India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nagapattinam
News September 26, 2024
தனி நபர் நூலக பரிசுக்கு விண்ணப்பிக்கலாம்
வீடுகளில் வாசிப்பை மேம்படுத்தும் வகையில் நூலகம் அமைத்து சிறப்பாக பராமரித்து வரும் தனி நபர்கள் தங்களது சிறந்த நூலக பரிசுக்கு விண்ணப்பிக்கலாம். மாவட்ட அளவில் சிறப்பாக பராமரிக்கப்படும் தனி நூலகத்திற்கு அரசு சார்பில் ரூ.3000 மதிப்பில் கேடயம் மற்றும் சான்றிதழ் வழங்கப்படும். இதற்கு வருகிற 30ஆம் தேதிக்குள் நூலகம் குறித்த விவரங்களை 9150658877 என்ற எண்ணிற்கு அனுப்ப ஆட்சியர் ஆகாஷ் கேட்டு கொண்டுள்ளார்.
News September 26, 2024
நாகையில் பள்ளி மாணவர்களுக்கான கலைப் போட்டிகள்
கலை பண்பாட்டு துறை சார்பில் பள்ளி மாணவர்களுக்கான குரலிசை பரதநாட்டியம் ஓவியம் மற்றும் கிராமிய நடனம் உள்ளிட்ட கலைப் போட்டிகள் 6.10.2024 அன்று நாகை நடராஜன் தமயந்தி மேல்நிலைப்பள்ளியில் நடத்தப்பட உள்ளது. மாவட்ட அளவில் முதலிடம் பெறுவோர் மாநில போட்டிக்கு அனுப்பப்படுவார்கள். ஆர்வமுள்ளோர் அன்றைய தினம் காலை 9 மணிக்கு போட்டி நடக்கும் இடத்திற்கு ஆதார் அட்டையுடன் வர ஆட்சியர் ஆகாஷ் கேட்டு கொண்டுள்ளார்.
News September 26, 2024
நாகை எஸ்.பி. போலீசாருக்கு அறிவுரை
நாகை மாவட்டத்தில் உள்ள அனைத்து பகுதிகளிலும் காவல் நிலைய அதிகாரிகள் மற்றும் போலீசார் பெண்கள், பெண் குழந்தைகள், பள்ளி, கல்லூரி மாணவிகளின் பாதுகாப்பில் முழு கவனம் செலுத்தி அதற்கு தேவையான நடவடிக்கைகள் மேற்கொள்ள வேண்டும். மேலும் குற்றங்களை தடுக்க ரோந்து பணிகளை அதிகப்படுத்த வேண்டும் என நேற்று மாலை போலீசாருக்கான ஆய்வு கூட்டத்தில் எஸ்.பி. அருண் கபிலன் அறிவுரை வழங்கினார்.
News September 26, 2024
அரசு ஊழியர்களுக்கு ஆட்சியர் வேண்டுகோள்
நாகை கோ-ஆப்டெக்ஸ் நிறுவனத்தின் தீபாவளி விற்பனை இலக்கு இந்த ஆண்டு ரூ.50 லட்சம் நிர்ணயம் செய்யப்பட்டுள்ளது. இந்த தீபாவளி பண்டிகையின் போது மாவட்டத்தில் உள்ள அனைத்து துறை அரசு ஊழியர்களும் கோ-ஆப்டெக்சில் துணிகள் எடுத்து கைத்தறி நெசவாளர்களுக்கு கை கொடுத்து உதவ வேண்டுமென மாவட்ட ஆட்சியர் ஆகாஷ் நேற்று வேண்டுகோள் விடுத்துள்ளார்.
News September 26, 2024
நாகை: கார் ஓட்டுநர் ஹெல்மெட் அணியாததால் அபராதம்
நாகை மாவட்டம் ஆரிய நாட்டுத் தெருவை சேர்ந்த மீனவர் பன்னீர்செல்வன், ஹெல்மெட் அணியாமல் காரில் சென்றதாக விழுப்புரம் மாவட்டத்தைச் சேர்ந்த ஓலக்கூர் போலீசார் அபராதம் விதித்தனர். மூன்று மாதமாக தார்பாய் போட்டு மூடியபடி நாகையிலேயே நிறுத்தி வைக்கப்பட்டிருந்த காருக்கு விழுப்புரத்தில் ஹெல்மெட் போடாமல் கார் ஓட்டியதாக போலீசார் அபராதம் விதித்துள்ள சம்பவம் பெரும் சர்ச்சையை ஏற்படுத்தியுள்ளது.
