India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishnagiri
News October 22, 2024
கிருஷ்ணகிரி மாணவர்களே உஷார்!
கிருஷ்ணகிரி அரசு மருத்துவக் கல்லூரி மருத்துவமனை டாக்டர் எம்.ஜி.ஆர் மருத்துவர் பல்கலைக்கழகத்தின் லோகோவை பயன்படுத்தி போலி இணையதளம் செயல்படுவதாகவும், மாணவர் சேர்க்கைக்கு ரூ.25 லட்சம் செலுத்த கோரி 2 பேருக்கு போலி ஆணை அனுப்பியதாகவும், போலியான இணையதள முகவரி நம்பி ஏமாற வேண்டாம் எனவும் மாவட்ட ஆட்சியர் கே.எம் சரயு அறிவித்துள்ளார்.
News October 22, 2024
கிருஷ்ணகிரிக்கு வெள்ள அபாய எச்சரிக்கை
கிருஷ்ணகிரி கே.ஆர்.பி அணையில் நீர்வரத்தானது தொடர்ந்து அதிகரித்து வருகிறது. இதனால் அணையிலிருந்து தென்பெண்னை ஆற்றில் 4290 கன அடி நீர் திறக்கப்பட்டுள்ளது. எனவே தென்பெண்ணை ஆற்றின் கரையோரம் வசிக்க கூடிய கிருஷ்ணகிரி மாவட்ட மக்களுக்கு வெள்ள அபாய எச்சரிக்கை மாவட்ட நிர்வாகம் சார்பாக தெரிவிக்கப்பட்டுள்ளது. எனவே கரையோர மக்கள் பாதுகாப்பான இடத்திற்கு செல்லுமாறு கேட்டுக் கொள்ளப்படுகிறது
News October 22, 2024
4.45 லட்சம் குடும்பங்களுக்கு மருத்துவ காப்பீடு அட்டை வழங்கல்
கிருஷ்ணகிரி மாவட்டத்தில் இதுவரை 4.45 லட்சம் குடும்பங்களுக்கு முதல்வரின் விரிவான மருத்துவ காப்பீட்டு அட்டைகள் வழங்கப்பட்டுள்ளன என அறிவிக்கப்பட்டுள்ளது. முதலமைச்சரின் விரிவான மொத்த காப்பீடு திட்டம் முன்னாள் முதல்வர் கருணாநிதி (23.7.2009) அன்று தொடங்கப்பட்டது என்பது குறிப்பிடத்தக்கது. மேலும் இந்தத் திட்டத்தின் மூலம் பல்வேறு நபர்கள் பயனடைந்து வருகின்றனர்.
News October 21, 2024
இரவு ரோந்து பணிகளில் ஈடுபடும் அதிகாரிகளின் விவரம்
கிருஷ்ணகிரி மாவட்டத்தில் இன்று (21/10/2024) இரவு 10:00 மணி முதல் காலை 6 மணி வரை இரவு ரோந்து பணிக்கு அதிகாரிகள் நியமிக்கப்பட்டுள்ளனர். மக்கள் தங்களுக்கு அருகில் உள்ள உட்கோட்ட பகுதியில் ரோந்து பணியில் உள்ள அலுவலர்களை அவசர காலத்திற்கு அழைக்கலாம். மேலும் இரவு ரோந்து பணியில் ஈடுபடும் அதிகாரிகளின் தொலைபேசி எண்கள் மேலே கொடுக்கப்பட்டுள்ளன.
News October 21, 2024
கிருஷ்ணகிரியில் காவலர் வீரவணக்க நாள் அனுசரிப்பு
காவல் துறையில் வீரமரணமடைந்த காவலர்களின் தியாகத்தை நினைவு கூறும் வகையில் கிருஷ்ணகிரி மாவட்ட காவல் அலுவலக மைதான வளாகத்தில் அமைக்கப்பட்ட நினைவு தூணிற்கு இன்று கிருஷ்ணகிரி மாவட்ட ஆட்சியர் சரயு, கிருஷ்ணகிரி மாவட்ட காவல் கண்காணிப்பாளர் தங்கதுரை தலைமையில் “காவலர் வீர வணக்கம் நாள் உறுதிமொழி ஏற்று துப்பாக்கி குண்டுகள் முழங்க மரியாதை செலுத்தினர்.
