India's largestHyperlocal short
news App
Get daily news updates that are tailored for you based on your preferred language & location.
download Way2News app now
Madurai
News April 6, 2024
சித்திரை திருவிழா குறித்து ஆலோசனை கூட்டம்
மதுரை சித்திரைத் திருவிழா முன்னேற்பாடு மற்றும் பாதுகாப்பு பணிகள் தொடர்பான ஆய்வுக் கூட்டம் மாவட்ட ஆட்சித்தலைவர் சங்கீதா தலைமையில் இன்று நடைபெற்றது. இக்கூட்டத்தில் மாவட்ட மாநகர காவல் ஆணையாளர் லோகநாதன், மாநகராட்சி ஆணையாளர் தினேஷ்குமார், மாவட்ட எஸ்பி அர்விந்த் உள்ளிட்டோர் கலந்து கொண்டனர். பக்தர்களின் வருகைக்கு ஏற்ப பாதுகாப்பு, அடிப்படை வசதிகள் சார்ந்த ஏற்பாடுகள் செய்வது குறித்து ஆலோசிக்கப்பட்டது.
News April 6, 2024
கலவரத்தை உருவாக்க நினைக்கிறார் டிடிவி
மதுரை மாவட்டம் உசிலம்பட்டியில், தேனி மக்களவைத் தொகுதி அதிமுக வேட்பாளர் நாராயணசாமியை ஆதரித்து முன்னாள் அமைச்சர் ஆர்.பி.உதயக்குமார் தலைமையில் நிர்வாகிகள் இன்று வாக்கு சேகரிப்பில் ஈடுபட்டனர். அப்போது செய்தியாளர்களிடம் பேசியவர், “நாங்கள் எங்கெல்லாம் பிரச்சாரம் செய்கிறோமோ அங்கெல்லாம் அனுமதியின்றி டிடிவி தினகரன் வருகிறார். ஒரு கலவர சூழ்நிலையை உருவாக்க வேண்டும் என நினைக்கிறார்” என்று குற்றம் சாட்டினார்.
News April 6, 2024
மதுரை: பதற்றமான சாவடி எண்ணிக்கை வெளியீடு
மதுரை மக்களவைத் தொகுதியில் பதற்றமான வாக்குச்சாவடிகள், மிகவும் பதற்றமான வாக்குச்சாவடிகள் எண்ணிக்கை விவரம் வெளியாகியுள்ளது. அதன்படி, 511 வாக்குச்சாவடிகள் பதற்றமானவை என்றும், 1 வாக்குச்சாவடி மிகவும் பதற்றமானது என்றும் தலைமைத் தேர்தல் அதிகாரி சத்யபிரத சாகு தெரிவித்துள்ளார்.
News April 6, 2024
கள்ளழகர் மீது தண்ணீர் பீய்ச்ச முன்பதிவு
கள்ளழகர் மீது பாரம்பரிய முறைப்படி தண்ணீர் பீய்ச்ச நாளை (ஏப்.06) முதல் ஏப்ரல் 20 ஆம் தேதி வரை முன்பதிவு செய்யலாம். தோல் பை மூலம் தண்ணீர் பீய்ச்சவும், நேர்த்திக் கடன் செலுத்தவும் கோவில் நிர்வாகத்திடம் முன்பதிவு செய்ய வேண்டும். மேலும், உயரழுத்த பிரஷர் பம்ப், மின்னழுத்த மோட்டார்கள் மூலம் தண்ணீர் பீய்ச்சி அடிக்க கூடாது என மதுரை மாவட்ட ஆட்சியர் தெரிவித்துள்ளார்.
News April 6, 2024
குப்பை லாரி மோதி இளைஞர் பலி
மதுரை மகபூப்பாளையம் பகுதியை சேர்ந்தவர் சஞ்சய் (வயது 21). இவர் நேற்று அரசரடி டி.பி. சாலையில் பைக்கில் சென்றபோது, அந்த வழியாக வந்த ஆட்டோவை முந்தி செல்ல முயன்ற போது, எதிரே வந்த குப்பை லாரி மீது மோதி பலத்த காயம் அடைந்தார். அவரை மீட்ட அக்கம் பக்கத்தினர் சிகிச்சைக்காக மதுரை அரசு மருத்துவமனைக்கு அனுப்பி வைத்த நிலையில் செல்லும் வழியிலேயே உயிரிழந்தார். இச்சம்பவம் குறித்து போலீசார் விசாரிக்கின்றனர்.
