India's largestHyperlocal short
news App
Get daily news updates that are tailored for you based on your preferred language & location.
download Way2News app now
Madurai
News July 19, 2024
நாளை உயர்நீதிமன்ற மதுரை கிளையின் 20ம் ஆண்டு விழா
உயர்நீதிமன்ற மதுரை கிளையின் 20ம் ஆண்டு நிறைவு விழா நாளை (ஜூலை 20), மதுரை தமுக்கம் மைதானத்தில் உள்ள உள் அரங்கில் நடை பெற உள்ளது. இவ்விழாவில் உச்ச நீதிமன்ற தலைமை நீதிபதி சந்திரசூட் மற்றும் உச்சநீதிமன்ற நீதிபதிகள் M.M. சுந்தரேஷ், விஸ்வநாதன், ஆர்.மகாதேவன், சூர்யகாந்த், B.R.கவாய் உள்ளிட்டோர் பங்கேற்க உள்ளனர். இதற்கான ஏற்பாடுகள் தற்போது தீவிரமாக நடைபெற்று வருகிறது.
News July 19, 2024
மதுரையில் ஆகாய நடை மேம்பாலம்
மதுரை ரயில் நிலையம் ரூ. 347.47 கோடி மதிப்பீட்டில் சர்வதேச தரத்தில் மேம்படுத்தப்பட்டு வருகிறது. இங்கு பயணிகள் வசதிக்காக ரயில் நிலையத்திலிருந்து பெரியார் பேருந்து நிலையத்திற்கு செல்லும் வகையில் சுரங்கப்பாதை, ஸ்கைவாக் அமைக்கும் பணிகள் நடைபெற்று வருகின்றன. ரயில் நிலைய மேம்பாட்டு பணிகள் 50 சதவீதம் நிறைவடைந்துள்ள நிலையில் 2025ம் ஆண்டு மக்கள் பயன்பாட்டிற்கு வருமென எதிர்பார்க்கப்படுகிறது.
News July 19, 2024
முதல்வர் மமதையில் உள்ளார் – Ex அமைச்சர் விமர்சனம்
நாடாளுமன்றத் தேர்தலில் 40 தொகுதிகளில் வெற்றி பெற்று விட்டோம் என்ற மமதையில் முதலமைச்சர் உள்ளதாக Ex அமைச்சர் ஆர்.பி.உதயகுமார் விமர்சித்துள்ளார். சேடப்பட்டியில் பேசிய அவர், சட்டமன்ற தேர்தலில் மு.க.ஸ்டாலினுக்கு சரியான பாடத்தை புகட்டி மீண்டும் ஈபிஎஸ்யை முதலமைச்சராக்க மக்கள் ஒத்துழைப்பு தர வேண்டும் என்றும், கோயில் நகராக இருந்த மதுரை சமூக விரோதிகளின் கூடாரகமாக மாறிவிட்டதாகவும் குற்றம் சாட்டியுள்ளார்.
News July 19, 2024
மதுரை வழியாக நெல்லைக்கு சிறப்பு ரயில்
சென்னை சென்ட்ரலில் இருந்து எழும்பூர், தாம்பரம், செங்கல்பட்டு, மேல்மருவத்தூர், விழுப்புரம், விருத்தாசலம், அரியலூர், ஸ்ரீரங்கம், திருச்சி, திண்டுக்கல், மதுரை, விருதுநகர், கோவில்பட்டி வழியாக திருநெல்வேலிக்கு இன்று (ஜூலை 19) ஒரு நாள் மட்டும் சிறப்பு ரயில் இயக்கப்படுவதாக தென்னக ரயில்வே அறிவித்துள்ளது. இந்த சிறப்பு ரயிலானது இரவு 11.20 கிளம்பி, நாளை காலை 11.20க்கு திருநெல்வேலி வந்து சேரும்.
News July 19, 2024
சிறைத் துறையில் வேலைவாய்ப்பு
மதுரை மத்திய சிறை மற்றும் ராமநாதபுரம் சிறையில் உள்ள காலிப் பணியிடங்களை நிரப்புவதற்கான அறிவிப்பை மதுரை மத்திய சிறை நிர்வாகம் வெளியிட்டுள்ளது. மதுரை மத்திய சிறையில் காலியாக உள்ள 1 நெசவு ஆசிரியர், 1 கொதிகலன் உதவியாளர் ஆகிய 2 பணியிடங்களுக்கும், ராமநாதபுரம் மாவட்டத்தில் உள்ள பரமக்குடி பெண்கள் கிளைச்சிறையில் காலியாக உள்ள 1 தூய்மை பணியாளர் பணியிடத்திற்கும் ஆகஸ்ட் 16ஆம் தேதிக்குள் விண்ணப்பிக்கலாம்.
