India's largestHyperlocal short
news App
Get daily news updates that are tailored for you based on your preferred language & location.
download Way2News app now
Madurai
News July 25, 2024
108 ஆம்புலன்ஸ் வாகனத்தில் வேலை வாய்ப்பு
மதுரை ராஜாஜி மருத்துவமனையில் ஜூலை 27ஆம் தேதி 108 வாகனத்தில் பணிபுரிவதற்கான வேலை வாய்ப்பு முகாம் நடைபெற உள்ளதாக மாவட்ட நிர்வாகம் தெரிவித்துள்ளது. இதில் மருத்துவ உதவியாளருக்கு பிஎஸ்சி நர்சிங் முடித்திருக்க வேண்டும். ஒட்டுனர் பணிக்கு 24 வயதிலிருந்து 35 வயது வரை இருக்க வேண்டும். மேலும் ஒட்டுநர் உரிமம் மற்றும் பேட்ஜ் பெற்றிருக்க வேண்டும். இதற்கு இருபாலரும் விண்ணப்பிக்கலாம் எனத் தெரிவிக்கப்பட்டுள்ளது.
News July 25, 2024
கப்பலூர் சுங்கச்சாவடி பேச்சுவார்த்தை தோல்வி
கப்பலூர் சுங்கச்சாவடி தொடர்பாக நடைபெற்ற பேச்சுவார்த்தை தோல்வியில் முடிந்ததால் வரும் 30ஆம் தேதி கடையடைப்பு போராட்டம் நடத்த ஒருங்கிணைப்பு குழு முடிவு செய்துள்ளது. திருமங்கலம் பகுதியில் முழு கடையடைப்பு, கப்பலூர் சுங்கச்சாவடியை முற்றுகையிட்டு போராடவும் முடிவு எடுக்கப்பட்டுள்ளது. உள்ளூர் வாகன ஓட்டிகளுக்கு 50 சதவீதம் கட்டணம் செலுத்த வேண்டும் என்ற நடைமுறைக்கு பொதுமக்கள் எதிர்ப்பு வந்தனர்.
News July 25, 2024
மதுரை அருகே வனத்துறை அமைச்சர் ஆய்வு
மதுரை அடுத்த விக்கிரமங்கலம் வனப்பகுதியில் சாலை அமைக்கும் பணிகள் குறித்து வனத்துறை அமைச்சர் மதிவேந்தன் இன்று ஆய்வு செய்தார். இந்த ஆய்வின்போது மாவட்ட ஆட்சித் தலைவர் சங்கீதா, கூடுதல் ஆட்சியர் கூடுதல் மோனிகா ராணா, சோழவந்தான் சட்டமன்ற உறுப்பினர் வெங்கடேசன், மாவட்ட வனத்துறை அலுவலர்கள் உடனிருந்தனர்.
News July 25, 2024
முதல்வருக்கு முன்னாள் அமைச்சர் கண்டனம்
முன்னாள் அமைச்சர் ஆர்.பி உதயகுமார் இன்று அறிக்கை ஒன்றை வெளியிட்டுள்ளார். அதில், ஆட்சிக்கு வந்தவுடன் அம்மா உணவகங்களை அடித்து உடைத்ததோடு, மூன்றாண்டுகளாக கும்பகர்ண தூக்கத்தில் இருந்துவிட்டு, தற்போது அம்மா உணவகங்கள் மீது திடீர் அக்கறை காட்டும் விடியா திமுக அரசின் முதலமைச்சருக்கு கண்டனம் தெரிவிப்பதாகவும், ஈபிஎஸ் கேள்விகளுக்கு மேயரை வைத்து பதில் அளித்த நிர்வாக திறனற்ற அரசு எனவும் விமர்சித்தார்.
News July 25, 2024
மதுரையில் அதிகரிக்கும் குழந்தை திருமணம்
மதுரை மாவட்டத்தில் கடந்த 3 மாதங்களில் மட்டும் 200 சிறுமிகள் குழந்தைகளை பெற்றுள்ளனர் என தகவல் அறியும் உரிமை சட்டத்தின் கீழ் தகவல் பெறப்பட்டுள்ளது. குறிப்பாக மாநகராட்சி மற்றும் புறநகர் பகுதிகளில் இருக்கும் ஆரம்ப சுகாதார நிலையங்களில் 100 நாட்களில் 194 சிறுமிகள் குழந்தைகளைப் பெற்றுள்ளனர். மேலும் பெற்றோர் நடத்தும் திருமணம், காதல் திருமணம் போக சிறார் வன்கொடுமையில் பாதிக்கப்பட்டுள்ளனர்.
