India's largestHyperlocal short
news App
Get daily news updates that are tailored for you based on your preferred language & location.
download Way2News app now
Madurai
News May 4, 2024
மதுரைக்கு 213 புதிய பேருந்துகள் தயார்!
மதுரையில் இயங்குவதற்காக 133 டவுன் பேருந்து உட்பட 213 புதிய பேருந்துகள் தயாராகி வருவதாக அரசு போக்குவரத்து கழக கோட்ட மேலாண் இயக்குனர் ஆறுமுகம் தெரிவித்துள்ளார். தமிழ்நாடு அரசு போக்குவரத்து கழகம் சார்பில் கடந்த நிதி ஆண்டில் 350 பேருந்துகள் ஒதுக்கீடு செய்யப்பட்டுள்ள நிலையில் 137 புதிய பஸ்கள் இயங்கி வருவதாகவும்,மேலும் 213 புதிய பேருந்து வடிவமைக்கப்பட்டு வருவதால் விரைவில் பயன்பாட்டிற்கு வரும் என்றார்
News May 4, 2024
கைவினைப் பொருட்கள் ஏற்றுமதி குறித்த கருத்தரங்கு
மதுரை மடீட்சியா வர்த்தக தகவல் மையம், கைவினை பொருட்களுக்கான ஏற்றுமதி மேம்பாட்டு கவுன்சில் சார்பில் இன்று மதியம் 2 மணிக்கு கைவினை பொருட்கள் குறித்த கருத்தரங்கம் மடீட்சியாவில் நடைபெறுகிறது. இந்த கருத்தரங்கில் கைவினை பொருட்களை தரமாக உற்பத்தி மற்றும் விற்பனை செய்வது குறித்து ஆலோசனைகள் வழங்கப்படுகிறது. இந்த கருத்தரங்கில் கைவினை கலைஞர்கள் கலந்து கொண்டு பயன்பெறலாம் என அழைப்பு விடுக்கப்பட்டுள்ளது.
News May 4, 2024
இ.எஸ்.ஐ காப்பீட்டார்களின் கவனத்திற்கு!
இ.எஸ்.ஐ. மருத்துவ கல்லூரிகள் மற்றும் சில அரசு மருத்துவக் கல்லூரிகளில் காப்பீட்டாளர்களுக்கான ஒதுக்கீட்டின் கீழ் 2024-2025 கல்வி ஆண்டிற்கான எம்.பி.பி.எஸ்., பி.டி.எஸ், பி.எஸ்.சி நர்சிங் படிப்புகளுக்கு விண்ணப்பிக்க, இ.எஸ்.ஐ.காப்பீட்டாளர்களின் வாரிசு என்ற சான்றிதழ் பெற www.esic.gov.in என்ற இணையத்தில் வரும் 21ம் தேதிக்குள் விண்ணப்பிக்கலாம். சந்தேகங்களுக்கு 0452 2531074 என்ற எண்னை தொடர்பு கொள்ளலாம்
News May 4, 2024
நிச்சயம் மீண்டும் நடிப்பேன்-எம். பி உறுதி!
மதுரை விமான நிலையத்தில் நேற்று எம் பி விஜய் வசந்த் செய்தியாளர்களை சந்தித்தார். அப்போது, தோற்றுவிடுவோம் என்ற பயத்தில் மோடியின் பேச்சுகளும், நிலைப்பாடுகளும் மாறி வருகிறது. 400 இடங்கள் என்று சொல்லிய நிலையில் தற்போது ஆட்சி அமைப்பது கேள்விக்குறியாக உள்ளதால் மக்களிடம் வெறுப்பு, பிரிவினையை கொண்டு வர அவர் இப்படி பேசுவதாக தெரிவித்தார். மேலும் நடிக்க வாய்ப்பு கிடைத்தால் நடிப்பேன் என தெரிவித்தார்
News May 4, 2024
நாளை கடைகள் மூடல் – காரணம் இதுதான்!
தமிழ்நாடு வணிகர் சங்கங்களின் பேரமைப்பு சார்பில் 41வது வணிகர் தினம் , வணிகர் விடுதலை முழக்க மாநாடு மதுரை வளையங்குளம், நான்குவழிச்சாலையில் 5ம் தேதி (நாளை) நடக்கிறது. மாநாட்டு திடலை நேற்று பார்வையிட்ட மாநில தலைவர் ஏ.எம்.விக்கிரமராஜா வணிகர் தினத்தை முன்னிட்டு, நாளைய தினம் தமிழகம் முழுவதும் கடைகளுக்கு விடுமுறை விடப்படுவதாக நேற்று தெரிவித்துள்ளார்.