News September 25, 2024
நாகையில் நாளை மின்தடை
நாகப்பட்டினம் துணைமின் நிலையத்தில் நாளை (செப்.26) மாதாந்திர பராமரிப்பு பணி நடைபெறுகிறது. இதனால், நாகை நகரம், பீச் லையன், மேலக்கோட்டையாசல், அக்கரைப்பேட்டை கீச்சாகுப்பம், சால்ரோடு, புத்தர், மஞ்சக்கொல்லை, சிக்கல், பரவை, தெத்தி மற்றும் நாகூர் சுற்றுவட்டாரப் பகுதிகளில் நாளை காலை 9 மணி முதல் 5 மணி வரை மின் விநியோகம் நிறுத்தப்படுவதாக உதவி செயற்பொறியாளர் ராஜேஸ்வரமூர்த்தி தெரிவித்துள்ளார்.
News September 25, 2024
நாகையில் 2.30 கோடி மதிப்பிலான இடம் மீட்பு
நாகப்பட்டினம் மாவட்டம் சிக்கலில் உள்ள நவநீதேசுவர கோயிலுக்கு சொந்தமான பணியாளர் குடியிருப்புகளில் நாகப்பட்டினம் இணை ஆணையர் அவர்கள் தலைமையில் நீதிமன்ற உத்தரவின் பேரில் ஆக்கிரமிப்புகள் அகற்றப்பட்டது. காவல்துறை பாதுகாப்போடு இலாகா முத்திரையிடப்பட்டு கோயில் வசம் ரூ.2.30 கோடி மதிப்புடைய 11,000 சதுரடி கொண்ட இடம் ஒப்படைக்கப்பட்டது.
News September 25, 2024
நாகையில் 49 இருசக்கர வாகனங்கள் பறிமுதல்
நாகை வட்டார போக்குவரத்து அதிகாரி காஞ்சனா தலைமையில் மோட்டார் வாகன ஆய்வாளர் கே. பிரபு, போலீஸ் சப்-இன்ஸ்பெக்டர்கள் மாரியப்பன், குமரேசன், இணையத்துல்லா, ரவி உள்ளிட்டோர் இ.ஜி.எஸ் பிள்ளை கல்லூரி அருகே நேற்று மாலை வாகன சோதனையில் ஈடுபட்டனர். அப்போது தலைக்கவசம், முறையான ஆவணங்கள் இல்லாமல் இயக்கப்பட்ட 49 இருசக்கர வாகனங்களை பறிமுதல் செய்தனர்.
News September 25, 2024
நாகை கலெக்டர் அறிவிப்பு
நாகை மாவட்டத்தில் தொழில் முனைவோர் மற்றும் புத்தாக்கம் தொடர்பான ஓராண்டு சான்றிதழ் படிப்பிற்கான பயிற்சி வகுப்புகள் தொடங்கபடவுள்ளது. செப்டம்பர் மாத இறுதிக்குள் இப்படிப்பில் சேர்வதற்கான நேர்காணல் நடத்தப்பட்டு அக்டோபர் 14 ஆம் தேதிக்குள் வகுப்புகள் தொடங்கப்படவுள்ளது. மேலும் தகவலுக்கு மாவட்ட ஒருங்கிணைப்பாளர்- 6382436094 என்ற எண்ணை தொடர்பு கொள்ளவும் நாகை மாவட்ட ஆட்சியர் ப.ஆகாஷ் தகவல் தெரிவித்துள்ளார்.
News September 24, 2024
நாகை கண்காணிப்பு அலுவலர் நியமனம்
தமிழகம் முழுவதும் மாவட்டங்களின் வளர்ச்சி பணிகளை கண்காணிக்க மாவட்ட கண்காணிப்பு அலுவலர்களை நியமித்து தலைமை செயலாளர் முருகானந்தம் உத்தரவிட்டுள்ளார். அந்த வகையில் நாகை மாவட்ட கண்காணிப்பு அலுவலராக அண்ணாதுரை நியமனம் செய்யப்பட்டுள்ளார். இவர் ஏற்கனவே நாகை மாவட்ட வருவாய் அலுவலராக பணியாற்றியவர். தஞ்சையில் மாவட்ட ஆட்சியராகவும் பணி புரிந்துள்ளார்.
Featured News
Sorry, no posts matched your criteria.