India's largestHyperlocal short
news App
Get daily news updates that are tailored for you based on your preferred language & location.
download Way2News app now
Namakkal
News April 4, 2024
நாமக்கல்: கோடைகால நீச்சல் பயிற்சி முகாம்
நாமக்கல்லில், கோடைகால நீச்சல் பயிற்சி முகாம் நடைபெற்று வருவதாக மாவட்ட ஆட்சியா் ச.உமா தெரிவித்துள்ளாா்.இதுகுறித்து அவா் வெளியிட்ட செய்திக் குறிப்பில், தமிழ்நாடு விளையாட்டு மேம்பாட்டு ஆணைய நாமக்கல் மாவட்ட மையம் சாா்பில், கோடைகால நீச்சல் பயிற்சி முகாம் ஏப்.1 முதல் ஜூன் 3 வரையில் நடைபெறவுள்ளது. அனைத்து வயதினரும் இப்பயிற்சிக்கு விண்ணப்பிக்கலாம்.
News April 3, 2024
நாமக்கல் பேருந்து உரிமையாளர் வீட்டில் ஐடி சோதனை
நாமக்கல் மாவட்ட காந்தி நகரில் தனியார் கல்வி நிறுவன பங்குதாரரும், பேருந்து உரிமையாளருமான சந்திரசேகர் வீட்டில் ஐடி சோதனை இன்று 03.04.2024 நடைபெற்று வருகிறது. தேர்தl சமயம் என்பதால் இவரது வீட்டில் பட்டுவாடா செய்ய பணம் பதுக்கப்பட்டுள்ளதா ? என்ற கோணத்தில் வருமான வரித்துறையினர் மற்றும் தேர்தல் பறக்கும்படை அதிகாரிகள் சோதனை நடத்தி வருகின்றனர்.
News April 3, 2024
அண்ணாமலை நாமக்கல் வருகை
மக்களவைத் தேர்தலில் போட்டியிடும் பாஜக மற்றும் கூட்டணிக் கட்சி வேட்பாளர்களுக்கு ஆதரித்து பாஜக மாநிலத் தலைவர் அண்ணாமலை தமிழகம் முழுவதும் பிரச்சாரம் மேற்கொண்டு வருகிறார். நாமக்கல் நாடாளுமன்ற தொகுதியில் போட்டியிடும் பாஜக வேட்பாளர் மரு கேபி ராமலிங்கத்திற்கு ஆதரவாக ஏப்ரல் 4ஆம் தேதி மாலை 5 மணிக்கு பரமத்திவேலூர் மற்றும் வெண்ணந்தூரிலும் பிரச்சாரம் மேற்கொள்கிறார்.
News April 3, 2024
நாமக்கல் வந்த வாக்குப் பெட்டிகள்
நாமக்கல் மாவட்ட தேர்தல் அலுவலர் மருத்துவர் ச.உமா அவர்கள் தேர்தல் பொதுத்தேர்வுகள் ஹர்ஜித் கவுர் ஆகியோர் முன்னிலையில் இன்று மக்களவைத் தேர்தல் 2024 தேவைக்காக காஞ்சிபுரத்தில் இருந்து கொண்டுவரப்பட்ட மின்னணு வாக்குப்பதிவு இயந்திரங்களை சரிபார்க்கப்பட்டு அனைத்து கட்சி பிரமுகர்கள் முன்னிலையில் பாதுகாப்பு அறையில் வைக்கப்பட்டது.
News April 3, 2024
நாமக்கல் அடுத்த ஐந்து நாட்களுக்கு சிரமம்
நாமக்கல் மாவட்டத்தில் அடுத்த 5 நாட்களில் வெயில் அதிகரிக்கும், வெப்பநிலை 102 டிகிரி தாண்டும் என்று வானிலை ஆலோசனை மையம் எச்சரிக்கை தெரிவித்துள்ளது. இது குறித்து நாமக்கல் கால்நடை மருத்துவக்கல்லூரி வானிலை ஆய்வு மையம் வெளியிட்டுள்ள, வானிலை முன் அறிவிப்பில் கூறியுள்ளதாவது, நாமக்கல் மாவட்டத்தில் தற்போது கோடை காலத்தில் ஒருவாரமாக 100 டிகிரி பாரன்ஹீட் ஆகும். நாளுக்கு நாள் அதிகரித்து வருகிறது.
