India's largestHyperlocal short
news App
Get daily news updates that are tailored for you based on your preferred language & location.
download Way2News app now
Ramanathapuram
News November 9, 2024
ஆளுநர் ரவியின் ராமேஸ்வரம் வருகை ஒத்திவைப்பு
தமிழக ஆளுநர் ஆர்.என். ரவி இன்று(நவ.,9) மதுரை வந்து மீனாட்சியம்மன் கோவிலில் தரிசனம் செய்துவிட்டு, இரவு ராமேஸ்வரம் சென்று மறுநாள்(நவ.10) காலை ராமேஸ்வரத்தில் குடும்பத்துடன் சாமி தரிசனம் செய்ய திட்டமிட்டு இருந்தார். இதற்கான ஏற்பாடுகள் செய்யப்பட்டு வந்த நிலையில் தமிழக ஆளுநர் ரவியின் ராமேஸ்வரம் வருகை திடீரென தற்காலிகமாக ஒத்திவைக்கப்பட்டுள்ளதாக தகவல் வெளியாகியுள்ளது.
News November 9, 2024
ராமநாதபுர மாவட்டம் இரவு ரோந்து செல்லும் காவல்துறை
இன்று இரவு 11.00 மணி முதல் நாளை காலை 6.00 மணி வரை பாலசுப்ரமணியன் DSP தலைமையில் காவல் அதிகாரிகள் ராமநாதபுரம், பரமக்குடி, கமுதி, ராமேஸ்வரம், கீழக்கரை, திருவாடானை மற்றும் முதுகுளத்தூர் அதனை சுற்றியுள்ள பகுதிகளில் ரோந்து பணியில் ஈடுபடுகின்றனர். அதற்கான அட்டவணை வெளியிடப்பட்டுள்ளது. அவசர உதவிக்கு அட்டவணையில் உள்ள எண்ணை அழைக்கவும் என காவல் துறை தெரிவித்துள்ளது.
News November 8, 2024
ராமநாதபுரம் மாவட்டத்தில் கனமழைக்கு வாய்ப்பு!
தமிழகத்தில் தென்கிழக்கு பருவமழையின் எதிரொலியாக கனமழை வெளுத்து வாங்கி வருகின்றது. அந்த வகையில் , ராமநாதபுரம், சிவகங்கை, தென்காசி, விருதுநகர் & மதுரை ஆகிய மாவட்டங்களில் நாளை காலை 8.30 கனமழை முதல் கனமழைக்கு வாய்ப்பு அறிவிக்கப்பட்டுள்ளது. ராமநாதபுரம் மக்கள் இந்த சூழலிற்கேற்ப முன் எச்சரிக்கையுடன் செயல்பட அறிவுறுத்தப்படுகிறது. *பகிரவும்* SHARE*
News November 8, 2024
நியாய விலைக் கடை குறைதீர்க்கும் முகாம்
இராமநாதபுரம் மாவட்டத்தில் நியாய விலை கடைகள் குறைதீர்க்கும் முகாம் நாளை காலை 10 மணி முதல் மாவட்டத்தில் உள்ள நியாய விலைக் கடைகளில் குடும்ப அட்டையில் பெயர் சேர்த்தல், நீக்கல், முகவரி மாற்றம் புதிய குடும்ப அட்டை நகல்அட்டை விண்ணப்பித்தல் மற்றும் கைபேசி எண் பதிவு(அ)மாற்றம் அத்தியாவசிய பொருட்களின் தரம் குறித்த புகார்களை அளித்து பயன்பெறலாம் என மாவட்ட ஆட்சியர் சிம்ரன் ஜீத் சிங் காலோன் தெரிவித்துள்ளார்.
News November 8, 2024
ரயில்வே அமைச்சக ஆலோசனை குழுவில் தர்மர் எம்பி
இந்திய ரயில்வே அமைச்சகத்தின் ஆலோசனை குழுவை மத்திய அரசு அமைத்துள்ளது. மத்திய ரயில்வே அமைச்சர் அஸ்வினி வைஸ்ணவ் தலைமையிலான இந்த குழுவில் ராமநாதபுரம் மாவட்டத்தை சேர்ந்த மாநிலங்களவை உறுப்பினர் ஆர்.தர்மர் எம்பி உறுப்பினராக இடம் பெற்றுள்ளார். இதன் மூலம் ராமநாதபுரம் மாவட்ட ரயில் தேவைகளை நிறைவேற்ற வாய்ப்பு ஏற்பட்டுள்ளது என மாவட்ட ரயில் பயணிகள் நல சங்க நிர்வாகிகள் தெரிவித்துள்ளனர்.
