India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mayiladuthurai
News August 27, 2024
குத்தாலத்தில் ரயில்வே கேட் மூடல்
குத்தாலம் அருகே சேத்திர பாலபுரம் பகுதியில் உள்ள சேத்திரபாலபுரம் முதல் கோமல் பிரதர் சாலையில் அமைந்துள்ள கோமல்ரோடு ரயில்வே கேட் இன்றுகாலை 9 மணி முதல் மாலை 5 மணி வரை பராமரிப்பு பணி காரணமாக மூடப்படுகிறது. எனவே, இவ்வழியாக கோமல், கொழையூர், தேரழுந்தூர், மேலையூர், தொழுதாலங்குடி பெருமாள் கோவில் உள்ளிட்ட மற்றும் வெளியூர் செல்பவர்கள் மாற்று வழியை பயன்படுத்துமாறு நிர்வாகத்தினர் கேட்டுக் கொண்டுள்ளனர்.
News August 26, 2024
தரங்கம்பாடி கடற்கரையில் குவிந்த மக்கள்
தரங்கம்பாடி கடற்கரை பகுதி என்பது வரலாற்று சின்னமான டேனிஷ் கோட்டை அமைந்துள்ள ஓசோன் காற்று வீசும் பகுதி. இங்கு நாள்தோறும் சுற்றுலா பயணிகள் வந்து செல்லும் நிலையில், நேற்று ஞாயிற்றுக்கிழமை விடுமுறை என்பதால், நேற்று மாலை கடற்கரையில் ஏராளமான பொதுமக்கள் மற்றும் சுற்றுலா பயணிகள் குடும்பத்துடன் வந்து விளையாடி மகிழ்ந்தனர்.
News August 26, 2024
போக்ஸோ பாதிப்பு சிகிச்சை பெற தனி வாா்டு: ஆட்சியா் அறிவுறுத்தல்
மயிலாடுதுறையில் மாவட்ட அளவிலான குழந்தைகள் பாதுகாப்புக் குழுக் கூட்டம் வெள்ளிக்கிழமை நடைபெற்றது. இதில் கலந்து கொண்ட ஆட்சியர் பள்ளிகளில் குழந்தை திருமணம் மற்றும் பாலியல் குற்றங்கள் குறித்து விழிப்புணா்வு நிகழ்ச்சி நடத்த வேண்டும். மயிலாடுதுறை அரசு மருத்துவமனைக்கு போக்ஸோ வழக்குகளில் பாதிக்கப்பட்டு வரும் குழந்தைகளுக்கு சிகிச்சை அளிக்க தனி வாா்டு அமைக்க வேண்டும் என்று உத்தரவிட்டுள்ளார்.
News August 25, 2024
குத்தாலம் வெடி விபத்து: உரிமையாளர் மீது வழக்கு
மயிலாடுதுறை மாவட்டம் குத்தாலம் அருகே திருவாலங்காட்டில் நேற்று தனியார் வெடி உற்பத்தி கிடங்கில் எதிர்பாராத விதமாக திடீர் வெடி விபத்து நடைபெற்றது. இதில் பணியில் ஈடுபட்டிருந்த நான்கு பேரில் இருவர் உயிரிழந்த நிலையில் இருவர் சிகிச்சை பெற்று வருகின்றனர். இந்த நிலையில் குத்தாலம் போலீசார் வெடி விபத்து தொடர்பாக உரிமையாளர் மீது வழக்கு பதிந்து விசாரணை மேற்கொண்டு வருகின்றனர்.
News August 25, 2024
மயிலாடுதுறை விளையாட்டு வீரர்களுக்கு முக்கிய அறிவிப்பு
2024-2025 ஆம் ஆண்டிற்கான முதலமைச்சர் கோப்பை விளையாட்டுப் போட்டிகள் மயிலாடுதுறை மாவட்டத்தில் வருகின்ற செப்டம்பர் மற்றும் அக்டோபர் ஆகிய மாதங்களில் நடைபெற உள்ளது. மேலும் போட்டிகளில் கலந்து கொள்ள விருப்பமுள்ளவர்கள் https://sdat.tn.gov.in என்ற இணையதளத்தில் செப்டம்பர் 2ஆம் தேதிக்குள் பதிவு செய்து பயனடையுமாறு மாவட்ட ஆட்சியர் மகாபாரதி நேற்று தெரிவித்துள்ளார்.