News April 3, 2024
நாமக்கல்: வாக்காளர் உதவி எண் 1950 வெளியீடு
மக்களவை 2024 பொதுத் தேர்தலை ஒட்டி நாமக்கல் மாவட்ட தேர்தல் நடத்தும் அலுவலர் மரு ச.உமா பல்வேறு விழிப்புணர்வு நிகழ்ச்சிகளை நடத்தி வருகிறார் இதனிடையே தமிழ்நாடு மாநில ஊரக மற்றும் நாமக்கல் மாவட்ட நகர்ப்புற ஊரக வாழ்வாதார இயக்கம் சார்பில் 100% வாக்களிக்க வேண்டும் வாக்காளர் உதவி 1950 உள்ளிட்ட விழிப்புணர்வு வாசகங்கள் அடங்கிய துண்டு பிரசுரங்கள் அச்சடிக்கப்பட்டு அனைவருக்கும் வழங்கப்பட்டு வருகிறது.
News April 3, 2024
நாமக்கல்: வாக்காளர் தகவல் சீட்டு வழங்கல்
மக்களவை 2024 பொதுத்தேர்தலையொட்டி நாமக்கல் நாடாளுமன்ற தொகுதியில் நாமக்கல் மாவட்ட தேர்தல் அலுவலர் மருத்துவர் ச.உமா அவர்கள் பல்வேறு விழிப்புணர்வு நிகழ்ச்சிகளை நடத்தி வருகிறார். இதன் ஒரு கட்டமாக 2ம் தேதி நாமக்கல் மாவட்டம், திருச்செங்கோடு சட்டமன்ற தொகுதிக்குட்பட்ட பகுதிகளில் பொதுமக்களின் வீடுகளுக்கே சென்று வாக்காளர் தகவல் சீட்டினை வழங்கினார். இதில் தேர்தல் அதிகாரிகள் பலர் உடன் இருந்தனர்.
News April 3, 2024
நாமக்கல்: 13 கிலோ தங்கம் பறிமுதல்
தமிழகத்தில் மக்களவைத் தேர்தல் முன்னிட்டு கடந்த ஒரு மாதமாக நாமக்கல் மாவட்டம் அருகே ராசிபுரம் மல்லூரில் தேர்தல் பறக்கும்படையினர் இன்று(ஏப்.3) வாகன சோதனையில் ரூ.8.78 கோடி மதிப்பிலான 33 கிலோ தங்கம், 13 கிலோ வெள்ளியும் பறிமுதல் செய்யப்பட்டன.
News April 3, 2024
நாமக்கல்: 3 நாட்களுக்கு மழை பெய்ய வாய்ப்பு இல்லை
நாமக்கல் மாவட்டத்தில் இன்று(ஏப்.3) முதல் அடுத்த மூன்று நாட்கள் வானம் லேசான மேகமூட்டத்துடன் காணப்படும், மழை பெய்ய வாய்ப்பு இல்லை, வெப்பநிலையை பொறுத்தவரையில் அதிகபட்சமாக 102.2 டிகிரியாகவும், குறைந்தபட்சமாக 77 டிகிரியாகவும் இருக்கும், காற்று மணிக்கு முறையே 8 கீ.மீ முதல்10 கீ.மீ., வேகத்தில் தென் கிழக்கு திசையில் இருந்து வீசும் என கால்நடை மருத்துவக் கல்லூரி மற்றும் ஆராய்ச்சி நிலையம் தெரிவித்துள்ளது.
News April 2, 2024
நாமக்கல்: அடுத்த 2 மணி நேரத்திற்கு மழை.!
நடப்பாண்டு கோடைகாலத்தில் வழக்கத்தை விட அதிக வெப்பம் பதிவாகும் சூழல் உள்ளது. இந்த நிலையில் தமிழகத்தில் அடுத்த 2 மணி நேரத்திற்கு நாமக்கல், சேலம், சிவகங்கை, ராமநாதபுரம், தேனி, தென்காசி, திருப்பத்தூர், திண்டுக்கல் மற்றும் கன்னியாகுமரி உள்ளிட்ட 9 மாவட்டங்களுக்கு மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.
Featured News
Sorry, no posts matched your criteria.