India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishnagiri
News November 19, 2024
கிருஷ்ணகிரியில் 22-ந் தேதி விவசாயிகள் குறை தீர்க்கும் கூட்டம்
கிருஷ்ணகிரி மாவட்டத்தில் விவசாயிகள் குறை தீர்க்கும் நாள் கூட்டம், வரும் 22-ஆம் தேதி வெள்ளிக்கிழமை காலை 10 மணிக்கு மாவட்ட ஆட்சியர் அலுவலகத்தில் 2-வது தளத்தில் உள்ள கூட்ட அரங்கில் கலெக்டர் சரயு தலைமையில் நடைபெற உள்ளது. இந்த கூட்டத்தில் விவசாயிகள் கலந்து கொண்டு தங்களின் குறைகளை தெரிவித்து நிவர்த்தி செய்து கொள்ளலாம் என்று மாவட்ட ஆட்சியர் சரயு கேட்டுக் கொண்டுள்ளார்.
News November 18, 2024
கிருஷ்ணகிரி அருகே சிறுத்தை நடமாட்டம்?
கிருஷ்ணகிரி மாவட்டம் சூளகிரியிலிருந்து பேரிகை செல்லும் சாலையில் புலியரசி கிராமத்தை அடுத்துள்ள செட்டிப்பள்ளி காப்புகாடு பகுதியில் சிறுத்தை நடமாட்டம் இருப்பதாக கூறப்படுகிறது. இதனைத் தொடர்ந்து, வனத்துறையினர் ஆங்காங்கே கேமராவை பொருத்தி வருகின்றனர். இதன்மூலம் அப்பகுதிகளில் சிறுத்தை நடமாட்டம் உள்ளதா என கண்டறியப்பட்டு அவற்றை பிடிக்கும் பணி நடைபெறும் என தெரிவிக்கப்பட்டுள்ளது.
News November 18, 2024
கிருஷ்ணகிரியில் நடைபெற்ற மக்கள் குறைதீர்க்கும் கூட்டம்
கிருஷ்ணகிரி மாவட்ட ஆட்சியர் அலுவலக கூட்டரங்கில் நடைபெற்ற மக்கள் குறை தீர்க்கும் நாள் கூட்டத்தில் மாவட்ட ஆட்சித்தலைவர் கே.எம்.சரயு இன்று (18.11.2024) பொதுமக்களிடம் கோரிக்கை மனுக்களை பெற்றுக்கொண்டார். உடன் மாவட்ட வருவாய் அலுவலர் அ.சாதனைக்குறள் உள்ளிட்ட பலர் உள்ளனர். இதில் ஏராளமான பொதுமக்கள் தங்களது கோரிக்கை மனுக்களை ஆட்சியரிடம் வழங்கினர்.
News November 18, 2024
அலுவலக நேரத்தில் ஊழியர்கள் இல்லாததால் மக்கள் சிரமம்
கிருஷ்ணகிரி லண்டன் பேட்டை பகுதியில் அமைந்துள்ள பி.எஸ்.என்.எல் அலுவலகத்தில் இன்று(நவ 18) காலை10:15 மணி ஆகியும் ஊழியர்கள் பணிக்கு வராததால் புதிய சிம் வாங்க வரும் பொதுமக்கள் சிரமத்திற்கு ஆளாகியுள்ளனர். அதிகாரிகள் எப்போது வருவார்கள் என செக்யூரிட்டி இடம் கேட்ட போது அவர்கள் வரும் நேரத்தில் தான் வருவார்கள் என்று அலட்சியமாக பதில் கூறியுள்ளார். இதனால் அப்பகுதியில் சலசலப்பு ஏற்பட்டுள்ளது.
News November 18, 2024
ஓசூரில் புகையிலை பொருட்கள் கடத்திய இருவர் கைது
ஒசூர் மாநகர போலீசார் பேருந்து நிலையத்தில் நேற்று வாகன சோதனையில் ஈடுபட்டனர். அங்கு சந்தேகத்திற்கு இடமளிக்கும் வகையில் நின்று கொண்டிருந்த இருவரிடம் போலீசார் சோதனை செய்தனர். அவர்கள் வைத்திருந்த பைகளில் 21கிலோ புகையிலை பொருள்கள் பதுக்கி வைத்திருந்தது கண்டுபிடிக்கப்பட்டது. இதையடுத்து காஞ்சிபுரம் மாவட்டம், ஜமீன் பல்லாவரத்தை சேர்ந்த பலவேசம் (42), அழகேஷ் (44) இருவரையும் போலீசார் கைது செய்தனர்.
