India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News June 21, 2024
கஞ்சா வைத்திருந்த 3 பேர் கைது
காவேரிப்பட்டணம் போலீசார் மலையாண்டஅள்ளி ஜங்ஷன் சாலையில் நேற்று ரோந்து பணியில் ஈடுபட்டனர். அங்கு சந்தேகம்படும்படி நின்ற 3 பேரை போலீசார் பிடித்து சோதனை செய்ததில் அவர்கள் 1 கிலோ 100 கிராம் கஞ்சா வைத்திருந்தது தெரியவந்தது. விசாரணையில் அவர்கள் காவேரிப்பட்டணம் பூமாலை நகரை சேர்ந்த தங்கவேலு(22), மதன்குமார் (22), கோவிந்த செட்டி தெரு அறிவழகன்(21) என தெரியவந்தது. போலீசார் 3 பேரை கைது செய்தனர்.
News June 21, 2024
கள்ளச்சாராயம் தடுப்பது குறித்த ஆய்வு கூட்டம்
விழுப்புரம் மாவட்ட ஆட்சியர் அலுவலக கூட்டரங்கில் கள்ளச்சாராயம், போதைப்பொருள் மற்றும் தடைசெய்யப்பட்ட புகையிலை பொருட்கள் தடுப்பது குறித்த ஆய்வு கூட்டம் ஆட்சியர் சி.பழனி தலைமையில் இன்று நடைபெற்றது. உடன் மாவட்ட காவல் கண்காணிப்பாளர் தீபக் சிவாச் கூடுதல் ஆட்சியர் (வளர்ச்சி) ஸ்ருதஞ்ஜெய் நாராயணன், திண்டிவனம் சார் ஆட்சியர் திவ்யான்ஷு நிகம், உதவி ஆணையர் (கலால்) முருகேசன் ஆகியோர் உடனிருந்தனர்.
News June 21, 2024
விதி மீறிய அரசு பேருந்துகளுக்கு அபராதம்
காங்கேயத்தில் அரசு மற்றும் தனியார் பேருந்துகளில் அரசு நிர்ணயித்த கட்டணத்தை விட கூடுதல் கட்டணம் வசூலிப்பதாக வட்டார போக்குவரத்து அதிகாரிகளுக்கு புகார்கள் போனது. இதையடுத்து நேற்று காங்கேயம் மோட்டார் வாகன ஆய்வாளர் தலைமையில் நடத்தப்பட்ட சோதனைகள் விதிமீறிய அரசு மற்றும் தனியார் பேருந்துகளுக்கு ரூ.12000 வரை அபராதம் விதிக்கப்பட்டது.
News June 21, 2024
கொத்துக்கொத்தாக கீழே விழுந்த காகங்கள்
தூத்துக்குடி மாவட்டம் திருச்செந்தூர் அருகே வானத்தில் பறந்துகொண்டிருந்த காகங்கள் திடீரென கொத்துக்கொத்தாக கீழே விழுந்து உயிரிழந்ததால் பொதுமக்கள் அதிர்ச்சியடைந்துள்ளனர். கீழே விழுந்து உயிருக்கு போராடிய காகங்களை இளைஞர்கள் மீட்டு உயிர்காக்க போராடிய மனிதநேய செயல் நெகிழ்ச்சியை ஏற்படுத்தியது. மேலும், இச்சம்பவம் அப்பகுதியில் பரபரப்பை ஏற்படுத்தியுள்ளது.
News June 21, 2024
தண்டவாளத்தை கடக்க முயன்ற முதியவர் ரயில் மோதி பலி
ஆம்பூர் அருகே விண்ணமங்கலம் கென்னடி குப்பத்தை சேர்ந்தவர் முருகேசன் (79). இவருக்கு காது கேட்காது. இந்நிலையில் இன்று விண்ணமங்கலம் அருகே தண்ணீர் எடுக்க தண்டவாளத்தை கடக்க முயன்றார். அப்போது போடிநாயக்கனூர்-சென்னை செல்லும் எக்ஸ்பிரஸ் ரயில் மோதி உடல் சிதறி பரிதாபமாக உயிரிழந்தார். ஜோலார்பேட்டை ரயில்வே போலீஸ் சப் இன்ஸ்பெக்டர் ஜெயக்குமார் மற்றும் போலீசார் சம்பவம் இடத்திற்கு சென்று விசாரிக்கின்றனர்.
