India's largestHyperlocal short
news App
Get daily news updates that are tailored for you based on your preferred language & location.
download Way2News app now
Madurai
News April 19, 2024
மதுரை அதிமுக வேட்பாளர் வாக்களிப்பு
நாடாளுமன்ற தேர்தலுக்கான வாக்குப்பதிவு இன்று காலை முதல் அனைத்து பகுதிகளிலும் விறுவிறுப்பாக நடைபெற்று வருகிறது. இந்நிலையில மதுரையில் அதிமுக சார்பில் இரட்டை இலை சின்னத்தில் வேட்பாளராக போட்டியிடும் மருத்துவர் சரவணன், இன்று நரிமேடு பகுதியில் உள்ள வாக்குச்சாவடி மையத்தில் தனது வாக்கினை செலுத்தினார்.
News April 19, 2024
மதுரை எம்பி வேட்பாளர் வாக்களிப்பு
மக்களவைத் தேர்தலுக்கான வாக்குப்பதிவு இன்று விறுவிறுப்பாக அனைத்து மாவட்டங்களிலும் நடைபெற்ற வரும் நிலையில் மதுரையில் திமுக கூட்டணி கட்சி சார்பில் சிபிஎம் வேட்பாளராக போட்டியிடும் சு.வெங்கடேசன், இன்று மதுரை திருப்பரங்குன்றத்தில் உள்ள வாக்குச்சாவடி மையத்தில் தனது வாக்கினை செலுத்தி விரலில் மை வைத்து போட்டோ எடுத்துக்கொண்டார்.
News April 19, 2024
மதுரை தொகுதி: 11 மணி நிலவரம்
மதுரை நாடாளுமன்ற தொகுதியில் காலை 11 மணி நிலவரப்படி 22.35% வாக்குகள் பதிவாகியுள்ளதாக தெரிவிக்கப்பட்டுள்ளது. மதுரை நாடாளுமன்ற தொகுதியில் 6 சட்டமன்ற தொகுதிகள் உள்ளன. இதில் மேலூர் தொகுதியில் 28.66%, மதுரை கிழக்கில் 22.56%, மதுரை மேற்குத் தொகுதியில் 19.79%, தெற்கு தொகுதியில் 20.08%, மேற்குத் தொகுதியில்21.87%, மதுரை மத்திய தொகுதியில் 20.96 % வாக்குகளும் பதிவாகியுள்ளன.
News April 19, 2024
மதுரை: ஒரு வாக்கு கூட பதிவாகவில்லை!
மதுரை மாவட்டம் கள்ளிக்குடி அருகே மருத்துவக் கழிவுகளை எரிக்கும் ஆலையை மூடக்கோரி சென்னம்பட்டி, ஓடைப்பட்டி, மேலப்பட்டி ,சோளம் பட்டி, பேய்குளம் உள்ளிட்ட பல வாக்குச்சாவடிகளில் மக்கள் தேர்தலை முழுமையாக புறக்கணித்துள்ளனர். இங்கு இதுவரை ஒரு வாக்கு கூட பதிவாகவில்லை. இதனையடுத்து அதிகாரிகள் கிராம மக்களிடம் பேச்சுவார்த்தை நடத்திய வாக்களிக்க வலியுறுத்தி வருகின்றனர்.
News April 19, 2024
நடிகர் சசிகுமார் சொந்த ஊரில் வாக்களித்தார்
மக்களவைத் தேர்தல் ஓட்டுப்பதிவு தொடங்கி விறுவிறுப்பாக நடைபெற்று வருகிறது. இந்நிலையில், மதுரையைச் சேர்ந்த பிரபல நடிகரும், இயக்குனருமான சசிகுமார் காலை 7 மணியளவில் ஒத்தக்கடை அருகிலுள்ள புதுதாமரைப்பட்டி வாக்குச் சாவடிக்கு வந்தார். பின்னர் சுமார் 7.15 மணி அளவில் வரிசையில் நின்று, தனது வாக்கை செலுத்தி ஜனநாயக கடமையை நிறைவேற்றினார்.
