India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mayiladuthurai
News August 24, 2024
தருமபுரம் ஆதீனத்தை சந்தித்த அமைச்சர்
பழனியில் இன்று நடைபெற்ற அனைத்துலக முத்தமிழ் முருகன் மாநாட்டில் தருமபுரம் ஆதீனம் 27 வது குருமகா சன்னிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாச்சாரியார் சுவாமிகள் பங்கேற்று ஆசியை வழங்கினார். அதனைத் தொடர்ந்து இந்து சமய அறநிலையத்துறை அமைச்சர் சேகர்பாபு உட்பட பலரும் குருமகா சன்னிதானத்தை சந்தித்த நிலையில் சிறிது நேரம் கலந்துரையாடினர்.
News August 24, 2024
குத்தாலம் வெடி விபத்தில் பாதிக்கப்பட்டவர்களை சந்தித்த ஆட்சியர்
குத்தாலம் அருகே திருவாலங்காடு கிராமத்தில் ஏற்பட்ட வெடி விபத்தில் படுகாயமடைந்து மயிலாடுதுறை அரசு பெரியார் தலைமை மருத்துவமனையில் சிகிச்சைக்கு அனுமதிப்பட்டுள்ளவர்களை மாவட்ட ஆட்சியர் ஏ.பி.மகாபாரதி இன்று நேரில் பார்வையிட்டார். மேலும் உரிய சிகிச்சை வழங்க மருத்துவர்களுக்கு உத்தரவிட்டார்கள். அப்போது மாவட்ட காவல் கண்காணிப்பாளர் கோ.ஸ்டாலின் மற்றும் பல்வேறு துறை அதிகாரிகள் உடன் இருந்தனர்.
News August 24, 2024
மயிலாடுதுறை கலெக்டர் அழைப்பு
மயிலாடுதுறை மாவட்டத்தில் ஆவின் பால் முகவர்கள், மொத்த விற்பனையாளர்கள், பால் முகவர்கள் தேவைப்படுவதாக தெரிவிக்கப்பட்டுள்ளது. மயிலாடுத்துறை, சீர்காழி, தரங்கம்பாடி, குத்தாலம்,கொள்ளிடம், செம்பனார்கோவில்,வைத்தீஸ்வரன்கோவில் ஆகிய பகுதிகளில் உள்ள நபர்கள் தஞ்சாவூர் மாவட்ட பால் உற்பத்தியாளர்கள் கூட்டுறவு ஒன்றியத்திற்கு நேரில் சென்று விண்ணப்பித்து பயன்பெறுமாறு மாவட்ட ஆட்சியர் மகாபாரதி நேற்று தெரிவித்துள்ளார்.
News August 24, 2024
மயிலாடுதுறைக்கு புதிய டி.எஸ்.பி நியமனம்
மயிலாடுதுறை மாவட்டத்தின் நில மோசடி தடுப்பு பிரிவின் புதிய டி.எஸ்.பி-யாக எல்.மனோகரை நியமித்து தமிழ்நாடு காவல்துறை தலைமை இயக்குநர் சங்கர் ஜிவால் நேற்று உத்தரவிட்டார். இதேபோன்று தமிழகத்தில் திருச்சி, தஞ்சை, புதுக்கோட்டை உள்ளிட்ட மாவட்டங்களில் 20 டி.எஸ்.பி-க்கள் பணியிடம் மாற்றம் செய்யப்பட்டுள்ளனர்.
News August 23, 2024
UPDATE: பேருந்து மோதி 3 பேர் உயிரிழப்பு
சீர்காழி அருகே கதிராமங்கலத்தில் நெய்வேலியில் இருந்து மயிலாடுதுறை நோக்கி அதிவேகமாகச் சென்ற தனியார் பேருந்து முன்னாள் சென்ற இரண்டு இருசக்கர வாகனத்தில் மோதி விபத்து ஏற்பட்டது. இதில் இருசக்கர வாகனத்தில் சென்ற கதிராமங்கலத்தைச் சேர்ந்த மணிகண்டன், ஜெயசீலன் மற்றும் ஆளவெளிகிராமத்தைச் சேர்ந்த புருஷோத்தமன் ஆகியோர் உடல் சிதறி சம்பவ இடத்திலேயே உயிரிழந்தனர்.