News April 5, 2024
மதுரையில் ஜிம் உரிமையாளரிடம் பண மோசடி
மதுரை கேகே. நகரில் ஜிம் நடத்தி வரும் மனோஜ் பாபு என்பவரிடம் ஜவஹா்லால்புரத்தைச் சேர்ந்த ஐசக் அப்பாஸ் தொழில் செய்வதாகக் கூறி முதலீடாக ரூ.57.52 லட்சத்தை பெற்றுள்ளார். பின்னர் ரூ.18 லட்சத்தை மட்டும் திருப்பி கொடுத்து விட்டு மீதமுள்ள பணத்தை தராமல் மோசடி செய்துள்ளார். இதுகுறித்த புகாரில் மத்திய குற்றப் பிரிவு போலீஸாா் ஐசக் மீது மோசடி வழக்கு பதிவு செய்து கைது செய்தனர்.
News April 5, 2024
சு.வெங்கடேசன் மீது வழக்கு பதிவு!
மதுரை கொட்டாம்பட்டி அருகே ம.வெள்ளாளப்பட்டியில் கடந்த 3 ஆம் தேதி மதுரை தொகுதி மார்க்சிஸ்ட் கம்யூனிஸ்ட் வேட்பாளர் சு. வெங்கடேசன் பிரச்சாரம் மேற்கொண்டபோது அவரை வரவேற்று ஆரத்தி எடுத்த பெண்களுக்கு ரூ.100 கொடுத்ததாக கூறப்படுகிறது. இதுகுறித்து தேர்தல் பறக்கும் படை அதிகாரி கிறிஸ்டோபர் வீடியோ ஆதாரத்துடன் அளித்த புகாரில் சு.வெங்கடேசன் மற்றும் கூட்டணி கட்சியினர் மீது இன்று வழக்குப்பதிவு செய்யப்பட்டுள்ளது.
News April 5, 2024
மதுரை: சதுரகிரி கோவிலுக்கு செல்ல அனுமதி
மதுரை மாவட்டம் பேரையூர் அருகே சாப்டூர் மேற்கு தொடர்ச்சி மலைப்பகுதியில் அமைந்துள்ளது சதுரகிரி சுந்தர மகாலிங்கம் திருக்கோவில். இக்கோவிலில் பங்குனி மாத அமாவாசை தினத்தை முன்னிட்டு நாளை ஏப்ரல் 06ம் தேதி முதல் 9ஆம் தேதி வரை தொடர்ந்து 4 நாட்கள் காலை 9 மணி முதல் மதியம் 12 மணி வரை பக்தர்கள் மலையேறி தரிசனம் செய்ய கோவில் நிர்வாகம் அனுமதி வழங்கி உள்ளது.
News April 5, 2024
குளிர்பானத்தில் கிடந்த ரப்பர் பொருள்!
மதுரை அரசு ராஜாஜி மருத்துவமனை அருகே உள்ள ஒரு கடையில் இன்று மதிச்சியம் பகுதியைச் சேர்ந்த தங்கராஜ் என்பவர் தனது குழந்தைக்கு பிரபலமான குளிர்பானம் ஒன்றை வாங்கியுள்ளார். அப்போது அந்த குளிர்பானத்தில் ரப்பர் போன்ற பொருள் ஒன்று கிடந்துள்ளது. இதைக்கண்டு அதிர்ச்சியடைந்த அவர், மாவட்ட சுகாதார அதிகாரிகளுக்கு புகார் அளித்துள்ளார். இதுகுறித்து சுகாதார துறையினர் கடையில் விசாரணை நடத்தி வருகின்றனர்.
News April 5, 2024
துவங்கியது தபால் வாக்குப்பதிவு!
இந்திய தேர்தல் ஆணையத்தின் ஆணைக்கிணங்க விருதுநகர் மக்களவைத் தொகுதிக்குட்பட்ட திருப்பரங்குன்றம் பகுதியில் தேர்தல் நடத்தும் துணை அலுவலர் தலைமையில் 80 வயதை கடந்த முதியவர்கள் மற்றும் மாற்றுத்திறனாளிகளின் வீட்டிற்கு சென்று தபால் வாக்குப்பதிவு நடத்தி வருகின்றனர். முன்னதாக கணக்கெடுக்கப்பட்ட முதியவர்கள் மற்றும் மாற்றுத்திறனாளிகளின் வீடுகளுக்கு சென்று அவர்களின் தபால் வாக்குப்பதிவை பெற்று வருகின்றனர்.
Featured News
Sorry, no posts matched your criteria.