India's largestHyperlocal short
news App
Get daily news updates that are tailored for you based on your preferred language & location.
download Way2News app now
Perambalur
News October 24, 2024
பெரம்பலூர் மாவட்டத்தில் விருது பெற அழைப்பு
பெரம்பலூர் மாவட்டத்தில் மாற்றுத்திறனாளிகள் நலனுக்காக சேவை புரிபவர் தமிழக அரசு விருது பெறுவதற்கு விண்ணப்பிக்கலாம். இந்த விருதுகளுக்கு விண்ணப்பிக்கும் விருத்தாளர்கள் awards.tn.gov.in என்ற வலைதளத்தில் குறிப்பிடப்பட்டுள்ள படிவத்தில் விவரங்களை பதிவு செய்து 28.10.2024ஆம் தேதிக்குள் விண்ணப்பிக்கலாம் என ஆட்சியர் கிரேஸ் பச்சாவ் தெரிவித்துள்ளார்.
News October 24, 2024
பெரம்பலூர் அருகே கத்தியால் தாக்கி ரூ.10 லட்சம் வழிப்பறி
செங்கல்பட்டை சேர்ந்த யுவராஜ் என்ற நபர் சிவகாசிக்கு பட்டாசு கொள்முதல் செய்வதற்காக சென்ற போது, திருச்சி -சென்னை தேசிய நெடுஞ்சாலையில், பெரம்பலூர் தண்ணீர் பந்தல் அருகே, இருசக்கர வாகனத்தில் வந்த 6 நபர்கள் வழிமறித்து, கத்தியால் தாக்கி 10 லட்ச ரூபாய் பணத்தை கொள்ளையடித்துச் சென்றனர். இந்த சம்பவம் குறித்து பெரம்பலூர் போலீசார் விசாரணை நடத்தி வருகின்றனர்.
News October 24, 2024
பெரம்பலூர் மாவட்டம் முழுவதும் முகாம்கள்
பெரம்பலூரில் மாற்றுத்திறனாளிகள் தேசிய மாற்றுத்திறனாளி அடையாள அட்டை பெற வட்டார வாரியாக முகாம்கள் நடைபெறவுள்ளது. அதன்படி 24.10.2024 செட்டிகுளம் 25.10.2024, அடைக்கம்பட்டி 29.10.2024, மேலமாத்தூர் 5.11.2024, குன்னம் 7.11.2024, பெருமத்தூர் 9.11.2024, முருக்கன்குடி 12.11.2024, வேப்பூர் 14.11.2024, லப்பைக்குடிகாடு 16.11.2024, குரும்பலூர் 19.11.2024 நடைபெற உள்ளதாக என ஆட்சியர் அறிவித்துள்ளார்.
News October 24, 2024
சிறப்பு கல்விக்கடன் முகாம்
பெரம்பலூர் மாவட்ட மாணவ, மாணவிகளின் உயர் கல்விக்கு உதவிடும் வகையில், மாவட்ட முன்னோடி வங்கியின் சார்பில் மாவட்ட ஆட்சியர் அலுவலகத்தில் இன்று சிறப்பு கல்விக்கடன் முகாம் நடைபெறவுள்ளது. இதை கல்விக் கடனுதவி தேவைப்படும் மாணவ, மாணவிகள் உரிய ஆவணங்களுடன் பங்கேற்று பயன்பெறலாம், மேலும் அனுமதி இலவசம் என பெரம்பலூர் ஆட்சித்தலைவர் கிரேஸ் பச்சாவ் தெரிவித்துள்ளார். ஷேர் செய்யவும்
News October 23, 2024
பெரம்பலூர் மாவட்ட ஆட்சியர் அறிவிப்பு
பெரம்பலூர் மாவட்ட ஆட்சியர் அலுவலக கூட்ட அரங்கில் விவசாயிகள் குறைதீர்க்கும் நாள் கூட்டம் 25.10.2024 அன்று காலை 11 மணி அளவில் நடைபெற உள்ளது. இந்த கூட்டத்தில் விவசாயிகள் மேம்பாட்டிற்கான நலத்திட்டங்கள் பற்றிய முறையீடுகள் பற்றி விவாதிக்கப்படும். விவசாயிகள் அன்றைய தினம் தங்களது குறைகளை தெரிவிக்கலாம் என கலெக்டர் நேற்று தகவல் தெரிவித்துள்ளார். ஷேர் செய்யவும்
