India's largestHyperlocal short
news App
Get daily news updates that are tailored for you based on your preferred language & location.
download Way2News app now
Madurai
News October 27, 2024
மதுரையில் வரும் 30ம் தேதிக்குள் விண்ணப்பிக்க வேண்டும்
மதுரை மாவட்டத்தில், தொழிற்கல்வியில் சேர்ந்து முதலாண்டு பயிலும் முன்னாள் படைவீரர்களின் மகன், மகள்கள், பிரதமரின் கல்வி உதவித்தொகை பெற ஆன்லைனில் விண்ணப்பிக்கலாம் என ஆட்சியர் சங்கீதா அறிவித்துள்ளார். www.ksb.gov.in என்ற இணையதள முகவரியில் வரும் 30ம் தேதிக்குள் விண்ணப்பிக்கலாம். மதுரை மாவட்ட முன்னாள் படைவீரர் நல துணை இயக்குனர் அலுவலகத்தை நேரிலோ, 0452- 230 8216 என்ற எண்ணிலோ தொடர்பு கொள்ளலாம்.
News October 27, 2024
மதுரை மழை வெள்ள பாதிப்பிற்கு நிரந்தர தீர்வு!
மதுரையில் மழை வெள்ள பாதிப்பிற்கு நிரந்தர தீர்வாக செல்லூர் கண்மாயிலிருந்து கூடுதலாக தற்காலிக கால்வாய் அமைத்து அதனை வைகையாற்றில் இணைக்க முடிவு செய்யப்பட்டுள்ளது. அதன் முதல் முயற்சியாக ஏற்கனவே தூர்ந்து போய் உள்ள பழமையான நீர் வரத்து கால்வாயை நேற்று முதல் சீரமைப்பு செய்து அதனை ஒழுங்குபடுத்தி தூர்வாரும் பணியை பொதுப்பணித்துறை, மாநகராட்சி நிர்வாகம் செய்து வருகிறது.
News October 27, 2024
இரவு ரோந்து காவலர்கள் எண் வெளியீடு
மதுரை மாநகர் உள்ளிட்ட பகுதியில் உள்ள தல்லாகுளம் தெற்கு வாசல், அவனியாபுரம், திலகர் திடல் உட்பட ஐந்து காவல் சரக்குகளில் இன்று நள்ளிரவு ரோந்து பணியில் ஈடுபடும் காவலர்கள் தொடர்பான விவரங்களை மதுரை மாநகர காவல் துறை வெளியிட்டுள்ளது.பொதுமக்களுக்கு ஏதேனும் உதவி தேவைப்பட்டால் தொடர்பு எண்களை பயன்படுத்திக் கொள்ளலாம் என தெரிவித்துள்ளது.
News October 26, 2024
தீபாவளியை முன்னிட்டு மதுரை – தாம்பரம் சிறப்பு ரயில்!!
வெளியூரில் இருக்கும் மக்கள் பண்டிகை கொண்டாட்டிற்கு போக்குவரத்தினை மேற்கொள்ளும் வகையில், தீபாவளியை முன்னிட்டு மதுரையிலிருந்து தாம்பரத்திற்கு, தாம்பரத்திலிருந்து மதுரைக்கு அக்.29,30 மற்றும் நவம்பர் 2ஆம் தேதி விரைவு ரயில் இயக்க திட்டமிட்டு இருப்பதாக தெற்கு ரயில்வே மதுரை கோட்டம் அறிவிப்பு வெளியிட்டுள்ளது.
News October 26, 2024
பேரிடர் கால அவசர எண் ஆட்சியர் வெளியீடு!
