India's largestHyperlocal short
news App
Get daily news updates that are tailored for you based on your preferred language & location.
download Way2News app now
Ramanathapuram
News March 17, 2025
கொலை வழக்கில் தேடப்பட்ட வாலிபர் கைது
தொண்டி அருகே நம்புதாளையில் ராட்டினம் அமைத்த பகுதியில் கடந்தாண்டு நவ.1 அன்று பட்டப்பகலில் திருமணத்தை மீறிய உறவு காரணமாக சரவணன் உள்ளிட்டோர் கார் மற்றும் டூவீலர்களில் சென்று முத்துக்குமாரை அரிவாளால் வெட்டி கொலை செய்தனர். இதில் சிவகங்கை மாவட்டம் ஒக்கூரை சேர்ந்த கலைசெல்வனை போலீசார் தீவிரமாக தேடிவந்தனர். இந்நிலையில் சென்னை பல்லாவரத்தில் இருந்த அவரை நேற்று தொண்டி போலீசார் கைது செய்தனர்.
News March 17, 2025
ரத்தினக்கல் வழிப்பறி செய்த 7 பேர் கைது
மதுரை மாவட்டம் கச்சைகட்டி பெருமாள் நகரை முனியசாமி நகைகளில் ஜாதிக்கற்களை பதிக்கும் மற்றும் விற்பனை செய்யும் தொழில் செய்து வருகிறார். ஜன.24 அன்று கீழக்கரை வந்த இவரிடம் காரில் அரிவாள் உள்ளிட்ட ஆயுதங்களுடன் வந்த மர்ம நபர்கள் முனியசாமியை மிரட்டி ரூ.60 லட்சம் மதிப்புள்ள ரத்தினக்கல்லை பறித்துச் சென்றனர். இதில் 7 பேரை போலீசார் கைது செய்து ரத்தினக்கல்லை பத்திரமாக மீட்டனர்.
News March 16, 2025
இரவு ரோந்து அதிகாரிகள் விவரம்
ராமநாதபுரம், பரமக்குடி, கமுதி, ராமேஸ்வரம், கீழக்கரை, திருவாடானை மற்றும் முதுகுளத்தூர் அதனை சுற்றியுள்ள பகுதிகளில் இன்று (மார். 16) இரவு 11.00 மணி முதல் நாளை காலை 6.00 மணி வரை ரோந்து பணியில் ஈடுபடும் அதுகாரிகளின் விவரங்கள் வெளியிடப்பட்டுள்ளன. பொது மக்கள் இரவு நேரங்களில் அவசர உதவிக்கு அட்டவணையில் உள்ள எண்ணை அழைக்கலாம் என காவல்துறை சார்பில் தெரிவிக்கப்பட்டுள்ளது.
News March 16, 2025
அண்ணனும் தம்பியும் ஒரே கருவறையில்
ராமநாதபுரம் வழிவிடுமுருகன் கோயிலில் விநாயகரும் முருகனும் இணைந்து ஒரே கருவறையில் காட்சியளிக்கின்றனர். தெய்வங்கள் இருவரையும் ஒரே சந்நிதியில் தரிசிப்பது பெரும் வரம். சொத்துவழக்குப் பிரச்னைகள், குடும்பச் சிக்கல்கள், உறவு பிரச்னைகள், சகோதர, சகோதரிகளிடையே உருவாகும் சண்டைகள் நீங்க இங்கு வேண்டிக் கொள்கின்றனர். சனீஸ்வரரின் அன்னை சாயாவின் அம்சம் நிறைந்த தலவிருட்சம் இக்கோயிலின் தனிச் சிறப்பாகும்.
News March 16, 2025
ராமநாதபுரம் காவல்துறை ரோந்து பணி விவரம்
இராமநாதபுரம் மாவட்டத்தில் இன்று(மார்ச்.16) நண்பகல் 2 மணி முதல் மாலை 4 மணி வரை நண்பகல் ரோந்து பணிக்கு நியமிக்கப்பட்ட காவல்துறை அதிகாரிகளின் பெயர் மற்றும் தொடர்பு கொள்ள வேண்டிய உதவி எண்கள் உள்ள அட்டவணை இராமநாதபுரம் காவல்துறை சார்பில் வெளியிடப்பட்டுள்ளது. காவல்துறை உதவி தேவைப்பட்டால் தொடர்பு கொள்ளலாம் என தனது X வலைதளப் பக்கத்தில் அறிவித்துள்ளது.
