India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishnagiri
News November 7, 2024
தேர்தல் பணிகளை தொடங்க மாவட்ட செயலாளர் வேண்டுகோள்
கிருஷ்ணகிரி மேற்கு மாவட்டத்தில் திமுக சட்டப்பேரவை தொகுதி வாரியாக முகவர்கள், தொகுதி பார்வையாளர்கள் அறிமுகம், ஆலோசனைக் கூட்டம் நேற்று நடைபெற்றது. இந்த கூட்டத்திற்கு ஓசூர் தொகுதி பார்வையாளர் வடிவேலு, முன்னாள் எம்எல்ஏ முருகன், மேயர் சத்யா ஆகியோர் முன்னிலை வகித்தனர். இதில் மா. செயலாளர் பேசுகையில் மாவட்டத்தில் உள்ள 3 தொகுதிகளில் திமுக கூட்டணி வெற்றி பெற தேர்தல் பணிகளை தொடங்க வேண்டும் என கூறினார்.
News November 7, 2024
ஓய்வூதிய குறைகளை வாட்ஸ் ஆப்பில் தெரிவிக்கலாம்
கிருஷ்ணகிரியில் முன்னாள் படைவீரர்கள் நலத் துறை சார்பாக, கிருஷ்ணகிரி, தருமபுரி, சேலம், திருப்பத்தூர் ஆகிய மாவட்டங்களைச் சேர்ந்த முன்னாள் படைவீரர்கள், சார்ந்தோர்களுக்கான ஓய்வூதிய குறைதீர் முகாமை மாவட்ட ஆட்சியர் கே.எம்.சரயு நேற்று தொடங்கி வைத்தார். பின்னர் முன்னாள் படைவீரர்கள், அவர்களை சார்ந்தோர் தங்கள் ஓய்வூதியம் தொடர்பான குறைகளை 8807380165 என்ற வாட்ஸ் ஆப் எண்ணில் தெரிவிக்கலாம் என அவர் தெரிவித்தார்.
News November 6, 2024
ரேஷன் கடைகளில் வேலை: உடனே விண்ணப்பியுங்கள்
தமிழ்நாடு முழுவதும் கூட்டுறவு சங்கங்களில் கீழ் இயங்கி வரும் ரேஷன் கடைகளில், விற்பனையாளர் மற்றும் கட்டுநர்கள் பணியிடங்கள் நிரப்பப்படுகிறது. அந்த வகையில், கிருஷ்ணகிரி மாவட்டத்தில் 117 பணியிடங்கள் நிரப்பப்பட உள்ளன. இதற்கு தேர்வு கிடையாது. நேரடி நியமனம் மூலம் இப்பணியிடங்கள் நிரப்பப்படுகிறது. 12ஆம் வகுப்பு தேர்ச்சி பெற்றிருக்க வேண்டும். விருப்பம் உள்ளவர்கள் இங்கே<
News November 6, 2024
காட்டு யானைகளை ஒருங்கிணைத்து விரட்ட தயாராகும் வனத்துறை
கர்நாடக மாநில வனப்பகுதியில் இருந்து வெளியேறிய 80க்கும் மேற்பட்ட காட்டு யானைகள் கிருஷ்ணகிரி மாவட்டத்தில் தளி, ஜவளகிரி தேன்கனிக்கோட்டை ஆகிய வனப்பகுதிகளில் சுற்றி வருகின்றன. இந்த காட்டு யானைகளை ட்ரோன் கேமரா மூலம் கண்காணித்து அனைத்தையும் ஒன்றிணைத்து மீண்டும் கர்நாடக மாநிலத்திற்கு விரட்டும் முயற்சிகளை வனத்துறையினர் மேற்கொண்டுள்ளனர். இதற்காக 50க்கும் மேற்பட்ட வனப்பணியாளர்கள் களத்தில் உள்ளனர்.
News November 5, 2024
கிருஷ்ணகிரி மாணவ மாணவிகளுக்கு முக்கிய அறிவிப்பு
கிருஷ்ணகிரி அரசு மகளிர் மேனிலைப் பள்ளியில் வரும் 13.11.2024 அன்று பேச்சு போட்டி நடைபெற உள்ளது. காந்தியடிகள், ஜவஹர்லால் நேரு ஆகியோரின் பிறந்தநாளை ஒட்டி இந்தப்போட்டி நடைபெற உள்ளது. ங்கேற்கும் மாணவ மாணவிகள் தங்கள் பள்ளி தலைமையாசிரியர் அவர்களின் கடிதத்துடன் பங்கேற்க மாவட்ட நிர்வாகம் அழைப்பு விடுத்துள்ளது.பரிசுகளாக ரூபாய் 5,000,3,000,2,000 மற்றும் பங்கேற்கும் அனைவருக்கும் சான்றிதழ்கள் வழங்கப்படுகின்றன.