News July 25, 2024
மதுரை ஸ்பைஸ் ஜெட் மாற்று ஏற்பாடு
துபாயிலிருந்து தினசரி காலை 9 மணிக்கு புறப்பட்டு மதுரைக்கு பகல் 12 மணியளவில் வரும் ஸ்பைஸ் ஜெட் விமானம், பின்னர் 1:30 மணி அளவில் மதுரையில் இருந்து புறப்பட்டு செல்லும். இதில் தொழில் நுட்பக் கோளாறு காரணமாக துபாயில் இருந்து மதுரை வர வேண்டிய ஸ்பைஸ் ஜெட் விமானம் நேற்று ரத்து செய்யப்பட்டது. இதனால் மதுரையிலிருந்து துபாய் செல்ல வேண்டிய பயணிகள் இன்று செல்ல மாற்று ஏற்பாடுகளை நிறுவனம் அறிவித்துள்ளது.
News July 25, 2024
இனி முன் அனுமதி தேவையில்லை: ஐகோர்ட் உத்தரவு
மதுரை காவல் துறையில் போலீஸ் முதல் இன்ஸ்பெக்டர்கள் வரை உள்ளவர்களுக்கு எதிராக, மாஜிஸ்திரேட் நீதிமன்றங்களில் தொடரப்பட்ட தனிநபர் வழக்கை ரத்து செய்யக் கோரி, பலர் ஐகோர்ட் மதுரை கிளையில் மனு செய்திருந்தனர். இந்த வழக்கை நேற்று விசாரித்த நீதிபதிகள், போலீசார் முதல் இன்ஸ்பெக்டர்கள் வரையிலான காவல் துறையினர் மீது, தனிநபர் வழக்கு தொடர முன் அனுமதி பெற தேவையில்லை என உத்தரவிட்டனர்.
News July 25, 2024
மலேசியாவில் மதுரை மாணவர்கள் சாதனை
மலேசியா கோலாலம்பூரில் சர்வதேச ஸ்பீட் பவர் டேக்வாண்டோ சாம்பியன்ஷிப் போட்டி நடை பெற்றது. இதில் இந்தியா உட்பட 10 நாடுகளில் இருந்து 2500க்கும் மேற்பட்டோர் பங்கேற்றனர். மேலும் பூம்சே, கியொருகி, ஸ்பீடு கிக்கிங் பிரிவுகளில் போட்டிகள் நடந்தன. இதில் அமெச்சூர் மதுரை மாவட்ட விளையாட்டு டேக்வாண்டோ சங்கம் சார்பில் 14 போட்டியாளர்கள் பங்கேற்று 4 தங்கம், 7 வெள்ளி, 13 வெண்கல பதக்கங்கள் வென்று சாதனை படைத்தனர்.
News July 25, 2024
மதுரை ஐகோர்ட்டில் 12 லட்சம் வழக்குகள் விசாரணை
சென்னை உயர்நீதிமன்றத்தின் மதுரை அமர்வு கடந்த 2004இல் தொடங்கப்பட்டது. மதுரை, திண்டுக்கல், கரூர், திருச்சி, புதுக்கோட்டை, ராமநாதபுரம், சிவகங்கை, விருதுநகர், தேனி, நெல்லை, கன்னியாகுமரி, தூத்துக்குடி, தென்காசி மாவட்டங்களை சேர்ந்த வழக்குகள் இங்கு விசாரிக்கப்படுகின்றன. இன்று 21ஆம்ஆண்டில் அடியெடுத்து வைக்கும் உயர் நீதிமன்ற மதுரை அமர்வு 20 ஆண்டுகளில் 12.30 லட்சம் வழக்குகளை விசாரித்து சாதித்துள்ளது.
News July 24, 2024
தமிழக அளவில் முதலிடம் பிடித்த மதுரை
தமிழ்நாட்டில் இன்று (ஜூலை 24) அதிகபட்சமாக மதுரை விமான நிலையத்தில் 104 டிகிரி ஃபாரன்ஹீட் வெப்பநிலை பதிவாகி மதுரை மக்களை வாட்டி வதைத்துள்ளது. மதுரை மாநகர் பகுதியில் 103 டிகிரி ஃபாரன்ஹீட் வெப்பநிலை பதிவாகியுள்ளது. மதுரையில் கடந்த சில நாட்களாக வெயிலின் தாக்கம் சற்று குறைந்தே காணப்பட்ட நிலையில், இன்று கடுமையான வெயிலின் தாக்கம் காணப்பட்டதால் மக்கள் அவதியடைந்தனர்.
Featured News
Sorry, no posts matched your criteria.