India's largestHyperlocal short
news App
Get daily news updates that are tailored for you based on your preferred language & location.
download Way2News app now
Madurai
News July 21, 2024
‘உயா்நீதிமன்ற மதுரை அமா்வு’ என பெயர் மாற்றம்
சென்னை உயா்நீதிமன்ற மதுரைக் கிளையின் பெயர், ‘உயா்நீதிமன்ற மதுரை அமர்வு என மாற்றப்பட்டுள்ளது. மதுரையில் நடைபெற்ற உயா்நீதிமன்ற மதுரைக் கிளையின் 20ஆம் ஆண்டு விழாவில், இந்தப் புதிய பெயா்ப் பலகையை காணொலி காட்சி மூலமாக, உச்சநீதிமன்ற நீதிபதி எம்.எம்.சுந்தரேஷ் திறந்து வைத்தார். இந்நிகழ்வில் ஏராளமானோர் கலந்து கொண்டனர். இதில், ‘உயர்நீதிமன்ற மதுரை கிளை’ என்ற பெயர் மாற்றப்பட்டது.
News July 21, 2024
சுயதொழில் புரிய ரூ.1 லட்சம் மானியம்
வேளாண் துறை சார்ந்த சுயதொழில் புரிய பட்டதாரி இளைஞர்களுக்கு ரூ.1 லட்சம் மானியம் வழங்கப்பட உள்ளதாக, சேடப்பட்டி வேளாண் உதவி இயக்குனர் தெரிவித்துள்ளார். இதுகுறித்த அறிவிப்பில், “மத்திய அரசு திட்டத்தில் அனுமதிக்கப்பட்ட சுயதொழில் புரிய விரும்புவோர் வயது 21- 40க்குள் இருக்க வேண்டும். பட்டப்படிப்பு முடித்திருக்க வேண்டும் உள்ளிட்ட பல்வேறு நிபந்தனைகளின் கீழ் விண்ணப்பிக்கலாம்” எனக் குறிப்பிட்டுள்ளார்.
News July 21, 2024
மதுரையில் 276 பேர் அதிரடி கைது
அரசு உதவி பெறும் கல்லூரிகளில் பணியாற்றும் பேராசிரியர்களுக்குப் பணி மேம்பாடு வழங்க வேண்டும் என்பது உள்ளிட்ட பல்வேறு கோரிக்கைகளை வலியுறுத்தி, மதுரை ஆரப்பாளையம் பகுதியில் மூட்டா அமைப்பினர் நேற்று சாலை மறியல் போராட்டத்தில் ஈடுபட்டனர். இதனால் கடுமையான போக்குவரத்து நெரிசல் ஏற்பட்டது. இதையடுத்து, போராட்டத்தில் ஈடுபட்ட 276 பேரையும் போலீசார் அதிரடியாக கைது செய்தனர். இதனால் பரபரப்பு ஏற்பட்டது.
News July 20, 2024
சூழலியல் செயற்பாட்டாளருக்கு எம்.பி இரங்கல்
மறைந்த அரிட்டாபட்டி சூழலியல் செயற்பாட்டாளர் ரவிச்சந்திரனின் மறைவுக்கு, மதுரை எம்.பி சு.வெங்கடேசன் இரங்கலை தெரிவித்துள்ளார். அரிட்டாபட்டியை பல்லுயிர் பாரம்பரிய தலமாக அரசு அறிவித்ததற்கு காரணமாக இருந்ததில் ரவிச்சந்திரனின் செயல்பாடு மிக முக்கியமானது. அவரது குடும்பம் மற்றும் நண்பர்களுக்கு எனது ஆறுதல் தெரிவித்துள்ளார். இதேபோல் இவரது மறைவிற்கு சகாயம் ஐஏஎஸ் இரங்கலை தெரிவித்துள்ளார்.
News July 20, 2024
மேயர் தலைமையில் குறைதீர் கூட்டம்
மதுரை மாநகராட்சி மண்டலம் 5 (மேற்கு) அலுவலகத்தில் பொது மக்கள் குறைதீர்க்கும் முகாம் மேயர் தலைமையில் வரும் 23ம் தேதி நடைபெற உள்ளது. திருப்பரங்குன்றத்தில் உள்ள மண்டல அலுவலகத்தில் நடைபெறும் முகாமில் ஜெய்ஹிந்துபுரம், சோலையழகுபுரம், எம்.கே.புரம், வில்லாபுரம் தமிழ்நாடு வீட்டுவசதி வாரிய குடியிருப்பு, மீனாட்சி நகர் அவனியாபுரம் உள்ளிட்ட பகுதி மக்கள் தங்களது கோரிக்கைகளை மனுவாக அளிக்கலாம் என அறிவித்துள்ளனர்.