News March 16, 2025
வழிவிடு முருகன் கோவில் 85 ஆம் ஆண்டு உத்திர பெருவிழா
இராமநாதபுரம் அருள்மிகு வழிவிடு முருகன் திருக்கோவில் 85 ஆம் ஆண்டு பங்குனி உத்திரம் திருவிழா
11/04/25 வெள்ளிகிழமை பங்குனி வழிவிடு முருகனுக்கு 21 வகையான சிறப்பு அபிஷேக ஆராதனைகள் நடைபெறும்.
அன்று இரவு 7 மணிக்கு மேல் பூக்குழி வைபவம் நடைபெறும். 12.04.25 சனிக்கிழமை அன்று வழிவிடு முருகன் திருவீதி உலா நடைபெறும். *ஷேர்
News March 16, 2025
சாலை விபத்தில் 22 பேர் காயம்; ஒருவர் பலி
ராமநாதபுரம் மாவட்டம், பரமக்குடியில் இருந்து நேற்று மதுரை நோக்கி வந்து கொண்டிருந்த பயணிகள் பேருந்து ரிங் ரோடு அருகில் லாரி, வேன் மீது மோதி விபத்து ஏற்பட்டது. இதில் சிவகங்கையை சேர்ந்த ஸ்டெல்லா செல்வி(58), என்பவர் சம்பவ இடத்திலேயே பரிதாபமாக உயிரிழந்தார். மேலும் பேருந்தில் பயணித்த 22 பயணிகள் படுகாயம் அடைந்து மதுரை அரசு மருத்துவமனையில் சிகிச்சை பெற்று வருகின்றனர். (மதுரை) சிலைமான் போலீசார் விசாரணை.
News March 16, 2025
ராமநாதபுரம்: இராணுவத்தில் ஆட்சேர்ப்பு முகாம்
இந்திய ராணுவத்தில் நடப்பாண்டுக்குரிய ஆட்சேர்ப்புக்கான அறிவிப்பு வெளியாகியுள்ளது. இந்நிலையில் அக்னி வீரர் ஜெனரல் டியூட்டி, அக்னி வீரர் டெக்னிக்கல், அக்னி வீரர் அலுவலக உதவியாளர்/ ஸ்டோர் கீப்பர் டெக்னிக்கல் ஆகிய பிரிவுகளுக்கு இங்கே க்ளிக் செய்து விண்ணப்பிக்கலாம். இராமநாதபுரம் மாவட்டத்தைச் சேர்ந்தவர்கள் ஏப்.10ஆம் தேதி வரை விண்ணப்பிக்கலாம். இளைஞர்களுக்கு SHARE பண்ணுங்க. <
News March 16, 2025
இந்திய – இலங்கை பாதுகாப்பில் நடந்த கச்சத்தீவு திருவிழா
இந்திய – இலங்கை கடற்படையினர் பாதுகாப்புடன் நடந்த கச்சத்தீவு சர்ச் விழாவில் இரு நாட்டை சேர்ந்த 7000 பேர் பங்கேற்றனர். இராமேஸ்வரத்தில் இருந்து 21 கி.மீ கச்சத்தீவு அந்தோணியார் சர்ச் விழா மார்ச்.14ல் கொடியேற்றத்துடன் துவங்கியது. அன்றிரவு சர்ச் வளாகத்தில் சிலுவைப்பாதை திருப்பலி பூஜை நடந்தது. சிங்கள மற்றும் தமிழ் மொழியில் பூஜை நடத்தினர். கொடி இறக்கியதும் விழா நேற்று நிறைவு பெற்றது.
News March 15, 2025
இந்தியாவின் பழமையான பள்ளிவாசல்
ராமநாதபுரம் மாவட்டம் கீழக்கரையில் அமைந்துள்ள பழைய ஜும்மா பள்ளிவாசல் இந்தியாவின் மிகவும் பழமையான பள்ளிவாசலாக கருதப்படுகிறது. கி.பி 628ஆம் ஆண்டு கட்டப்பட்ட இந்தப் பள்ளிவாசல் 1000 ஆண்டிற்கும் மேலாக இஸ்லாமிய கலாச்சாரத்தை பறைசாற்றி இருக்கிறது. திராவிட இஸ்லாமிய மற்றும் தமிழ் கட்டிடக்கலைக்கு எடுத்துக்காட்டாக திகழ்கிறது இந்த பள்ளிவாசல். இந்தப் பள்ளிவாசல் 11ஆம் நூற்றாண்டில் மீண்டும் புதுப்பிக்கப்பட்டது.
Featured News
Sorry, no posts matched your criteria.