India's largestHyperlocal short
news App
Get daily news updates that are tailored for you based on your preferred language & location.
download Way2News app now
Pudukkottai
News September 10, 2024
புதுக்கோட்டை மாவட்டத்தில் ஒரே நாளில் 4 பேர் தற்கொலை
புதுகை மாவட்டம் ஒடுகம்பட்டி கலைச்செல்வி பெற்றோருடன் ஏற்பட்ட மனக்கசப்பு, கரம்பக்குடி அருகே கோட்டைக்காடு ராஜேந்திரன் மனைவியுடன் ஏற்பட்ட மனக்கசப்பு, ஆலங்குடி அருகே பாச்சிக்கோட்டை மோகன் மகனுடன் ஏற்பட்ட மனக்கசப்பு, வீரப்பட்டி விஸ்வநாதன் மனைவியுடன் ஏற்பட்ட மனக்கசப்பு காரணமாக நான்கு பேரும் அவரவர் வீட்டிலேயே தூக்குமாட்டி தற்கொலை செய்து கொண்டார்கள். இதுகுறித்து போலீசார் விசாரணை மேற்கொண்டுள்ளனர்.
News September 10, 2024
திமுக அலுவலகத்தில் எம்பி அப்துல்லா ஆலோசனை
புதுக்கோட்டை மாவட்டத்தில் நேற்று பல்வேறு நிகழ்வில் கலந்து கொண்ட திமுக மாநிலங்களவை எம்.பி. எம்.எம். அப்துல்லா, புதுக்கோட்டை மாவட்ட திமுக அலுவலகத்தில் கட்சி நிர்வாகிகளுடன் ஆலோசனைகள் மேற்கொண்டார். இந்த ஆலோசனையில் புதுக்கோட்டை வடக்கு மாவட்ட கழக துணைச் செயலாளர் மாமன்ற உறுப்பினருமான ராஜேஸ்வரி உள்ளிட்ட திமுக நிர்வாகிகள் பலர் உடன் இருந்தனர்.
News September 10, 2024
கல்வி உதவித்தொகை பெற ஆட்சியர் அழைப்பு
புதுகை மாவட்டத்தில் 12ஆம் வகுப்பு பொதுத் தேர்வில் 60% மேல் எடுத்து தேர்ச்சி பெற்ற முன்னாள் படை வீரர்களின் மகன் மற்றும் மகளுக்கு 2024-25ஆம் கல்வியாண்டில் தொழில் கல்விக்கான பாரத பிரதமர் உதவித்தொகை பெற விண்ணப்பங்கள் வரவேற்கப்படுகின்றன. ஓராண்டு கல்வி உதவித்தொகையாக மாணவர்களுக்கு 30,000 மாணவிகளுக்கு 36,000 வழங்கப்படும். இதற்கு www.ksb.gov.in இணையதளத்தில் விண்ணப்பிக்கலாம்.
News September 10, 2024
புதுக்கோட்டையில் 108 ஓட்டுநர்களுக்கான வேலைவாய்ப்பு முகாம்
புதுக்கோட்டை மாவட்டத்தில் 108 ஆம்புலன்ஸ் ஓட்டுநர்கள் பணியிடங்களை நிரப்புவதற்கு EMRI GREEN HEALTH SERVICES நிறுவனம் மூலம் வேலைவாய்ப்பு முகாம் இன்று பழைய அரசு தலைமை மருத்துவமனையில் நடைபெற உள்ளது. இந்த முகாமில் தகுந்த முன் அனுபவமுடைய 24 முதல் 35 வயதிற்குட்பட்ட ஆண் மற்றும் பெண் இருபாலரும் கலந்து கொள்ளலாம் என புதுக்கோட்டை மாவட்ட ஆட்சித் தலைவர் அருணா தெரிவித்துள்ளார்.
News September 9, 2024
புதுக்கோட்டை மகளிர் சுய உதவிக் குழுவுக்கு வங்கி கடன் வழங்கல்
தமிழக முழுவதும் மகளிர் சுய உதவி குழுக்களுக்கு ரூ.2723 கோடி வங்கி மூலம் கடன் வழங்கும் விழா மதுரையில் அமைச்சர் உதயநிதி ஸ்டாலின் தலைமையில் இன்று நடைபெற்றது. இதன் ஒரு பகுதியாக புதுக்கோட்டை தனியார் திருமண மண்டபத்தில் சுய உதவி குழுவிற்கு சட்டத்துறை அமைச்சர் ரகுபதி கடன் வழங்கினார். திமுக வடக்கு மாவட்ட செயலாளர் கேகே செல்ல பாண்டியன், ஆட்சியர் அருணா உள்ளிட்ட அதிகாரிகள் கலந்து கொண்டனர்.
