India's largestHyperlocal short
news App
Get daily news updates that are tailored for you based on your preferred language & location.
download Way2News app now
Madurai
News August 2, 2024
பாலியல் தொல்லையா? நீதிபதி அட்வைஸ்
இளம்பெண்களாகிய உங்களுக்கோ, அக்கம்பக்கத்தில் இருக்கும் பெண்களுக்கோ ஏதாவது பாலியல் ரீதியிலான சம்பவங்கள் நடக்கும்போது உடனடியாக போலீசாருக்கோ அல்லது நம்பிக்கையானவர்களிடமோ தைரியமாக தெரிவிக்க வேண்டும் என மதுரை மாவட்ட நீதிபதி அனுராதா அறிவுறுத்தியுள்ளார். மதுரையில் நேற்று நடைபெற்ற நிகழ்ச்சியில் பங்கேற்று பேசிய அவர் இதன்மூலம் குற்றச்சம்பவங்களை தடுக்க முடியும் என தெரிவித்தார்.
News August 2, 2024
மதுரை எய்ம்ஸ் தாமதத்தை ஒப்புக்கொள்கிறோம் – நட்டா
மதுரையில் எய்ம்ஸ் அமைவதன் தாமதம் குறித்து அமைச்சர் ஜே.பி. நட்டா விளக்கமளித்துள்ளார். மக்களவையில் பேசிய அவர், மதுரை எய்ம்ஸ் அமைப்பதில் ஏற்பட்டுள்ள கால தாமதத்தை ஒப்புக்கொள்வதாக தெரிவித்ததுடன் விரைவில் கட்டுமான பணிகள் தொடங்கும் என்றும் கூறினார். மேலும், தொழில்நுட்ப காரணங்களாலேயே பணிகள் தாமதாவதாகவும் தெரிவித்தார்.
News August 2, 2024
‘டீ’யில் மயக்க மருந்து கலந்து வழிப்பறி
ராம்நாடு வளநாடு கிராமத்தை சேர்ந்தவர் மிக்கேல்(72). இவர் நேற்று மதுரை மாட்டுத்தாவணி பேருந்து நிலையத்தில் பரமக்குடி செல்லும் பஸ்ஸில் அமர்ந்திருந்தபோது, அருகே இருந்த நபர் பேச்சு கொடுத்து பின்னர் ‘டீ’ வாங்கி அதில் மயக்க மருந்து கலந்து கொடுத்துள்ளார். சிறிது நேரத்தில் மிக்கேல் மயங்கிய நிலையில், அவர் அணிந்திருந்த மோதிரம்(1 பவுன்), கைக்கடிகாரத்தை பறித்து சென்றுள்ளார். அந்நபரை போலீசார் தேடி வருகின்றனர்.
News August 2, 2024
மதுரையை தெறிக்க விடும் ‘மாமதுரை விழா’
மதுரை மாநகரின் பாரம்பரியம், கலாச்சாரத்தைப் போற்றும் வகையில் ‘மாமதுரை விழா’ வரும் 8 ஆம் தேதி முதல் 11 ஆம் தேதி வரை நடைபெறுகிறது. முதல்வர் மு.க.ஸ்டாலின் காணொலி வாயிலாக தொடங்கி வைக்கிறார். மக்களும், மாணவர்களும் பங்கேற்கும் விளையாட்டுகள், கலை நிகழ்ச்சிகள், சுற்றுலாவை மேம்படுத்த பட்டம் விடும் திருவிழா, அடுக்குமாடி பேருந்துப் பயணம், பாரம்பரிய நடைபயணம், சைக்கிளிங் உள்ளிட்ட நிகழ்ச்சிகளும் இடம் பெறுகிறன..
News August 2, 2024
ஆகஸ்ட் 5ல் துவங்கும் முளைக்கொட்டு திருவிழா
மதுரை மீனாட்சி சுந்தரேசுவரர் திருக்கோயிலில் தமிழ் மாதங்கள் அனைத்திலும் திருவிழாக்கள் நடைபெறுகின்றன. அந்த வகையில் சித்திரைத் திருவிழா, வைகாசித் திருவிழா, ஆனி ஊஞ்சல் உற்சவ திருவிழாவைப் போல் ஆடி மாதத்தில் நடைபெறும் முளைக்கொட்டுத் திருவிழா பிரசித்திப் பெற்ற திருவிழாவாக உள்ளது. அதன்படி இந்த ஆண்டு முளைக்கொட்டுத் திருவிழா ஆகஸ்ட் 5ம் தேதி கொடியேற்றத்துடன் தொடங்குவதாக கோவில் நிர்வாகம் அறிவித்துள்ளது.
