India's largestHyperlocal short
news App
Get daily news updates that are tailored for you based on your preferred language & location.
download Way2News app now
Ramanathapuram
News March 24, 2025
மீனவர்களை எச்சரித்து அனுப்பிய இலங்கை கடற்படை
ராமேஸ்வரத்தில் இருந்து விசைப்படகுகளில் மார்ச்.22 அன்று மீன்பிடிக்கச் சென்ற மீனவர்களின் விசைப்படகை இலங்கை கடற்படை வீரர்கள் மடக்கி பிடித்தனர். படகில் இருந்த 7 மீனவர்களையும் அவர்கள் விசாரித்து ராமேஸ்வரம் திரும்பிச் செல்லும் படி எச்சரித்து அனுப்பினர். அதன் பின் அவர்கள் இந்திய எல்லைகுள் மீன்களை பிடித்து நேற்று கரை திரும்பினர். இது குறித்து மீனவர்கள் மீன்வளத்துறையிடம் புகார் தெரிவிக்கவில்லை.
News March 24, 2025
ராமநாதபுர மாவட்டத்தில் இரவு ரோந்து செல்லும் காவல்துறை
இன்று (மார்ச்.23) இரவு 11 மணி முதல் நாளை காலை 6 மணி வரை காவல் அதிகாரிகள் ராமநாதபுரம், பரமக்குடி, கமுதி, ராமேஸ்வரம், கீழக்கரை, திருவாடானை மற்றும் முதுகுளத்தூர் அதனை சுற்றியுள்ள பகுதிகளில் ரோந்து பணியில் ஈடுபடுகின்றனர். அதற்கான அட்டவணை வெளியிடப் பட்டுள்ளது. அவசர உதவிக்கு அட்டவணையில் உள்ள எண்ணை அழைக்கவும் என காவல் துறை தனது X வலைத்தள பக்கத்தில் அறிவித்துள்ளது.
News March 23, 2025
ராமநாதபுரத்தின் ஸ்பெஷல் இனிப்பு எது தெரியுமா?
ராமநாதபுரத்தில் மிகவும் புகழ்பெற்ற இனிப்பு பண்டம் தொதல். இது இலங்கையில் இருந்து ராமநாதபுரத்திற்கு வந்ததாக கூறப்படுகிறது. தேங்காய்ப்பால்,பச்சரிசி, வெல்லம் ஆகியவற்றை கொண்டு தயாரிக்கப்படும் இது சரும அழகினை மேம்படுத்தும். முன்னர் விசேஷ காலங்களில் மட்டுமே செய்யப்பட்ட தொதல் தற்பொழுது ஆண்டு முழுவதும் கிடைக்கும் பண்டமாக மாறி உள்ளது.கீழக்கரை,பனைக்குளம் பகுதிகளில் தயாரிக்கும் தொதல் மிகவும் பிரபலமானவை.Share.
News March 23, 2025
1.20 லட்சம் மதிப்பீட்டில் பூக்கடைகள் திறப்பு..
ராமநாதபுரம் மாவட்டம் பரமக்குடி அறிஞர் அண்ணா பேருந்து நிலைய வளாகத்தில் நகராட்சி பொது நிதி ரூபாய் 1.20 லட்சம் மதிப்பீட்டில் அமைக்கப்பட்ட 14 கடைகள் கொண்ட பூக்கடை வளாகத்தை இன்று அதிமுக மாவட்ட செயலாளர் முனியசாமி,அதிமுக மாநில மகளிர் அணி செயலாளர் கீர்த்திகா முனியசாமி,நகர் மன்ற தலைவர் சேது கருணாநிதி ஆகியோர் திறந்து வைத்தனர். நிகழ்ச்சிக்கான ஏற்பாடுகளை நகர் மன்ற உறுப்பினர் வடமலையான் சிறப்பாக செய்திருந்தார்.
News March 23, 2025
கண்மாயில் தவறி விழுந்து ஒருவர் பலி
திருவாடானை, கோடனுாரை சேர்ந்தவர் மகாலிங்கம்(47). நேற்று முன்தினம் முதல் மகாலிங்கத்தை காணாமல் உறவினர்கள் பல்வேறு இடங்களில் தேடினர். இந்நிலையில் அப்பகுதியில் உள்ள கண்மாய் நீரில் மகாலிங்கம் தலையில் அணிந்திருந்த தொப்பி மிதந்ததுள்ளது. இதனையடுத்து தீயணைப்பு வீரர்கள் மகாலிங்கம் உடலை மீட்டனர். கண்மாயில் கை, கால் கழுவ சென்ற போது தவறி விழுந்து அவர் உயிரிழந்திருக்கலாம் என போலீஸ் விசாரணையில் தெரியவந்துள்ளது.
