• Download our app

Pondicherry

News October 16, 2024

மீனவர்கள் கடலுக்கு செல்ல வேண்டாம்: ஆட்சியர்

image

தென்கிழக்கு வங்க கடலில் காற்றழுத்த தாழ்வு பகுதி உருவானதை அடுத்து வட தமிழகம் மற்றும் புதுவை கடலோர பகுதிகளில் சூறைக்காற்றுடன் காற்று வீசக்கூடும் என்பதால் காரைக்கால் மீனவர்கள் 15, 16 மற்றும் 17 ஆம் தேதி வரை மீன்பிடித் தொழிலில் ஈடுபடக்கூடாது என்று மாவட்ட ஆட்சியர் மணிகண்டன் உத்தரவிட்டு உள்ளார். மேலும் தற்போது கடலில் மீன் பிடித்துக் கொண்டிருக்கும் மீனவர்களை உடனடியாக கரைக்கு திரும்ப வேண்டும் என்றார்.

News October 16, 2024

புதுவை, காரைக்காலில் பள்ளி கல்லூரிகளுக்கு விடுமுறை

image

புதுச்சேரி, காரைக்காலில் இன்று அனைத்து பள்ளி மற்றும் கல்லூரிகளுக்கு விடுமுறை அறிவிக்கப்பட்டுள்ளது. கனமழை எச்சரிக்கை காரணமாக புதுச்சேரி, காரைக்காலுக்கு புதுவை மாநில அரசு விடுமுறை என உத்தரவிட்டுள்ளது. மேலும், மழைநீர் தேங்கியுள்ள பகுதிகளில் பேரிடர் மீட்பு குழுவினர் நீரை வெளியேற்றும் பணியில் ஈடுபட்டுள்ளனர்.

News October 15, 2024

புதுவை கவர்னர் பேட்டி

image

புதுச்சேரி பேரிடர் மையத்தை இன்று ஆய்வு செய்த பின்பு செய்தியாளர்களை சந்தித்த துணை நிலை ஆளுநர் கைலாசநாதன் காரைக்கால் கோயில் நில மோசடி விவகாரத்தில் காவல்துறை விசாரணையில் குற்றம் சாற்றப்பட்டவர்கள் மீது நடவடிக்கை எடுக்கப்பட்டுள்ளது. இதில் அதிகாரிகள் மற்றவர்கள் என்ற பாரபட்சம் இல்லை விசாரணையின் போது தவறு செய்தவர்களாக யாரெல்லாம் அடையாளம் காணப்படுகிறதோ அவர்கள் மீது நடவடிக்கை எடுக்கப்படும் என கூறினார்.

News October 15, 2024

வளர்கலைக் கூடத்தில் விண்ணப்பங்கள் வரவேற்பு

image

புதுச்சேரி கலை பண்பாட்டுத்துறை இயக்குனர் கலியபெருமாள் நேற்று வெளியிட்டுள்ள செய்திக்குறிப்பில், ஓவியம், சிற்பம், புகைப்படம் உள்ளிட்டவைகளை காட்சிப்படுத்த கலை, பண்பாட்டுத்துறை மூலம் அரசு அருங்காட்சியகத்திற்கு அருகே எளிய முறையில் வளர்கலைக் கூடம் அமைக்கப்பட்டுள்ளது. இதற்காக, கலை படைப்புகளை காட்சிப்படுத்த, ஓவியர்கள் மற்றும் சிற்பிகளிடம் இருந்து விண்ணப்பங்களை கலை பண்பாட்டுத்துறை வரவேற்கிறது என்றார்.

News October 15, 2024

தமிழக மாணவரை நீக்க சுகாதாரத்துறை இயக்குனர் கடிதம்

image

ஜிப்மரில் புதுச்சேரி மாநில மாணவர்களுக்கு என தனியாக 64 இடங்கள் உள்ளது. இந்த இடங்களுக்கான மாணவர் சேர்க்கை நீட் தேர்வு மதிப்பெண் அடிப்படையில் நடைபெறுகிறது. ஜிப்மர் மருத்துவக் கல்லுாரியில் 3-வது கலந்தாய்வில் புதுச்சேரி மாணவர்களுக்கான இடஒதுக்கீட்டில், எம்.பி.பி.எஸ். இடத்தை பெற்ற தமிழக மாணவரை நீக்க சுகாதாரத்துறை இயக்குனர் செவ்வேள், ஜிப்மர் இயக்குனருக்கு கடிதம் நேற்று எழுதியுள்ளார்.

