• Download our app

Pudukkottai

News September 8, 2024

புதுக்கோட்டை மீனவர்களுக்கு 20ஆம் தேதி வரை காவல்

image

ஜெகதாபட்டினத்தில் இருந்து மீன்பிடிக்க சென்ற 3 படகையும் அதிலிருந்த 14 மீனவர்களையும் நேற்று மாலை எல்லை தாண்டி மீன்பிடித்ததாக நெடுந்தீவு கடற்பரப்பில் வைத்து இலங்கை கடற்படையினர் கைது செய்து இன்று காலை யாழ்ப்பாணம் மீன்வளத்துறை அதிகாரிகளிடம் ஒப்படைத்தனர். இன்று அவர்களை விசாரித்த இலங்கை நீதிமன்றம் வரும் 20ஆம் தேதி வரை காவலில் வைக்க உத்தரவிட்டுள்ளது.

News September 8, 2024

திருமயத்தில் ஆயுதப்படை காவலர் பலி

image

திருமயம் பைபாஸ் சாலையில் புதுக்கோட்டை ஆயுதப்படையில் காவலராக பணிபுரிந்து வரும் அந்தோணி என்பவர் ஓட்டிச் சென்ற இருசக்கர வாகனம் மீது மினி லாரி மோதிய விபத்தில் அந்தோணி சம்பவ இடத்திலேயே உயிரிழந்தார். அவரது உடலை மீட்ட காவல் துறையினர் திருமயம் அரசு மருத்துவமனைக்கு உடற்கூறு ஆய்விற்காக அனுப்பி வைத்தனர். இந்த விபத்து குறித்து வழக்கு பதிவு செய்து விசாரணை நடத்தி வருகின்றனர்.

News September 8, 2024

14 புதுக்கோட்டை மீனவர்களின் புகைப்படங்கள் வெளியீடு

image

ஜெகதாப்பட்டத்தில் இருந்து மீனவர்கள் சிலர் விசைப்படகில் கடலுக்கு மீன் பிடிக்க சென்றனர். இதில் எல்லை தாண்டி மீன்பிடித்ததாக கூறி 14 மீனவர்களை இலங்கை கடற்படையினர் கைது செய்த சம்பவம் பெறும் பரபரப்பை ஏற்படுத்தியுள்ள நிலையில், கைது செய்யப்பட்ட மீனவர்களின் புகைப்படங்களை இலங்கை கடற்படை இன்று வெளியிட்டுள்ளது .

News September 8, 2024

முத்துப்பட்டினத்துக்கு வருகை தந்த ஈ.பி.எஸ்

image

முத்துப்பட்டினம் ராமச்சந்திரன் இல்ல மணவிழாவில் கலந்து கொள்ள தமிழக எதிர்க்கட்சி தலைவரும், அதிமுக பொது செயலாளருமான எடப்பாடி பழனிசாமி இன்று வருகை தந்தார். இந்நிகழ்வில் முன்னாள் அமைச்சர் விஜயபாஸ்கர் உட்பட ஏராளமான அதிமுக சட்டமன்ற உறுப்பினர்கள் மற்றும் நிர்வாகிகள் கலந்து கொண்டனர். இதனால் புதுக்கோட்டை-ஆலங்குடி சாலை மிகுந்த பரபரப்புடன் காணப்பட்டது.

News September 8, 2024

திருமயம் அருகே காண்டாமிருகம் கொம்பு பறிமுதல்

image

திருமயம் அருகே காண்டாமிருக கொம்பு விற்பனைக்கு கொண்டு செல்லப்படுவதாக வனத்துறை தனிப்பிரிவினருக்கு தகவல் கிடைத்தது. இதனையடுத்து வனத்துறையினர் மற்றும் வனத்துறை தனிப்படையினர் பரளி என்ற இடத்தில் காண்டாமிருகம் கொம்பை கொண்டு சென்ற மூன்று நபர்களை பிடித்து, கொம்பை பறிமுதல் செய்து, காரைக்குடியைச் சேர்ந்த மூன்று பேரையும் கைது செய்து சிறையில் அடைத்தனர்.