News November 4, 2024
கிருஷ்ணகிரியில் மக்கள் குறைதீர்க்கும் கூட்டம்
கிருஷ்ணகிரி மாவட்ட ஆட்சியர் அலுவலக கூட்ட அரங்கத்தில் இன்று மக்கள் குறைதீர்க்கும் நாள் கூட்டம் நடைபெற்றது. இதில் வீட்டுமனை பட்டா, விலையில்லா தையல் இயந்திரம், மகளிர் உண்மை தொகை, மின்னிணைப்பு, சாலை வசதி உள்ளிட்ட பல்வேறு கோரிக்கைகள் தொடர்பான 234 மனுக்களை பெற்றுக் கொண்ட மாவட்ட ஆட்சியர் சரயு தகுதியான மனுக்கள் மீது உரிய நடவடிக்கை எடுக்கவும், தகுதியற்ற மனுக்களுக்கு உரிய விளக்கம் கொடுக்குமாறு தெரிவித்தார்.
News November 4, 2024
பெண்களுக்கான இலவச அழகு கலை பயிற்சி
கிருஷ்ணகிரி கேஆர்பி அணை வளாகத்தில் அமைந்துள்ள இந்தியன் வங்கி ஊரக சுயவேலைவாய்ப்பு பயிற்சி நிறுவனத்தில் கிருஷ்ணகிரி மாவட்டத்தை சேர்ந்த வறுமைக் கோட்டிற்கு கீழ் வாழும் கிராமப்புற பெண்களுக்கான 30 நாட்கள் அழகு கலைப்பயிற்சி வழங்கப்பட உள்ளது. இதற்கு குறைந்தபட்சம் 8ம் வகுப்பு தகுதியுடன் 18 முதல் 45வயது வரை உள்ள பெண்கள் நவ 1ஆம் தேதிக்குள் அலுவலகத்திற்கு நேரில் வந்து விண்ணப்பிக்கலாம் என அறிவிக்கப்பட்டுள்ளது.
News November 4, 2024
சூளகிரி அருகே சாலை விபத்தில் ஒருவர் பலி
சென்னை-பெங்களூர் தேசிய நெடுஞ்சாலையில் சூளகிரியை அடுத்த சின்னார் இடத்தில் இருசக்கர வாகனம் ஒன்று அரசு பேருந்து சக்கரத்தில் சிக்கியதில், இருசக்கர வாகனத்தில் சென்ற நபர் உடல் நசுங்கி சம்பவ இடத்திலேயே உயிரிழந்தார். உடலை மீட்ட சூளகிரி போலீசார் விபத்திற்கான காரணத்தை விசாரித்து வருகின்றனர். காலை நேரத்தில் நடந்த இந்த விபத்தால் அப்பகுதியில் சில மணி நேரம் போக்குவரத்து பாதிப்பட்டது.
News November 4, 2024
53 கஞ்சா செடிகள் பறிமுதல்- போலீசார் விசாரணை
ஓசூர் அருகே கஞ்சா செடி வளர்ப்பதாக, கலால் போலீசாருக்கு ரகசிய தகவல் கிடைத்தது. அதன் அடிப்படையில் சூளகிரி பகுதியில் தேடும் பணியில் நேற்று ஈடுப்பட்டனர். அப்போது ஏரி எப்பளம் பகுதியில் உள்ள புறம்போக்கு நிலத்தில் இதே பகுதியை சேர்ந்த முனியப்பன்(55) கஞ்சா செடியை பண்ணை கீரை வளர்ந்திருந்த பகுதியில் வளர்த்தது தெரிய வந்தது. போலீசார் அங்கு சோதனை மேற்கொண்டதில் 53 செடிகளை பறிமுதல் செய்தனர்.
News November 4, 2024
தீவன சோளம், புல்நறுக்கும் கருவிகள் பெற மானியம்
கிருஷ்ணகிரி மாவட்டத்தில் பாசன வசதி உள்ள விவசாயிகளின் நிலத்தில் 100 ஏக்கர் பரப்பளவில் பயிரிட தீவன சோளம் மற்றும் வேலிமசால் விதைகள் 100 சதவீதம் மானியத்தில் விவசாயிகளுக்கு வழங்கப்பட உள்ளது. பயன்பெற விரும்பும் விவசாயிகள் கால்நடை மருந்தகம், கால்நடை உதவி மருத்துவரை அணுகி ஆதார் அட்டை, பசுந்தீவனம் பயிரிடப்பட உள்ள நிலத்திற்கான சிட்டா, அடங்கல் ஆகியவற்றை கொண்டு விண்ணப்பிக்கலாம் என ஆட்சியர் தெரிவித்துள்ளார்.
Featured News
Sorry, no posts matched your criteria.