News October 15, 2024

பள்ளிகளுக்கு அரைநாள் விடுமுறை அறிவிப்பு

கிருஷ்ணகிரி மாவட்டத்தில் உள்ள அரசு மற்றும் தனியார் பள்ளிகளுக்கு இன்று (அக்.15) அரை நாள் விடுமுறை அளித்து மாவட்ட ஆட்சியர் சராயு அறிவித்துள்ளார். மாணவ, மாணவிகள் அனைவரும் பாத்திரமாக வீட்டுக்கு சென்றுள்ளதை, ஆசிரிய பெருமக்கள் உறுதி செய்யவும் மாவட்ட ஆட்சியர் அறிவுறுத்தியுள்ளார். வடகிழக்கு பருவமழை காரணமாக, இந்த முடிவு எடுக்கப்பட்டுள்ளது‌ எனத் தெரிவிக்கப்பட்டுள்ளது. ஷேர் பண்ணுங்க

News October 15, 2024

அதிமுக 53வது ஆண்டு தொடக்க விழா அறிக்கை

கிருஷ்ணகிரி மாவட்டத்தில் அதிமுகவின் 53வது தொடக்க விழா அக்.17ம் தேதி கொண்டாடப்படுவதையொட்டி தொண்டர்கள், பல்வேறு அமைப்புகளின் நிர்வாகிகள், அவர்கள் சார்ந்த பகுதிகளில் அதிமுக கொடியை ஏற்றி, எம்ஜிஆர், ஜெயலலிதா ஆகியோர் சிலைகள், உருவப்படத்துக்கு மாலை அணிவித்து, நலத்திட்ட உதவிகள் வழங்கி சிறப்பாக கொண்டாட வேண்டும் என்று கிருஷ்ணகிரி கிழக்கு மாவட்ட செயலாளர் அசோக்குமார் எம்.எல்.ஏ அறிக்கை வெளியிட்டுள்ளார்.

News October 15, 2024

கிருஷ்ணகிரியில் பள்ளி கல்லூரிகள் இயங்கும்

கிருஷ்ணகிரி மாவட்டத்தில் பள்ளிகள் மற்றும் கல்லூரிகள் வழக்கம்போல் இயங்கும் என அறிவிக்கப்பட்டுள்ளது. மழை காரணமாக ஒரு சில மாவட்டங்களுக்கு விடுமுறை அளிக்கப்பட்டுள்ளது. ஆனால் கிருஷ்ணகிரியில் வழக்கம் போல் பள்ளி மற்றும் கல்லூரி இயங்கும் என தெரிவிக்கப்பட்டுள்ளது. மேலும், விடுமுறை என சமூக வலைத்தளங்களில் பரப்பப்படும் வதந்திகளை நம்ப வேண்டாம் என மாவட்ட கலெக்டர் கே.எம்.சரயு தகவல் தெரிவித்துள்ளார்.

News October 15, 2024

4.46 கோடி மதிப்பிலான பணிகளை துவக்கி வைத்த அமைச்சர்

கிருஷ்ணகிரி மாவட்டம், சின்னார் ஊராட்சியில், ஊரக வளர்ச்சி மற்றும் ஊராட்சித்துறை சார்பாக, பிரதான் மந்திரி கிராம் சதக் யோஜனா திட்டத்தின் கீழ் ரூ.4 கோடியே 46 இலட்சம் மதிப்பில் சின்னபேடப்பள்ளி, பெரியபேடப்பள்ளி, சின்னமட்டமனுர் வரை தார்சாலை பணிகளை உணவு மற்றும் உணவுப்பொருள் வழங்கல் துறை அமைச்சர் அர. சக்கரபாணி, மாவட்ட ஆட்சியர் கே. எம். சரயு முன்னிலையில் நேற்று துவக்கி வைத்தார்.

News October 14, 2024

கிருஷ்ணகிரிக்கு அமைச்சர்கள் வருகை

தமிழ்நாடு உணவு மற்றும் உணவுப் பொருள் வழங்கல் துறை அமைச்சரும், கிருஷ்ணகிரி மாவட்ட பொறுப்பு அமைச்சருமான சக்கரபாணி ,தமிழ்நாடு சிறுபான்மையினர் நலன் மற்றும் வெளிநாடுவாழ் தமிழர் நலத்துறை அமைச்சர் ஆவடி நாசர் இன்று கிருஷ்ணகிரி மாவட்டத்தில் பல்வேறு நிகழ்ச்சிகளில் கலந்துகொள்ள உள்ளனர். கழக முன்னோடிகள் இதில் தவறாமல் கலந்துகொள்ள வேண்டும் என மாவட்ட செயலாளர் மதியழகன் அறிக்கை வெளிட்டுள்ளார்.