News October 15, 2024

பிரபல ரவுடி உட்பட 4 பேருக்கு ஆயுள் தண்டனை

image

புதுச்சேரி வில்லியனூரைச் சேர்ந்த இளவரசன் கொலை வழக்கில் 4 பேர் மீதான வழக்கு விசாரணை முடிந்து குற்றச்சாட்டுகள் நிரூபிக்கப்பட்டது. அதை தொடர்ந்து நேற்று பிரபல ரவுடி தாடி அய்யனார் மற்றும் மணிகண்டன், அஜித் குமார், அர்ஜுன் ஆகியோருக்கு ஆயுள் தண்டனை வழங்கி தலைமை நீதிபதி சந்திரசேகரன் தீர்ப்பு வழங்கினார். தொடர்ந்து அவர்கள் அனைவரும் காலாப்பட்டு சிறையில் அடைக்கப்பட்டனர்.

News October 15, 2024

புதுச்சேரி மக்களே முக்கிய எண்கள் அறிவிப்பு

image

புதுச்சேரி மீன் வளத் துறை இயக்குனர் முகமது இஸ்மாயில் நேற்று வெளியிட்டுள்ள செய்திகுறிப்பில், வங்க கடலில் தற்போது ஏற்பட்டுள்ள வானிலை காரணமாக தீவிர மழை பெய்யும் என எதிர்பார்க்கப்படுகிறது. இதன் காரணமாக புதுச்சேரி மீன்வளத் துறை தேங்காய் திட்டு அலுவலகத்தில் அவசரகால கட்டுபாட்டு அறை திறக்கப்பட்டுள்ளது. மேலும் அவசர உதவிக்கு 0413-2353042 என்ற எண்ணை தொடர்பு கொள்ள அறிவுறுத்தப்பட்டுள்ளது. SHAREIT

News October 15, 2024

காரைக்கால் மாவட்ட நிர்வாகம் சார்பில் கட்டுப்பாட்டு அறை எண்கள் அறிவிப்பு

image

காரைக்கால் மாவட்ட பேரிடர் மேலாண்மை ஆணையம் சார்பில் வரும் மழைக்காலங்களில் மக்களின் புகார்களை 24/7 இயங்கும் அவசர கால கட்டுப்பாட்டு அறை கட்டணமில்லா தொலைபேசி எண்கள் 1070 மற்றும் 1077 தொலைபேசி எண்கள், 04368-227704, 228801 எண்ணில் புகார் கலை தெரிவிக்குமாறு காரைக்கால் மாவட்ட நிர்வாகம் சார்பாக பொதுமக்களுக்கு அறிவுறுத்தப்பட்டுள்ளது.

News October 15, 2024

புதுச்சேரியில் இன்று பள்ளி, கல்லூரிகளுக்கு விடுமுறை

image

புதுச்சேரி, காரைக்காலில் பள்ளி, கல்லூரிகளுக்கு இன்று விடுமுறை அறிவிக்கப்பட்டுள்ளது. வங்கக்கடலில் உருவாகும் வளி மண்டல சுழற்சி காரணமாக தமிழகம் மற்றும் புதுச்சேரியில் கனமழை பெய்யும் என வானிலை ஆய்வு மையம் எச்சரித்துள்ளது. இதையடுத்து புதுச்சேரி, காரைக்கால் பகுதிக்கு பள்ளி, கல்லூரிகளுக்கு விடுமுறை அறிவிக்கப்பட்டுள்ளதாக புதுச்சேரி கல்வி அமைச்சர் நமச்சிவாயம் அறிவித்துள்ளார். ஷேர் செய்யவும்

News October 14, 2024

மக்கள் குறை தீர்வு கூட்டம் ரத்து – மாவட்ட ஆட்சியர் அறிவிப்பு

image

புதுச்சேரி மாவட்ட ஆட்சியர் குலோத்துங்கன் இன்று வெளியிட்டுள்ள அறிவிப்பில் வானிலை ஆய்வு மையம் புதுச்சேரிக்கு நாளை 15ஆம் தேதி கனமழை எச்சரிக்கை விடுத்துள்ளதால் நாளை 15ஆம் தேதி செவ்வாய்க்கிழமை புதுச்சேரி மாவட்ட ஆட்சியர் அலுவலகத்தில் நடைபெறவிருந்த மக்கள் குறைதீர் கூட்டம் ரத்து செய்யப்படுகிறது. மீண்டும் மக்கள் குறை தீர்ப்பு கூட்டம் நடைபெறும் தேதி பின்னர் அறிவிக்கப்படும் என்று அவர் தெரிவித்துள்ளார்.

Featured News

Sorry, no posts matched your criteria.

↑