India's largestHyperlocal short
news App
Get daily news updates that are tailored for you based on your preferred language & location.
download Way2News app now
Pudukkottai
News September 5, 2024
அன்னவாசல் அரசு ஆரம்ப சுகாதார நிலையம்
அன்னவாசல் ஒன்றியம் மதியநல்லூர் கிராமத்தில் இயங்கி வரும் அரசு ஆரம்ப சுகாதார நிலையத்தில் ஆட்சியர் அருணா நேரில் சென்று ஆய்வு மேற்கொண்டுள்ளார். கண்காணிப்பாளர் சுந்தரவல்லி பொதுசுகாதாரத்துறை அலுவலர் மருத்துவர் ராம்கணேஷ் மற்றும் மருத்துவர்கள் செவிலியர்கள் உடன் இருந்தனர். இந்த ஆரம்ப சுகாதார நிலையத்தில் அப்பகுதி கிராமத்து பொதுமக்கள் பரிசோதனை செய்து பயன்பெறுகிறார்கள்.
News September 5, 2024
கல்லூரியில் படிக்கும் இளம் பெண் மாயம்
மண்டையூர் அருகே கீழ மேடு கிராமத்தை சேர்ந்த ராமகிருஷ்ணன். இவரது 17 வயது மகள் திருச்சியில் உள்ள பல்கலைக்கழகத்தில் பி.எஸ்.சி. முதலாம் ஆண்டு படித்து வருகிறார். கடந்த மூன்றாம் தேதி வீட்டில் இருந்து கடைக்கு சென்றவர் வீடு திரும்பவில்லை. எங்கு தேடியும் கிடைக்கவில்லை. இது குறித்து மண்டையூர் காவல் நிலையத்தில் தந்தை ராமகிருஷ்ணன் புகார் செய்தார். இதுகுறித்து போலீசார் விசாரணை நடத்தி வருகின்றனர்.
News September 5, 2024
அரசு மருத்துவமனை நடந்து வரும் பணிகளை மாவட்ட ஆட்சியர் ஆய்வு செய்தார்
புதுக்கோட்டை மாவட்டம் விராலிமலை பகுதியில் இயங்கி வரும் அரசு பொது மருத்துவமனையில் நடந்து வரும் பணிகளை மாவட்ட ஆட்சியர் அருணா நேரில் சென்று பார்வையிட்டு ஆய்வு செய்தார் மாவட்ட கண்காணிப்பு அலுவலர் சுந்தரவல்லி பொது சுகாதாரத்துறை மாவட்ட அலுவலர் மருத்துவர் ராம்கணேஷ் மற்றும் மருத்துவர்கள் அரசு அலுவலர்கள் உடன் இருந்தனர்.
News September 5, 2024
வட்டார வளர்ச்சி புதுக்கோட்டை ஆட்சியர் ஆய்வு
விராலிமலை வட்டார வளர்ச்சி அலுவலகத்தில், ஊரக வளர்ச்சி மற்றும் ஊராட்சித்துறையின் சார்பில் மேற்கொள்ளப்பட்டுவரும் பணிகள் குறித்து, மாவட்ட கண்காணிப்பு அலுவலர் வேலைவாய்ப்பு மற்றும் பயிற்சித்துறை ஆணையர் எ.சுந்தரவல்லி, மாவட்ட ஆட்சித்தலைவர் மு.அருணா தலைமையில் இன்று (04.09.2024) நேரில் பார்வையிட்டு ஆய்வு செய்தார்.
News September 5, 2024
புதுகை ஆட்சியர் ஆய்வு
புதுக்கோட்டை வட்டாட்சியர் அலுவலகத்தில் உள்ள வாக்குப்பதிவு இயந்திர பாதுகாப்பு, மாதிரி வாக்குப்பதிவு இயந்திரங்கள் மற்றும் தேர்தல் விழிப்புணர்வுக்காக பயன்படுத்தப்பட்ட மின்னணு வாக்குப்பதிவு இயந்திரங்களை மாவட்ட ஆட்சித் தலைவர் அருணா அவர்கள் அங்கீகரிக்கப்பட்ட அனைத்து அரசியல் கட்சி பிரதிநிதிகள் முன்னிலையில் இன்று நேரில் பார்வையிட்டார் உடன் தனி வட்டாட்சியர் உடன் இருந்தார்.
