India's largestHyperlocal short
news App
Get daily news updates that are tailored for you based on your preferred language & location.
download Way2News app now
Madurai
News July 19, 2024
மூதாட்டி கொலையில் திடுக்கிடும் தகவல்
மதுரை மீனாட்சி மிஷன் மருத்துவமனையில் பணியாற்றிய முத்துலட்சுமி என்ற மூதாட்டியை கொலை செய்த அதே மருத்துவமனை ஊழியர் அழகர்சாமியை போலீசார் கைது செய்தனர். விசாரணையில், மூதாட்டி ரூ.40,000 பணம் பெற்று தராமல் ஏமாற்றி வந்ததாகவும், மீண்டும் பணத்தை கேட்டபோது தரக்குறைவாக பேசியதால் சுவரில் மூதாட்டியை முட்ட வைத்து கொலை செய்து அவர் அணிந்திருந்த தங்க நகைகளை கொள்ளையடித்து சென்றதாகவும் வாக்குமூலம் அளித்துள்ளார்.
News July 19, 2024
ஆடி தேரோட்டத்திற்கு தேர் அலங்கார பணி தீவிரம்
மதுரை பிரசித்தி பெற்ற கள்ளழகர் கோவில் விழாவின் முக்கிய நிகழ்வான ஆடித்தேரோட்டம் வரும் 21 ம் தேதி காலை 6:50 மணிக்கு துவங்க உள்ளது. இதற்காக தேரை தயார்படுத்தும் பணிகள் தீவிரமாக நடைபெற்று வருகிறது. தேர் முழுமையாக சுத்தம் செய்யப்பட்டு பல்வேறு அலங்காரத்துடன் கூடிய வர்ணத் துணிகளை தேரில் சாத்தி அலங்காரம் செய்யும் பணிகள் தீவிரமாக நடைபெற்று வருகிறது.
News July 18, 2024
வங்கியில் சமூக சேவை பயிற்சி..!
மதுரை ஸ்டேட் பேங்க் ஆப் இந்தியா வங்கிகளில் பல்வேறு கல்லூரிகளைச் சேர்ந்த மாணவ மாணவியர் சமூக பயிற்சி பெற்றனர். கடந்த 2 ஆண்டு கால பயிற்சியில் வாடிக்கையாளர்களுக்கான சமூக சேவை, வாடிக்கையாளர்களை அணுகு முறை உள்ளிட்ட பல்வேறு பயிற்சிகள் வழங்கப்பட்டது. பயிற்சி பெற்ற மாணவ மாணவியருக்கு இன்று பயிற்சி சான்றிதழ் வழங்கி பாராட்டப்பட்டது.
News July 18, 2024
கூட்டுறவு உதவியாளர்களுக்கு பயிற்சி
மதுரை மாவட்டத்தில் உள்ள கூட்டுறவு நிறுவனங்களில் மாவட்ட ஆள் சேர்ப்பு நிலையம் மூலமாக தேர்ந்தெடுக்கப்பட்ட உதவியாளர்களுக்கு, கூட்டுறவு சங்கங்களின் மண்டல இணைப்பதிவாளர் குருமூர்த்தி தலைமையில் குறுகிய கால பயிற்சி, பாண்டியநாடு கூட்டுறவு மேலாண்மை பயிற்சி நிலையத்தில் இன்று நடைபெற்றது. இதில் மதுரை மாவட்ட மத்திய கூட்டுறவு வங்கி இணைப்பதிவாளர் வாஞ்சிநாதன் முன்னிலையில் 120 உதவியாளர்கள் பங்கேற்றனர்.
News July 18, 2024
வைகை ரயில் செங்கல்பட்டில் இருந்து புறப்படும்
மதுரை – சென்னை இடையே தினமும் இயக்கப்படும் மதுரை வைகை எக்ஸ்பிரஸ், சென்னையில் இருந்து கிளம்பும் இடம் தற்காலிகமாக மாற்றப்பட்டுள்ளது. அதன்படி, வழக்கமாக சென்னை எழும்பூரில் இருந்து கிளம்பும் வைகை எக்ஸ்பிரஸ்(12635), ஜூலை 23 முதல் 31ம் தேதி வரை செங்கல்பட்டில் இருந்து புறப்படும் என மதுரை ரயில்வே கோட்ட மண்டலம் இன்று(ஜூலை 18) அறிவித்துள்ளது.
