India's largestHyperlocal short
news App
Get daily news updates that are tailored for you based on your preferred language & location.
download Way2News app now
Ranipet
News May 31, 2024
ராணிப்பேட்டை: மே மாத கிரைம் ரிப்போர்ட்
“ராணிப்பேட்டை மாவட்டத்தில் மே 1 ஆம் தேதி முதல் 30 ஆம் தேதி வரை கஞ்சா கடத்தியதாக மாவட்டம் முழுவதும் 54 வழக்குகள் பதிவு செய்யப்பட்டு 30 கிலோ கஞ்சா பறிமுதல் செய்யப்பட்டது. மேலும், 57 பேர் கைது செய்யப்பட்டனர். பல்வேறு வழக்குகளில் 9 பேர் குண்டர் சட்டத்தில் கைது செய்யப்பட்டனர். 1036 கிலோ குட்கா பொருட்கள் பறிமுதல் செய்யப்பட்டு 74 பேர் கைது செய்யப்பட்டுள்ளனர்” என எஸ் பி கிரண்ஸ்ருதி இன்று தெரிவித்துள்ளார்.
News May 31, 2024
பத்ம விருதுகள் மாவட்ட ஆட்சியர் பொது அறிவிப்பு
தமிழ்நாடு விளையாட்டு மேம்பாட்டு ஆணையம் ராணிப்பேட்டை மாவட்ட பிரிவு மேன்மை பொருந்திய பணிகளுக்காக ஜனவரி 2025 ம் ஆண்டுக்கான பத்ம விருதுகள் விண்ணப்பங்கள் வரவேற்கப்படுகிறது. இதற்கு அவார்ட்ஸ் டாட் காம் என்ற இணையதளத்தில் விண்ணப்பத்தை பதிவிறக்கம் செய்து ஜூன் 28 ஆம் தேதிக்குள் மாவட்ட விளையாட்டு அலுவலருக்கு அனுப்பலாம் என ஆட்சியர் வளர்மதி இன்று தெரிவித்துள்ளார்.
News May 31, 2024
ராணிப்பேட்டை மழைப்பொழிவு விவரம்
ராணிப்பேட்டையில் நேற்று (மே.30) பெய்த மழைப்பொழிவின் விவரத்தை சென்னை வானிலை ஆய்வு மையம் வெளியிட்டுள்ளது. அதன்படி, அரக்கோணம் பகுதியில் 1 செ.மீட்டர் மழைப்பொழிவு பதிவானது. தமிழகத்தில் கோடையில் பெய்து வந்த மழை சமீபமாக குறைந்து வெப்பம் அதிகரித்து வருகிறது ஓரிரு இடங்களில் மட்டுமே குறைந்தளவு மழைப்பொழிவு பதிவாகி வருவது குறிப்பிடத்தக்கது.
News May 31, 2024
குரூப் 1 தேர்வுக்கு கட்டணமில்லா பயிற்சி வகுப்புகள்
தமிழ்நாடு அரசு பணியாளர் தேர்வாணையத்தால் அறிவிக்கப்பட்டுள்ள காலி பணியிடங்களுக்கான குருப் 1 தேர்வுக்கு விண்ணப்பித்துள்ள தேர்வர்கள் பயன்பெறும் வகையில் ராணிப்பேட்டை மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் கட்டணமில்லா பயிற்சி வகுப்புகள் தொடங்கப்பட உள்ளதாக கலெக்டர் வளர்மதி தகவல் தெரிவித்துள்ளார். விருப்பமுள்ளவர்கள் 041722-91400 என்ற தொலைபேசி எண்ணில் தொடர்பு கொள்ளவும்.
News May 31, 2024
சிறப்பு சிகிச்சை திட்டங்கள் தொடக்கம்
ராணிப்பேட்டை திருமலை அறக்கட்டளை மருத்துவமனை சார்பில் வாய்வழி புற்றுநோய் சிகிச்சை, பச்சிளம் குழந்தை சுகாதாரம் மற்றும் பராமரிப்பு திட்டம் பெண்கள் மற்றும் குழந்தைகள் நலத்திட்டம் ஆகிய மூன்று சிறப்பு சிகிச்சை திட்டங்கள் தொடக்க நிகழ்ச்சி நேற்று நடைபெற்றது. இதில் மருத்துவம் மற்றும் ஊரக நலப்பணிகள் இணை இயக்குனா் லட்சுமி, வாலாஜா அரசு மருத்துவமனை தலைமை மருத்துவா் உஷா நந்தினி ஆகியோா் தொடங்கி வைத்தனர்.