News August 23, 2024
மயிலாடுதுறையில் விவசாயிகள் குறைதீர்க்கும் கூட்டம்
மயிலாடுதுறை மாவட்ட ஆட்சியர் அலுவலகத்தில் விவசாயிகள் குறைதீர்க்கும் கூட்டம் இன்று நடைபெற்றது. மாவட்ட ஆட்சியர் மகாபாரதி பங்கேற்று விவசாயிகளிடம் குறைகளை கேட்டறிந்தார். மேலும் பல்வேறு பகுதிகளில் இருந்து வருகை தந்திருந்த விவசாயிகள் தங்கள் குறைகளை தெரிவித்து மனுக்களையும் வழங்கினர். இந்தக் கூட்டத்தில் வேளாண் அதிகாரிகள் உட்பட பலர் பங்கேற்றனர்.
News August 23, 2024
நிர்வாகிகளுக்கு அழைப்பு விடுத்த திமுக மாவட்ட செயலாளர்
மயிலாடுதுறை மாவட்டம் தரங்கம்பாடி அருகே செம்பனார்கோவிலில் உள்ள தனியார் திருமண மண்டபத்தில் திமுக வடக்கு ஒன்றியம் சார்பில் மாபெரும் பொது உறுப்பினர்கள் கூட்டம் ஆகஸ்ட் 25ஆம் தேதி நடைபெற உள்ளது. தொடர்ந்து பல்வேறு பகுதிகளில் இருந்து பொறுப்பாளர்கள் வருகை தர உள்ள நிலையில் அனைவரும் தவறாமல் கூட்டத்தில் பங்கேற்கும்படி மாவட்ட செயலாளர் நிவேதா முருகன் இன்று அழைப்பு விடுத்துள்ளார்.
News August 23, 2024
மயிலாடுதுறை ஆட்சியர் அறிவிப்பு
மயிலாடுதுறை மாவட்டத்தில் தமிழ்ப் புதல்வன் திட்டத்தின் கீழ் 21 கல்லூரிகளை சேர்ந்த 3240 மாணவர்கள் பயன்பெற்றுள்ளனர். மேலும் தமிழ்ப் புதல்வன் திட்டத்தினை சிறப்பாக செயல்படுத்த பல்வேறு துறைகள் அடங்கிய சிறப்பு குழு அமைக்கப்பட்டு, அனைத்து மாணவர்களுக்கும் பயன்பெறும் வகையில் இறுதி நிலை வரை எடுத்து செல்லுதல், கண்காணித்தல் போன்ற பணிகளை மேற்கொள்ளும் என மாவட்ட ஆட்சியர் மகாபாரதி இன்று தெரிவித்துள்ளார்.
News August 23, 2024
செம்பனார்கோவிலில் நடைபெற்ற திருக்கல்யாண உற்சவம்
செம்பனார்கோவில் பகுதியில் மருவார்குழலி உடனாய ஸ்வரணபுரீஸ்வரர் ஆலயம் அமைந்துள்ளது. இக்கோவிலின் மகா கும்பாபிஷேகம் நடைபெற்ற நிலையில், திருக்கல்யாணம் உற்சவம் நேற்று இரவு சிறப்பாக நடைபெற்றது. திருக்கல்யாண நிகழ்வில் சுவாமி மற்றும் அம்பாள் சிறப்பு அலங்காரத்தில் எழுந்தருளினர். இதில் திரளான பக்தர்கள் பங்கேற்று சுவாமி தரிசனம் செய்தனர்.
News August 22, 2024
பொதுமக்களின் கோரிக்கைகளைக் கேட்டறிந்த கலெக்டர்
சீர்காழி நகராட்சிக்குட்பட்ட பல்வேறு பகுதிகளில் மாவட்ட ஆட்சியர் மகாபாரதி உங்களை தேடி உங்கள் ஊரில் திட்டத்தின் கீழ் இன்று ஆய்வு மேற்கொண்டார். சீர்காழி தியாகராஜர் நகர் பகுதியில் பொது மக்களுக்கு தேவையான அடிப்படை வசதிகள் முறையாக உள்ளனவா என ஆய்வு செய்தார். தொடர்ந்து மேலமாரியம்மன் கோவில் தெருவில் உள்ள மக்களுடன் கலந்துரையாடி அவர்களின் குறைகள் மற்றும் கோரிக்கைகளை கேட்டு அறிந்தார்.
Featured News
Sorry, no posts matched your criteria.