India's largestHyperlocal short
news App
Get daily news updates that are tailored for you based on your preferred language & location.
download Way2News app now
Madurai
News July 29, 2024
அமைச்சர் தலைமையில் மீண்டும் பேச்சுவார்த்தை
மதுரை கப்பலூர் சுங்கச்சாவடியில் உள்ளூர் வாகனங்களுக்கு கட்டணம் வசூலிப்பதை கண்டித்து நாளை திருமங்கலம் உள்ளிட்ட 10 ஊர் மக்கள் முழு கடையடைப்பு போராட்டம் மற்றும் சுங்கச்சாவடியை முற்றுகையிட உள்ளனர். இந்நிலையில் இன்று வணிக வரித்துறை அமைச்சர் மூர்த்தி தலைமையில் மாவட்ட ஆட்சியர் அலுவலகத்தில் பேச்சுவார்த்தை நடைபெறவுள்ளது.
News July 29, 2024
தமிழகம் முழுவதும் ஆகஸ்ட் 1ல் போராட்டம்
மதுரை மகபூப்பாளையத்தில் உள்ள மார்க்சிஸ்ட் கம்யூனிஸ்ட் கட்சியின் மாவட்டக்குழு அலுவலகத்தில் நேற்று மதுரை எம்பி சு.வெங்கடேசன் செய்தியாளர்களை சந்தித்தார். அப்போது, “இந்திய மக்களுக்கு, கூட்டாட்சித் தத்துவத்திற்கு எதிராக மத்திய பாஜக அரசு பட்ஜெட் தாக்கல் செய்துள்ளது. இதனை கண்டித்து இடது சாரிக்கட்சிகள் சார்பில் தமிழகம் முழுவதும் மாபெரும் போராட்டம் ஆகஸ்ட் 1ம் தேதி நடைபெறும்” என்று தெரிவித்தார்.
News July 29, 2024
போக்சோ வழக்கில் போலி சாமியார் கைது
திருப்பரங்குன்றத்தை சேர்ந்த மனோஜ்குமாரை(63), அப்பகுதி மக்கள் சாமியார் என அழைத்து மரியாதை செலுத்தி வந்தனர். இந்நிலையில் இவர், 10 ஆம் வகுப்பு மாணவி ஒருவரை பாலியல் ரீதியாக தொந்தரவு செய்து வந்த. சிறுமி அளித்த தகவலின் பேரில், பெற்றோர் திருப்பரங்குன்றம் அனைத்து மகளிர் காவல்நிலையத்தில் புகார் அளித்தனர். போக்சோ வழக்குப்பதிவு செய்த போலீசார், போலி சாமியார் மனோஜ்குமாரை நேற்று கைது செய்தனர்.
News July 28, 2024
2026 தேர்தலை கருத்தில் கொண்டு.. ஜி.கே.வாசன் விளக்கம்
மதுரை அழகர்கோயில் சாலையில் உள்ள விடுதியில் தமிழ் மாநில காங்கிரஸ் கட்சியின் தென் மண்டல அளவிலான ஆலோசனை கூட்டம் இன்று (ஜூலை 28) தலைவர் ஜி.கே.வாசன் தலைமையில் நடைபெற்றது. பின்னர் செய்தியாளர்களை சந்தித்த ஜி.கே.வாசன், 2026 சட்டமன்ற தேர்தலை கருத்தில் கொண்டு தமிழ் மாநில காங்கிரஸ் கட்சியில் சீரமைப்பு பணிகள் நடைபெற்று வருகிறது என்றார். கூட்டத்தில் முன்னாள் எம்பி, எம்எல்ஏக்கள் பங்கேற்றனர்.
News July 28, 2024
திமுக சார்பில் தென்னிந்திய கபடி போட்டி
மதுரை மாவட்டம் ரேஸ் கோர்ஸ் மைதானத்தில் மதுரை மாநகர் மாவட்ட திமுக விளையாட்டு மேம்பாட்டு அணியின் சார்பாக தென்னிந்திய அளவிலான மாபெரும் கபடி போட்டி இன்று (ஜூலை 28) நடைபெற்றது. இதில், வணிக வரித்துறை அமைச்சர் மூர்த்தி, உணவு மற்றும் உணவு பொருள் வழங்கல் துறை அமைச்சர் சக்கரபாணி மற்றும் நாடாளுமன்ற உறுப்பினர் தயாநிதி மாறன் கலந்து கொண்டு வெற்றி பெற்றவர்களுக்கு பரிசுகளை வழங்கி பாராட்டினர்.
