India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kanyakumari
News March 28, 2025
பத்தாம் வகுப்பு தேர்வு எழுதும் மாணவர்களுக்கு கலக்டர் வாழ்த்து
தமிழ்நாட்டில் பத்தாம் வகுப்பு பொதுத்தேர்வு நாளை 28.3.2025 முதல் 15.04.2025 வரை நடைபெற உள்ளது. மாவட்டத்தில் 22,022 பேர் பத்தாம் வகுப்பு பொதுத்தேர்வு எழுதுகின்றனர். தேர்வு நடைபெறும் மையங்களில் சிறப்பான முறையில் அனைத்து மாணவர்களும் தேர்வை தைரியமாகவும், தன்னம்பிக்கையுடனும், படித்ததை நினைவுடன் எழுத கன்னியாகுமரி மாவட்ட ஆட்சித்தலைவர் அழகுமீனா வாழ்த்துக்கள் தெரிவித்தார்.
News March 27, 2025
நாகர்கோவில் – குருவாயூர் இடையே ரயில் நாளை ரத்து
நெய்யாற்றின் கரை பாறசாலை இடையே பாலம் வேலை நடைபெறுவதால் நாளை சென்னையில் இருந்து குருவாயூர் செல்லும் ரயில் நாகர்கோவில் டவுன் குருவாயூர் இடையே ரத்து செய்யப்படுகிறது. 29ஆம் தேதி குருவாயூர் – நாகர்கோவில் டவுன் இந்த ரெயில் இடையே ரத்து செய்யப்படுகிறது. இந்த ரெயில் நாகர்கோவில் டவுன் ரயில் நிலையத்திலிருந்து புறப்பட்டு சென்னை செல்லும் என்று ரயில்வே தெரிவிக்கப்பட்டுள்ளது.
News March 27, 2025
ரப்பர் கன்றுகள் மானியம் பெற விவசாயிகளுக்கு அறிவுரை!
குமரி மாவட்ட ரப்பர் வாரிய அலுவலர் முரளி வெளியிட்டுள்ள செய்தி குறிப்பில், குமரி மாவட்டத்தில் ரப்பர் நாற்றங்கால் பண்ணை வைத்திருக்கும் தனியார்கள் ரப்பர் வாரியத்திடம் பதிவு செய்து முறையான அங்கீகாரம் பெற வேண்டும் என தெரிவித்துள்ளார். ரப்பர் மரக்கன்றுகள் மானியம்பெற விரும்பும் விவசாயிகள் வாரியத்தின் அங்கீகாரம் பெற்ற தனியார் நாற்றங்கால் பண்ணைகளில் மட்டும் கன்றுகளை வாங்க வேண்டும் என கூறப்பட்டுள்ளது.
News March 27, 2025
குமரி அணைகளின் இன்றைய நீர்மட்டம் விவரம்
குமரி மாவட்டத்தில் 48 அடி கொள்ளளவு கொண்ட பேச்சிப்பாறை அணையில் இன்று(மார்ச் 27) 28.90 அடி தண்ணீரும், 77 அடி கொள்ளளவு கொண்ட பெருஞ்சாணி அணையில் 25.75 அடி தண்ணீரும், 18 அடி கொள்ளளவு கொண்ட சிற்றாறு-1 அணையில் 2.62 அடி தண்ணீரும், 18 அடி கொள்ளளவு கொண்ட சிற்றாறு-2 அணையில் 2.72 அடி தண்ணீரும் உள்ளது. பேச்சிப்பாறை அணைக்கு 30 கன அடி தண்ணீரும், பெருஞ்சாணி அணைக்கு 27 கன அடி தண்ணீரும் வந்து கொண்டிருக்கிறது.
News March 27, 2025
குமரி கடலோரப் பகுதிகளில் எச்சரிக்கை!
கன்னியாகுமரி மாவட்டத்தில் நீரோடி முதல் ஆரோக்கியபுரம் வரையிலான கடல் பகுதியில் 16 முதல் 20 வினாடிகளுக்கு ஒருமுறை 0.8 முதல் 0.9 மீட்டர் உயரத்திற்கு அலைகள் எழும்ப வாய்ப்புள்ளது. எனவே இன்று(27ஆம் தேதி)அலைகளின் தாக்கம் காணப்படும் என்பதால் கடலோரப் பகுதியில் வசிப்பவர்கள் எச்சரிக்கையுடன் இருக்க வேண்டும் என்று இந்திய கடல் சார் சேவை மையம் நேற்று தெரிவித்துள்ளது.
News March 27, 2025
குமரி போலீஸ் அதிரடி – 4 நாளில் 20 ரவுடிகள் கைது!