News May 30, 2024
ராணிப்பேட்டை மழைக்கு வாய்ப்பு!
ராணிப்பேட்டை மாவட்டத்தில் இன்று (மே.30) இரவு 7 மணி வரை மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதன்படி, இடி மற்றும் மின்னலுடன் கூடிய லேசான மழை பதிவாகக் கூடும் எனத் தெரிவித்துள்ளது. தமிழகத்தில் கோடையில் பெய்து வந்த மழை சமீபமாக நின்று வெப்பம் அதிகரித்து வருவது குறிப்பிடத்தக்கது.
News May 30, 2024
விடுதலை சிறுத்தை கட்சியில் இணைப்பு
இராணிப்பேட்டை அடுத்த முத்துக்கடை பகுதியில் அமைந்துள்ள விடுதலை சிறுத்தைகள் கட்சியின் மத்திய மாவட்ட அலுவலகத்தில் சோளிங்கர் மேற்கு ஒன்றிய செயலாளர் சௌந்தர் தலைமையில் சோளிங்கர் பகுதியைச் சேர்ந்த மாற்று கட்சியினர் தங்களை விடுதலை சிறுத்தைகள் கட்சியில் இணைத்துக்கொண்டனர். இதில், மத்திய மாவட்ட செயலாளர் சீமா. ரமேஷ் கர்ணா முன்னிலை வகித்தார்.
News May 30, 2024
ராணிப்பேட்டை: பட்டாசு விபத்தில் 10 பேர் படுகாயம்!
ராணிப்பேட்டை நகராட்சி ஆர்.ஆர். சாலையில் துக்க நிகழ்வுக்காக வைக்கப்பட்டிருந்த பட்டாசுகள் திடீரென இன்று(மே 30) காலை தீப்பிடித்து வெடித்தது. விபத்தில் 10 பேர் படுகாயம் அடைந்தனர். அவர்களை அங்கிருந்தவர்கள் மீட்டு வாலாஜா அரசு மருத்துவமனைக்கு அனுப்பி வைத்தனர். காயமடைந்தவர்களை மாவட்ட ஆட்சியர் வளர்மதி பார்வையிட்டு ஆறுதல் கூறினார். வட்டாட்சியர் வெங்கடேசன், டாக்டர் உஷா நந்தினி ஆகியோர் உடனிருந்தனர்.
News May 29, 2024
வாக்கு எண்ணும் நாளில் கடைப்பிடிக்க வேண்டியது
ராணிப்பேட்டை மாவட்ட ஆட்சியர் அலுவலகத்தில் ஜூன் 4 ம்தேதி வாக்கு எண்ணிக்கை நாளில் வேட்பாளர்கள், அவர்களின் முகவர் மற்றும் வாக்கு எண்ணும் மைய முகவர்கள் பின்பற்ற வேண்டிய நடைமுறைகள் குறித்த கூட்டம் இன்று நடைபெற்றது. உடன் ஆட்சியர் வளர்மதி தலைமை வகித்தார். எஸ் பி கிரண்ஸ்ருதி, நேர்முக உதவியாளர் ராஜேந்திரன், ஏ டி எஸ் பி குமார் மற்றும் துறை சார்ந்த அலுவலர்கள் கலந்து கொண்டனர்.
News May 29, 2024
கலவை சமூக சேவையை பாராட்டி சான்று
பாரத ஜோதி சீனியர் சிவில் சர்ஜன் மருத்துவர் செங்கோட்டையன் சமூக சேவையை பாராட்டி கலவையில் சான்று வழங்கும் விழா இன்று நடைபெற்றது. இதில் கலவை ஆல் இந்தியா என்வைண்ட் பவுண்டேஷன் நிறுவனத் தலைவர் சேவா ரத்னா கதிர்வேல், நிர்வாக இயக்குனர் தங்கப்பாவை தமிழரசி சிவசங்கர் மற்றும் கிருஷ்ணா கேப்சர்ஸ் நிறுவனர் கிருஷ்ணகுமார் , ஸ்டில் மனோகர் மற்றும் ஊர் முக்கிய பிரமுகர்கள் கலந்து கொண்டனர்.
Featured News
Sorry, no posts matched your criteria.