News August 1, 2024
பூங்காவில் உணவு அரங்கு அமைக்க தடை
மதுரை வண்டியூர் கண்மாய்க்கரையிலுள்ள சுந்தரம் பூங்காவில் உணவு அரங்குகளுக்கான கட்டுமான பணிக்கு உயர்நீதிமன்ற மதுரைக் கிளை இடைக்காலத் தடை விதித்தது. பூங்காவில் உணவு அரங்குகளை பயன்படுத்துவோர் உணவு, பிளாஸ்டிக் கழிவுகளை விட்டுச்செல்லும் நிலையால் கண்மாய் மாசுபடும் என்பதால் உணவு அரங்குகளுக்கான கட்டுமானப் பணிக்கு தடை விதிக்க கோரிய மனு மீதான விசாரணையில் கலெக்டர், மாநகராட்சி கமிஷனருக்கு நோட்டீஸ் அனுப்பியது.
News August 1, 2024
மேலவளவு படுகொலை வழக்கில் ஐகோர்ட் உத்தரவு
கடந்த 1996 ஆம் ஆண்டு ஆதிதிராவிட வகுப்பைச் சேர்ந்த முருகேசன் என்பவர் மேலவளவு பஞ்சாயத்துத் தலைவர் பதவிக்கு போட்டியிட்டு வெற்றிபெற்றார். இதில் ஏற்பட்ட முன்விரோதம் காரணமாக 6 பேர் படுகொலை செய்யப்பட்டனர். இந்த வழக்கில் 17 பேருக்கு ஆயுள் தண்டனை வழங்கப்பட்டது. இதில் ஆயுள் தண்டனை பெற்ற சேகரை முன்கூட்டியே விடுதலை செய்த உத்தரவை திரும்பபெற வேண்டும் என ஐகோர்ட் மதுரை கிளை உத்தரவிட்டுள்ளது.
News August 1, 2024
பைக் சாகசம் செய்பவர்களுக்கு கடும் எச்சரிக்கை
மதுரையில் சமீப நாட்களாக ரீல்ஸ் மோகத்திற்காக இளைஞர்கள் பைக் சாகசம் செய்வது அதிகரித்து வருகிறது. இந்நிலையில் பைக் சாகசத்தில் ஈடுபடுபவர்களை மதுரை மாநகர காவல் துறை தாங்களாகவே முன்வந்து சமூக வலைத்தளங்களில் கண்காணித்து வருகிறது. மேலும் பைக் சாகசம் செய்பவர்கள் மீது கடும் நடவடிக்கை எடுக்கப்படும் என மாநகர காவல் ஆணையாளர் லோகநாதன் இன்று எச்சரிக்கை விடுத்துள்ளார்.
News August 1, 2024
மதுரையில் 450 இடங்களில் கிராம சபை கூட்டம்
மதுரை மாவட்டத்தில் உள்ள 450 கிராம ஊராட்சிகளில் நாளை(அக.2) கலைஞர் கனவு இல்ல திட்ட பயனாளர்களை தேர்வு செய்வதற்கான சிறப்பு கிராம சபை கூட்டம் நடத்த மாவட்ட ஆட்சியர் சங்கீதா உத்தரவிட்டுள்ளார். காலை 11 மணிக்கு நடைபெற உள்ள கிராம சபை கூட்டத்தில் தகுதியான பயனாளிகளை தேர்வு செய்து அதன் அறிக்கையை பிற்பகல் 3 மணிக்குள் மாவட்ட வளர்ச்சி திட்ட இயக்குனரிடம் ஊராட்சி மன்ற தலைவர்கள் வழங்கிட உத்தரவிட்டுள்ளார்.
News August 1, 2024
மதுரை காவல் ஆணையர் பதிலளிக்க உத்தரவு
அதிகாரத்தை தவறாக பயன்படுத்தி தொந்தரவு செய்யும் டிஎஸ்பி வினோதினி மீது மதுரை மாநகர் காவல்துறை உரிய நடவடிக்கை எடுக்கவும், சட்டவிரோத காவலால் மன உளைச்சலுக்குள்ளான தன் மகனுக்கு இழப்பீடு வழங்க உத்தரவிட கோரி மதுரை தபால்தந்தி நகரை சேர்ந்த கஸ்தூரி கலா மதுரை ஐகோர்ட்டில் மனு தாக்கல் செய்தார். இதில் மதுரை மாநகர் காவல்துறை ஆணையர், டிஎஸ்பி வினோதினி தரப்பில் பதில் மனு தாக்கல் செய்ய நீதிமன்றம் உத்தரவிட்டுள்ளது.
Featured News
Sorry, no posts matched your criteria.