India's largestHyperlocal short
news App
Get daily news updates that are tailored for you based on your preferred language & location.
download Way2News app now
Madurai
News July 26, 2024
மதுரை அரசு மருத்துவமனைக்கு விரைவில் புதிய டீன்
மதுரை அரசு ராஜாஜி மருத்துவமனையின் ‘டீனாக’ இருந்த ரத்தினவேலு 2 மாதங்களுக்கு முன் ஓய்வு பெற்றார். லோக்சபா தேர்தல் நடத்தை விதியின் காரணமாக,புதிய டீன் நியமிக்கப்படவில்லை. தற்காலிக டீனாக பேராசிரியர் தர்மராஜ் நியமிக்கப்பட்டுள்ளார். தேர்தல் வாக்கு எண்ணிக்கை முடிந்து ஒன்றரை மாதமாகியும் புதிய ‘டீன்’ நியமிக்கப்படாத நிலையில் விரைவில் டீன் நியமிக்கப்பட உள்ளதாக கூறப்படுகிறது.
News July 26, 2024
தபால் அடையாள அட்டைக்கு விண்ணப்பிக்கலாம்
தபால் துறை சார்பில் பொதுமக்களுக்கான முகவரியுடன் கூடிய அடையாள அட்டை வழங்கப்படுகிறது. அடையாளம் மற்றும் முகவரிக்கான ஆவணங்கள் இல்லாமல் இருப்பவர்கள் அரசு அலுவலகங்களில் இதனை ஆவணமாக பயன்படுத்த முடியும். இதில், விண்ணப்பதாரர் பெயர், முகவரி, புகைப்படம் இடம் பெற்றிருக்கும். இதனை அனைத்து தலைமை தபால் நிலையங்களிலும் விண்ணப்பித்து பெறலாம் என மாவட்ட தபால் நிலைய முதுநிலை கண்காணிப்பாளர் பொன்னையா தெரிவித்துள்ளார்.
News July 26, 2024
ஆட்சியர் பதிலளிக்க ஐகோர்ட் உத்தரவு
மதுரை – மேலூர் சாலையில் உத்தங்குடி அரசு பெண்கள் மாதிரி பள்ளியின் பின்புறம் அமைந்துள்ள ஊரணியை புனரமைக்க கோரி தவமணி என்பவர் மதுரை ஐகோர்ட்டில் தாக்கல் செய்த மனு நேற்று விசாரணைக்கு வந்தது. மனுவை விசாரித்த நீதிமன்றம் மனுவிற்கு கலெக்டர், தாசில்தார், பொதுப்பணித்துறை அதிகாரிகள் உள்ளிட்டோர் தரப்பில் பதில் மனு தாக்கல் செய்யும்படி உத்தரவிட்டு விசாரணையை ஆக.1க்கு ஒத்தி வைத்தனர்.
News July 26, 2024
ஒரே நாளில் 8 ரவுடிகள் கைது
மதுரையில் கொலை உள்ளிட்ட குற்றச்சம்பவங்கள் அதிகரித்து வருவதையடுத்து குற்றச்சம்பவங்கள் நடைபெறாமல் தடுக்கும் வகையில் மாநகர காவல்துறை பல்வேறு தீவிர நடவடிக்கைகளை எடுத்து வருகிறது. இந்நிலையில் நேற்று ஒரே நாளில் பல்வேறு பகுதிகளில் ஆயுதங்களுடன் சுற்றித்திரிந்த 8 ரவுடிகளை போலீசார் அதிரடியாக கைது செய்துள்ளனர். அவர்களிடமிருந்து 10க்கும் மேற்பட்ட அரிவாள், கத்தி உள்ளிட்ட பயங்கர ஆயுதங்களை பறிமுதல் செய்துள்ளனர்.
News July 26, 2024
907.33 ஹெக்டர் நிலம் ஒப்படைப்பு – ராமச்சந்திரன்
மத்திய அரசின் ரயில்வே திட்டங்களுக்கு நில எடுப்பு செய்வதில் தமிழக அரசு கால தாமதம் செய்வதாக அமைச்சர் அஸ்வினி வைஷ்ணவ் தெரிவித்திருந்தார். இதற்கு பதில் கூறிய அமைச்சர் ராமச்சந்திரன் கடந்த 2 ஆண்டுகளாக மத்திய அரசால் நிதி ஒதுக்கப்படாததால் பணிகள் முடங்கியுள்ளதாகவும், மதுரை – தூத்துக்குடி அகல ரயில்பாதை உள்ளிட்ட திட்டங்களுக்கு 907.33 ஹெக்டர் நில எடுப்பு பணி முடிந்து ஒப்படைக்கப்பட்டதாக தெரிவித்துள்ளார்.