News July 28, 2024
மதுரை பாஜக மாவட்ட தலைவர்கள் மீது சரமாரி புகார்
மதுரை மாவட்ட பாஜகவில் நிலவும் உட்கட்சி பூசலை விசாரிப்பதற்காக பாஜகவின் மாநில பொதுச் செயலாளர் ஏ.பி.முருகானந்தம் மதுரைக்கு அனுப்பி வைக்கப்பட்டார். அவர் நேற்று மதுரை மாவட்ட கருத்துக்கேட்பு கூட்டத்தில் பங்கேற்றார். அப்போது மாநகர் மாவட்டத் தலைவர் மகா சசீந்திரன் மீது 20 பேரும், கிழக்கு மாவட்டத் தலைவர் ராஜசிம்மன் மீது 60 பேரும், மேற்கு மாவட்ட தலைவர் சசிகுமார் மீது 50 க்கும் மேற்பட்டோர் புகார் அளித்தனர்.
News July 28, 2024
மதுரைக்கு நாளை வருகை தரும் தமிழக ஆளுநர்
தமிழக ஆளுநர் ஆர்.என்.ரவி நாளை (ஜூலை 29) மதியம் சென்னையில் இருந்து விமானம் மூலம் மதுரை வருகை தர இருக்கிறார். நான்கு வழிச்சாலையில் உள்ள தனியார் ஹோட்டலில் ஓய்வெடுத்த பின்பு மாலையில் தெப்பக்குளம் பகுதியில் உள்ள தியாகராஜர் கலை கல்லூரியில் நடக்கும் நிகழ்வில் கலந்து கொள்கிறார். ஆளுநர் வருகையை முன்னிட்டு மதுரையில் கூடுதல் போலீசார் பாதுகாப்பு பணியில் ஈடுபட்டு வருகின்றனர்.
News July 28, 2024
தமிழ் ராக்கர்ஸ் தளத்தில் புதிய படம் பதிவேற்றம் செய்தவர் கைது
தமிழ் ராக்கர்ஸ் இணையதளத்தில் புதிய படங்களை பதிவேற்றம் செய்த மதுரையைச் சேர்ந்த ஸ்டீபன் ராஜ் என்பவரை மதுரையில் கேரளா போலீசார் கைது செய்துள்ளனர். இவர் தமிழ் ராக்கர்ஸ் இணையதளத்தில் ஒன்றரை ஆண்டுகளாக புதிய படங்களை பதிவேற்றம் செய்து வந்துள்ளார். இந்நிலையில் இணையதளத்தில் புதிய படம் ஒன்றை பதிவேற்றம் செய்ய ரூ.5000 கமிஷன் பெறப்பட்ட நிலையில் தற்போது அவர் கைது செய்யப்பட்டுள்ளார்.
News July 28, 2024
மதுரையில் 5 புதிய உலர் களங்கள்
விவசாய பொருட்கள் இழப்பை தடுக்க வேளாண் வணிகத்துறை சார்பில் 2021 ஆம் ஆண்டு முதல் உலர் கலங்கள் அமைக்கப்பட்டு வருகிறது. அதன்படி 2 ஆண்டுகளில் ரூ.20 கோடியில் 185 உலர் களங்கள் அமைக்கப்பட்டுள்ளது. மேலும் ரூ.34 கோடியில் 100 உலர் களங்கள் அமைக்கப்பட்டு வருகிறது. இந்நிலையில் மதுரை மாவட்டத்தில் 5 இடங்களில் உலர் கலங்கள் கட்டப்பட்டு அடுத்த மாத இறுதிகுள் விவசாயிகளுக்கு இலவசமாக வழங்கப்பட உள்ளது.
News July 28, 2024
தண்ணீர் திறப்பால் விவசாயிகள் மகிழ்ச்சி
முல்லை பெரியாறு பிரதான பாசன கால்வாய் பகுதியில் முதல் போக விவசாயம் செய்வதற்கு கடந்த 3ஆம் தேதி முதல் வைகை அணையிலிருந்து தண்ணீர் திறந்து விடப்பட்டது. இந்த பாசன கால்வாய் மூலம் மதுரை மாவட்டம் வாடிப்பட்டி வட்டம் சார்பில் 16,452 ஏக்கர் நிலங்கள் பாசன வசதி பெறுகிறது. தற்போது திறந்து விடப்பட்ட நீரை நம்பி பல்வேறு விவசாயிகள் தங்களது நிலங்களை உழுது நெற்பயிருட்டு தண்ணீர் நிரப்பி வருகின்றனர்.
Featured News
Sorry, no posts matched your criteria.