News June 21, 2024
அணைக்கட்டு அருகே ஆட்சியர் ஆய்வு
அணைக்கட்டு அடுத்த அத்தியூர் முதல் கொல்லைமேடு வரை 1.04 கிலோ மீட்டர் நீளத்திற்கு ரூ. 1.17 கோடி மதிப்பில் அமைக்கப்பட்டுள்ள தார் சாலையில் அமைந்துள்ள சிறுபாலத்தினை மாவட்ட ஆட்சித்தலைவர் சுப்புலெட்சுமி இன்று (21.06.2024) ஆய்வு செய்தார். இந்த ஆய்வின்போது அணைக்கட்டு வட்டாட்சியர் வேண்டா, வட்டார வளர்ச்சி அலுவலர்கள் எழிலரசி, கார்த்திகேயன் துறைசார்ந்த அலுவலர்கள் உடனிருந்தனர்.
News June 21, 2024
திருச்சி ஆட்சியர் கடும் எச்சரிக்கை
திருச்சி மாவட்ட ஆட்சியர் இன்று ஓர் அறிவிப்பை வெளியிட்டுள்ளார். அதில், “மருத்துவமனைகளில் ஸ்பிரிட் என்ற ஆல்கஹால் பானத்தை விற்பனை செய்யக்கூடாது. மீறி விற்பனை செய்தால் மருத்துவமனை மூடப்படும். மேலும், ஸ்பிரிட் இருப்பு விபரங்களை அதிகாரிகளிடம் முறையாக தெரிவிக்க வேண்டும்” என தெரிவித்துள்ளார். தொடர்ந்து, அரசால் தடைசெய்யப்பட்ட போதை பொருட்களை விற்பவர்கள் மீது குண்டர் சட்டம் பாயும் எனவும் எச்சரித்துள்ளார்.
News June 21, 2024
புதுச்சேரி அரசுக்கு விசிக கேள்வி
விடுதலை சிறுத்தை கட்சி சார்பில் இன்று அறிக்கை வெளியிடப்பட்டது. அதில் ஒதுக்கப்பட்ட அட்டவணை சாதியினர் துணைத் திட்ட நிதி SCSP/TSP ஆதிதிராவிடர் மற்றும் பழங்குடியின மக்களின் மேம்பாட்டு பணிகளுக்காக 23-24 நிதியாண்டிற்கு மக்களின் வளர்ச்சிக்கு 100 விழுக்காடு செலவு செய்யப்பட்டதா? 100 விழுக்காடு செலவு செய்து இருந்தால் அது தொடர்பாக புதுச்சேரி அரசு வெள்ளை அறிக்கை வெளியிடுமா என்று தெரிவித்திருந்தனர்.
News June 21, 2024
ஆறுதல் கூறிய பாமக அன்புமணி ராமதாஸ்
கள்ளக்குறிச்சி மருத்துவக் கல்லூரி மருத்துவமனையில் கள்ளச்சாராயம் குடித்து பாதிக்கப்பட்டு சிகிச்சை பெற்று வருபவர்களை பாமக தலைவர் அன்புமணி ராமதாஸ் இன்று (ஜூன் 21)நேரில் சந்தித்து ஆறுதல் கூறினார். மருத்துவர்களிடம் மேலும் தீவிர சிகிச்சை அளிக்குமாறும் அறிவுறுத்தினார். உடன், மயிலம் சட்டமன்ற உறுப்பினர் சிவகுமார், சமூக நீதிப் பேரவை தலைவர் வழக்கறிஞர் பாலு ஆகியோர் இருந்தனர்.
News June 21, 2024
சுமார் 2 கோடிக்கு ஏலம் போன அழகர் கோயில் கடைகள்
மதுரை அழகர் கோயிலில், இந்தாண்டுக்கான கடைகள் ஏலம், கோயில் திருக்கல்யாண மண்டப வளாகத்தில் நேற்று நடைபெற்றது. இதற்கு அறநிலையத்துறை மதுரை மண்டல இணை ஆணையர் செல்லத்துரை தலைமை தாங்கினார்.
இதில் பூக்கடை, பஸ்நிலைய உணவு விடுதி மற்றும் பஸ் நிலைய தேநீர் கடை உள்ளிட்ட 34 வகையான கடைகள் ரூ.1 கோடியே 98 லட்சத்து 16 ஆயிரத்திற்கு ஏலம் விடப்பட்டது.
Featured News
Sorry, no posts matched your criteria.