News October 14, 2024

கிருஷ்ணகிரியில் குட்கா, கஞ்சா, லாட்டரி விற்ற 31 பேர் கைது

கிருஷ்ணகிரி மாவட்டத்தில் குட்கா, கஞ்சா, லாட்டரி சீட்டு விற்பனை மற்றும் கடத்தலை தடுக்கும் வகையில் போலீசார் ரோந்து செல்கின்றனர். அந்த வகையில் மாவட்டம் முழுவதும் மளிகை, பெட்டிக்கடைகளில் குட்கா விற்றதாக 16 பேரை போலீசார் கைது செய்தனர். மேலும், ஓசூர் டவுன், அஞ்செட்டி பகுதிகளில் கஞ்சா விற்றதாக 7 பேர் மற்றும் லாட்டரி சீட்டு விற்ற 8 பேருடன் பணம் வைத்து சூதாடியதாக 6 பேரை கைது செய்துள்ளனர்.

News October 13, 2024

கிருஷ்ணகிரியில் வேலை வாய்ப்பு முகாம் அறிவிப்பு

கிருஷ்ணகிரி மாவட்ட வேலைவாய்ப்பு மற்றும் தொழில்நெறி வழிகாட்டும் மையம்
தொழிலாளர் நலன் மற்றும் திறன் மேம்பாட்டு துறை
வேலைவாய்ப்பு மற்றும் பயிற்சித்துறை இணைந்து நடத்தும் மாபெரும் தனியார் துறை வேலைவாய்ப்பு முகாம்
அக்-19 அன்று கிருஷ்ணகிரி அரசு மகளிர் கல்லூரியில் காலை 9.00 மணி முதல் மாலை 3.00 மணி வரை நடைபெற உள்ளது. கல்வித் தகுதி 8வது முதல் பட்டப் படிப்பு வரை என மாவட்ட ஆட்சியர் தெரிவித்துள்ளார்.

–

News October 13, 2024

ஓசூரில் ராணுவ அதிகாரிகளுக்கு வரவேற்பு

இராணுவ மருத்துவப் படையில் பணிபுரியும் தேன்கனிக்கோட்டை சாலிவரம் கிராமத்தைச் சேர்ந்த பிரிகேடியர் ரவி முனிசாமி, ஹைதராபாத்தைச் சேர்ந்த மேஜர் ஜெனரல் மோகன் ஆகிய இருவரும் இந்தியா-இலங்கை நட்புறவை மேம்படுத்த வலியுறுத்தி பெங்களூரிலிருந்து 1,500 கி.மீட்டர் மிதிவண்டி பயணம் மேற்கொண்டுள்ளனர். இவர்களுக்கு ஒசூரில் ஐஎன்டியுசி நிர்வாகிகள் சார்பில் தேசிய செயலாளர் மனோகரன் வரவேற்பு அளித்து பாராட்டு தெரிவித்தார்.

News October 12, 2024

கிருஷ்ணகிரியில் மழை பெய்ய வாய்ப்பு

கிருஷ்ணகிரி மாவட்டத்தில் இன்று இரவு 7 மணி வரை மழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது. பருவமழை தீவிரமடைந்து வருவதால், தமிழகத்தின் பல்வேறு பகுதிகளில் கடந்த சில நாட்களாக கனமழை பெய்து வருகிறது. தாழ்வான பகுதிகள் மற்றும் சாலைகளில் மழைநீர் தேங்க வாய்ப்புள்ளதாக தெரிவிக்கப்பட்டுள்ளது. உங்கள் பகுதியில் மழை பெய்ய வாய்ப்புள்ளதா என்பதை கமென்ட் பண்ணுங்க. ஷேர் பண்ணுங்க

News October 12, 2024

கிருஷ்ணகிரி மாவட்ட பிரஸ் கிளப்பில் ஆயுத பூஜை கொண்டாட்டம்

கிருஷ்ணகிரியில் பல்வேறு இடங்களில் சிறப்பாக ஆயுதபூஜை நடைபெற்று வரும் நிலையில் பல்வேறு இடங்களில் தொழிற்சாலைகள்,வணிக தொழிற்சாலைகள், வணிக அலுவலகங்கள்,வாகனம் அலுவலகங்கள், வாகனங்களுக்கு ஆயுதபூஜை செய்து வருகின்றனர். இந்நிலையில் கிருஷ்ணகிரி மாவட்ட பிரஸ் கிளப்பில் ஆயுத பூஜை கொண்டாட்டம் மூத்த பத்திரிக்கையாளர்கள் தலைமையில் நேற்று நடைபெற்றது. இதில், அனைத்து பத்திரிகையாளர்களும் கலந்து கொண்டு சிறப்பித்தனர்.