24) காலை 10 மணிக்கு ஆலோசனை கூட்டம் நடைபெறவுள்ளது. இக்கூட்டத்தில் ஒருங்கிணைப்பு குழு தலைவர்கள், தொகுதி பொறுப்பாளர்களுடன் நாளை தவெக பொதுச் செயலாளர் புஸ்ஸி ஆனந்த் தலைமையில் நடைபெறுகிறது. வரும் 27ஆம் தேதி விக்கிரவாண்டியில் முதல் மாநாடு நடைபெறவுள்ளதால், அதுகுறித்த ஆலோசனை நடைபெறவுள்ளது.
Featured News
Sorry, no posts matched your criteria.