India's largestHyperlocal short
news App
Get daily news updates that are tailored for you based on your preferred language & location.
download Way2News app now
Ranipet
News November 2, 2024
ரோந்து பணியில் ஈடுபடும் போலீசாரின் தொலைபேசி எண்கள்
ராணிப்பேட்டை மாவட்டத்தில் இன்று (01.11.2024) இரவு ரோந்து பணியில் ஈடுபடும் போலீசாரின் விவரங்களை ராணிப்பேட்டை மாவட்ட காவல்துறை வெளியிட்டுள்ளது. ராணிப்பேட்டை, ஆற்காடு, சோளிங்கர் அரக்கோணம் ஆகிய பகுதிகளில் ரோந்து பணிக்கு ஈடுபடும் போலீசார் புகைப்படத்தில் உள்ள தொலைபேசி எண்களை தொடர்பு கொண்டு புகார்கள் மற்றும் தகவல்களை தெரிவிக்கலாம். மேலும் கண்ட்ரோல் ரூமிற்கு அழைக்கலாம் (9884098100).
News November 1, 2024
ராணிப்பேட்டையில் இரவு 10 மணி வரை மழைக்கு வாய்ப்பு
ராணிப்பேட்டை மாவட்டத்தில் இரவு 10 மணி வரை லேசானது முதல் மிதமான மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதேபோல், சாலைகளில் மழைநீர் தேங்க வாய்ப்புள்ளதால் வாகன ஓட்டிகள் கவனமாக இருக்குமாறு தெரிவிக்கப்பட்டுள்ளது. உங்க பகுதியில் மழை பெய்கிறதா என்பதை கமெண்டில் சொல்லுங்க
News November 1, 2024
ராணிப்பேட்டை மக்களே உங்க கொண்டாட்டம் எப்படி இருந்தது?
தமிழகம் முழுவதும் நேற்று தீபாவளி பண்டிகை கோலாகலமாக கொண்டாடப்பட்டது. பொதுமக்கள், காலையிலே எண்ணேய் தேய்த்து குளித்தும், பலகாரங்கள் செய்து அதை உற்றார் உறவினர்களுக்கு கொடுத்தும், அறுசுவை உணவு சாப்பிட்டும், புத்தாடைகள் அணிந்தும், பட்டாசு வெடித்தும் கொண்டாடினர். மேலும், திரையரங்குகளில் பலர் புதுப்படங்களை கண்டு ரசித்து தீபாவளியை சிறப்பாக கொண்டாடினர். இதில், உங்களை மகிழ்வித்தது எது?
News October 31, 2024
ராணிப்பேட்டையில் இன்று இரவு மழைக்கு வாய்ப்பு
பருவமழை தொடங்கி உள்ள நிலையில், தீபாவளி பண்டிகையான இன்று 28 மாவட்டங்களில் இடியுடன் கூடிய மிதமான மழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது. அதன்படி, ராணிப்பேட்டை மாவட்டத்தில் இன்று ஓரிரு இடங்களில் இடியுடன் கூடிய மழை பெய்ய வாய்ப்புள்ளதாக அறிவிக்கப்பட்டுள்ளது. கடந்த சில நாட்களாகவே ராணிப்பேட்டையில் பரவலாக மழை பெய்து வருகிறது குறிப்பிடத்தக்கது.
News October 31, 2024
வெடி விபத்து ஏற்பட்டால் செய்ய வேண்டியவை
பட்டாசு வெடிக்கும் போது தீக்காயம் ஏதேனும் ஏற்பட்டால் முதலுதவியாக காயம்பட்ட நபரை காற்றோட்டமான இடத்திற்கு அழைத்துச் சென்று காயம் ஏற்பட்ட இடத்தில் குளிர்ந்த நீரை ஊற்றலாம். மேலும், பருத்தி துணியை நனைத்து காயம்பட்ட இடத்தை மூடலாம். பெரிய அளவில் காயம் ஏற்பட்டால் மருத்துவமனைக்கு அழைத்துச் சென்று மருத்துவரை அணுகவும். மருத்துவர் பரிந்துரையின்றி தாங்களாகவே ஏதும் செய்ய வேண்டாம்.