News November 18, 2024
உதவித்தொகை பெற விண்ணப்பங்கள் வரவேற்பு
தொழிலாளர்களின் குழந்தைகளுக்கு கல்வி உதவித்தொகை, பாடநூல் வாங்க உதவித்தொகை, 10 மற்றும் 12-ம் வகுப்பு பொதுத்தேர்வில் அதிக மதிப்பெண் பெற்ற மாணவர்களுக்கு கல்வி உதவித்தொகைக்கு www.lwb.tn.gov.in என்ற இணையதளத்தில் பதிவிறக்கம் செய்து விண்ணப்பிக்கலாம் என தெரிவிக்கப்பட்டுள்ளது. செயலாளர், தமிழ்நாடு தொழிலாளர் நல வாரியம், தேனாம்பேட்டை, சென்னை- 6 என்ற முகவரிக்கு டிச 31க்குள் அனுப்பி வைக்க வேண்டும்.
News November 17, 2024
இந்தியன் வங்கி சுய வேலை வாய்ப்பு நிறுவனத்தில் எம்பிராய்டரி பயிற்சி
கிருஷ்ணகிரி கே.ஆர்.பி அணை வளாகத்தில் அமைந்துள்ள இந்தியன் வங்கி ஊரக சுயவேலைவாய்ப்பு பயிற்சி நிறுவனத்தில் வறுமை கோட்டிற்கு கீழ் வாழும் பெண்களுக்கான 30 நாட்கள் ஆரி மற்றும் எம்ப்ராய்டரி பயிற்சி வழங்கப்பட உள்ளது. 8ம் வகுப்பு படித்த 18 முதல் 45 வயது உள்ள கிருஷ்ணகிரி மாவட்டத்தை சேர்ந்த பெண்கள் வருகிற 21ஆம் தேதிக்குள் நேரில் வந்து விண்ணப்பிக்கலாம் என பயிற்சி நிறுவன இயக்குனர் வெங்கடேசன் தெரிவித்துள்ளார்.
News November 17, 2024
கிருஷ்ணகிரி மாவட்ட திமுக அவசர செயற்குழு கூட்டம்
கிருஷ்ணகிரி கிழக்கு மற்றும் மேற்கு மாவட்ட திமுக அவசர செயற்குழு கூட்டம் நாளை கிருஷ்ணகிரி தேவராஜ் மஹாலில் நடைபெற உள்ளது. இதில் கிருஷ்ணகிரி மாவட்ட பொறுப்பு அமைச்சர் அர.சக்கரபாணி கலந்து கொண்டு சிறப்புரை ஆற்ற உள்ளார். இந்த ஆலோசனைக் கூட்டத்தில் மாவட்ட, ஒன்றிய, பேரூர் மற்றும் நகர கட்சி நிர்வாகிகள் அனைவரும் கலந்து கொள்ள வேண்டும் என மாவட்ட செயலாளர் தே.மதியழகன் அறிக்கை வெளியிட்டுள்ளார்.
News November 17, 2024
எஸ்சி, எஸ்டி மாணவர்களுக்கு போட்டித் தேர்வுக்கான பயிற்சி
தமிழ்நாடு ஆதிதிராவிடர் வீட்டுவசதி மற்றும் மேம்பாட்டு கழகத்தின் முன்னெடுப்பாக 100 ஆதிதிராவிடர் மற்றும் பழங்குடியின மாணவர்களுக்கு இடைநிலை பட்டய கணக்காளர், நிறுவன செயலாளர், செலவு மற்றும் மேலாண்மை கணக்காளர் ஆகிய போட்டித் தேர்வுக்கு பயிற்சி அளிக்கப்பட உள்ளது. வணிகவியல் பட்டம் பெற்று ஆண்டு வருமானம் ரூ.3 லட்சத்திற்குள் உள்ள மாணவர்கள் தாட்கோ இணையதளத்தில் பதிவு செய்யலாம் என ஆட்சியர் தெரிவித்துள்ளார்.
News November 17, 2024
வினாத்தாளின் தரம் மற்றும் மதிப்பீட்டு பணிகள் குறித்த பயிலரங்கம்
கிருஷ்ணகிரி அறிஞர் அண்ணா கல்லூரியின் உள்ளக தர மதிப்பீட்டு குழுவின் சார்பில் வினாத்தாள் தரம் மற்றும் மதிப்பீட்டு பணிகள் குறித்த பயிலரங்கம் நடைபெற்றது. முதல்வர் முனைவர் சூ தனபால் தலைமை தாங்கி தன்னுடைய தலைமை உரையில் அனைத்து மாணவ மாணவர்களின் அறிவுத்திறன், சிந்திக்கும் திறன், ஆராய்ச்சி திறன் ஆகியவற்றை வெளிப்படுத்தும் வகையில் வினாத்தாள்கள் தயாரிக்க வேண்டும் என்று வலியுறுத்தினார்.
Featured News
Sorry, no posts matched your criteria.