India's largestHyperlocal short
news App
Get daily news updates that are tailored for you based on your preferred language & location.
download Way2News app now
Madurai
News July 23, 2024
காமராஜர் பல்கலைக்கழகத்தில் முதுநிலை சேர்க்கை துவக்கம்
மதுரை காமராஜா் பல்கலைக் கழகத்தில் முதுநிலைப் பட்ட படிப்புக்கான நேரடி மாணவர்கள் சேர்க்கை துவங்கியுள்ளது. எனவே, தமிழ், பிரெஞ்சு, அரசியல், அறிவியல், சமூகவியல், தத்துவம், சமயம், வரலாறு, இதழியல் மற்றும் மக்கள் தொடர்பியல், நிர்வாகவியல், மொழியியல், மலையாளம், கன்னடம் உள்ளிட்ட பாடங்களுக்கு சேர்க்கை நடைபெற உள்ளது. இதில் சேர விரும்பும் மாணவர்கள் தங்களது அசல் சான்றிதழ்களுடன் நேரில் சென்று விண்ணப்பிக்கலாம்.
News July 22, 2024
காங்கிரஸில் இணைந்த தமாகாவினர்
தமிழ் மாநில காங்கிரஸ் கட்சியின் மாநில பொதுச்செயலாளர் எம். பழனிவேல் தலைமையில் மதுரை வடக்கு மாவட்ட தலைவர் தனுஷ்கோடி, துணைத் தலைவர் கருப்பையா, அலங்காநல்லூர் வட்டார தலைவர் கார்த்திகேயன் உட்பட ஏராளமான மதுரை மாவட்ட தமிழ் மாநில காங்கிரஸ் கட்சி நிர்வாகிகள் தமிழ்நாடு காங்கிரஸ் கட்சி தலைவர் செல்வப்பெருந்தகை முன்னிலையில் காங்கிரஸ் கட்சியில் இன்று (ஜூலை 22) இணைந்தனர்.
News July 22, 2024
மதுரை காமராஜர் பல்கலைக்கு கண்டனம்
மதுரை காமராஜ் பல்கலையில் இளங்கலை படிப்புகள் நிறுத்தப்பட்டதற்கு அகில பாரதீய வித்யார்த்தி பரிஷத் (ஏ.பி.வி.பி.,) தென் தமிழக மாநில இணைச் செயலாளர் விஜயராகவன் கண்டனம் தெரிவித்துள்ளார். இதுகுறித்து அவர் இன்று வெளியிட்டுள்ள செய்திக்குறிப்பில், மாணவர்களின் எதிர்காலத்தை கருத்தில் கொண்டு உடனடியாக படிப்பை துவங்க பல்கலையை வழி நடத்தும் கல்லுாரி கல்வி இயக்குனர் நடவடிக்கை எடுக்க வேண்டும் என வலியுறுத்தி உள்ளார்.
News July 22, 2024
மதுரை மாவட்ட ஆட்சியரிடம் 865 பேர் மனு
மதுரை ஆட்சியர் அலுவலகத்தில் இன்று (ஜூலை 22) ஆட்சியர் சங்கீதா தலைமையில் வாராந்திர பொதுமக்கள் குறைதீர் கூட்டம் நடைபெற்றது. கூட்டத்தில், இலவச வீட்டுமனை பட்டா வேண்டி 119 மனுக்கள், குடும்ப அட்டை தொடர்பான 15 மனுக்கள், முதியோர், விதவை உள்ளிட்ட நிவாரணத்தொகை தொடர்பான 155 மனுக்களும், வேலைவாய்ப்பு கோரி 47 மனுக்கள் என மொத்தம் 865 மனுக்கள் பெறப்பட்டது. மனுக்களுக்கு தீர்வு அளிப்பதாக ஆட்சியர் உறுதி அளித்தார்.
News July 22, 2024
மக்களவை செயலகம் மன்னிப்பு கோருக – மதுரை எம்.பி
மதுரை எம்.பி. சு.வெங்கடேசன் வெளியிட்டுள்ள எக்ஸ் தள பதிவில், இன்றைய மக்களவையில் ஆங்கிலம் அல்லது தங்களது தாய்மொழியில் பேசிய எம்.பி.க்களின் பேச்சுகளை சான்சட் டிவி அப்படியே ஒளிபரப்பாமல் ஹிந்தி மொழிமாற்றத்தை மட்டும் ஒளிபரப்பி தனது இந்தி திணிப்பு நடவடிக்கையை துவக்கியுள்ளது. இந்தி அல்லாத மொழிகளை பேசும் கோடிக்கணக்கான இந்தியர்களை அவமானப்படுத்திய செயலுக்கு மக்களவை செயலகம் மன்னிப்பு கோர வேண்டும் என்றார்.
