India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News June 21, 2024
ஈரோடு: குடியிருப்புக்குள் புகுந்த மழைநீர்
புஞ்சைபுளியம்பட்டி பகுதியில் நகராட்சி நிர்வாகம் சார்பில் ரூ.60 லட்சம் மதிப்பில் கழிவு நீர் சுத்திகரிப்பு தொட்டி பணி நடைபெற்று வருகிறது. இந்நிலைியில், அம்மன் நகர், சருகு மாரியம்மன் கோவில், காந்திநகர் ஆகிய பகுதிகளில் நேற்று பெய்த கனமழையால் பொதுமக்கள் குடியிருப்பு பகுதிகளில் புகுந்து குளம் போல் காட்சி அளிக்கிறது. மழைநீர் ஒதுங்க ஓடை கால்வாய் இல்லாததால் மக்கள் அவதிக்குள்ளாகினர்.
News June 21, 2024
தர்மபுரி அருகே அதிகளவு பாரம் ஏற்றுவதால் விபத்து அபாயம்
தர்மபுரி மாவட்டம் பாப்பிரெட்டிப்பட்டி அடுத்த பொம்மிடி கடத்தூர், ராமியம்பட்டி, ஒடசல்பட்டி, மணியம்பாடி உள்ளிட்ட இடங்களில் போக்குவரத்து விதிகளை மதிக்காமல் டிப்பர், லாரி உள்ளிட்ட கனரக வாகனங்களுக்கு அதிகமான பாரங்களை ஏற்றிச் செல்வதால், விபத்து நடைபெறும் அபாயம் உள்ளது. இதனை காவல்துறை மற்றும் போக்குவரத்து அதிகாரிகள் வாகனங்கள் மீது நடவடிக்கை எடுக்க வேண்டும் என சமூக ஆர்வலர்கள் கோரிக்கை விடுத்துள்ளனர்.
News June 21, 2024
கடலூர் அரசு கல்லூரியில் மாணவர் சேர்க்கை
கடலூர் தேவனாம்பட்டினத்தில் உள்ள அரசு கலை மற்றும் அறிவியல் கல்லூரியில் 2024-2025-ம் கல்வியாண்டிற்கான மாணவர் சேர்க்கைக்கான சிறப்பு கலந்தாய்வு மற்றும் முதலாம் கட்ட கலந்தாய்வு கடந்த 14.6.2024 வரை நடந்தது. இந்த நிலையில் இரண்டாவது கட்ட கலந்தாய்வு வருகிற 24-ம் தேதி முதல் 27-ம் தேதி வரை நடக்கிறது என கல்லூரி முதல்வர் ராஜேந்திரன் தெரிவித்துள்ளார்.
News June 20, 2024
யோகா தினம் – புதுச்சேரி துணைநிலை ஆளுநர் வாழ்த்து
புதுச்சேரி துணை நிலை ஆளுநர் சி.பி. ராதாகிருஷ்ணன் இன்று (ஜூன் 20) வெளியிட்டுள்ள செய்திக்குறிப்பில்; நம்முடைய ஞானிகளாலும் ரிஷிகளாலும் யோகா கலை உலகிற்கு தரப்பட்டது. அந்த யோகா கலையை இன்று உலகம் முழுவதும் கொண்டாடுகின்ற விதமாக பாரதப் பிரதமர் நரேந்திர மோடி உலக யோகா தினத்தை முன்னிறுத்தினார். மனிதனுக்கு உடல் நலம் முக்கியம். அந்த உடல்நலத்தை பேணிக் காக்க வேண்டும் என்று குறிப்பிட்டுள்ளார்.
News June 20, 2024
ரோகி கல்யான் சமிதி குறித்து ஆட்சிக்குழு கூட்டம்
ரோகி கல்யான் சமிதி இந்திரா காந்தி அரசு பொது மருத்துவமனை மற்றும் – பட்டமேற்படிப்பு மையம் (RKS-IGGH&PGI)-ன் ஆறாவது ஆட்சிக்குழு கூட்டம் இந்திரா காந்தி அரசு பொது மருத்துவமனையின் கருத்தரங்கு கூடத்தில் பொதுப்பணித்துறை அமைச்சர் மற்றும் ஆட்சியர் முன்னிலையில் இன்று (ஜீன் 20) நடைபெற்றது. இக்கூட்டத்தில் சுகாதாரத்துறை இயக்குநர் டாக்டர் G. ஸ்ரீராமுலு மற்றும் பல்வேறு துறை சார்ந்த அதிகாரிகள் கலந்து கொண்டனர்.