News September 8, 2024

விராலிமலை அருகே 10 பவுன் நகை திருட்டு

image

மேட்டுப்பட்டியை சேர்ந்தவர் சேசுராஜ். இவரும் இவரது மனைவியும் அப்பகுதியில் உள்ள தனியார் கம்பெனியில் வேலை பார்த்து வருகின்றனர். இந்த நிலையில் இன்று வீட்டை பூட்டி விட்டு வேலைக்கு சென்றுள்ளனர். பின்னர் மீண்டும் வீட்டுக்கு வந்து பார்த்த போது பீரோ திறக்கப்பட்டு 10 பவுன் நகை, 250 கிராம் வெள்ளி பொருட்கள் திருடப்பட்டிருந்தது தெரிய வந்தது. இதுகுறித்து விராலிமலை போலீசார் விசாரணை நடத்தி வருகின்றனர்.

News September 7, 2024

புதுக்கோட்டையில் இரவு பணியில் ஈடுபடும் காவல்துறை

image

புதுக்கோட்டை மாவட்டத்தில் காவல்துறை அதிகாரிகள் இன்று இரவு 10 மணி முதல் காலை 6 மணி வரை இரவு ரோந்து பணிக்கு நியமிக்கப்பட்டுள்ளனர். அதன்படி DSP கௌதம் கோட்டைப்பட்டினம் டவுன் ரமேஷ் கந்தர்வகோட்டை சுகுமாரன் இன்ஸ்பெக்டர் அறந்தாங்கி ராஜகோள்பால் பொன்னமராவீதி சக்திவேல். மேலும் பொதுமக்கள் புகார் செய்ய 949801800730 என்ற எண்னை தொடர்பு கொள்ளவும்.

News September 7, 2024

புதுக்கோட்டை மீனவர்கள் 14 பேர் கைது

image

ஜெகதாபட்டினத்தில் இருந்து 3 விசைப்படகுகளில் மீன்பிடிக்க சென்ற 14 மீனவர்களை, நெடுந்தீவு அருகே எல்லை தாண்டி மீன்பிடித்ததாக கூறி இலங்கை கடற்படையினர் தற்போது கைது செய்துள்ளனர். மேலும் கைது செய்யப்பட்ட 14 மீனவர்களை காங்கேசன் கடற்படை முகாமிற்கு அழைத்து சென்று, இன்று இரவு அல்லது நாளை காலை மீன்வளத்துறை அதிகாரிகளிடம் ஒப்படைக்க உள்ளதாக தகவல் வெளியாகி உள்ளது.

News September 7, 2024

மணமேல்குடியில் கடத்தி செல்லப்பட்ட 188 கிலோ கஞ்சா பறிமுதல்

image

மணமேல்குடி கடற்கரையிலிருந்து இலங்கை பேச்சாளை கடற்கரைக்கு கடல் வழியாக கடத்திச் செல்லப்பட்ட ரூ. 75 லட்சம் மதிப்பிலான 188 கிலோ கஞ்சா பொட்டலங்களை நடுக்கடலில் வைத்து இலங்கையை சேர்ந்த படகில் மாற்ற முயன்ற போது, இலங்கை கடற்படை ரோந்து படகை கண்டதும் தமிழக மீன்பிடிப்படகில் இருந்த கடத்தல் காரர்கள் கஞ்சா மூட்டைகளை கடலில் வீசி சென்றுள்ளனர்.

News September 7, 2024

புதுக்கோட்டையில் விளையாட்டு போட்டிகள் தொடக்கம்

image

புதுக்கோட்டையில் முதலமைச்சர் கோப்பை விளையாட்டுப் போட்டிகள் வரும் 10-ஆம் தேதி முதல் கலைஞர் கருணாநிதி மாவட்ட விளையாட்டு திடலில் நடைபெற உள்ளது. பல்வேறு பிரிவுகளாக நடைபெறும் இந்த போட்டியில் கலந்து கொள்ள முன்பதிவு செய்தவர்கள் தவறாமல் இப்போட்டிகளில் கலந்து கொள்ளுமாறு மாவட்ட ஆட்சியர் தெரிவித்துள்ளார்.

Featured News

Sorry, no posts matched your criteria.

↑