India's largestHyperlocal short
news App
Get daily news updates that are tailored for you based on your preferred language & location.
download Way2News app now
Madurai
News July 30, 2024
ஆர்.பி.உதயகுமார் உண்ணாவிரத போராட்டம்
மதுரை கப்பலூர் சுங்கச்சாவடியை அகற்றக்கோரி சுங்கச்சாவடி முற்றுகையிட்டு போராட்டத்தில் ஈடுபட்ட முன்னாள் அமைச்சர் ஆர்.பி.உதயகுமார் மற்றும் அவரது ஆதரவாளர்கள் 500க்கும் மேற்பட்டோர் கைது செய்யப்பட்டு மேலக்கோட்டையில் உள்ள திருமண மண்டபத்தில் அடைத்து வைக்கப்பட்டுள்ளனர். இந்நிலையில், அங்கிருந்தபடி ஆர்.பி.உதயகுமார் மற்றும் அவரது ஆதரவாளர்கள் உண்ணாவிரத போராட்டத்தில் ஈடுபட்டு வருகின்றனர்.
News July 30, 2024
முன்னாள் அமைச்சர் ஆர்.பி.உதயகுமார் கைது
மதுரையில் அதிமுக முன்னாள் அமைச்சர் ஆர்.பி.உதயகுமார் கைது செய்யப்பட்டுள்ளார். கப்பலூர் சுங்கச்சாவடியில் உள்ளூர் மக்களுக்கு வரி விலக்கு கோரி நடைபெற்ற பேச்சுவார்த்தை தோல்வியுற்றது. இதை தொடர்ந்து இன்று திருமங்கலம் பகுதி முழுவதும் கடையடைப்பு போராட்டம் நடைபெற்று வருகிறது. இதை தொடர்ந்து சுங்கச்சவாடி அருகே மறியலில் ஈடுபட்ட ஆர்.பி.உதயகுமார் கைது செய்யப்பட்டுள்ளதால் பரபரப்பு ஏற்பட்டுள்ளது.
News July 30, 2024
கப்பலூர் சுங்ச்சாவடியில் குவிந்த போலீசார்
மதுரை கப்பலூர் சுங்கச்சாவடி அருகே போலீசார் குவிக்கப்பட்டுள்ளனர். கப்பலூர் சுங்கச்சாவடியை அகற்றக்கோரி திருமங்கலம் பகுதி முழுவதும் இன்று(ஜூலை 30) கடையடைப்பு போராட்டம் நடைபெறுகிறது. இந்நிலையில், சுங்கச்சாவடியை போராட்டக்காரர்கள் முற்றுகையிட போவதாக வந்த அறிவிப்பை தொடர்ந்து போலீஸ் பாதுகாப்பு போடப்பட்டுள்ளது. உள்ளூர் மக்களுக்கு வரி விலக்கு குறித்த பேச்சுவார்த்தை தோல்வியடைந்ததை தொடர்ந்து போராட்டம்.
News July 30, 2024
கல்லால் தாக்கி கொலை முயற்சி; 3 பேர் கைது
மதுரை வடக்குமாசி வீதியை சேர்ந்தவர் சபரிமணி(28). டிரைவரான இவர் நேற்று முன்தினம் இரவு அப்பகுதியில் நடந்து சென்றபோது, டூவீலரில் வந்த மேலமாசி வீதியை சேர்ந்த காமேஸ்வரன் விஜயகுமார்(25) & 16 வயது சிறுவன் ஆகியோர் அவருடன் தகராறு செய்து சாலையில் கிடந்த கற்களை எடுத்து அவரது தலையில் தாக்கியுள்ளனர். படுகாயமடைந்த சுப்பிரமணி மருத்துவமனையில் அனுமதிக்கப்பட்ட நிலையில். போலீசார் நேற்று 3 பேரையும் கைது செய்தனர்.
News July 30, 2024
கணிதத்தில் புதிய கண்டுபிடிப்பு – மதுரைக்காரர் சாதனை
ஏறத்தாழ 200 ஆண்டுகளுக்குப் பிறகு ஒரு முக்கோணத்தில் மேலும் கூடுதலாக 3 புள்ளிகள் வழியே வட்டம் செல்கிறது என்பதை விளக்கும் தோற்றத்தை மதுரை சிஇஓ பள்ளி நிறுவனர் ராசா கிளைமாக்சு கண்டுபிடித்துள்ளாா். இதற்கு, “12 புள்ளிகள் தேற்றம்” என அவா் பெயரிட்டுள்ளாா். இத்தாலியில் நடைபெறவுள்ள உலக கணித மாநாட்டில் ராசா கிளைமாக்சு இந்தத் தோற்றத்தைப் பற்றி விளக்கமளிக்கிறார்.
