India's largestHyperlocal short
news App
Get daily news updates that are tailored for you based on your preferred language & location.
download Way2News app now
Madurai
News July 27, 2024
மக்களுக்கு பூஜ்ஜியம் தான் – Ex அமைச்சர் கிண்டல்
மதுரை வாடிப்பட்டியில் அதிமுகவினர் முதல்வர் மு.க.ஸ்டாலின் ராஜினாமா செய்ய வலியுறுத்தி துண்டு பிரசுரம் வழங்கும் நிகழ்ச்சி இன்று நடைபெற்றது. இதில், பங்கேற்று பேசிய முன்னாள் அமைச்சர் ஆர்.பி.உதயகுமார், திமுக கூட்டணியில் உள்ள 39 எம்.பி.க்கள்., நாடாளுமன்றத்தில் எதுவும் பேசவில்லை என்றும், இந்த எம்.பிக்கள் மூலம் ராஜ்யம் கிடைக்கும் என்று நினைத்த மக்களுக்கு பூஜ்ஜியம் தான் கிடைத்துள்ளது என்று விமர்சித்தார்.
News July 27, 2024
2 வாரத்தில் 16 கொலைகள் – செல்லூர் ராஜூ
காங்கிரஸ் ஆட்சிக் காலத்தில் தான் தமிழகத்திற்கு நிதி ஒதுக்கப்படவில்லை. இந்த பட்ஜெட்டில் புதிதாக மத்திய அரசு நிதி ஒதுக்காதது மதிரி மக்களை ஏமாற்ற திமுக நாடகம் நடத்துகிறது. அதிமுக ஆட்சியில் அனைத்து துறைகளுக்கும் முன்னிலை அளிக்கப்பட்ட நிலையில் திமுக ஆட்சியில் 2000 அம்மா மினி கிளினிக்கை மூடுவிட்டனர். மதுரையில் 2 வாரத்தில் 16 கொலைகள் நடந்துள்ளதாக செல்லூர் ராஜூ செய்தியாளர்களுக்கு பேட்டியளித்துள்ளார்.
News July 27, 2024
மதுரை ஆட்சியருடன் முதல்வர் ஆலோசனை
மக்களுடன் முதல்வர் திட்ட செயல்பாடுகள் குறித்து முதலமைச்சர் முக.ஸ்டாலின் மதுரை ஆட்சியர் உள்ளிட்ட 5 மாவட்ட ஆட்சியர்களுடன் தற்போது காணொலி காட்சி வாயிலாக ஆலோசனை நடத்தி வருகிறார். சென்னை தலைமைசெயலகத்தில் இருந்து ஆலோசனையில் ஈடுபட்டு வரும் முதல்வர் ஸ்டாலின் மக்களின் மனுக்கள் மீது விரைந்து நடவடிக்கை எடுக்க உத்தரவை பிறப்பித்துள்ளார்.
News July 27, 2024
மாநகர காவல் ஆணையர் பெயரில் போலி ஃபேஸ்புக்
மதுரை காவல் ஆணையர் பெயரில் மீண்டும் போலி ஃபேஸ்புக் பக்கம் தொடங்கி மோசடிக்கு முயன்ற சம்பவம் அதிர்ச்சியை ஏற்படுத்தியுள்ளது. மதுரையை சேர்ந்த சமூக ஆர்வலர் ஒருவரின் ஃபேஸ்புக் கணக்குக்கு மாநகர காவல் ஆணையர் லோகநாதன் பெயரில் ஃபிரெண்ட் ரெக்வெஸ்ட் வந்துள்ளது. தொடர்ந்து மெசேஜ் மூலம் பல்வேறு தகவல்களை கேட்டதால் சந்தேகம் அடைந்த சமூக ஆர்வலர் சைபர் கிரைமில் புகார் அளித்துள்ளார்.
News July 27, 2024
பொதுத்தேர்வு மோசடியில் 9 பேர் கைது – அதிர்ச்சி தகவல்
கடந்த ஆண்டு நடைபெற்ற +2 பொதுத்தேர்வில் சிவகங்கையில் விடைத்தாள் திருத்தும் மையத்தில் மதுரையில் உள்ள ஒரு தனியார் பள்ளியின் 2 மாணவர்களின் கையெழுத்துக்கள் ஒரே மாதிரியாக இருப்பது கண்டுபிடிக்கப்பட்டது. பின்னர் மதுரையில் உள்ள ஒரு கல்வித்துறை அலுவலகத்தில் முறைகேடு நடந்தது கண்டுபிடிக்கப்பட்டது. இதில் 1 மாணவன், 4 பெற்றோர்கள்,4 அதிகாரிகள் என 9 பேர் கைது செய்யப்பட்டு மதுரை சிறையில் அடைக்கப்பட்டுள்ளனர்.
