India's largestHyperlocal short
news App
Get daily news updates that are tailored for you based on your preferred language & location.
download Way2News app now
Ramanathapuram
News May 7, 2025
மாவட்ட காவல்துறை பணி நிறைவு பாராட்டு விழா
இராமநாதபுரம் மாவட்ட காவல் துறையில் பணிபுரிந்து 30.04.2025ஆம் தேதியுடன் பணி ஓய்வு பெற உள்ள சார்பு ஆய்வாளர்கள் லாரண்ஷ், ஆசைதம்பி, விஜயகுமார், இளங்கோ மற்றும் விருப்ப ஓய்வு பெற உள்ள சிறப்பு சார்பு ஆய்வாளர் ராமமூர்த்தி, ஜான்பாபு ஆகியோரை மாவட்ட காவல் கண்காணிப்பாளர் G.சந்தீஷ்,IPS., நேரில் அழைத்து பொன்னாடை அணிவித்து பணி பாராட்டு சான்றிதழ் வழங்கினார்.
News May 7, 2025
ராமநாதபுர மாவட்டத்தில் இரவு ரோந்து போலீசார் விவரம்
இன்று (ஏப்ரல். 30) இரவு 11.00 மணி முதல் நாளை காலை 6.00 மணி வரை காவல் அதிகாரிகள் ராமநாதபுரம், பரமக்குடி, கமுதி, ராமேஸ்வரம், கீழக்கரை, திருவாடானை மற்றும் முதுகுளத்தூர் அதனை சுற்றியுள்ள பகுதிகளில் ரோந்து பணியில் ஈடுபடுகின்றனர். அதற்கான அட்டவணை வெளியிடப்பட்டு உள்ளது. அவசர உதவிக்கு அட்டவணையில் உள்ள எண்ணை அழைக்கவும் என்று காவல்துறை தனது X வலைத்தள பக்கத்தில் அறிவித்துள்ளது.
News May 7, 2025
கோடை விடுமுறை இலவச பயிற்சி பட்டறை – ஆட்சியர்
கோடை விடுமுறையை மாணவர்களுக்கு பயனுள்ளதாக்கும் வகையில் மாவட்ட நிர்வாகம் சார்பில் பயிற்சி பட்டறை ஏற்பாடு செய்யப்பட்டுள்ளது. மே. 6,7,8 ஆகிய நாட்களில் ராமநாதபுரம் அந்திரேயா மேல்நிலைப் பள்ளியிலும். மே.12,13,14 ஆகிய நாட்களில் பரமக்குடி கீழ முஸ்லிம் மேல்நிலைப் பள்ளியிலும் நாடகம், ஓவியம். ஆங்கில எழுத்து பயிற்சி, கதை சொல்லுதல் போன்றவற்றிற்கு பயிற்சி வகுப்புகள் நடைபெற உள்ளது. இதை *SHARE* பண்ணுங்க.
News April 30, 2025
800 ஆண்டுகள் பழமையான கல்வெட்டு கண்டுபிடிப்பு
பரமக்குடி அருகே எமனேஸ்வரம் சிவன் கோயிலில் பாண்டியர் காலத்து 800 ஆண்டுகள் பழமையான கல்வெட்டு கண்டெடுக்கப்பட்டுள்ளது. ராமநாதபுரம் தொல்லியல் ஆய்வு தலைவர் எமனேஸ்வரம் சிவன் கோயிலில் ஆய்வு மேற்கொண்டனர். அம்மன் சன்னதியில் உள்ள முதலாம் மாறவர்மன் சுந்தர பாண்டியன் கல்வெட்டு தான் இக்கோயிலில் பழமையானது. எனவே இங்குள்ள கல்வெட்டு கி.பி13 ஆம் நுாற்றாண்டு சுந்தரபாண்டியன் காலத்தை சேர்ந்ததாக இருக்கலாம்.*ஷேர் பண்ணுங்க
News April 30, 2025
பரமக்குடி: லஞ்சம் வாங்கிய அரசு அலுவலர் கைது
பரமக்குடி அருகே போகலூரில் செயல்பட்டு வரும் ஊராட்சி ஒன்றிய அலுவலகத்தில் நேற்று (ஏப்ரல் 29) ஒப்பந்ததாரர்களிடம் இருந்து ரூ.2,56,000 லஞ்சம் பெற்ற வட்டார வளர்ச்சி அலுவலர் திருநாவுக்கரசை, ராமநாதபுரம் லஞ்ச ஒழிப்பு துறை போலீசார் கைது செய்தனர். மேலும், பணத்தை பறிமுதல் செய்த போலீசார், அவரிடம் தொடர்ந்து விசாரணை செய்து வருகின்றனர்.