News August 25, 2024
குழந்தைகள் பாதுகாப்பு குழு கூட்டம்
மயிலாடுதுறை மாவட்ட அளவிலான குழந்தைகள் பாதுகாப்பு குழு கூட்டம் இன்று மாவட்ட ஆட்சியர் அலுவலகத்தில் உள்ள கூட்டரங்கில் நடைபெற்றது. தொடர்ந்து மாவட்ட ஆட்சியர் மகாபாரதி தலைமையில் பல்வேறு ஆலோசனைகள் மேற்கொள்ளப்பட்டது. மேலும் பல்வேறு துறை உறுப்பினர்கள் மற்றும் அதிகாரிகள் என ஏராளமானோர் கூட்டத்தில் கலந்து கொண்டனர்
News August 24, 2024
சுற்றுலா தளத்தில் ஆய்வு மேற்கொள்ள உள்ள அமைச்சர்
சீர்காழி வட்டத்துக்குட்பட்ட பூம்புகார் சுற்றுலா தளத்தில் நடைபெற்று வரும் சீரமைப்பு பணிகளை தமிழக சுற்றுச்சூழல் மற்றும் காலநிலை மாற்றத்துறை அமைச்சர் சிவ. வீ. மெய்யநாதன் ஆகஸ்ட்.25 பார்வையிட்டு ஆய்வு மேற்கொள்ள உள்ளார். மேலும், சுற்றுலா தளத்தில் மரக்கன்றுகள் நடும் பணிகளையும் தொடங்கி வைக்க உள்ளார். இந்நிகழ்வில் சட்டமன்ற உறுப்பினர்கள் மற்றும் அரசு அதிகாரிகள் பங்கேற்க உள்ளனர்.
News August 24, 2024
குத்தாலம் வெடி விபத்தில் மேலும் ஒருவர் உயிரிழப்பு
குத்தாலம் அருகே திருவாலங்காட்டில் தனியார் வெடி உற்பத்தி கிடங்கில் இன்று எதிர்பாராத விதமாக வெடி விபத்து ஏற்பட்டது. இதில் திருவாவடுதுறை பகுதியைச் சேர்ந்த கர்ணன் என்பவர் உயிரிழந்த நிலையில் படுகாயம் அடைந்த மூவர் திருவாரூர் அரசு மருத்துவக் கல்லூரி மருத்துவமனையில் சிகிச்சை பெற்று வந்தனர். இந்த நிலையில் சிகிச்சை பெற்று வந்த லட்சுமணன் என்பவர் சிகிச்சை பலனின்றி உயிர் இழந்தார்.
News August 24, 2024
வேளாங்கண்ணி திருவிழாவை முன்னிட்டு சிறப்பு ரயில்
வேளாங்கண்ணியில் புனித ஆரோக்கிய மாதா ஆலய திருவிழா வருகின்ற ஆகஸ்ட் 29-ஆம் தேதி நடைபெற உள்ளது. இதனை முன்னிட்டு ஆகஸ்ட் 28-ஆம் தேதி இரவு 7 மணியளவில் தாம்பரத்திலிருந்து சிறப்பு ரயில் புறப்பட்டு மயிலாடுதுறை மார்க்கமாக சென்று 29-ஆம் தேதி காலை 3.30 மணியளவில் வேளாங்கண்ணி சென்றடையும் என தெற்கு ரயில்வே நிர்வாகம் சார்பில் இன்று தெரிவிக்கப்பட்டுள்ளது. மறுமார்க்கமாக 30-ஆம் தேதி நள்ளிரவு 12:30 மணிக்கு புறப்படும்.
News August 24, 2024
சுற்றுலாத் தளம் மேம்பாட்டு பணிகள் குறித்து ஆய்வு கூட்டம்
மயிலாடுதுறை மாவட்ட ஆட்சியர் அலுவலக கூட்டரங்கில் பூம்புகார் சுற்றுலாத் தளம் மேம்பாட்டு பணிகள் தொடர்பாக மாவட்ட ஆட்சியர் ஏ.பி.மகாபாரதி தலைமையில் இன்று ஆய்வு கூட்டம் நடைபெற்றது. அப்போது சீர்காழி வருவாய் கோட்டாட்சியர் அர்ச்சனா மற்றும் மாவட்ட சுற்றுலா அலுவலர் கஜேந்திரன் உட்பட பல்வேறு துறை அதிகாரிகள் உடன் இருந்தனர்.
Featured News
Sorry, no posts matched your criteria.