News March 23, 2025
மீண்டும் மஞ்சள் பை விருது; ரூ.10 லட்சம் பரிசுத்தொகை
ராமநாதபுரத்தில் பிளாஸ்டிக் பைகளுக்கு பதிலாக மஞ்சள் பை பயன்படுத்துபவர்கள் மீண்டும் மஞ்சப்பை விருதுக்கு விண்ணப்பிக்கலாம் என மாவட்ட ஆட்சியர் அறிவித்துள்ளார். வெற்றி பெறுபவர்களுக்கு ரூ.10 லட்சம் பரிசுத்தொகையாக அறிவிக்கப்பட்டுள்ளது. ராமநாதபுரத்தில் உள்ள பள்ளி, கல்லூரி, வணிக வளாகங்களில் பிளாஸ்டிக் பைகள் பயன்பாட்டினை தடுத்து மஞ்சப்பை பயன்படுத்தும் நிறுவனங்களை ஊக்குவிக்க இவ்வாறு அறிவிக்கப்பட்டது. *ஷேர்
News March 23, 2025
மனைவியை சமரசம் செய்ய சென்ற போது மோதல்: மூவருக்கு கத்திக்குத்து
உச்சிப்புளி, மோகன்குமார்(36), பிரியங்கா தம்பதியினர் கருத்து வேறுபாட்டால் பிரிந்து வாழ்கின்றனர். இந்நிலையில் மோகன்குமார் மனைவியை சமரசம் செய்து அழைத்து வர தனது உறவினர்கள் காளிதாஸ், வானீஸ்வரன் ஆகியோருடன் முத்துப்பேட்டை சென்றார். சமரசம் பேசியதில் வாக்குவாதம் முற்றியதில் பிரியங்கா தரப்பினர் மூவருக்கு கத்தி குத்து ஏற்பட்டது. தாக்குதலில் ஈடுபட்ட இருவரை திருப்புல்லாணி போலீசார் தேடி வருகின்றனர்.
News March 23, 2025
ராமநாதபுர மாவட்டத்தில் இரவு ரோந்து செல்லும் காவல்துறை
இன்று (மார்ச்.22) இரவு 11 மணி முதல் நாளை காலை 6 மணி வரை காவல் அதிகாரிகள் ராமநாதபுரம், பரமக்குடி, கமுதி, ராமேஸ்வரம், கீழக்கரை, திருவாடானை மற்றும் முதுகுளத்தூர் அதனை சுற்றியுள்ள பகுதிகளில் ரோந்து பணியில் ஈடுபடுகின்றனர். அதற்கான அட்டவணை வெளியிடப் பட்டுள்ளது. அவசர உதவிக்கு அட்டவணையில் உள்ள எண்ணை அழைக்கவும் என காவல் துறை தனது X வலைத்தள பக்கத்தில் அறிவித்துள்ளது.
News March 22, 2025
இராமநாதபுரத்தின் பெயர் காரணம் தெரியுமா?
இராமாயணத்தில் ராமன் இலங்கைக்குப் படையெடுத்துச் சென்றபோது, இதை ஒரு முக்கிய இடமாகப் பயன்படுத்தியதாகக் கருதப்படுவது ஒரு காரணமாகும். மேலும் இது முகவை என்றும் அழைக்கப்படுகிறது. வைகையின் முகத்துவாரத்தில் அமைந்திருப்பதால் இப்பெயர் பெற்றது. மேலும் முகவை என்றால் அள்ளுதல் என்றும் பொருள். இந்தப் பகுதி நெல் விளையும் பூமியாக இருந்ததால் கதிரடித்து நெல் அள்ளும் இடம் என்றும் பொருள்படும் என்கின்றனர் ஆய்வாளர்கள்.
News March 22, 2025
ராமநாதபுரத்தில் கிராம சபை தேதி மாற்றம்
தமிழ்நாடு ஊராட்சிகள் சட்ட விதிகளின்படி ஒவ்வொரு ஆண்டும் உலக தண்ணீர் தினத்தை அனுசரித்து அனைத்து கிராம ஊராட்சிகளிலும் கிராம சபைக் கூட்டம் நடைபெற வேண்டுமென வழிவகை செய்யப்பட்டுள்ளது. அதன்படி இராமநாதபுரம் மாவட்டத்தில் 23.03.2025 இல் நடைபெறவிருந்த உலக தண்ணீர் தின கிராம சபைக் கூட்டத்தை நிர்வாக காரணங்களால் 29.03.2025 அன்று காலை 11.00 மணிக்கு நடைபெறும் என மாவட்ட ஆட்சித் தலைவர் அறிவித்துள்ளார்.
Featured News
Sorry, no posts matched your criteria.