India's largestHyperlocal short
news App
Get daily news updates that are tailored for you based on your preferred language & location.
download Way2News app now
Pondicherry
News September 12, 2024
உண்ணாவிரத போராட்டம் அதிமுக அறிவிப்பு
புதுச்சேரி N.R. காங்கிரஸ்-பா.ஜ.க. கூட்டணி அரசைக் கண்டித்து மின்கட்டண உயர்வை உடனடியாக திரும்பப் பெற வலியுறுத்தியும், அதிமுக புதுச்சேரி மாநிலத்தின் சார்பில் செப் 16ஆம் தேதி காலை 9மணி முதல் மாலை 5 மணிவரை பழைய பஸ் நிலையம், அண்ணா சிலை அருகில் புதுச்சேரி மாநிலக் கழகச் செயலாளர் அன்பழகன் தலைமையில் மாபெரும் உண்ணாவிரதப் போராட்டம் நடைபெறும் என மாநில செயலாளர் அன்பழகன் தெரிவித்துள்ளார்.
News September 12, 2024
ஆட்சியர் அலுவலகத்தில் பொதுமக்கள் குறை தீர்ப்பு முகாம்
புதுச்சேரி துணைநிலை ஆளுநர் அவர்களின் அறிவுறுத்தலின்படி பொதுமக்கள் குறை தீர்ப்பு முகாம் காரைக்கால் மாவட்டத்தில் வரும் 16/09/2024 திங்கட்கிழமை அன்று மாவட்ட ஆட்சியர் தலைமையில் அனைத்துத்துறை அதிகாரிகள் முன்னிலையில் ஆட்சியர் வளாகத்தில் காலை 09.30 மணி முதல் பிற்பகல் 12.00 மணி வரை நடைபெறும் என்றும் இந்த குறைதீர்க்கும் முகாமை பொதுமக்கள் பயன்படுத்திக் கொள்ளுமாறு தெரிவிக்கப்பட்டுள்ளது.
News September 12, 2024
புதுவையில் 8 அரசு பள்ளிகளுக்கு தலைவர்கள் பெயர்
புதுவையில் உள்ள அரசு பள்ளிகளுக்கு தலைவர்கள் பெயரை சூட்ட வேண்டும் என்று பல்வேறு தரப்புகளில் இருந்தும் அரசுக்கு கோரிக்கைகள் விடுக்கப்பட்டு வருகிறது. இது தொடர்பாக முதல்வர் ரங்கசாமி தலைமையிலான அமைச்சரவையில் முடிவுகள் எடுக்கப்பட்டது. அதாவது எட்டு அரசு பள்ளிகளுக்கு மறைந்த தலைவர்களின் பெயரை சூட்ட அமைச்சரவை பரிந்துரைத்தது. இதற்கு துணை நிலை ஆளுநர் கைலாஷ்நாதன் நேற்று ஒப்புதல் அளித்துள்ளார்.
News September 12, 2024
புதுச்சேரி ஆட்டோ ஓட்டுனரின் நெகிழ்ச்சி செயல்
புதுச்சேரிக்கு மாநிலத்திற்கு சுற்றுலா வந்த நேபாளத்தைச் சேர்ந்த சுற்றுலாப் பயணி இன்று ஆட்டோவில் சென்ற போது விலையுயர்ந்த ஆப்பிள் செல்போனை தவறவிட்டு சென்றுள்ளார். இந்நிலையில் ஆட்டோ ஓட்டுநர்கள் அவர் புறப்பட்டுச் சென்ற பேருந்தை தேடிக் கண்டுபிடித்து ஒப்படைத்தார்கள். இந்த சம்பவம் அனைவருக்கும் நெகிழ்ச்சியை ஏற்படுத்தியுள்ளது.
News September 12, 2024
விநாயகர் சிலைகள் கடலில் கரைப்பு: கவர்னர் பங்கேற்பு
அன்மையில் நடைபெற்ற விநாயகர் சதுர்த்தி விழாவை அடுத்து விநாயகர் சிலைகளை கடலில் கரைக்கும் நிகழ்ச்சி நேற்று புதுச்சேரி கடற்கரையில் நடைபெற்றது. இதில் துணைநிலை ஆளுநர் கைலாஷ்நாதன் சிறப்பு விருந்தினராக கலந்த கொண்டார். சட்டப்பேரவைத் தலைவர் செல்வம், மாநிலங்களவை உறுப்பினர் செல்வகணபதி ஆகியோர் கலந்து கொண்டனர்.
