India's largestHyperlocal short
news App
Get daily news updates that are tailored for you based on your preferred language & location.
download Way2News app now
Namakkal
News April 13, 2024
நாமக்கல் நகரில் கடை திறப்பு
நாமக்கல் நகரில் தோசை ஹட் எனும் புதிய சைவ உணவக திறப்புவிழா நடைபெற்றது. விழாவில் சிறப்பு அழைப்பாளராக கலந்து கொண்ட தமிழ்நாடு வணிகர் சங்கங்களின் பேரமைப்பின் நாமக்கல் மாவட்ட தலைவர் ஜெயகுமார் வெள்ளையன் ரிப்பன் வெட்டி உணவகத்தை திறந்து வைத்தார். இந்த கடையில் 70க்கும் மேற்பட்ட சைவ வகைகளில் தோசை கிடைக்கும் என நிர்வாகத்தின் தரப்பில் தெரிவிக்கபட்டுள்ளது.
News April 13, 2024
நாமக்கல்: அடுத்த 3 மணி நேரத்திற்கு
நாமக்கல், கடந்த சில நாட்களாக வெயிலின் உஷ்ணம் அதிகமாக இருந்தது. இதை தொடர்ந்து நேற்று நாமக்கல்லில் வெயிலின் தாக்கம் மேலும் அதிகரித்தது. இதனால் அனல்காற்று வீசியதால் பொது வாகன ஓட்டிகள், கடும் அவதிப்பட்டனர். அந்த வகையில் தமிழகத்தில் நாமக்கல் உள்ளிட்ட 15 மாவட்டங்களுக்கு இன்று மாலை 7 மணி வரை இடி, மின்னலுடன் கூடிய லேசானது முதல் மிதமான மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.
News April 13, 2024
நாமக்கல்: தபாலில் வாக்களித்த எஸ்.பி
மக்களவை 2024 தேர்தல் நாமக்கல் நாடாளுமன்ற மாவட்ட தேர்தல் நடத்தும் அலுவலர் சார்பாக இறுதிக்கட்ட பணிகளில் ஈடுபட்டு வருகிறார் இதன் ஒரு கட்டமாக நாமக்கல் மாவட்ட காவல் கண்காணிப்பாளர் ராஜேஸ் கண்ணன் இன்று மாவட்ட ஆட்சியர் அலுவலக வளாகத்தில் அமைக்கப்பட்டுள்ள வாக்கு பதிவு மையத்தில் தனது தபால் வாக்கினை செலுத்தினார்.
News April 13, 2024
சம்பளத்துடன் விடுமுறை வழங்க ஆட்சியர் உத்தரவு
தமிழகத்தில் மக்களவைத் தேர்தல் ஏப்ரல் 19ஆம் தேதி நடைபெற உள்ளது. இந்த நிலையில், நாமக்கல் மாவட்டத்தில் உள்ள தனியார் நிறுவனங்கள் அனைத்தும் 19.04.2024 அன்று தங்களது தொழிலாளர்களுக்கு சம்பளத்துடன் கூடிய விடுமுறை அளிக்க வேண்டும் என ஆட்சியர் உத்தரவிட்டுள்ளார். மேலும், சம்பளத்துடன் கூடிய விடுமுறை வழங்காத நிறுவனங்கள் மீது சட்ட ரீதியான நடவடிக்கை எடுக்கப்படும் எனவும் எச்சரித்துள்ளார்.
News April 12, 2024
சலவை செய்து வாக்கு சேகரித்த வேட்பாளர்
மக்களவைத் தேர்தலில் வேட்பாளர்கள் வெற்றிபெற நூதன முறையில் வாக்குகள் சேகரித்து வருகின்றனர். அதன் ஒரு பகுதியாக நாமக்கல் பாராளுமன்ற தொகுதியில் திமுக சார்பில் போட்டியிடும் கொங்குநாடு மக்கள் தேசிய கட்சியின் வேட்பாளர் மாதேஸ்வரன், நாமக்கல் நகரம் சந்தைபேட்டை புதூரில் இன்று சலவை தொழிலாளியிடம் சலவை செய்து வாக்கு சேகரித்தார். இவருடைய செயல் அப்பகுதி மக்களின் கவனத்தை ஈர்த்தது.