News October 31, 2024
ராணிப்பேட்டை மக்களே கவனமாக கொண்டாடுங்க
தீபாவளி பண்டிகை இன்று கொண்டாடப்படும் நிலையில் பட்டாசுகளை வெடிக்கும்போது கவனம் தேவை. பெற்றோர்கள் தங்கள் மேற்பார்வையில் குழந்தைகள் பட்டாசுகளை வெடிக்க அனுமதிக்க வேண்டும். மேலும், கையில் வைத்து பட்டாசுகள் வெடிப்பதை தவிர்க்கவும். பட்டாசு வெடிக்கும்போது அருகே ஒரு பக்கெட் தண்ணீர் மற்றும் மண் வைத்திருப்பது அவசியம். விபத்தில்லா தீபாவளியை கொண்டாட ராணிப்பேட்டை மக்களுக்கு வே2நியூஸ் சார்பாக வாழ்த்துகள்.
News October 30, 2024
ராணிப்பேட்டை மாவட்டத்தில் இரவு ரோந்து பணி விவரம்
ராணிப்பேட்டை மாவட்டத்தில் இன்று இரவு ரோந்து பணியில் ஈடுபடும் போலீசாரின் விவரங்களை ராணிப்பேட்டை மாவட்ட காவல்துறை சற்று முன் வெளியிட்டுள்ளது. ராணிப்பேட்டை, ஆற்காடு, சோளிங்கர், அரக்கோணம் ஆகிய பகுதிகளில் ரோந்து பணிக்கு ஈடுபடும் போலீசார் புகைப்படத்தில் உள்ள தொலைபேசி எண்களை தொடர்பு கொண்டு புகார்கள் மற்றும் தகவல்களை தெரிவிக்கலாம். கண்ட்ரோல் ரூம் : 9884098100
News October 30, 2024
புதிய மின்மோட்டார் வாங்குவதற்கு 50% மானியம்
விவசாயிகளுக்கு புதிய மின் மோட்டார் வாங்குவதற்கு 50% மானியம் வழங்குகிறது. இந்த மானியத்தை பெறுவதற்கு விவசாயிகள் 5 ஏக்கர் வரை நிலம் வைத்திருக்க வேண்டும். ST & ST பிரிவை சார்ந்த சிறு குறு விவசாயிகளுக்கு இத்திட்டத்தில் முன்னுரிமை அளிக்கப்படுகிறது. மானியம் பெற https://mis.aed.tn.gov.in/ இணையத்தள பக்கத்தில் விவசாயிகள் நேரடியாக விண்ணப்பிக்கலாம் என செந்தில்குமார்(வே.உ.பொ.)நெமிலி தெரிவித்தார்.
News October 30, 2024
ராணிப்பேட்டை மாவட்ட காவல்துறை வெளியிட்ட விதிமுறை
தீபாவளி பண்டிகையை முன்னிட்டு ராணிப்பேட்டை மாவட்ட காவல்துறை விதிமுறைகளை வெளியிட்டுள்ளது. காலை 6.00 மணி முதல் 7.00 மணி வரையிலும், மாலை 7.00 மணி முதல் 8.00 மணி வரையிலும் என அரசால் அறிவிக்கப்பட்ட நேரத்தில் மட்டுமே பட்டாசு வெடிக்க அறிவுறுத்தப்பட்டுள்ளது. அதிக சத்தம் எழுப்பக் கூடிய பட்டாசுகள் வெடிப்பதையும், மருத்துவமனை, முதியோர் இல்லம் அருகே பட்டாசுகளை வெடிப்பதையும் தவிர்க்க வேண்டும் என தெரிவித்துள்ளது.
News October 30, 2024
தீபாவளி வாழ்த்துக்கள் தெரிவித்த ஆட்சியர்
தீபாவளி பண்டிகை நாளை கொண்டாடப்படுவதையொட்டி ராணிப்பேட்டை மாவட்ட ஆட்சியர் சந்திரகலா பொதுமக்களுக்கு தீபாவளி நல்வாழ்த்துக்கள் தெரிவித்துள்ளார். தீபாவளி திருநாள் மக்களால் மகிழ்ச்சியுடன் கொண்டாடப்படும் திருநாளாகும். இத்திருநாளில் சிறுவர்கள் முதல் பெரியவர்கள் வரை பட்டாசுகளை வெடித்து மகிழ்ச்சியை வெளிப்படுத்துவார்கள். பொதுமக்கள் விபத்தில்லா தீபாவளி பண்டிகையை கொண்டாட மாவட்ட ஆட்சியர் தெரிவித்துள்ளார்.
Featured News
Sorry, no posts matched your criteria.