News October 21, 2024
திருமண சீர்வரிசை பொருட்கள் வழங்கிய சட்டமன்ற உறுப்பினர்
கிருஷ்ணகிரி காட்டிநாயனப்பள்ளி ஆஞ்சநேய சுப்பிரமணிய சுவாமி திருக்கோயில் வளாகத்தில் தமிழ்நாடு அரசு இந்து சமய அறநிலையத்துறை சார்பில் 9 திருமண இணைகளுக்கு சீர்வரிசை பொருட்கள் வழங்கும் விழாவில் கிருஷ்ணகிரி பர்கூர் சட்டமன்ற தொகுதி உறுப்பினர் மதியழகன், மாவட்ட ஆட்சியர் சரயு ஆகியோர் கலந்து கொண்டு மணமக்களை வாழ்த்தி சீர்வரிசை பொருட்களை வழங்கினர். உடன் அரசு அதிகாரிகள் உள்ளனர்.
News October 21, 2024
கெலவரப்பள்ளி அணைக்கு நீர்வரத்து அதிகரிப்பு
ஒசூரை அடுத்த கெலவரப்பள்ளி அணைக்கு நீர்வரத்து அதிகரித்துள்ளது. சனிக்கிழமையன்று அணையில் விநாடிக்கு 1,079 கனஅடியாக இருந்த நீர்வரத்து, நேற்று(அக்20) காலை விநாடிக்கு 1,206 கன அடியாக அதிகரித்தது.எனவே, அணையிலிருந்து தென்பெண்ணை ஆறு மற்றும் கால்வாயில் 1,206 கன அடி நீரும் திறந்து விடப்படுகிறது.அணையின் மொத்த கொள்ளளவு 44.28 அடியில் தற்போது அணை நீர்மட்டம் 41.98 அடியாக உள்ளது.
News October 21, 2024
செல்போன் டவரில் காப்பர்கம்பி திருடிய சிறுவன் கைது
பாகலூர் ஜீவாநகரில் செல்போன் டவரில் இருந்த காப்பர் கம்பிகளை சிறுவன் ஒருவன் திருடிக் கொண்டிருந்தான். அப்போது, அபாய ஒலி சென்னையில் உள்ள சம்பந்தப்பட்ட செல்போன் நிறுவனத்திற்கு ஒலித்துள்ளது. எனவே அவர்கள் பாகலூர் பகுதியில் உள்ள பாதுகாப்பு அலுவலர் முருகனுக்கும், பாகலூர் போலீசாருக்கும் தகவல் தெரிவித்தனர். அவர்கள் சம்பவ இடத்திற்கு சென்று கர்நாடக மாநில சிறுவனை பிடித்து கைது செய்தனர்.
News October 21, 2024
இரவு ரோந்து பணிகளில் ஈடுபடும் அதிகாரிகளின் நிலவரம்
கிருஷ்ணகிரி மாவட்டத்தில் இன்று 20/10/2024 இரவு 10:00 மணி முதல் காலை 6 மணி வரை இரவு ரோந்து பணிக்கு அதிகாரிகள் நியமிக்கப்பட்டுள்ளனர். மக்கள் தங்களுக்கு அருகில் உள்ள உட்கோட்ட பகுதியில் ரோந்து பணியில் உள்ள அலுவலர்களை அவசர காலத்திற்கு அழைக்கலாம். மேலும் இரவு ரோந்து பணியில் ஈடுபடும் அதிகாரிகளின் தொலைபேசி எண்கள் மேலே கொடுக்கப்பட்டுள்ளன.
News October 20, 2024
கிருஷ்ணகிரி மாவட்டத்தின் இன்றைய மழை நிலவரம்
கிருஷ்ணகிரி மாவட்டத்தில் இன்று 20/10/2024 பெய்த மழை விவரம் வெளியாகியுள்ளது. அதன்படி பேரூர் 19.8மி.மீ, தென்கனிக்கோட்டை 13.0 மி.மீ, ஓசூர் 24.6 மி.மீ, ஊத்தங்கரை 39.0 மி.மீ, பம்பர் டேம் 60.0 மி.மீ, பேணு காண்டபுரம், 8.4 மி.மீ, கெலவரபள்ளி டேம் 10.0 மி. மீ, ராயக்கோட்டை 7.0 மி.மீ, நெடுங்கல் 12.0 மி.மீ மழை பெய்துள்ளது. சராசரியாக மாவட்டத்தில் 13.39 மி.மீ மழை பதிவாகியுள்ளது.
Featured News
Sorry, no posts matched your criteria.