பேரிடர் இயற்கை இடர்பாடுகள் தொடர்பான புகார்களை தெரிவிக்க கீழ்காணும் உதவி எண்களை தொடர்பு கொள்ளலாம் என மதுரை ஆட்சியர் சங்கீதா கேட்டுக்கொண்டுள்ளார். மாநில கட்டுப்பாட்டு அறை கட்டணமில்லா (Toll Free)-1070 மாவட்ட கட்டுப்பாட்டு அறை கட்டணமில்லா தொலைபேசி எண்-1077 மாவட்ட ஆட்சியர் அலுவலக கட்டுப்பாட்டுஅறை 0452-2546161 வாட்சப் எண் 9655066404 (மதுரை வெள்ளப்பாதிப்பு பகுதி மக்களுக்கு பகிரவும்)
News October 26, 2024
மதுரை மக்களுக்கு ஒரு முக்கிய அறிவிப்பு – ஆட்சியர்
மழைக்காலங்களில் கனமழை குறித்த தகவல்கள், வானிலை முன்னெச்சரிக்கை, தற்போதைய வானிலை, பெறப்பட்ட மழை அளவு, நீர்த்தேக்கங்களில் நீர் இருப்பு உள்ளிட்ட விபரங்களை தமிழிலேயே அறிந்துகொள்ளும் வகையில் தமிழ்நாடு அரசு TN- Alert என்னும் செயலியை உருவாக்கியுள்ளது. இந்த செயலியினை பொதுமக்கள் பதிவிறக்கம் செய்து பருவநிலை தொடர்பான தகவல்களும் அறிந்து கொள்ளலாம் என ஆட்சியர் சங்கீதா தகவல் அளித்துள்ளார். (பகிரவும் – SHARE IT)
News October 26, 2024
தீபாவளி சிறப்பு ரயில்: தெற்கு ரயில்வே அறிவிப்பு!
தீபாவளி பண்டிகையின் போது பயணிகளின் கூடுதல் கூட்டத்தை குறைக்க சிறப்பு ரயில்கள் இயக்க முடிவு செய்யப்பட்டுள்ளது. அதன்படி, ரயில் எண். 06074/06073 திருநெல்வேலி – டாக்டர் எம்ஜிஆர் சென்னை சென்ட்ரல் – திருநெல்வேலி ஏசி எக்ஸ்பிரஸ் ரயில் அக்டோபர் 27, 28 ஆம் நாட்களில் இயக்கத்திட்டமிடப்பட்டுள்ளதாக தெற்கு ரயில்வே மதுரை கோட்டம் தெரிவித்துள்ளது.
News October 26, 2024
குளிக்க சென்ற தந்தையும் மகனும் கண்மாயில் மூழ்கி பலி
சோழவந்தான் அருகே மேல மட்டையான் கிராமத்தை சேர்ந்த அழகர்(35) தனது மகன் ஜெகதீஸ்வரன்(4) அருகில் உள்ள கண்மாயில் குளிக்க சென்ற போது கண்மாய் முழுவதும் நீர் பெருகியுள்ளன நிலையில் நீரில் மூழ்கி தந்தையும் மகனும் உயிர் இழந்தனர்.
இன்று (அக்.26) காலை கண்மாய்க்கு சென்றவர்கள் 2 உடல்கள் நீரில் மிதப்பதை கண்டு காடுபட்டி காவல் துறையினருக்கு தகவல் தெரிவித்தனர்.
News October 26, 2024
மதுரையில் இங்கு பள்ளிகளுக்கு விடுமுறை
மதுரையில் மாவட்டத்தில் வெள்ளிக்கிழமை பிற்பகல் பெய்த மழையின் காரணமாக, மாநகரின் பல்வேறு பகுதிகளில் மழை நீர் குடியிருப்புகளை சூழ்ந்தது. இந்நிலையில், கீழடுக்கு சுழற்சி காரணமாக இன்றும் மழை பெய்ய வாய்ப்புள்ளது என வானிலை ஆய்வு மையம் அறிவித்தது. இதையடுத்து மதுரை- கிழக்கு, வடக்கு வருவாய் வட்டங்களில் உள்ள பள்ளிகளுக்கு இன்று விடுமுறை அளிக்கப்படுகிறது என கலெக்டர் சங்கீதா தெரிவித்தார்.
News October 26, 2024
மாவட்ட நீதிமன்ற தீர்ப்புக்கு இடைக்கால தடை
காரைக்குடி சட்டமன்ற உறுப்பினர் மாங்குடியின் மனைவியும் சங்கராபுரம் பஞ்சாயத்து தலைவருமான தேவி, கிராம ஊராட்சி தேர்தலில் வெற்றி பெற்றது செல்லாது என கடந்த 23 ஆம் தேதி சிவகங்கை மாவட்ட நீதிமன்றம் வழங்கிய தீர்ப்புக்கு இடைக்கால தடை விதித்து உயர்நீதிமன்ற மதுரை கிளை உத்தரவிட்டது.இந்த உத்தரவால் சங்கராபுரம் ஊராட்சி தலைவராக தேவி பதவியில் தொடர தடை இல்லை என்பது குறிப்பிடத்தக்கது.
Featured News
Sorry, no posts matched your criteria.