News April 12, 2024
நாமக்கல்: வெறிநாய் கடித்து 11 பேர் காயம்
ராசிபுரம் அருகே கவுண்டம்பாளையம் சாலையில் நடந்து சென்றவர்களை வெறி நாய் துரத்தி கடித்ததில் குழந்தைகள் உட்பட 11 பேர் படுகாயம் அடைந்தனர். கவுண்டம்பாளையம் பகுதியில் சுற்றித்திரிந்த நாய் ஒன்று திடீரென சாலையில் செல்பவர்களை கடிக்க ஆரம்பித்தது. பொதுமக்கள், கற்களால் நாயை விரட்டி நாய்க்கடியால் பாதிக்கப்பட்ட குழந்தைகள், பெண்கள் உட்பட 11 பேரை மீட்டு, ராசிபுரம் அரசு மருத்துவமனையில் அனுமதித்தனர்.
News April 11, 2024
என்னுடைய விவசாயி சின்னம் எங்கே?
மக்களவைத் தேர்தலில் நாமக்கல் தொகுதியில் போட்டியிடும் நாதக வேட்பாளர் கனிமொழியை ஆதரித்து, அக்கட்சியின் தலைமை ஒருங்கிணைப்பாளர் சீமான் இன்று பிரச்சாரம் மேற்கொண்டார். அப்போது அவர் பேசுகையில், ‘இந்த மக்களவைத் தேர்தலில் போட்டியிடும் அனைத்து கட்சிகளும் அவரவர் சின்னத்தில் போட்டியிடுகின்றனர். என்னுடைய விவசாயி சின்னம் எங்கே? அந்த சின்னத்துடன் சீமானை தேர்தலில் சந்திக்க விடக் கூடாது என்ற பயம்
News April 11, 2024
வெறிநாய் கடித்து 11 பேருக்கு சிகிச்சை
நாமக்கல் மாவட்டம் ராசிபுரத்தை அடுத்த கவுண்டம்பாளையம் பகுதியில் இன்று வெறிநாய் கடித்ததில் 11 பேர் சிகிச்சைக்காக அரசு மருத்துவமனையில் அனுமதிக்கப்பட்டுள்ளனர். தொடர்ந்து அப்பகுதியில் தெருநாய்களின் தொல்லை அதிகரித்து வருவதால், அப்பகுதியில் உள்ள மக்கள் அச்சமடைந்துள்ளனர். மேலும், இதுகுறித்து உரிய நடவடிக்கை எடுக்க வேண்டும் எனவும் கோரிக்கை விடுத்துள்ளனர்.
News April 11, 2024
வெயில் தாக்கம் குறையும்
தமிழகத்தில் பல மாவட்டங்களில் 100 டிகிரி பாரன்ஹீட்டை தாண்டி வெயில் பாதிவாகியுள்ளது. இந்நிலையில் அடுத்த வாரத்தில் சென்னையில் இயல்பான (அ) அதற்குக் கீழான வெப்ப நிலையே பதிவாகும் என தனியார் வானிலை ஆய்வாளர் பிரதீப் ஜான் எக்ஸ் தளத்தில் பதிவிட்டுள்ளார். மேலும், 40 முதல் 41 டிகிரி செல்சியஸ் பதிவான இடத்தில் 37, 39 டிகிரி செல்சியஸாக குறையக்கூடும் என தெரிவித்துள்ளார்.
News April 11, 2024
காவல் துறையினா் கொடி அணிவகுப்பு ஊா்வலம்
மக்களவைத் தோ்தலில் பொதுமக்கள் அச்சமின்றி வாக்களிக்க நாமக்கல் மாவட்ட காவல் துறை, வேலூா் உள்கோட்ட காவல் துறை சாா்பில் கொடி அணிவகுப்பு ஊா்வலம் பரமத்தி வேலூரில் நேற்று நடைபெற்றது. இந்த ஊா்வலத்தை பரமத்தி வேலூா் காவல் துணை கண்காணிப்பாளா் சங்கீதா தொடங்கி வைத்தாா். வேலூா் காவல் ஆய்வாளா் ரங்கசாமி, உதவி ஆய்வாளா்கள், காவலா்கள் அணிவகுப்பு ஊா்வலத்தில் கலந்துகொண்டனா்.
Featured News
Sorry, no posts matched your criteria.