India's largestHyperlocal short
news App
Get daily news updates that are tailored for you based on your preferred language & location.
download Way2News app now
Perambalur
News August 2, 2024
தேனூர் பயிர் வளாகத்தில் ஆட்சியர் ஆய்வு
ஆலத்தூர் தாலுகா தேனூர் கிராமத்தில் உள்ள பயிர் வளாகத்திற்கு புதியதாக பொறுப்பேற்ற பெரம்பலூர் மாவட்ட ஆட்சியர் கிரேஸ் பச்சாவ் வருகை புரிந்து பயிர் வளாகத்தில் நடைபெறும் பணிகளை பார்வையிட்டு அங்குள்ள பணியாளர்களிடம் உரையாடினார். இந்நிகழ்ச்சியில் தேனூர் பஞ்சாயத்து அலுவலர்கள், பயிர் அமைப்பினர் கலந்து கொண்டனர்.
News August 2, 2024
பெரம்பலூரில் நீர்நிலைகள் குறித்த ஆய்வு கூட்டம்
பெரம்பலூர் மாவட்ட ஆட்சியர் அலுவலக கூட்ட அரங்கில் நீர்வள ஆதாரத்துறையின் மூலம் தூர்வாரப்பட்டுள்ள நீர்நிலைகள் குறித்து தமிழ்நாடு அரசின் முதன்மைச் செயலாளர்/ தமிழ்நாடு மினரல் கார்ப்பரேஷன் நிறுவன மேலாண்மை இயக்குநர் மற்றும் பெரம்பலூர் மாவட்ட கண்காணிப்பு அலுவலர் அனில் மேஷ்ராம், தலைமையில், மாவட்ட ஆட்சித்தலைவர் கிரேஸ் பச்சாவ், முன்னிலையில் ஆய்வுக் கூட்டம் இன்று நடைபெற்றது.
News August 1, 2024
குரும்பலூர் வாய்க்கால் ஆய்வு
குரும்பலூர் ஏரிக்கு செல்லும் வரத்து வாய்க்கால் தூர்வாரப்பட்டுள்ளதை தமிழ்நாடு அரசின் முதன்மைச் செயலாளர்/ தமிழ்நாடு மினரல் கார்ப்பரேஷன் நிறுவன மேலாண்மை இயக்குநர் / மாவட்ட கண்காணிப்பு அலுவலர் அனில் மேஷ்ராம், இன்று பார்வையிட்டு ஆய்வு செய்தார். இந்நிகழ்வின் போது மாவட்ட ஆட்சியர் உள்ளிட்ட பலர் உடனிருந்தனர்.
News August 1, 2024
பாலியல் தொந்தரவு: வாலிபருக்கு 20 வருடம் சிறை
பெரம்பலூர் மாவட்ட அனைத்து மகளிர் காவல் நிலையத்தில் கடந்த 2022ஆம் ஆண்டு சிறுமியை பாலியல் தொந்தரவு செய்த அய்யலூர் கிராமத்தைச் சேர்ந்த மகேந்திரன் என்பவருக்கு 20 வருடம் சிறை தண்டனையும், ஒரு லட்சம் ரூபாய் அபராதமும் விதிக்கப்பட்டுள்ளது. மேலும், அபராதத்தை செலுத்த தவறினால் மேலும் இரண்டு ஆண்டு சிறை தண்டனை விதிக்கப்படும் என பெரம்பலூர் மகிலா நீதிமன்ற நீதிபதி உத்தரவிட்டுள்ளார்.
News August 1, 2024
வேப்பந்தட்டை நீதிமன்றத்தில் சவுக்கு சங்கருக்கு ஜாமீன்
பெரம்பலூரில் பணியாற்றும் பெண் காவல் உதவி ஆய்வாளர் செந்தமிழ்ச் செல்வி, சவுக்கு சங்கர் மீது அளித்த புகாரின் பேரில், பெரம்பலூர் போலீசார் சென்னை சென்று புழல் சிறையில் இருந்து சவுக்கு சங்கரை கைது செய்து இன்று வேப்பந்தட்டையிலுள்ள நீதிமன்றத்தில் ஆஜர்படுத்தினர். இந்நிலையில் சவுக்கு சங்கருக்கு ஜாமீன் வழங்கி நீதிமன்றம் உத்தரவிட்டுள்ளது.
