India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News April 16, 2025
கோவை; ‘நோ’ சொன்னவரை கொன்றவனுக்கு ஆயுள் தண்டனை
கோவை எஸ்.சி.எஸ்.டி நீதிமன்றம் ஓரினச் சேர்க்கைக்கு மறுத்த ஒருவரைக் கொலை செய்த குற்றவாளிக்கு நேற்று ஆயுள் தண்டனை விதித்தது. திருநெல்வேலியைச் சேர்ந்த பாக்கியராஜ் என்பவர் கொலை செய்யப்பட்ட வழக்கில் இடையர்பாளையத்தை சேர்ந்த மணிஜோசப் என்பவரை போலீசார் கைது செய்தனர். இந்த வழக்கினை விசாரித்த நீதிபதி விவேகானந்தன், மணி ஜோசப்புக்கு ஆயுள் தண்டனையும், ரூ.5,000 அபராதமும் விதித்து உத்தரவிட்டார்.
News April 16, 2025
வேதாரண்யத்தில் பேருந்து சக்கரத்தில் சிக்கி பெண் பலி
நாகை மாவட்டம் வேதாரண்யம் அடுத்த ஓரடியம்புலம் கிராமத்தில் முருகமணி மனைவி கல்பனா என்ற பெண் தனது அண்ணனுடன் இருசக்கர வாகனத்தில் சென்றுள்ளார். அப்போது முன்னே சென்ற டூவீலர் திடீரென பிரேக் அடித்ததில் அந்த வண்டியின் மீது மோதி டூவீலர் பின்புறத்தில் அமர்ந்திருந்த பெண் கீழே விழுந்துள்ளார். அப்போது பின்னால் வந்த அரசு பேருந்து கல்பனா மீது ஏறியதில் அவர் சம்பவ இடத்திலேயே உயிரிழந்தார்.
News April 16, 2025
மதிய உணவு சாப்பிட்ட 39 மாணவர்களுக்கு வாந்தி, மயக்கம்
உத்திரமேரூர், ஓங்கூர் கிராமத்தில் உள்ள ஆர்.சி., தொடக்கப் பள்ளியில் 39 மாணவர்கள் படித்து வருகின்றனர். நேற்று மதியம் மதிய உணவு சாப்பிட்ட மாணவர்களுக்கு, சிறிது நேரத்தில் வாந்தி, மயக்கம் ஏற்பட்டது. பாதிக்கப்பட்ட மாணவர்கள் உத்திரமேரூர் அரசு மருத்துவமனையில் சிகிச்சை பெறுகின்றனர். தகவலறிந்த சுகாதாரத்துறை அதிகாரிகள் சத்துணவு அமைப்பாளர் பாக்கியலட்சுமி, சமையலர் மேரி ஆகியோரிடம் விசாரித்து வருகின்றனர்.
News April 16, 2025
உறவினரை அரிவாளால் வெட்டியவர் கைது
ஓமலூர் தேக்கம்பட்டியைச் சேர்ந்த தாண்டவன் (49) என்பவருக்கும், அவரது உறவினர் சரவணன் (44) என்பவருக்கும் இடையே கடந்த 13ஆம் தேதி தகராறு ஏற்பட்டது. இதில் குடிபோதையில் இருந்த சரவணன், தாண்டவனை அரிவாளால் வெட்டினார். படுகாயமடைந்த தாண்டவன் சேலம் அரசு மருத்துவமனையில் சிகிச்சைக்காக அனுமதிக்கப்பட்டார். இந்த சம்பவம் தொடர்பாக கருப்பூர் போலீசார் வழக்கு பதிந்து நேற்று சரவணனை கைது செய்தனர்.
News April 16, 2025
சத்துணவு மையத்தில் 3 சிலிண்டர்கள் திருட்டு
நெமிலி அருகே சேந்தமங்கலத்தில் அரசு மேல்நிலைப் பள்ளியில் சத்துணவு மைய அமைப்பாளராக திவ்யா பணியாற்றி வருகிறார். இந்நிலையில் நேற்று (ஏப்.15) காலை திவ்யா சத்துணவு மையத்தை திறக்க வந்த போது பூட்டு உடைக்கப்பட்டு 3 கேஸ் சிலிண்டர்கள் திருடுப் போய் இருப்பது தெரிய வந்தது. இது குறித்து தலைமை ஆசிரியர் உயர் அதிகாரிகளுக்கு தகவல் தெரிவித்தார். புகாரின் அடிப்படையில் நெமிலி போலீசார் விசாரித்து வருகின்றனர்.