News July 18, 2024
காவலர் குடும்பத்திற்கு நிவாரணம்
மதுரை மாநகர போக்குவரத்து காவல் துறையில் பணிபுரிந்த காவலர் சங்கர பாண்டியன்
கடந்த ஆண்டு ஜூலை 1ல் தெப்பக்குளத்தில் நிகழ்ந்த வாகன விபத்தில் உயிரிழந்தார். காவலரின் குடும்பத்திற்கு காக்கி உதவும் கரங்கள் (Tamil Nadu Police 2011 batch) மூலம் திரட்டப்பட்ட நிவாரண உதவி தொகை ரூ. 25,86,750-க்கான காசோலையை மதுரை மாநகர காவல் ஆணையர் லோகநாதன் அவரது குடும்பத்தினரிடம் இன்று வழங்கினார்.
News July 18, 2024
நா.த.க நிர்வாகி கொலை: கொலையாளிகளுக்கு மாவு கட்டு
மதுரை நாம் தமிழர் கட்சி நிர்வாகி பாலசுப்ரமணியனை கொலை செய்த வழக்கில் கைதான கோகுல்கண்ணன், பென்னி, பரத் ஆகிய 3 பேரையும் நேற்று போலீசார் விசாரணைக்கு அழைத்து சென்றனர். அப்போது 3 பேரும் வைகை ஆற்றில் இறங்கி ஓட முயற்சித்ததாக கூறப்படும் நிலையில், தடுமாறி விழுந்ததில் கால் முறிவு ஏற்பட்டு மூவருக்கும் மாவுக்கட்டு போடப்பட்டு மதுரை அரசு மருத்துவமனையில் சிகிச்சை பெற்று வருவதாக போலீசார் தெரிவித்துள்ளனர்.
News July 18, 2024
தேர்தல் வெற்றியை எதிர்த்து விஜய்பிரபாகரன் மனு தாக்கல்
மக்களவைத் தேர்தலில் விருதுநகர் தொகுதியில் வெற்றி பெற்ற காங்., வேட்பாளர் மாணிக்கம் தாகூருக்கு எதிராக, தேமுதிக வேட்பாளர் விஜயபிரபாகரன் சென்னை உயர்நீதிமன்றத்தில் மனு வழக்கு தாக்கல் செய்துள்ளார். வாக்கு எண்ணிக்கையின்போது 2 மணிநேரம் திடீரென வாக்கு எண்ணிக்கை நிறுத்தப்பட்டது பெரும் சர்ச்சையை ஏற்படுத்தியது. இந்நிலையில், வாக்கு எண்ணிக்கையில் திருப்தி இல்லையென நீதிமன்றத்தில் மனு தாக்கல் செய்துள்ளார்.
News July 18, 2024
ராபர்ட் புரூஸ் வெற்றிக்கு எதிராக மனு தாக்கல்
மக்களவைத் தேர்தலில் நெல்லை தொகுதியில் போட்டியிட்டு வெற்றி பெற்ற ராபர்ட் புருஸ்க்கு எதிராக, பாஜக வேட்பாளர் நயினார் நாகேந்திரன் சென்னை உயர்நீதிமன்றத்தில் மனு தாக்கல் செய்துள்ளார். வாக்கு எண்ணிக்கையின்போது தொடர்ந்து 2ஆம் இடத்தில் இருந்த அவர், இறுதியில் 1.65 லட்சம் வாக்குகள் வித்தியாசத்தில் தோல்வி அடைந்தார். இந்த வெற்றியை எதிர்த்து தற்போது நீதிமன்றத்தில் அவர் மனு தாக்கல் செய்துள்ளார்
News July 18, 2024
மின்கட்டண உயர்வு, கசப்பு மருந்து – மாணிக்கம் தாகூர்
மின்சார கட்டணத்தில் சில பைசாக்கள் உயர்த்தி இருப்பது கசப்பு மருந்து சாப்பிடுவதைப் போல எடுத்துக் கொள்ள வேண்டி இருப்பதாக எம்பி மாணிக்கம் தாகூர் தெரிவித்துள்ளார். திருப்பரங்குன்றத்தில் நேற்று மாலை செய்தியாளர்களை சந்தித்த அவர் பட்ஜெட் இந்திய மக்களுக்கு அல்வா கொடுப்பதாக இருக்கும். அதற்கான முன்னோட்டத்தை நிதி அமைச்சர் நிர்மலா சீதாராமன் செய்திருக்கிறார் என்றார்.
Featured News
Sorry, no posts matched your criteria.