News May 4, 2024
மதுரைக்கு விரைவில் 346 புதிய பேருந்துகள்
அரசு போக்குவரத்து கழக கோட்ட மேலாண் இயக்குனர் ஆறுமுகம், மதுரை கோட்டத்திற்கு 2022-23, 2023-24ம் ஆண்டுகளில் 350 பஸ்கள் அரசால் ஒதுக்கீடு செய்யப்பட்டன. அதில் 137 புதிய பஸ்கள் இயங்கி வருகின்றன. காலாவதியான 85 பஸ்கள் கழிக்கப்பட்டன . மேலும் 213 பஸ்கள் வடிவமைக்கப்பட்டு வருகின்றன. விரைவில் பயன்பாட்டிற்கு வரும். மதுரை நகருக்கான 133 தாழ்தள பஸ்களும் தயாராகின்றன. பஸ்கள் படிப்படியாக கழிக்கப்படும்” என்று கூறினார்
News May 4, 2024
பாம்பன் ரயில்வே பாலம்-வெளியான முக்கிய தகவல்!
பாம்பன் ரயில்வே பாலம் கட்டுமான பணிகள் இவ்வாண்டு இறுதிக்குள் முடியும் என எதிர்பார்க்கப்படுகிறது என தென்னக ரயில்வே மதுரை கோட்டம் தெரிவித்தது. இதுகுறித்து நேற்று செய்தி அறிக்கை வெளியிட்டுள்ள மதுரை கோட்டம், நவீன வசதிகளுடன் ரூ. 550 கோடியில் புதிய பாலம் அமைக்கப்பட்டு வரும் நிலையில், புதிய பாம்பன் பாலம் பயன்பாட்டுக்கு வந்தவுடன் புதிய ரயில்கள் அதிகரிக்க வாய்ப்புள்ளது என தெரிவிக்கப்பட்டுள்ளது.
News May 4, 2024
அதிகாரிகளுக்கு ஆட்சியர் அதிரடி உத்தரவு
மதுரை மாவட்டத்தில் கோடை வெயில் வாட்டி வருகிறது. இதனால் மக்கள் கடும் அவதியடைந்து வருகின்றனர். இந்நிலையில் மதுரை மாநகா், மேலூா், திருமங்கலம், உசிலம்பட்டி உள்ளிட்ட பகுதிகளில் தட்டுப்பாடு ஏற்படாதவாறு, சீரான குடிநீா் விநியோகம் நடைபெறுவதை உள்ளாட்சித் துறை அலுவலா்கள் கண்காணித்து உறுதி செய்ய வேண்டும் என மாவட்ட ஆட்சியர் சங்கீதா அறிவுறுத்தியுள்ளார்.
News May 4, 2024
மதுரை: மோடிதான் மீண்டும் பிரதமராவாா்
மதுரை ஆதீனம் ஸ்ரீ ஞானசம்பந்த தேசிக பராமாச்சாரிய சுவாமிகள், வெள்ளிக்கிழமை செய்தியாளா்களிடம் கூறியதாவது:
” தமிழகத்தில் நடைபெற்ற மக்களவைத் தோ்தலில் ஓட்டுக்கு பணம் கொடுப்பது மிகவும் மோசமான செயலாகும். மீண்டும் நரேந்திர மோடி தான் மூன்றாவது முறையாக நாட்டின் பிரதமராவாா் . மாற்றங்களுக்குத் தயாராவோம் ” என்றாா்.
News May 4, 2024
செல்லூர் ராஜுவிற்கு அழைப்பு…
மதுரை SDPI கட்சியின் வழக்கறிஞர் சமீர் திருமண நிகழ்விற்கான அழைப்பிதழை அதிமுக மாவட்ட செயலாளரும் முன்னாள் அமைச்சருமான செல்லூர் ராஜூவிடம் நேற்று நேரில் சந்தித்து வழங்கினார். இந்நிகழ்வில் SDPI கட்சியின் மாநில செயற்குழு உறுப்பினர் முஜிபுர் ரஹ்மான் மதுரை வடக்கு மாவட்ட தலைவர் பிலால்தீன் உள்ளிட்ட கட்சியின் முக்கிய நிர்வாகிகள் கலந்து கொண்டனர்.
Featured News
Sorry, no posts matched your criteria.