News August 1, 2024
பெரம்பலூரில் பள்ளி மேலாண்மை குழு கூட்டம்
பெரம்பலூர் மாவட்டத்தில் செயல்பட்டு வரும் தொடக்கப்பள்ளி, நடுநிலைப் பள்ளி, உயர்நிலைப் பள்ளி, மேல்நிலைப் பள்ளிகளில் அந்தந்த பள்ளி தலைமை ஆசிரியர் தலைமையில் நாளை பள்ளி மேலாண்மை குழு மறுகட்டமைப்பு கூட்டம் நடைபெறுகிறது. இக்கூட்டத்தில் மாணவர்களின் பெற்றோர்கள், வார்டு உறுப்பினர்கள், இல்லம் தேடி கல்வி தன்னார்வலர்கள், பள்ளி முன்னாள் மாணவர்கள் ஆகியோர் கலந்து கொள்கிறார்கள்.
News August 1, 2024
அமைச்சரிடம் மனு வழங்கிய எம்எல்ஏ
பெரம்பலூர் சட்டமன்ற தொகுதிக்குட்பட்ட மக்களின் பல்வேறு கோரிக்கைகளை இன்று பெரம்பலூர் சட்டமன்ற உறுப்பினர் பிரபாகரன் மற்றும் மாவட்ட இளைஞர் அணி துணை அமைப்பாளர் டி.ஆர். சிவசங்கர் ஆகியோர் திருச்சியில் தமிழ்நாடு இளைஞர் நலன் விளையாட்டு மேம்பாட்டு துறை அமைச்சர் உதயநிதி ஸ்டாலினிடம் கோரிக்கை மனுவாக வழங்கினர். மனுக்களை பெற்றுக்கொண்டு விரைவில் அனைத்துக்கும் தீர்வு காண்பதாக அமைச்சர் உறுதியளித்தார்.
News August 1, 2024
கஞ்சா விற்பனை; தடுப்பு சட்டத்தில் ஒருவர் கைது
பெரம்பலூர் மாவட்டத்தில் கஞ்சா, போதைப்பொருள் விற்பனை குற்ற செயல்களில் ஈடுபட்டு வந்த எளம்பலூரை சேர்ந்த ரியாஜ் அகமது (20) என்பவரை போதைப்பொருள் குற்றவாளி என தடுப்பு காவல் சட்டத்தில் அடைக்க எஸ்பி ஷ்யாம்ளாதேவி நேற்று கலெக்டர் கிரேஸ் பச்சாவுக்கு பரிந்துரை செய்தார். இதையடுத்து கலெக்டர் அவரை போதைப்பொருள் குற்றவாளி என தடுப்பு காவல் சட்டத்தின் கீழ் திருச்சி மத்திய சிறையில் அடைக்க உத்தரவிட்டார்.
News August 1, 2024
அரசு அலுவலருக்கு மூன்று ஆண்டுகள் சிறைத்தண்டனை
பெரம்பலூரில் அரசின் நலத்திட்ட உதவித் தொகையை பெறுவதற்காக, பெயரை பரிந்துரை செய்ய ரூ.1,000 லஞ்சம் வாங்கிய வழக்கில் கைது செய்யப்பட்ட சமூகநல விரிவாக்க அலுவலர் காமாட்சிக்கு 3 ஆண்டுகள் சிறைத்தண்டனை மற்றும் 6,000 அபராதம் விதித்து பெரம்பலூர் மாவட்ட குற்றவியல் நீதிமன்றம் நேற்று தீர்ப்பளித்தது. மேலும் அபராத தொகையை செலுத்த தவறினால் கூடுதலாக 6 மாதம் சிறை தண்டனை அனுபவிக்க வேண்டும் என கோர்ட்டு உத்தரவிட்டது.
News August 1, 2024
இலவச பயிற்சிக்கு விண்ணப்பிக்கலாம்
பெரம்பலூர், எளம்பலூர் சாலையிலுள்ள ஐ.ஓ.பி ஊரக சுய வேலைவாய்ப்பு பயிற்சி மையத்தின் சார்பாக, கிராம பகுதியைச்சேர்ந்த இளைஞர்களுக்கு, இலவச ஏசி, பிரிட்ஜ் பழுது நீக்கும் பயிற்சி வரும் ஆகஸ்ட்.12 முதல் வழங்கப்படவுள்ளது. இதில் 19-45 வயதிற்குட்பட்ட எழுத, படிக்க தெரிந்த நபர்கள் ஆகஸ்ட்.07 மாலை 5 மணிக்குள் ஐ.ஓ.பி கிராமிய சுய வேலைவாய்ப்பு பயிற்சி மையத்தில் விண்ணப்பிக்கலாம் என இயக்குநர் ஆனந்தி தெரிவித்துள்ளனர்.
Featured News
Sorry, no posts matched your criteria.