News September 5, 2024
கைது செய்யப்பட்ட மீனவர்கள் புகைப்படம் வெளியீடு
கோட்டைப்பட்டினம் விசைப்படகு துறைமுகத்தில் இருந்து மீன்பிடிக்க சென்ற 167 விசைப்படகுகளில் கோட்டைப்பட்டினத்தைச் சேர்ந்த ரமேஷ் என்பவருக்கு சொந்தமான TN 08 MM 1418 என்ற விசைப்படகில் தினேஷ், முரளி, செல்வம் மற்றும் மல்லிப்பட்டினத்தைச் சேர்ந்த விஸ்வநாதன் ஆகிய நான்கு பேருடன் சுமார் 32 நாட்டிக்கல் தொலைவில் மீன் பிடித்துக் கொண்டிருக்கும் பொழுது எல்லை தாண்டி தாக இலங்கை அரசு கைது செய்தனர்.
News September 4, 2024
புதுகை ஆட்சியர் ஆய்வு
புதுக்கோட்டை மாவட்ட ஆட்சியரகத்திலிருந்து, தமிழ்நாடு குடிநீர் வடிகால் வாரியம் சார்பில், மழைநீர் சேகரிப்பு விழிப்புணர்வு குறித்த பிரச்சார பேரணி மற்றும் செய்தி மக்கள் தொடர்பு அலுவலகத்தின் அதிநவீன மின்னணு வீடியோ வாகனத்தினை, மாவட்ட ஆட்சித்தலைவர் மு.அருணா இன்று (04.09.2024) கொடியசைத்துத் துவக்கி வைத்து, குடிநீர் பரிசோதனைக் கருவியின் செயல்பாடுகள் குறித்து பார்வையிட்டு கேட்டறிந்தார்.
News September 4, 2024
புதுக்கோட்டை மாவட்ட மீனவர்கள் கைது
புதுக்கோட்டை மாவட்ட துறைமுகத்திலிருந்து மீன் பிடிக்க சென்ற இரண்டு விசைப்படகையும் அதிலிருந்த 9 மீனவர்களையும் எல்லை தாண்டி மீன்பிடித்ததாக இலங்கை கடற்படையினர் நெடுந்தீவு கடல்பகுதியில் வைத்து கைது செய்து காங்கேசன்துறை கடற்படை முகாமிற்கு அழைத்துச் சென்றுள்ளனர். யாழ்ப்பாண மீன்வளத் துறையிடம் நாளை காலை ஒப்படைக்க உள்ளனர்.
News September 4, 2024
அறந்தாங்கி வழியாக இயங்கும் ரயில் மூன்று மாதங்கள் நீட்டிப்பு
அறந்தாங்கி வழியாக இயங்கி கொண்டிருக்கும் வண்டி எண் 06070 திருநெல்வேலி – சென்னை எழும்பூர் சிறப்பு ரயிலை (12.09.2024 முதல் 28.11.2024) மூன்று மாதங்கள் நீட்டித்தும், மறுமார்கத்தில் வண்டி எண்:06069 சென்னை எழும்பூர் – திருநெல்வேலி சிறப்பு ரயில் (13.09.2024 முதல் 29.11.2024) மூன்று மாதங்கள் நீட்டித்தும் தெற்கு ரயில்வே அறிவித்துள்ளது.
News September 4, 2024
அரசமலையில் மாடு முட்டி ஒருவர் உயிரிழப்பு
புதுக்கோட்டை மாவட்டம் அரச மலைப் பகுதியை சேர்ந்தவர் சுப்பையா. இவர் அரசமலையில் மாடு குத்தியதில் படுகாயம் அடைந்து மதுரை அரசு மருத்துவமனையில் சிகிச்சை பெற்று வந்தது நிலையில் இன்று சிகிச்சை பலனின்றி உயிரிழந்தார். இதனையடுத்து அப்பகுதி மக்கள் மாடுகளை கண்டு அச்சமடைந்து வருகின்றனர். இதுகுறித்து காரையூர் காவல் துறையினர் வழக்கு பதிவு செய்து விசாரணை நடத்தி வருகின்றனர்.
Featured News
Sorry, no posts matched your criteria.