News July 27, 2024
வைகை எக்ஸ்பிரஸ் 2 வாரங்களுக்கு ரத்து
தாம்பரம் பணிமனையில் 2 ஆம் கட்ட பராமரிப்பு பணிகள் நடைபெறுவதால் எக்ஸ்பிரஸ் ரயில் சேவையில் மாற்றம் செய்யப்பட்டுள்ளதாக தெற்கு ரயில்வே அறிவித்துள்ளது. அதன்படி, எழும்பூர் – மதுரை செல்லும் வைகை எக்ஸ்பிரஸ்(12635) ஆக.1 முதல் ஆக.14 வரை செங்கல்பட்டில் இருந்து மதியம் 2.48 மணிக்கு புறப்படும். எழும்பூர் – திருச்சி எக்ஸ்பிரஸ்(12653)ஆக.2 முதல் ஆக.15 வரை செங்கல்பட்டில் இருந்து இரவு 12.40 க்கு புறப்படுகிறது.
News July 27, 2024
சதுரகிரி மலை ஏற மதியம் 12 மணி வரை மட்டுமே அனுமதி
விருதுநகரில் பிரசித்தி பெற்ற சதுரகிரி மலையில் ஆடி அமாவாசையையொட்டி மலைக்கு செல்ல அக.1 முதல் ஆக.14 வரை அனுமதி அளிக்கப்பட்டுள்ளது. இதற்கான ஆய்வுக் கூட்டம் நேற்று மதுரை, விருதுநகர் ஆட்சியர் தலைமையில் நடைபெற்றது. இதில் மலை ஏற காலை 6 மணி முதல் மதியம் 12 மணி வரை மட்டுமே அனுமதி வழங்கப்பட்டுள்ளது. எளிதில் தீப்பற்றக்கூடிய பொடுட்கள் பயன்படுத்தினால் நடவடிக்கை எடுக்கப்படும் என தெரிவிக்கப்பட்டுள்ளது.
News July 26, 2024
சினிமாவில் நடிக்க வாய்ப்பு.. மனம் திறந்த நட்டு
இன்று மதுரை வந்த இந்திய அணியின் தமிழக கிரிக்கெட் வீரர் நடராஜனிடம் சினிமாவில் நடிக்க வாய்ப்பிருக்கிறதா என்ற செய்தியாளர்களின் கேள்விக்கு பதிலளித்த அவர், ஐபிஎல் கிரிக்கெட் போட்டிக்கு பிறகு ரசிகர்கள் அதிகம் பார்க்கும் கிரிக்கெட் போட்டியாக டிஎன்பிஎல் மாறியுள்ளது. மீடியா முன் பேசுவதற்கே தயக்கமாக உள்ளது. பின்னர் எப்படி நான் சினிமாவில் நடிப்பேன். சினிமாவில் நடிக்க வாய்ப்பு இல்லை என்று கூறினார்.
News July 26, 2024
ஒலிம்பிக்கில் ஜொலிப்பாரா மதுரை மைந்தன்
மதுரை மாவட்டம் சக்குடியைச் சேர்ந்தவர் சந்தோஷ்குமார் தமிழரசன். இவர் 2023ஆம் ஆண்டு நடைபெற்ற ஆசிய தடகள சாம்பியன்ஷிப் போட்டியில் வெண்கல பதக்கம் வென்று சாதனை படைத்துள்ளார். ஆசிய போட்டியில் தடகளத்தில் தமிழக வீரர் ஒருவர் பதக்கம் வெல்வது இதுவே முதல் முறையாகும். இந்தநிலையில், இவர் பாரிஸில் நடைபெறும் ஒலிம்பிக் போட்டியில் தொடர் ஓட்டப்பந்தயத்தில் இந்திய அணி சார்பில் பங்கேற்கவுள்ளார்.
News July 26, 2024
துப்பாக்கி சுடும் போட்டியில் மாணவர்கள் சாதனை
கோவையில் அண்மையில் நடந்த ரைபிள் மற்றும் பிஸ்டல் துப்பாக்கி சுடுதலுக்கான 49 ஆவது மாநில அளவிலான போட்டிகளில், மதுரையில் உள்ள தனியார் சர்வதேச பள்ளி மாணவர்கள் முதலிடம் பெற்றனர். 16 தங்கம், 13 வெள்ளி, 8 வெண்கலம் என 37 பதக்கங்களை பெற்றனர். பெண்கள் தனிநபர் பிரிவில் மாணவி கபிஷ்னா 8 தங்கம் வென்று மாநில அளவில் முதலிடம் பிடித்தார். ஆண்கள் தனிப் பிரிவில் இப்பள்ளி மாணவர்கள் 2ஆம் இடத்தையும் பிடித்துள்ளனர்.
Featured News
Sorry, no posts matched your criteria.