News July 19, 2024
மதுரை மல்லி ரூ.800க்கு விற்பனை
ஆடி முதல் வெள்ளி மற்றும் பிரதோஷம் காரணமாக, மதுரையில் மல்லிகை பூவின் விலை கடுமையாக உயர்ந்துள்ளது. கடந்த இரு வாரங்களாகவே பூக்களின் வரத்து அதிகரித்து காணப்படுகிறது. இதன் காரணமாக விலை சரிந்து காணப்பட்ட நிலையில், நேற்று முன்தினம் ஆடி மாத பிறப்பை முன்னிட்டு ரூ.600க்கு விற்பனையான மல்லிகை பூ, இன்று மேலும் 200 ரூபாய் அதிகரித்து 800 ரூபாய்க்கு விற்பனையாகி வருகிறது.
News July 19, 2024
விவசாயிகளுக்கு பண்ணை கருவிகள் வழங்கல்
மதுரை மாவட்டம் வாடிப்பட்டி வேளாண்மை கோட்டம் சார்பாக, சோழவந்தான் அருகே உள்ள நெடுங்குளம் ஊராட்சியில் மாநில வேளாண் வளர்ச்சி திட்டத்தின்கீழ் பண்ணை கருவிகள் விவசாயிகளுக்கு நேற்று மாலை மானிய விலையில் வழங்கப்பட்டது. கடப்பாறை, மண்வெட்டி, கதிர் அரிவாள், கொத்துவாள் மற்றும் இரும்பு தட்டு அடங்கிய வேளாண்மை பண்ணை கருவிகள் வழங்கப்பட்டது. மேலும், மானிய விலையில் வழங்கும் இடு பொருட்கள் குறித்து விளக்கப்பட்டது.
News July 19, 2024
சித்திரை வீதிகளில் நாளை மின்தடை
மதுரை கோவில் துணை மின் நிலையத்தில் நாளை பராமரிப்பு பணி நடைபெற உள்ளது. இதனால், நாளை காலை 9 மணி முதல் மாலை 5 மணி வரை மின்தடை ஏற்படும் சித்திரை வீதிகள் முழுவதும், கீழமாசி வீதி, தளவாய் தெரு, வடக்கு மாசி வீதி, மீனாட்சி அம்மன் கோவில் தெரு, அனுமார் கோயில் படித்துறை, வக்கீல் புதுத்தெரு, நெல்பேட்டை, ஆட்டுமந்தை பொட்டல், வடக்கு வெளி வீதி உள்ளிட்ட பகுதிகளில் மின்தடை ஏற்படும் என தெரிவிக்கப்பட்டுள்ளது.
News July 19, 2024
தூய்மை காவலர்கள் போராட்டம்
தமிழ்நாடு ஊரக வளர்ச்சி துறையில், தூய்மை காவலர்களாக பணியாற்றும் தொழிலாளர்கள், மதுரை ஆட்சியர் அலுவலகம் முன்பாக திரண்டு நேற்று மாலை போராட்டத்தில் ஈடுபட்டனர். 500க்கும் மேற்பட்டோர் கலந்து கொண்ட போராட்டத்தில், தங்களுக்கு அரசாணைப்படி கூலி வழங்க வேண்டும் உள்ளிட்ட பல்வேறு கோரிக்கைகளை வலியுறுத்தி கண்டன முழக்கம் எழுப்பினர். இதனால் அங்கு பரபரப்பு ஏற்பட்டது.
News July 19, 2024
நாளை ரேஷன் கடைகள் இயங்காது
மகளிா் உரிமைத் தொகை பயனாளிகளைத் தோ்வு செய்யும் பணிகளை, ரேஷன் கடை ஊழியர்கள் கடந்தாண்டு மேற்கொண்டனர். ஜூலை 23, ஆகஸ்ட் 4 ஆகிய விடுமுறை தினங்களில் பணிகளை மேற்கொண்டதால், அதனை ஈடுசெய்யும் வகையில் நாளை (சனிக்கிழமை) விடுமுறை அளித்து தமிழக அரசு உத்தரவிட்டிருக்கிறது. இதனால் மதுரை முழுவதும் நாளை ரேஷன் கடைகள் இயங்காது. எனவே, பொதுமக்கள் இன்றே ரேஷன் கடைகளில் பொருட்களை வாங்கி கொள்ளுங்கள். ஷேர் பண்ணுங்க.
Featured News
Sorry, no posts matched your criteria.