கன்னியாகுமரி மாவட்டத்தில் ரவுடிகளை கட்டுப்படுத்தும் வகையில் தீவிர நடவடிக்கை எடுக்கப்பட்டு வருகிறது. ஸ்டேஷன் வாரியாக ரவுடிகளின் லிஸ்ட் தயார் செய்யப்பட்டு, அதில் A,B,C பிரிவுகளில் இருப்பவர்கள் கண்காணிக்கப்பட்டு வருகின்றனர். இதன்படி கடந்த 4 நாளில் 20 ரவுடிகள் கைது செய்யப்பட்டுள்ளனர். இந்த நடவடிக்கை மேலும் தீவிரபடுத்தப்படும் என எஸ்பி ஸ்டாலின் நேற்று(மார்ச் 26) தெரிவித்துள்ளார்.
News March 27, 2025
கன்னியாகுமரி மாவட்ட இன்றைய முக்கிய நிகழ்வுகள்
#இன்று(மார்ச் 27) காலை 10 மணிக்கு சுமை தூக்கும் தொழிலாளர்களுக்கு மருத்துவ காப்பீடு வழங்கக் கேட்டு கோணம் நுகர்வோர் வாணிபக் கழக அலுவலகம் முன்பு சுமை தூக்குவோர் பாதுகாப்பு சங்கம் சார்பில் திருவோடு ஏந்தி ஆர்ப்பாட்டம் நடைபெறவுள்ளது.#காலை 11 மணிக்கு பாரம்பரிய மீனவர்களை பழங்குடியினர் பட்டியலில் சேர்க்க வலியுறுத்தி மாவட்ட ஆட்சியர் அலுவலகம் முன்பு மீன் தொழிலாளர் யூனியன் சார்பில் ஆர்ப்பாட்டம் நடக்கிறது.
News March 26, 2025
குமரி மாவட்டத்தின் ஸ்பெஷல் பட்டியல்
ஒவ்வொரு ஊரிலும் ஒவ்வொரு வகை உணவு பிரபலமாக இருக்கிறது. அதன்படி, குமரியின் தித்திக்கும் தின்பண்டங்களையும் சுவையான உணவுகளையும் லிஸ்ட் போட்ருக்கேன். பாருங்க. உண்ணியப்பம், புட்டு/பழம்/பயறு.அப்பளம், ஆப்பம்/ முட்டைக்றி, நேந்திரம் சிப்ஸ், அவியல் கூட்டு, மோதகம், மாவு உருண்டை, முந்திரிகொத்து, ஆயினி பலா, காந்தாரி மிளகாய், தேன் குழல் மிட்டாய், கறி பலா, புளிச்சி நெல்லிக்காய். உங்களுக்கு பிடிச்ச பண்டம் என்ன?
News March 26, 2025
குமரியில் நீச்சல் பயிற்சி வகுப்புகள் : கலெக்டர் அறிவிப்பு
குமரி கலெக்டர் அழகு மீனா வெளியிட்டுள்ள செய்தி குறிப்பில், “தமிழ்நாடு விளையாட்டு மேம்பாட்டு ஆணையம் குமரி மாவட்ட பிரிவு சார்பில் கோடைகால நீச்சல் பயிற்சி வகுப்புகள் 1.04.2025 தொடங்கி 8.06.2025 வரை 5 கட்டங்களாக நாகர்கோவில் அண்ணா விளையாட்டரங்க நீச்சல் குளத்தில் நடத்தப்பட இருக்கிறது. மேலும் விவரங்களுக்கு 04652 – 262060 என்ற எண்ணில் தொடர்பு கொள்ளலாம்” என தெரிவித்துள்ளார். *தேவைபடுவோருக்கு பகிரவும்*
News March 26, 2025
குமரி மாவட்ட அறங்காவலர் குழு தலைவர் பேட்டி
குமரி மாவட்ட அறங்காவலர் குழு தலைவர் பிரபா ராமகிருஷ்ணன் இன்று செய்தியாளர்களிடம் பேசும் போது, “மாவட்டத்தில் 490 கோவில்கள் உள்ளன; இதில் 250 கோயில்கள் புனரமைக்கப்பட்டு வருகிறது; 83 கோயில்களுக்கு பணி முடிந்து கும்பாபிஷேகம் நடைபெற்று உள்ளது; 50 கோவில்கள் புனரமைக்க தமிழக அரசுக்கு கருத்துரு அனுப்பப்பட்டுள்ளது; நாகராஜா கோவில் கும்பாபிஷேக பணிகள் நடந்து வருகிறது விரைவில் ஏற்பாடு செய்யப்படும்” என்றார்.
Featured News
Sorry, no posts matched your criteria.