News September 12, 2024
புதுச்சேரி துணை நிலை ஆளுநர் கைலாஷ்நாதன் பேட்டி
புதுச்சேரி பாரதி மில்லில் ஆய்வு செய்த பின்பு நேற்று செய்தியாளர்களை சந்தித்து துணைநிலை ஆளுநர் கைலாஷ்நாதன், பஞ்சாலைகள் புதுச்சேரிக்கு எவ்வாறு உபயோகமாக இருக்கும். சில தொழிற்சாலைகளிலேயே மாற்றிக்கொள்ளலாமா என ஆராய்ந்து வருகிறோம். இங்குள்ள நகர வனத்தை இன்னும் எவ்வாறு மேம்படுத்தலாம். கிரீன் லங்ஸ் பார்த் சிட்டி’ திட்டத்தை எப்படி கொண்டு வருவது என்பது குறித்து ஆய்வு செய்து வருகிறோம் என்றார்.
News September 12, 2024
விமான நிலையம் இட மாற்றம்: கவர்னர் அதிரடி
புதுச்சேரியில் நேற்று செய்தியாளர்களை சந்தித்த துணைநிலை ஆளுநர் கைலாஷ்நாதன், விமான நிலையத்தை விரிவாக்கம் செய்ய திட்டமிட்டுள்ளோம், அதற்கான நிலத்தை கையகப்படுத்துவது முக்கியம். தமிழகம், புதுச்சேரியில் எவ்வளவு நிலம் தேவை என்பதை ஆராய வேண்டும். இதன் மூலம் மக்கள் வேலைவாய்ப்பு, புதுச்சேரிக்கான பயன் தொடர்பாகவும் ஆராயப்படும் அதன் பிறகே விமான நிலையம் இட மாற்றம் குறித்து அறிவிக்கப்படும் என்றார்.
News September 12, 2024
ஜிப்மர் மருத்துவமனையின் முக்கிய அறிவிப்பு
புதுவை அரசு நேற்று வெளியிட்டுள்ள அறிவிப்பின்படி, மிலாடி நபியினை முன்னிட்டு 17.09.2024 (செவ்வாய்) அன்று விடுமுறை தினமாக அறிவிக்கப்பட்டுள்ளது. எனவே 17.09.2024 அன்று ஜிப்மரில் வெளிபுற நோயாளிகள் பிரிவு இயங்காது. இந்த தேதியில் நோயாளிகள் வெளிபுற சிகிச்சை பிரிவுக்கு வருவதை தவிர்க்குமாறு கேட்டுக்கொள்ளப்படுகிறார்கள். மேலும் அவசரபிரிவு சேவை, 16 தேதி வழக்கம் போல் மருத்துவமணை இயங்கும்.
News September 11, 2024
கடல் அலையில் சிக்கி உயிரிழந்த குடும்பத்திற்கு நிவாரண உதவி
புதுச்சேரி முருங்கப்பாக்கம் துளுக்கானத்தம்மன் நகரைச் சார்ந்த முருகன் என்பவரது மகன் செல்வன் ஜெகதீஷ் கடந்த சில தினங்களுக்கு முன்பு பாண்டி மெரினா கடற்கரையில் போட்டோ எடுத்துக்கொண்டிருந்த போது எதிப்பாராத விதமாக ராட்சத அலையில் சிக்கி உயிரிழந்தார்.
இதனைத் தொடர்ந்து உயிரிழந்த செல்வன் ஜெகதீஷின் பெற்றோருக்கு நிவாரணமாக இன்று சட்டப்பேரவையில் முதல்வர் ரங்கசாமி 5 லட்சத்திற்கான காசோலையை வழங்கினார்.
News September 11, 2024
பாரதியார் சிலைக்கு முதல்வர் மரியாதை
மகாகவி சுப்பிரமணிய பாரதியார் நினைவு தினத்தை முன்னிட்டு புதுச்சேரி துணைநிலை ஆளுநர் மாளிகை அருகே அமைந்துள்ள பாரதியாரின் திரு உருவ சிலைக்கு இன்று புதுச்சேரி துணை நிலை ஆளுநர் கைலாசநாதன் மற்றும் முதலமைச்சர் ரங்கசாமி சபாநாயகர் செல்வம் ஆகியோர் மாலை அணிவித்து மரியாதை செய்தனர். இதுபோன்று பல்வேறு சமூக அமைப்பினரும் பாரதியார் சிலைக்கு மாலை அணிவித்து மரியாதை செய்தனர்.
Featured News
Sorry, no posts matched your criteria.