News July 20, 2024
மதுரையில் டிஎஸ்பி-க்கள் மாற்றம்
தமிழகம் முழுவதும் 14 டிஎஸ்பி, துணை ஆணையர்கள் பணியிட மாற்றம் செய்யப்பட்டுள்ளனர். இந்நிலையில் மதுரை மாநகர் நுண்ணறிவு பிரிவு துணை ஆணையராக இருந்த வேல்முருகன் மதுரை சரக டிஎஸ்பி-யாகவும், இதேபோல் மேலூர் டிஎஸ்பி ப்ரீத்தி ராஜபாளையம் சரக டிஎஸ்பி-யாக பணி மாற்றம் செய்யப்பட்டுள்ளார். மேலும் திருநெல்வேலியில் இருந்து டிஎஸ்பி பாலசுந்தரம் மதுரை ஊமச்சிகுளம் டிஎஸ்பியாக நியமனம் செய்யப்பட்டுள்ளார்.
News July 20, 2024
தேரோட்ட விழாவிற்கு சிறப்பு ஏற்பாடு!
மதுரை கள்ளழகர் கோவில் ஆடி பெருந்திருவிழா கடந்த 13ம் தேதி முதல் நடைபெற்று வருகிறது. விழாவின் சிகர நிகழ்வான தேரோட்ட விழா நாளை காலை 6.50 மணிக்கு துவங்க உள்ளது. விழாவில் லட்சக்கணக்கான பக்தர்கள் கலந்து கொள்ள உள்ளதால் பக்தர்களுக்கு குடிநீர், சுகாதாரம், மற்றும் தங்கும் வசதி ஏற்பாடு செய்யப்பட்டுள்ளதாக கோவில் நிர்வாகம் தெரிவித்துள்ளது. மேலும் பக்தர்களின் வசதிக்காக சிறப்பு பேருந்துகள் இயக்கப்பட உள்ளது.
News July 20, 2024
கோரிக்கை மனுக்கள் வழங்க குவிந்த மக்கள்
மதுரை மேற்கு ஊராட்சி ஒன்றியம், சமயநல்லூர் மக்கள் மன்றம் அரங்கில் இன்று வணிகவரி மற்றும் பதிவுத்துறை அமைச்சர் பி.மூர்த்தி இன்று (20.07.2024) ‘ஊரக பகுதிகளில் மக்களுடன் முதல்வர் திட்டம்’ முகாமை தொடங்கி வைத்து, பொதுமக்களிடம் கோரிக்கை மனுக்களை பெற்றார். இதில் வருவாய், வேளாண், கூட்டுறவு, சமூக நலத்துறை உள்ளிட்ட பல்வேறு துறைகள் சார்ந்த கோரிக்கை மனுக்களை வழங்க பொதுமக்கள் நூற்றுக்கணக்கில் குவிந்தனர்.
News July 20, 2024
மீனாட்சியம்மன் கோயிலில் போலீஸ் குவிப்பு
சென்னை உயர்நீதிமன்ற மதுரை கிளையின் 20வது ஆண்டு நிறைவு விழா இன்று மதுரை தமுக்கம் மாநாட்டு அரங்கில் நடைபெறுகிறது. இவ்விழாவில் பங்கேற்க மதுரை வருகை தந்துள்ள உச்சநீதிமன்ற தலைமை நீதிபதி தனஞ்சய யஷ்வந்த் சந்திரசூட் மதுரை மீனாட்சி அம்மன் கோயிலில் சுவாமி தரிசனம் செய்தார். இதையொட்டி மீனாட்சி அம்மன் கோயில் வளாகத்தில் பலத்த பாதுகாப்பு ஏற்பாடு செய்யப்பட்டு தீவிரமாக கண்காணிக்கப்பட்டது.
News July 20, 2024
மதுரையில் அதிரடி காட்டும் காவல்துறை
மதுரை மாவட்டத்தில் கொலை, கொள்ளை உள்ளிட்ட சம்பவங்கள் தொடர்ச்சியாக அதிகரித்து வருவது மக்கள் மத்தியில் பீதியை ஏற்படுத்தியுள்ளது. இந்நிலையில் இதனை கட்டுப்படுத்தும் விதமாக காவல்துறையினர் கண்காணிப்பு பணியை தீவிரப்படுத்தியுள்ளனர். அதன் ஒரு பகுதியாக மாநகர் பகுதியில் நேற்று ஒரே நாளில் ஆயுதங்களுடன் சுற்றிய 7 பேரை அதிரடியாக கைது செய்துள்ளனர். தொடர்ந்து கண்காணிப்பு தீவிரமாக நடைபெறும் என எச்சரித்துள்ளனர்.
Featured News
Sorry, no posts matched your criteria.