News October 23, 2024
‘பெரும்புலியூர்’ என்ற பெரம்பலூர்
ஒருகாலத்தில் தமிழகத்தின் வரலாற்று முக்கியத்துவம் வாய்ந்த இடமாக இருந்த ‘பெரும்புலியூர்’ தான் இன்று ‘பெரம்பலூர்’ ஆக மாறியுள்ளது. எங்கும் வனப்பகுதியாக இருந்த பெரம்பலூர் புலிகளும், சிறுத்தைகளும், கரடிகளும் வாழ்ந்த இடமாகும். அதுமட்டுமின்றி அழகிய மலைகளும், மலைகள் சூழ்ந்த பகுதிகளும் இங்கு நிறைந்து காணப்பட்டதாக கூறப்படுகிறது. இதன் காரணமாகவே பெரம்பலூர் என்ற பெயரும் வந்ததாக கூறப்படுகிறது. ஷேர் செய்யவும்
News October 23, 2024
விவசாயிகளுக்கு இழப்பீடு வழங்க நீதிமன்றம் உத்தரவு
ஆலத்தூர், நக்கசேலம் கிராமத்தைச் சேர்ந்த அய்யம்பெருமாள் தனது நிலத்தில் பட்டு வளர்ச்சி துறை ஆலோசனைப்படி 3000 மல்பெரி செடிகளை நட்டு, பயிர்களுக்கு இலவச காப்பீடு செய்ய இணையதளம் மூலம் விண்ணப்பித்திருந்தார். இதனிடையே மல்பெரி பயிர்கள் மழையினால் சேதம் அடைந்தன. ஆனால் பட்டு வளர்ச்சித் துறை எந்த நடவடிக்கையும் எடுக்கவில்லை. இதையடுத்து விவசாயிகளுக்கு ரூ.50,000 இழப்பீடு நுகர்வோர் நீதிமன்ற உத்தரவிட்டுள்ளது.
News October 23, 2024
பெரம்பலுாரில் கொம்பு இழந்த மானால் பரபரப்பு
செட்டிகுளம் கிராமத்தைச் சேர்ந்தவர் ரவி. இவர், நேற்று வீட்டில் இருந்தபோது, கொம்புகள் அறுக்கப்பட்ட நிலையில் மான் ஒன்று இவரது வீட்டிற்குள் புகுந்து பதுங்கியுள்ளது. இதைக்கண்டு அதிர்ச்சியுற்ற அவர் அதை பிடித்து பத்திரமாக கட்டி வைத்து, வனத்துறையினருக்கு தகவல் கொடுத்தார். சம அளவில் கொம்புகளின்றி காயமடைந்திருந்த மானை, வனத்துறையினர் சிகிச்சை அளித்து வனப்பகுதியில் விட்டனர். இது பரபரப்பை ஏற்படுத்தியுள்ளது.
News October 23, 2024
பள்ளியில் போட்ட தடுப்பூசியால் விபரீதம்
பெரம்பலுார் அடுத்த ஆடுதுறை அரசு பள்ளியில் ஆரம்ப சுகாதார நிலையத்தில் இருந்து வந்த மருத்துவ குழுவினரால் தடுப்பூசி போடப்பட்டது. அன்று, அர்ஜூன் என்ற மாணவனுக்கு தடுப்பூசி போட்ட இடத்தில் வீக்கத்துடன் புண் ஏற்பட்டது. பின்னர் மேல் சிகிச்சைக்காக திருச்சி அரசு மருத்துவமனையில் சேர்க்கப்பட்டு கடந்த, 10ஆம் தேதி அறுவை சிகிச்சை செய்யப்பட்டு, வீடு திரும்பியுள்ளார். SHAREIT & COMMENTIT
News October 22, 2024
நலத்திட்ட உதவிகள் வழங்கிய ஆட்சியர்
பெரம்பலூர் மாவட்ட ஆட்சியர் அலுவலக கூட்ட அரங்கில் மக்கள் குறைதீர்க்கும் நாள் கூட்டம் நேற்று நடந்தது. இக்கூட்டத்தில் மாற்றுத்திறனாளிகள் கலெக்டருக்கு கோரிக்கை மனுக்களை வழங்கினர். பின்னர் வருவாய்த்துறை சார்பில் 05 பயனாளிகளுக்கு ரூ.3,00,000 மதிப்பீட்டில் இலவச வீட்டுமனைப் பட்டாக்களையும், மொத்தம் 21 பயனாளிகளுக்கு ரூ.3,97,740 மதிப்பிலான அரசு நலத்திட்ட உதவிகளையும் வழங்கினார்.
Featured News
Sorry, no posts matched your criteria.