India's largestHyperlocal short
news App
Get daily news updates that are tailored for you based on your preferred language & location.
download Way2News app now
Pudukkottai
News November 18, 2024
புதுகையில் விவசாயிகள் குறைகேட்பு கூட்டம்
புதுக்கோட்டை மாவட்ட ஆட்சியர் அலுவலகத்தில் வரும் 22ஆம்தேதி விவசாயிகள் குறைகேட்பு கூட்டம் நடைபெறுகிறது. அனைத்து துறை அலுவலர்களும் கலந்து கொள்ளும் இந்தக் கூட்டத்தில் விவசாயிகள் மற்றும் விவசாயிகள் சங்க பிரதிநிதிகள் கலந்துகொண்டு தங்கள் விவசாயம் தொடர்பான கோரிக்கைகளை தெரிவித்து பயன்பெறலாம் என மாவட்ட ஆட்சியர் அருணா தெரிவித்துள்ளார்.
News November 18, 2024
மின்னணு முறையில் பயிர் சாகுபடி கணக்கெடுப்பு பணி
புதுகை மாவட்டத்தில் உள்ள 760 வருவாய்க் கிராமங்களிலும் மின்னணு முறையில் பயிர் சாகுபடி கணக்கெடுப்பு பணி நடைபெற்று வருவதாக கலெக்டர் மு.அருணா தெரிவித்தார். நேற்று திருமயம் வட்டம் மணவாளன்கரை கிராமத்தில் நடைபெறும் கணக்கெடுப்பு பணியை நேரில் பார்வையிட்டு ஆய்வு செய்தார். இதில் வேளாண்மை இணை இயக்குநர் (பொ) ரவிச்சந்திரன், துணை இயக்குநர் (தோட்டக்கலை) கு.அழகுமலை உள்ளிட்ட அரசு அலுவலர்கள் கலந்து கொண்டனர்.
News November 18, 2024
புதுகையில் 12,889 பேர் விண்ணப்பம்
புதுக்கோட்டை மாவட்டத்தின் ஆறு சட்டமன்ற தொகுதிகளில் அமைக்கப்பட்டுள்ள 1,561 வாக்குச்சாவடி மையங்களில் வாக்காளர் பட்டியலில் பெயர் சேர்த்தல் நீக்கல் சிறப்பு முகாம் 2 நாட்காளக நடைபெற்றது. இதில் புதிய வாக்காளர்கள் ஆர்வமுடன் விண்ணப்பித்தனர். இரண்டு நாட்களில் நடந்த சிறப்பு முகாமில் வாக்காளர் பட்டியலில் பெயர் சேர்க்க 12,889 பேர் விண்ணப்பித்துள்ளனர்.
News November 18, 2024
மின்சாரம் தாக்கி கொத்தனார் பலி
கறம்பக்குடி அருகேயுள்ள தட்டாவூரணியைச் சேர்ந்தவர் வீ.தர்மராஜ்(55). கொத்தனாரான இவர் நேற்று மாலை வீட்டில் ஏற்பட்ட மின்பழுதை சரிசெய்தபோது மின்சாரம் தாக்கி உயிரிழந்தார். விவசாய வேலைக்கு சென்று வீடு திரும்பிய அவரது மனைவி பானுமதி அவர் இறந்து கிடந்ததை கண்டு அதிர்ச்சியடைந்தார். பின்னர், தகவலறிந்து வந்த கறம்பக்குடி போலீசார் இதுகுறித்து விசாரணை மேற்கொண்டுள்ளனர்.
News November 17, 2024
புதுக்கோட்டையில் மிதமான மழை பெய்ய வாய்ப்பு
தமிழகத்தில் பல்வேறு மாவட்டங்களில் வடகிழக்கு பருவமழை காரணமாக மழை பெய்து வருகிறது. இந்நிலையில் இரவு 7 மணி வரை சில 4 மாவட்டங்களில் இடி மின்னலுடன் கூடிய மிதமான மழைக்கு வாய்ப்புள்ளதாக இந்திய வானிலை ஆய்வு மையம் தெரிவித்துள்ளது. அதன்படி, புதுக்கோட்டை மாவட்டத்தில் இரவு 7 மணி வரை மிதமான மழை பெய்ய வாய்ப்புள்ளதாக தெரிவிக்கப்பட்டுள்ளது.