News July 22, 2024
“தமிழக அரசின் நடவடிக்கை பாராட்டுக்குரியது”
தமிழக அரசின் இலவச லேப்டாப் திருடு போன வழக்கை இன்று (ஜூலை 22) விசாரித்த உயர்நீதிமன்ற மதுரைக் கிளை, மாணவர்கள் கணினி திறமையை வளர்த்துக் கொள்ளும் வகையில் இலவச லேப்டாப் வழங்க அரசு பல கோடிகளை செலவழித்து வருகிறது. ஏழை, எளிய மக்களின் மேம்பாட்டிற்கான திட்டங்களை தமிழக அரசு எடுத்து வருகிறது. இதுபோன்ற முயற்சிகள் பாராட்டுக்குரியவை. இவற்றை செயல்படுத்த நீதிமன்றம் குறுக்கே வராது என கருத்து தெரிவித்துள்ளது.
News July 22, 2024
அமைச்சர் கார் மீது காலணி வீச்சு – நீதிமன்றம் காட்டம்
2022ல் காஷ்மீரில் வீரமரணமடைந்த ராணுவ வீரரின் உடலுக்கு மதுரை விமான நிலையத்தில் அஞ்சலி செலுத்திவிட்டு வந்த அமைச்சர் பழனிவேல் தியாகராஜன் கார் மீது பாஜகவினர் காலணி வீசிய வழக்கை ரத்து செய்யக்கோரி ஐகோர்ட்டில் பாஜகவினர் தாக்கல் செய்த மனுவை இன்று தள்ளுபடி செய்து அதிரடி உத்தரவு பிறப்பித்துள்ளது. இது ஜனநாயகத்தின் மீதான தாக்குதலாகவே கருத வேண்டும், ஒருபோதும் இதை ஏற்க முடியாது என நீதிமன்றம் தெரிவித்துள்ளது.
News July 22, 2024
ஐஏஎஸ் அதிகாரி மனைவி தற்கொலை – சிக்கிய கடிதம்
மதுரையில் பள்ளி மாணவன் கடத்தல் வழக்கில் தேடப்பட்டு வந்ததாக கூறப்படும் ஐ.ஏ.எஸ். அதிகாரியின் மனைவி சூர்யா நேற்று தற்கொலை செய்வதற்கு முன் எழுதி வைத்த கடிதம் தற்போது வெளியாகி பரபரப்பை ஏற்படுத்தியுள்ளது. கடிதத்தில், தமக்கும் பள்ளி மாணவர் கடத்தலுக்கும் எந்த சம்பந்தமும் இல்லை என்றும், தான் குற்றமற்றவள் என்பதை ஒருநாள் தெரியவரும், அதை தமிழக முதல்வர் மேடையில் கூற வேண்டும் என உருக்கமாக கடிதம் எழுதியுள்ளார்.
News July 22, 2024
மதுரையில் 242 பேர் மீது வழக்குப்பதிவு
மதுரை மாநகர் பகுதியில் நேற்று இந்து முன்னணி அமைப்பினர் இந்து அறநிலைத்துறை கட்டுப்பாட்டில் இருந்து தமிழகத்தில் உள்ள கோவில்களை நீக்க கோரி அனுமதியின்றி போராட்டம் நடத்தினர். இந்நிலையில் பொது அமைதிக்கு இடையூறு ஏற்படுத்தியதாக மதுரை மாநகர் தெப்பக்குளம், சுப்பிரமணியபுரம், கரிமேடு, புதூர் ஆகிய காவல் நிலையங்களில் இந்து முன்னணி நிர்வாகிகள் உள்ளிட்ட 242 பேர் மீது வழக்கு பதிவு செய்யப்பட்டுள்ளது.
News July 22, 2024
இளைஞர்களுக்கு கொட்டிக் கிடக்கும் வேலை வாய்ப்பு
தெற்கு ரயில்வேயின் கீழ் உள்ள பெரம்பூர் கேரேஜ் ஒர்க் ஷாப்பில் பணிபுரிய 1,337 பேர் அப்ரன்டீஸ் காலிப்பணியிடங்களுக்கு தேர்வு செய்யப்பட உள்ளனர். இதற்கு 10 ஆம் வகுப்பு அல்லது தொழிற்பயிற்சி முடித் தவர்கள் https://sr.indianrailways.in என்ற இணையதள முகவரியில் நாளை (ஜூலை.22) முதல் ஆகஸ்ட் 12 வரை விண்ணப்பிக்கலாம். விண்ணப்பதாரர் 15 வயது முதல் 24 வயதுக்குள் இருக்க வேண்டும். எழுத்துத்தேர்வு கிடையாது.
Featured News
Sorry, no posts matched your criteria.