News April 16, 2025
கடலூர்: 61 வாகனங்களுக்கு அபராதம் விதிப்பு
கடலூர் மாவட்ட ஆட்சியர் அலுவலகம் எதிரே நேற்று போக்குவரத்து காவல் உதவி ஆய்வாளர் மகாலிங்கம் மற்றும் போலீசார் வாகன சோதனை மேற்கொண்டனர். அப்போது தலைக்கவசம் அணியாமல் வந்தவர்களுக்கும், உரிமம் இல்லாமலும் இருசக்கர வாகனங்களை ஓட்டி வந்தவர்களுக்கு அபராதம் விதித்தனர். இதில் 61 வாகனங்களுக்கு போலீசார் அபராதம் விதித்தனர்.
News April 16, 2025
ராஜபாளையத்தில் பால் வியாபாரி கொலையா?
ராஜபாளையம் அருகே புதுப்பட்டியை சேர்ந்தவர் பால் வியாபாரி சுப்பிரமணியன்(55). இவரது குடும்பத்தில் ஏற்பட்ட தகராறு காரணமாக மனைவி மற்றும் மகளை சுப்பிரமணியன் கண்டித்ததாக கூறப்படுகிறது. பின்னர் சிறிது நேரத்தில் சுப்பிரமணியன் தூக்கிட்டு தற்கொலை செய்துகொண்ட நிலையில் இவரது உடலை மயானத்துக்கு கொண்டு சென்ற போது அதில் ரத்த காயங்கள் இருந்தது தெரியவந்தது. போலீசார் அவரது உடலை மீட்டு விசாரணை நடத்தி வருகின்றனர்.
News April 16, 2025
குற்றாலம் தங்கும் விடுதியில் ஒருவர் தூக்கிட்டு தற்கொலை.
தென்காசி மாவட்டம் குற்றாலத்தில் உள்ள தங்கும் விடுதியில் தங்கி இருந்த வல்லம் பகுதியை சேர்ந்த அசோக் குமார் என்பவர் நேற்று தூக்கிட்டு தற்கொலை செய்து கொண்டார். அவரது உடலை கைப்பற்றி குற்றாலம் போலீசார் விசாரணை மேற்கொண்டு வருகின்றனர். முதற்கட்ட விசாரணையில் குடும்ப பிரச்சனை என தெரியவந்துள்ள நிலையில் உடலை பிரேத பரிசோதனைக்காக மருத்துவமனைக்கு அனுப்பி வைத்தனர்.
News April 16, 2025
பூசாரியிடம் கத்தியை காட்டி மிரட்டியவர்கள் கைது
கரூர் : மண்மங்கலம், பள்ளம்பட்டியைச் சேர்ந்தவர் சக்திவேல் (64) . கோயில் பூசாரியான இவர் கடந்த 13 ஆம் தேதி குமரன் பேக்கரி அருகே நின்று கொண்டிருந்த போது அங்கு வந்த யுவன்ராஜ் மற்றும் இன்பரசன் ஆகிய இருவரும் கத்தியை காட்டி மிரட்டி சக்திவேலிடம் இருந்த செல்போன் மற்றும் ரூ.300 பறிமுதல் செய்துள்ளனர். இது குறித்து விசாரணை மேற்கொண்ட அரவக்குறிச்சி போலீசார் இருவரையும் கைது செய்தனர்.
News April 16, 2025
விருதுநகரில் மணிமேகலை விருதிற்கு விண்ணப்பிக்கலாம்
விருதுநகர் மாவட்டத்தில் ஊரக பகுதிகளில் சுய உதவிக் குழுக்கள், ஊராட்சி அளவிலான கூட்டமைப்பு, வட்டார அளவிலான கூட்டமைப்பு, கிராம வறுமை ஒழிப்பு சங்கங்கள் மற்றும் நகர்புரப் பகுதிகளில் சுய உதவிக் குழுக்கள் செயல்பட்டு வருகின்றன. இதில் தகுதியுடைய சமுதாய அமைப்புகளிடமிருந்து விண்ணப்பங்கள் வரவேற்கப்படுகின்றன என ஆட்சியர் ஜெயசீலன் தெரிவித்துள்ளார்.
Featured News
Sorry, no posts matched your criteria.