News June 20, 2024
தமிழக அரசுக்கு புதுச்சேரி கவர்னர் வேண்டுகோள்
புதுச்சேரி ஆளுநர் மாளிகையில் இன்று செய்தியாளர்களை சந்தித்த துணை நிலை ஆளுநர் சி பி ராதாகிருஷ்ணன் தமிழக அரசு போலீசாரை முடுக்கிவிட்டு கள்ளச்சாராயம் காய்ச்சுபவர்கள் மீது கடுமையான நடவடிக்கை எடுக்க வேண்டும் என்று தெரிவித்த கவர்னர் சில நேரங்களில் தமிழக போலீசார் சமூக சிந்தனையை மறந்து விடுகிறார்கள், மனசாட்சிக்கு விரோதம் இல்லாமல் நேர்மையாக செயல்படுங்கள் எனவும் விமர்சனம் செய்தார்
News June 20, 2024
காரைக்காலில் நாளை சர்வதேச யோகா தினம்
புதுச்சேரி சுற்றுலாத்துறை மற்றும் காரைக்கால் மாவட்ட நிர்வாகம் சார்பில் 10-வது சர்வதேச யோகா தின நிகழ்ச்சி நாளை (ஜூன் 21) காலை காரைக்கால் மாவட்ட உள்விளையாட்டு அரங்கில் நடைபெற உள்ளது. இதில் அமைச்சர், சட்டமன்ற உறுப்பினர்கள், மாவட்ட ஆட்சியர், அரசு அதிகாரிகள், பள்ளி மற்றும் கல்லூரி மாணவர்கள் பங்கேற்க உள்ளனர்.
News June 20, 2024
கள்ளச்சாராயம் தொடர்பான புகார் – ஆட்சியர் தகவல்
கள்ளச்சாராயம் தொடர்பாக பொதுமக்கள் மாவட்ட ஆட்சியர் அலுவலகத்தில் 24 மணி நேரம் செயல்படும் கட்டுப்பாட்டு அறைக்கு 0427 2452202, 0427 1077, என்ற தொலைபேசி எண்களில் தகவல் தெரிவிக்கலாம். மேலும் 10581 என்ற கட்டணமில்லா தொலைபேசி எண்ணிலும் பொதுமக்கள் தகவல் தெரிவிக்கலாம் என சேலம் மாவட்ட ஆட்சியர் பிருந்தா தேவி தகவல் தெரிவித்துள்ளார்.
News June 20, 2024
போதை பொருட்கள் தடுப்பு ஆலோசனை கூட்டம்
தென்காசி கலெக்டர் அலுவலகத்தில் இன்று மாவட்ட கலெக்டர் கமல் கிஷோர் தலைமையில் கள்ளச்சாராயம், போதைப் பொருட்கள் மற்றும் தடைசெய்யப்பட்ட புகையிலை பொருட்கள் நடமாட்டத்தினை முற்றிலும் தவிர்க்கும் பொருட்டு முன்னெச்சரிக்கை ஆய்வுக் கூட்டம் நடந்தது. இக்கூட்டத்தில் காவல்துறை, மதுவிலக்கு மற்றும் அமலாக்கப் பிரிவு, டாஸ்மாக், வருவாய்துறை, உணவுப் பாதுகாப்பு துறை அதிகாரிகள் கலந்து கொண்டனர்.
News June 20, 2024
பாலியல் வழக்கில் 18 ஆண்டுகள் சிறை
நத்தம் காவல் நிலைய எல்லைக்குட்பட்ட பகுதியில் கடந்த 2023-ஆம் ஆண்டு 19 வயது பெண்ணை பாலியல் பலாத்காரம் செய்த நத்தம் பகுதியைச் சேர்ந்த கார்த்திக்(32) என்பவரை நத்தம் போலீசார் கைது செய்தனர். இவ்வழக்கு திண்டுக்கல் விரைவு மகிளா நீதிமன்றத்தில் இன்று விசாரணைக்கு வந்தது. குற்றவாளி கார்த்திக்கிற்கு 18 ஆண்டுகள் சிறை தண்டனை மற்றும் ரூ. 31,000/- அபராதம் விதித்து நீதிபதி தீர்ப்பு வழங்கினார்.
Featured News
Sorry, no posts matched your criteria.