News July 26, 2024
இ.எஸ்.ஐ குறைதீர் கூட்டம்
இ.எஸ்.ஐ.சி யின் கவிதா சமகம் மற்றும் வருங்கால வைப்பு நிதி நிறுவனத்தின் குறைதீர் கூட்டம் ஜூலை.29 இல் தத்தனேரி இ.எஸ்.ஐ.சி கிளை அலுவலகத்தில் காலை.9.30 மணிக்கு நடைபெற உள்ளது. இதில் இ.எஸ்.ஐ.சி காப்பீட்டாளர்கள், பயனாளர்கள், வருங்கால வைப்பு நிதி உறுப்பினர்கள், ஓய்வூதியம் பெறுவோர் கலந்து கொண்டு தங்களது குறைகளை நிவர்த்தி செய்யலாம் என துணை மண்டல இயக்குனர் மீனாட்சி சுந்தரம் தெரிவித்துள்ளார். SHARE IT
News July 26, 2024
நீட் ஆள்மாறாட்ட வழக்கு – நீதிமன்றம் எச்சரிக்கை
நீட் தேர்வு ஆள்மாறாட்ட வழக்கில் கடந்த 5 ஆண்டுகளாக எந்தவித முன்னேற்றமும் இல்லை என உயர்நீதிமன்ற மதுரை கிளை அதிருப்தி தெரிவித்துள்ளது. மேலும் வழக்கு விசாரணை முன்னேற்றம் குறித்து தேனி சிபிசிஐடி டிஎஸ்பி அறிக்கை தாக்கல் செய்ய உத்தரவிட்டுள்ள நீதிமன்றம், வழக்கில் முன்னேற்றம் இல்லாவிட்டால் சிபிஐ விசாரணைக்கு மாற்ற நேரிடும் எனவும் எச்சரித்துள்ளது.
News July 25, 2024
மதுரை மெட்ரோ திட்டம் குறித்து மத்திய அரசு விளக்கம்
மதுரை மெட்ரோ ரயில் திட்டத்திற்கான அனுமதி மற்றும் திட்டத்தின் நிலை குறித்து மக்களவையில் இன்று திமுக நாடாளுமன்ற குழுத் தலைவர் கனிமொழி எம்பி கேள்வி எழுப்பினார். அதற்கு பதிலளித்த மத்திய இணையமைச்சர் தோக்கன் சாஹூ, மெட்ரோ ரயில் திட்டத்திற்கு ஒருங்கிணைந்த இயக்கத் திட்டம் மாற்று ஆய்வு அறிக்கை சமர்ப்பிக்க வேண்டியது கட்டாயம். ஆனால் தமிழக அரசு அவையின்றி திட்ட அறிக்கையை சமர்ப்பித்துள்ளது என பதிலளித்தார்.
News July 25, 2024
மதுரையில் திடீரென முடங்கிய சேவை
மதுரை மாநகரில் இன்று (ஜூலை 25) பிற்பகல் முதல் வோடபோன் சேவை திடீரென முடங்கியதால் வாடிக்கையாளர்கள் கடும் அவதிக்குள்ளாகினர். பிற்பகல் முதல் வோடபோன் சேவை நெட்வொர்க் இல்லாமல் போனதால் அழைப்பை மேற்கொள்ள முடியாமலும், இணைய சேவையை பெற முடியாமலும் பொதுமக்கள் பெரும் சிக்கலை சந்தித்து வருகின்றனர். மேலும் பெரும்பாலான வாடிக்கையாளர்கள் இணையம் மூலமாக வோடபோன் நிறுவனத்திற்கு புகார் அளித்து வருகின்றனர்.
News July 25, 2024
மதுரையில் நாளை வேலைவாய்ப்பு முகாம்
மதுரை வேலைவாய்ப்பு அலுவலகத்தில் ரிலையன்ஸ் ஜியோ நிறுவனத்தின் வேலைவாய்ப்பு முகாம் நாளை (ஜூலை 26) நடைபெறவுள்ளது. இம்முகாமில் 10ம் வகுப்பு முதல் பட்டப்படிப்பு வரை படித்தவர்கள் கலந்து தங்களது கல்வி தகுதிக்கேற்ப பணி நியமனம் பெறலாம். விரும்புவோர் http://www.tnprivatejobs.tn.gov.in என்ற இணையத்தில் பதிவு செய்து பயன்பெறலாம் என மாவட்ட நிர்வாகம் தெரிவித்துள்ளது.
Featured News
Sorry, no posts matched your criteria.