News April 30, 2025
மே 22ல் உள்ளூர் விடுமுறை – மாவட்ட ஆட்சியர்
ராமநாதபுரம் மாவட்டம் கீழக்கரை அருகே உள்ள ஏர்வாடி கிராமத்தில். ஏர்வாடி தர்காவில் அமைந்துள்ள அல் குத்துபுல் அக்தாப் சுல்தான் செய்யது இப்ராஹிம் ஷாஹிர் ஒலியுல்லா தர்காவில் சந்தனக்கூடு திருவிழா மே 21, 22 ஆகிய நாட்களில் நடைபெற உள்ளது. அதனை ஒட்டி மே 22 வியாழக்கிழமை உள்ளூர் விடுமுறை அளிக்கப்படுவதாக மாவட்ட ஆட்சியர் சிம்ரன்ஜீத் சிங் காலோன் அறிவித்தார்.
News April 30, 2025
திருஉத்தரகோசமங்கையில் நடன நிகழ்ச்சி
திருஉத்தரகோசமங்கையில் அருள்தரும் மங்களேஸ்வரி உடனுறை அருள்மிகு மங்களநாதசுவாமி திருக்கோயிலில் மேடையில் நேற்று உலக நடன தினத்தை முன்னிட்டு நடன நிகழ்ச்சி நடைபெற்றது. குழந்தைகள் தங்களது திறமையை வெளிப்படுத்தினர். ஏராளமானவர்கள் கலந்து கொண்டு நிகழ்ச்சியை கண்டு ரசித்தனர்.
News April 30, 2025
ராமநாதபுர மாவட்டத்தில் இரவு ரோந்து காவல்துறை விவரம்
இன்று (ஏப்ரல் 29) இரவு 11.00 மணி முதல் நாளை காலை 6.00 மணி வரை காவல் அதிகாரிகள் ராமநாதபுரம், பரமக்குடி, கமுதி, ராமேஸ்வரம், கீழக்கரை, திருவாடானை மற்றும் முதுகுளத்தூர் அதனை சுற்றியுள்ள பகுதிகளில் ரோந்து பணியில் ஈடுபடுகின்றனர். அதற்கான அட்டவணை வெளியிடப்பட்டுள்ளது. அவசர உதவிக்கு அட்டவணையில் உள்ள எண்ணை அழைக்கவும் என காவல் துறை தனது X வலைத்தள பக்கத்தில் அறிவித்துள்ளது.
News April 29, 2025
பரமக்குடிக்கு உள்ளூர் விடுமுறை : கலெக்டர் அறிவிப்பு
பரமக்குடி ஸ்ரீசுந்தரராஜ பெருமாள் சித்திரை திருவிழா கள்ளழகர் குதிரை வாகனத்தில் பரமக்குடி வைகை ஆற்றில் எழுந்தருளும் நிகழ்வு மே.11 இரவு துவங்கி மறுநாள் (மே.12) அதிகாலை வரை நடைபெற உள்ளது. இதை முன்னிட்டு மே.12 பரமக்குடி வட்டம் முழுவதும் உள்ளூர் விடுமுறை விடப்பட்டு இதனை ஈடு செய்யும் பொருட்டு 24.5.2025 வேலைநாளாக அறிவித்து ராமநாதபுரம் மாவட்ட ஆட்சியர் சிம்ரன்ஜீத் சிங் காலோன் தெரிவித்துள்ளார்.
News April 29, 2025
இராமநாதபுரம் மாவட்டத்தில் நேற்று பெய்த மழை அளவு
இராமநாதபுரம் மாவட்டத்தில் நேற்று (ஏப்.28) பெய்த மழை அளவு வெளியிடப்பட்டுள்ளது. அதன்படி அதிகபட்சமாக மண்டபத்தில் 58.02 மில்லி மீட்டர், திருவாடானை 47.6 மில்லி மீட்டர், தங்கச்சிமடம் 30.6 மில்லி மீட்டர், பாம்பன் 30 மில்லி மீட்டர், தொண்டி 9 மில்லி மீட்டர், தீர்த்தாண்டதானம் 7.2 மில்லி மீட்டர், பள்ளமோர்குளம் 3 மில்லி மீட்டர், வட்டனம் 2.6 மில்லி மீட்டர், இராம்நாடு 1 மில்லி மீட்டர் மழை பதிவாகியுள்ளது.
Featured News
Sorry, no posts matched your criteria.