News April 19, 2024
சிவில் சர்வீஸ் தேர்வில் சாதித்த மதுரை மாணவி
சிவில் சர்வீஸஸ் தேர்வில் மதுரை தெப்பக்குளத்தைச் சேர்ந்த லிந்தியா, முதல் முயற்சியிலேயே அகில இந்திய அளவில் 354வது இடம் பிடித்து வெற்றி பெற்றுள்ளார். இந்நிலையில் அவர், “பயோமெடிக்கல் இன்ஜினியரிங் முடித்து கன்சல்டன்டாக வேலை செய்தேன். பின் சிவில் சர்வீஸ் தேர்வுக்கு படிக்க வேலையை விட்டேன். அப்பா, அம்மா, அண்ணன் ஊக்குவிப்பால் முதல் முயற்சியிலேயே வென்றுள்ளேன்” எனத் தெரிவித்துள்ளார்.
News April 19, 2024
நாம் தமிழர் கட்சியின் மாநில நிர்வாகி ராஜினாமா
மக்களவைத் தேர்தல் பிரசாரம் முடிந்து இன்று ஓட்டுப்பதிவு நடைபெற உள்ள நிலையில், நாம் தமிழர் கட்சியின் மாநில பெண் நிர்வாகி ஒருவர் ராஜினாமா செய்துள்ளார்.
மதுரையைச் சேர்ந்த சாஹின் பாத்திமா, நாம் தமிழர் கட்சியின் மாநில இளைஞர் பாசறையின் ஒருங்கிணைப்பாளராக இருந்து வந்தார். தனிப்பட்ட காரணங்களுக்காக கட்சியில் இருந்து விலகுவதாக தெரிவித்துள்ளார்.
News April 18, 2024
மலை கிராமங்களுக்கு கொண்டு செல்லப்பட்ட மின்னணு இயந்திரம்
மதுரை மாவட்டம் சோழவந்தான் சட்டமன்ற தொகுதிக்குட்பட்ட மலை பகுதியில் உள்ள மீனாட்சிபுரம் வாக்கு பதிவு மையத்துக்கு அலுவலர்கள் இன்று வாக்கு பதிவு இயந்திரத்தை கொண்டு சென்றனர். சுமார் 15 கிலோமீட்டர் மலைப்பாதையில் வாக்கு பதிவு மின்னணு இயந்திரங்களை தலைச் சுமையாக தூக்கிக் கொண்டு நடைபயணமாக சென்ற அதிகாரிகள் பின்னர் அங்குள்ள வாக்குப்பதிவு மையத்தில் வாக்குப்பதிவு இயந்திரங்களை அமைத்தனர்.
News April 18, 2024
காவல்துறையின் கட்டுப்பாட்டில் மதுரை!
மக்களவைத் தேர்தல் வாக்குப்பதிவு நாளை நடைபெற உள்ள நிலையில், மதுரை மக்களவைத் தொகுதியில் சுமார் 15 லட்சம் பேர் வாக்களிக்க தயாராக உள்ளனர். மக்கள் பாதுகாப்பாகவும், சுதந்திரமாகவும் வாக்களிப்பதை உறுதி செய்யும் வகையில் மதுரை மாவட்டம் முழுவதும் 5500 காவல்துறையினர் பாதுகாப்பு பணியில் ஈடுபடுத்தப்பட்டுள்ளதாக மாநகர காவல் ஆணையர் தெரிவித்துள்ளார். எனவே மக்கள் அச்சமின்றி வாக்களிக்க வேண்டுகோள் விடுத்துள்ளார்.
News April 18, 2024
நாளை ஒரு நாள் அனுமதி ரத்த
மதுரையில் உலக மரபு வார விழாவை முன்னிட்டு மன்னர் திருமலை நாயக்கர் மஹாலை பொதுமக்கள் சுற்றி பார்க்க இன்று முதல் வரும் 24ஆம் தேதி வரை ஒரு வாரத்திற்கு இலவச அனுமதி வழங்கப்பட்டுள்ளது. இதையொட்டி, இன்று காலை முதல் நூற்றுக்கணக்கான பொதுமக்கள் குடும்பத்துடன் மஹாலை பார்த்து ரசித்தனர். மேலும் நாளை தேர்தல் என்பதால் மஹாலில் அனுமதி கிடையாது என அறிவிக்கப்பட்டுள்ளது.
Featured News
Sorry, no posts matched your criteria.