News September 9, 2024
புதுகையில் புதிய வருவாய் அலுவலர் பதவியேற்பு
புதுகை மாவட்ட புதிய வருவாய் அலுவலராக ராஜராஜன் இன்று பதவி ஏற்றுக்கொண்டார். மாவட்ட DRO-வாக இருந்த செல்வி பணி ஓய்வு பெற்ற பிறகு புதுகை மாவட்டத்தில் புதிய டி ஆர் ஓ ஆக ராஜராஜன் செயல்படுவார் என தமிழக அரசு அறிவித்திருந்தது. அதன்படி இன்று காலை 10 மணி அளவில் ஆட்சியர் அலுவலகத்தில் அவர் பதவியேற்று கொண்டார்.
News September 9, 2024
மாற்றுத்திறனாளிகளுக்கு உபகரணங்கள் வழங்கல்
புதுக்கோட்டை மாவட்ட ஆட்சியர் அலுவலகத்தில் நடைபெற்ற மக்கள் குறைதீர்க்கும் நாள் கூட்டத்தில் மாற்றுத்திறனாளிகள் நலத்துறை சார்பில் மாற்றுத்திறனாளிகள் சிறப்பு முகாம் நடைபெற்றதில் மாற்றுத்திறனாளிகளுக்கான மூன்று சக்கர வாகனம் மற்றும் உபகரணங்கள் மாவட்ட ஆட்சியர் அருணா வழங்கினார். மாவட்ட மாற்றுத்திறனாளி அலுவலர் உலகநாதன் உடன் இருந்தார்.
News September 9, 2024
புதுக்கோட்டையில் வேலைவாய்ப்பு: ஆட்சியர் தகவல்
புதுக்கோட்டை கலெக்டர் வெளியிட்டுள்ள அறிக்கை: 108 அவசர ஊர்திகளை இயக்க ஓட்டுநர்கள் தேவை. இதற்கு தகுதியாக குறைந்தது 10-ஆம் வகுப்பு கல்வியும், ஆம்புலன்ஸ் வாகனம் ஓட்டிய அனுபவம் இருக்க வேண்டும். இதேபோல் மருத்துவ உதவியாளருக்கும் ஆட்கள் தேர்வு செய்யப்பட உள்ளனர். பி.எஸ்.சி. நர்சிங் முடித்த ஆண்/பெண் இதற்கு விண்ணப்பிக்கலாம். விண்ணப்பிக்க புதுக்கோட்டை பழைய மருத்துவமனை வளாகத்தை அணுக கேட்டுக்கொள்ளப்பட்டுள்ளது.
News September 9, 2024
புதுகை மாவட்டத்தில் 361 விநாயகர் சிலைகள் கரைப்பு
விநாயகா் சதுா்த்தி விழாவை முன்னிட்டு புதுக்கோட்டை மாவட்டத்தில் மொத்தம் 714 விநாயகா் சிலைகள் சனிக்கிழமை மாவட்டம் முழுவதும் பிரதிஷ்டை செய்யப்பட்டன. இதன்படி சனிக்கிழமையே மாவட்டத்தின் 96 இடங்களில் வைக்கப்பட்டிருந்த சிறிய அளவிலான சிலைகள் அந்தந்தப் பகுதிகளில் உள்ள நீா்நிலைகளில் கரைக்கப்பட்டன. இதன் தொடா்ச்சியாக புகரப் பகுதிகளிலுள்ள 361 விநாயகா் சிலைகள் ஞாயிற்றுக்கிழமை கரைக்கப்பட்டன.
News September 9, 2024
புதுகை மாவட்டத்தில் நாளை மின் தடை
விராலிமலை மற்றும் வடுகப்பட்டி துணை மின்நிலையங்களில் நாளை (செப்.10) மாதாந்திர பராமரிப்பு பணிகள் நடைபெறுகிறது. இதனால் விராலிமலை மற்றும் அதனை சுற்றியுள்ள கோமங்கலம், கல்குடி, பொருவாய், அத்திப்பள்ளம், நம்பம்பட்டி, வேலூர், கத்தலூர், குளவாய்பட்டி, முல்லையூர், சூரியூர், ஆலங்குடி மற்றும் சுற்று வட்டாரப் பகுதிகளில் காலை 9 மணி முதல் மாலை 5 மணி வரை மின் விநியோகம் இருக்காது எனத் தெரிவிக்கப்பட்டுள்ளது.
Featured News
Sorry, no posts matched your criteria.