India's largestHyperlocal short
news App
Get daily news updates that are tailored for you based on your preferred language & location.
download Way2News app now
Ranipet
News January 5, 2025
பள்ளி சுற்றுச்சுவர் விபத்து: அதிமுக மா.செயலாளர் அறிக்கை
அதிமுக ராணிப்பேட்டை மாவட்ட செயலாளர் சுகுமார் வெளியிட்டுள்ள அறிக்கையில், தென்கடப்பந்தாங்கல் ஊராட்சி அரசுப்பள்ளி சுற்றுச்சுவர் விழுந்து 8 வகுப்பு மாணவர் படுகாயம், விக்கிரவாண்டியில் குழந்தை கழிவுநீர் தொட்டியில் உயிரிழந்த நிலையில் அரசு, தனியார் பள்ளிகளில் உள்ள பள்ளி அறைகள், சுற்றுப்புறச்சுவர்கள், குடிநீர் தொட்டிகள், கழிவு நீர் தொட்டிகளின் பாதுகாப்பை உறுதி செய்ய வேண்டும் எனக் கேட்டுக்கொண்டார்.
News January 5, 2025
தொடர் ஓட்ட போட்டிகளை தொடங்கி வைத்து அமைச்சர்
ராணிப்பேட்டை மாவட்ட விளையாட்டு துறை சார்பில் அண்ணா பிறந்த நாளை முன்னிட்டு இன்று காலை 9:30 மணி அளவில் மாவட்ட ஆட்சியர் அலுவலகத்தில் இருந்து ஆண்கள்,பெண்கள் 5 கிமீ ,10 கிமீ போட்டிகள் தொடர் ஓட்ட போட்டிகள் தொடங்கின. அமைச்சர் ஆர். காந்தி ஓட்டப் போட்டியை தொடங்கி வைத்தார். உடன் மாவட்ட ஆட்சியர் சந்திரகலா, மாவட்ட விளையாட்டு அலுவலர், ராணிப்பேட்டை நகர மன்ற தலைவர் மற்றும் பலர் கலந்து கொண்டனர்.
News January 5, 2025
பள்ளி சுற்றுச்சுவர் இடிந்த விபத்தில் மாணவன் உயிரிழப்பு
வாலாஜாபேட்டை அருகே பள்ளி சுற்றுச்சுவர் இடிந்த விபத்தில் சிகிச்சை பெற்று வந்த மாணவர் உயிரிழந்தார். தென்கடப்பந்தங்களில் உள்ள நடுநிலைப்பள்ளியில் சுற்றுச் சுவர் இடிந்து விழுந்தது. இதில், பள்ளி அருகே விளையாடிக் கொண்டிருந்த 8ஆம் வகுப்பு மாணவன் ஹரிஷ் படுகாயம் அடைந்தார். ரத்தினகிரி தனியார் மருத்துவமனையில் சிகிச்சை அளிக்கப்பட்டு வந்த நிலையில் ஹரிஷ் பரிதாபமாக உயிரிழந்தார்.
News January 5, 2025
இரவு ரோந்து பணி போலீசார் விவரம் வெளியீடு
ராணிப்பேட்டை மாவட்டத்தில் இன்று ( ஜனவரி 4 ) இரவு ரோந்து பணியில் ஈடுபடும் போலீசாரின் விவரங்களை மாவட்ட காவல்துறை வெளியிட்டுள்ளது. ராணிப்பேட்டை, ஆற்காடு, சோளிங்கர், அரக்கோணம் ஆகிய பகுதிகளில் ரோந்து பணிக்கு ஈடுபடும் போலீசார் புகைப்படத்தில் உள்ள, தொலைபேசி எண்களை தொடர்பு கொண்டு புகார் மற்றும் தகவல்களை தெரிவிக்கலாம். உதவிக்கு கண்ட்ரோல் ரூமுக்கு அழைக்கலாம் : 9884098100
News January 4, 2025
ராணிப்பேட்டையில் நாளை மாரத்தான் போட்டி
ராணிப்பேட்டை மாவட்ட விளையாட்டு துறை சார்பில் அண்ணா பிறந்தநாள் முன்னிட்டு 5.1.2025 (நாளை) காலை 6 மணி அளவில் மாவட்ட ஆட்சியர் அலுவலகத்தில் மாரத்தான் போட்டி நடைபெற உள்ளதாகவும், போட்டியில் கலந்து கொள்ள விருப்பம் உள்ளவர்கள் மாவட்ட ஆட்சியர் அலுவலகத்தில் நாளை காலை 5:30 மணிக்குள் தங்கள் வருகையினை உறுதி செய்ய வேண்டும் என மாவட்ட நிர்வாகம் தெரிவித்துள்ளது.