News November 16, 2024
சிறுபான்மையினர் கடன் பெற விண்ணப்பிக்கலாம்
தமிழ்நாடு சிறுபான்மையினர் பொருளாதார மேம்பாட்டு கழகம் மூலம் செயல்படுத்தப்படும் கடன் திட்டங்களான தனிநபர் கடன், சுய உதவிக் குழுக்களுக்கு சிறுதொழில் கடன், கைவினை கலைஞருக்கான கடன், கல்வி கடன் ஆகிய திட்டங்கள் செயல்படுத்தப்பட்டு வருகிறது. இதில் சிறுபான்மையினர் கடன் பெற விண்ணப்பிக்கலாம் என மாவட்ட கலெக்டர் அருணா தெரிவித்துள்ளார்.
News November 16, 2024
வாக்காளர் பட்டியல் சிறப்பு முகாம்
இந்திய தேர்தல் ஆணையத்தின் உத்தரவுப்படி, 1.1.2025 தேதி தகுதியேற்றப்படும் நாளாக கொண்டு புதுக்கோட்டை மாவட்டத்தில் வாக்காளர் பட்டியல் பெயர் சேர்க்க, நீக்க சிறப்பு முகாம்கள் இன்றும் நாளையும் நடைபெறுகின்றன. இம்முகாம் காலை 9 மணி முதல் மாலை 5 மணி வரை மாவட்டத்தில் உள்ள 6 சட்டமன்றத் தொகுதிகளில் அமைந்துள்ள 1561 வாக்குச்சாவடி மையங்களில் வாக்காளர் பட்டியலில் பெயர் சேர்க்க சிறப்பு முகாம் நடைபெறுகிறது.
News November 16, 2024
விடுதி காப்பாளர் பணியிடை நீக்கம்
அறந்தாங்கி அரசு பெண்கள் மேல்நிலைப் பள்ளியின் ஆதிதிராவிடர் நலவிடுதி காப்பாளர் நாகூர்முத்துவை பணியிடை நீக்கம் செய்து மாவட்ட ஆதிதிராவிடர் மற்றும் பழங்குடியினர் நல அலுவலர் ஸ்ரீதர் நேற்று உத்தரவிட்டுள்ளார். ஆய்வுக்கு செல்லும்போது காப்பாளர் நாகூர் முத்து பணியில் இல்லாததால் அவரை பணியிடம் நீக்கம் செய்ததாக தகவல்கள் வெளியாகி உள்ளது.
News November 16, 2024
முன்னாள் அமைச்சர் அறிவுறுத்தல்
புதுக்கோட்டை மாவட்டத்தில் வாக்காளர் பட்டியலில் பெயர் சேர்த்தல், நீக்கல், திருத்தம் செய்யும் முகாம் அவரவர் பகுதிக்கு உட்பட்ட வாக்கு சாவடிகளில் இன்று மற்றும் நாளை நடைபெறுகிறது. இந்த சிறப்பு முகாம்கள் நடைபெற உள்ள நாட்களில் அதிமுக மாவட்ட, ஒன்றிய, நகர, பேரூர், ஊராட்சி கிளை கழக பொறுப்பாளர்கள் பொறுப்புடன் பணியாற்ற அதிமுக முன்னாள் அமைச்சர் விஜயபாஸ்கர் அறிவுறுத்தியுள்ளார்.
News November 15, 2024
புதுக்கோட்டையில் நாளை மின்தடை
புதுக்கோட்டை மாவட்டத்தில் பராமரிப்பு பணிகள் நடைபெறுவதன் காரணமாக கீழ்கண்ட துணை மின் நிலையங்களில் நாளை (16.11.24) மின்தடை அறிவிக்கப்பட்டுள்ளது. அதன் படி புதுக்கோட்டை, சித்தன்னவாசல், திருமயம், குடுமியான்மலை மற்றும் அதன் சுற்றுவட்டார கிராமங்களில் காலை 9 மணி முதல் மாலை 5 மணி வரை மின்தடை அறிவிக்கப்பட்டுள்ளது. ஷேர் செய்யவும்
Featured News
Sorry, no posts matched your criteria.