News July 29, 2024
சுங்கச்சாவடி விவகாரம் – ஆட்சியருக்கு கடிதம்
சட்ட விதிகளுக்கு புறம்பாக அமைந்துள்ள கப்பலூர் டோல்கேட்டை இடம் மாற்றம் செய்து நிரந்தர தீர்வு காணப்பட வேண்டும் என திருமங்கலம் சட்டமன்ற உறுப்பினரும் முன்னாள் அமைச்சருமான ஆர்.பி.உதயகுமார் மாவட்ட ஆட்சியருக்கு இன்று (ஜூலை 29) கடிதம் மூலம் வலியுறுத்தியுள்ளார். கடிதத்தில் நிரந்தர தீர்வு ஏற்படும் வரை உள்ளூர் மக்களுக்கு சுங்க கட்டணத்தில் இருந்து முழுமையான விலக்கு அளிக்க வலியுறுத்தியுள்ளார்.
News July 29, 2024
மதுரை விமான நிலையத்திற்கு 4வது இடம்
வாடிக்கையாளர் சேவையின் அடிப்படையில் மதுரை விமான நிலையம் நாட்டின் 4வது சிறந்த உள்நாட்டு விமான நிலையமாகத் தரம் பெற்றுள்ளதாக சிறந்த பன்னாட்டு விமான நிலையத்திற்காக நடத்திய ஆய்வில் இந்திய விமான நிலைய ஆணையம் அறிவித்துள்ளது. 61 விமான நிலையங்களில் 2024 ஜனவரி முதல் ஜூன் வரை எடுத்த கணக்கெடுப்பின் அடிப்படையில் மதுரை விமான நிலையம் நான்காவது இடம் பெற்றுள்ளது.
News July 29, 2024
மதுரையில் நிர்வாக தீர்ப்பாயம் – உத்தரவு
ஒன்றிய நிர்வாகத் தீர்ப்பாய கிளையை மதுரையில் அமைக்க உத்தரவிடக்கோரிய வழக்கில் ஒன்றிய அரசு பதிலளிக்க உயர்நீதிமன்ற மதுரைகிளை ஆணை பிறப்பித்துள்ளது. ஒன்றிய நிர்வாகத் தீர்ப்பாய கிளை மதுரையில் அமைந்தால் தென் மாவட்ட அதிகாரிகளுக்கு பயனுள்ளதாக அமையும் என மனுவில் தெரிவிக்கப்பட்டிருந்தது. இந்த மனு குறித்து ஒன்றிய அரசு மற்றும் மாநில அரசு பதிலளிக்க உயர்நீதிமன்ற மதுரைகிளை இன்று உத்தரவு பிறப்பித்துள்ளது.
News July 29, 2024
கப்பலூர் சுங்கச்சாவடியில் இனி கட்டணமில்லை
கப்பலூர் சுங்கச்சாவடி கட்டண வசூல் முறை குறித்து இன்று (ஜூலை 29) ஆட்சியர் சங்கீதா, வணிகவரித்துறை அமைச்சர் மூர்த்தி தலைமையில் சுங்கச்சாவடி போராட்ட குழு, சுங்கச்சாவடி நிர்வாகம் சார்பில் 2ஆம் கட்ட பேச்சுவார்த்தை நடைபெற்றது. இதில், உள்ளூர் முகவரி உள்ள மக்களுக்கு கட்டண விலக்கு தொடரும் என்றும், திருமங்கலம் பகுதி வாகன உரிமையாளர்கள் தங்கள் ஆதார் அட்டையை காண்பித்து செல்லலாம் என முடிவு செய்யப்பட்டது.
News July 29, 2024
மதுரை: கடன்தொல்லையால் குடும்பத்தோடு தற்கொலை முயற்சி
மதுரை ஊமச்சிகுளத்தைச் சேர்ந்த பாண்டிய ராஜன்-கார்த்திகா தம்பதிக்கு 3,5 வயதில் மகள்கள் உள்ளனர்.நேற்று முன்தினம் பாண்டிய ராஜன் தன் குடும்பத்தோடு அரளி விதையைச் சாப்பிட்டு தற்கொலைக்கு முயன்றுள்ளார். மயங்கிய நிலையிலிருந்த குடும்பத்தினரை அக்கம் பக்கத்தினர் மீட்டு அரசு மருத்துவமனையில் அனுமதித்தனர்.கடன் தொல்லையால் தற்கொலையில் ஈடுபட்டதாகக் கூறப்படுகிறது. இது தொடர்பாக போலீசார் விசாரித்து வருகின்றனர்.
Featured News
Sorry, no posts matched your criteria.