News January 4, 2025
ராணிப்பேட்டை அருகே பேருந்து ஏறி உடல் நசுங்கி ஒருவர் உயிரிழப்பு
ஆற்காடு தேசிய நெடுஞ்சாலையில், SSS கல்லூரி அருகில், மருந்து பொருட்களை எடுத்துச்சென்ற அடையாளம் தெரியாத நபர் மீது, மேல்மருவத்துலிருந்து வந்த தனியார் பேருந்து மோதியதில் சம்பவ இடத்திலேயே பரிதாபமாக உயிரிழந்துள்ளார். பின்னர் சம்பவ இடத்திற்கு வந்த போலீசார் உடலை மீட்டு பிரேத பரிசோதனைக்காக மருத்துவமனைக்கு அனுப்பிவைத்து, விசாரணை மேற்கொண்டு வருகின்றனர்.
News January 4, 2025
மாவட்ட அளவிலான நீச்சல் போட்டிகள்
ராணிப்பேட்டை ஜி.கே பள்ளியில் இன்று குடியரசு தின விழா நீச்சல் போட்டி மாவட்ட அளவில் நடைபெற்றது. விளையாட்டுத்துறை அதிகாரி துவக்கி வைத்தார். இப்போட்டியில் முதல் பரிசு பென்னாகரம் அரசினர் ஆண்கள் மே.பள்ளியும், 2வது பரிசு பாணாவரம் அரசு மே. பள்ளியும், 3வது பரிசு லாலாபேட்டை அரசினர் மே.பள்ளியும் வெற்றி பெற்றது. ஜி.கே பள்ளி நீச்சல் பயிற்சியாளர் சங்கரநாராயணன் மாணவர்களுக்கு சிறப்பாக பயிற்சி அளித்தார்.
News January 4, 2025
போதைப்பொருட்கள் விற்பனையை ஒழிக்க நடவடிக்கை எடுக்கப்படும்
புதிதாக பொறுப்பேற்றுக்கொண்ட போலீஸ் சூப்பிரண்டு விவேகானந்த சுக்லா ராணிப்பேட்டை மாவட்டத்தில் உள்ள காவல் நிலையங்களில் சிறிய அளவில் புகார் கொடுத்தாலும் புகாரின் மீது உரிய நடவடிக்கை எடுக்க வேண்டும். மாவட்டத்தில் கஞ்சா, போதை மாத்திரை போன்ற விற்பனையை ஒழிக்க தீவிர நடவடிக்கை எடுக்கப்படும். குற்ற சம்பவங்கள் நடக்காமல் இருக்க உரிய நடவடிக்கைகள் எடுக்கப்படும் என தெரிவித்துள்ளார்.
News January 4, 2025
ராணிப்பேட்டையில் இன்று எங்கெல்லாம் மின்தடை?
மாதாந்திர மின்பராமரிப்பு காரணமாக அரக்கோணம், மோசூர், கீழ்குப்பம், கீழ்ப்பாக்கம், அம்மனூர், நேவல், மேல்பாக்கம், காவனூர், சோளிங்கர், கரிக்கல், பரவத்தூர், பாணாவரம், கொடைக்கல், புலிவலம், மோட்டூர், சோமசுமுத்திரம், காவேரிப்பாக்கம், வாலாஜா, முசிறி, ஒழுகூர், கரிவேடு ஆகிய பகுதிகளில் இன்று (ஜன.4) காலை 9 மணி முதல் மாலை 5 மணி வரை மின் நிறுத்தம் செய்யப்படும் என அறிவிக்கப்பட்டுள்ளது.
News January 3, 2025
பள்ளிகளுக்கு நாளை முழு வேலை நாள்
ராணிப்பேட்டை மாவட்டத்திற்குட்பட்ட அனைத்து வகை அரசு மற்றும் அரசு நிதியுதவி பெறும் பள்ளிகளுக்கும் நாளை (04.01.2025) முழு வேலை நாளாக செயல்பட அறிவிக்கப்படுவதாகவும், பள்ளிகளில் நாளை செவ்வாய்கிழமை கால அட்டவணை பின்பற்றப்பட வேண்டும் எனவும் ராணிப்பேட்டை மாவட்டம் முதன்மை கல்வி அலுவலர் தெரிவித்துள்ளார்.
Featured News
Sorry, no posts matched your criteria.