News November 8, 2024
ராமநாதசுவாமி கோவிலுக்கு ஆளுநர் வருகை
ராமேஸ்வரம் ராமநாதசுவாமி கோவிலில் சுவாமி தரிசனம் செய்ய தமிழக ஆளுநர் ஆர்.என்.ரவி நாளை (நவ-9) வருகை தருகிறார். மதுரையில் இருந்து கார் மூலம் ராமநாதபுரம் மாவட்ட ஆட்சியர் அலுவலகம் வளாகத்தில் உள்ள அரசு விருந்தினர் மாளிகைக்கு வந்து, பின் அங்கிருந்து ராமேஸ்வரத்தில் உள்ள தனியார் தங்கும் விடுதியில் தங்கி, நாளை மறுநாள் (நவ.10) காலை ஸ்படிக லிங்கம் பூஜை பார்த்து விட்டு சுவாமி தரிசனம் செய்ய உள்ளார்.
News November 8, 2024
ராமநாதபுர இரவு ரோந்து போலீசார் விவரம்
இன்று இரவு 11.00 மணி முதல் நாளை காலை 6.00 மணி வரை சுதீர்லால் DSP தலைமையில் காவல் அதிகாரிகள் ராமநாதபுரம், பரமக்குடி, கமுதி, ராமேஸ்வரம், கீழக்கரை, திருவாடானை மற்றும் முதுகுளத்தூர் அதனை சுற்றியுள்ள பகுதிகளில் ரோந்து பணியில் ஈடுபடுகின்றனர். அதற்கான அட்டவணை வெளியிடப்பட்டுள்ளது. அவசர உதவிக்கு அட்டவணையில் உள்ள எண்ணை அழைக்கவும் என காவல் துறை தெரிவித்துள்ளது.
News November 7, 2024
இராமேஸ்வரம் மீனவர்களுக்கு காவல் நீட்டிப்பு
இராமேஸ்வரத்தில் இருந்து கடந்த அக்.23 மீன்பிடிக்க சென்ற மீனவர்கள் 16 பேரை எல்லை தாண்டி மீன்பிடித்ததாக கூறி இலங்கை கடற்படையினர் கைது செய்தனர். இந்நிலையில் காவல் நிறைவடைந்ததை அடுத்து ஊர்க்காவல் நீதிமன்றத்தில் ஆஜரானார்கள். அவர்களுக்கு வரும் (நவ.20) வரை காவல் நீட்டித்து ஊர்க்காவல் நீதிமன்றம் உத்தரவிட்டுள்ளது. மிகுந்த ஆவலுடன் எதிர்பார்த்திருந்த குடும்பத்தினர் காவல் நீட்டிப்பையடுத்து அதிர்ச்சியடைந்தனர்.
News November 7, 2024
ராட்டினம் தொழிலாளி கொலை வழக்கில் மேலும் இருவர் கைது
தொண்டி: நம்புதாளையில் நவ.1-ம் தேதி அன்று தீபாவளியையொட்டி ராட்டினம் அமைத்து பொருட்காட்சி நடத்தி வந்த பரமக்குடியைச் சேர்ந்த முத்துக்குமார்(29) ஒரு கும்பலால் வெட்டி படுகொலை செய்யப்பட்டார். இது தொடர்பாக தொண்டி போலீசார் சிவகங்கை பெருமசேரி சரவணன் உட்பட 5 பேரை கைது செய்துள்ளனர். இந்நிலையில் இதில் தொடர்புடைய திருவாடானை பாண்டி செல்வம்(21). சிவகங்கை விக்னேஷ்(22) ஆகியோரை கைது செய்துள்ளனர்.
News November 7, 2024
தேர்த்தங்கல் சரணாலயத்திற்கு பறவைகள் வருகை
ராமநாதபுரம் மாவட்டத்தில் சக்கரக்கோட்டை, தேர்த்தங்கல், மேல-கீழ செல்வனுார், சித்திரங்குடி, காஞ்சிரங்குடி ஆகிய பறவைகள் சரணாலயங்கள் உள்ளன. இங்கு ஆண்டுதோறும் ஏராளமான வெளிநாட்டுப் பறவைகள் இரைத்தேடி வருகின்றன. பருவமழை பெய்து வருவதால் தேர்த்தங்கல் சரணாலயத்தில் தண்ணீர் உள்ளது. இதனால் வெளிநாட்டு பறவைகள் கூட்டம் கூட்டமாக வரத்துவங்கியுள்ளன. மாவட்டத்தில் இங்கேதான் அதிக பறவைகள் வரும் என்பது குறிப்பிடத்தக்கது.
Featured News
Sorry, no posts matched your criteria.