India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kanyakumari
News September 16, 2024
12 மெட்ரிக் டன் பிளாஸ்டிக்குகள் அனுப்பி வைப்பு
குழித்துறை நகராட்சி திடக்கழிவு மேலாண்மை திட்டத்தின் கீழ் திடக்கழிவுகள் சேகரிக்கப்படுகிறது. இதில் மக்கும் கழிவுகள் எந்திரத்தில் அரைக்கப்பட்டு மக்கிய பிறகு குறைந்த விலைக்கு விவசாயிகளுக்கு விற்பனை செய்யப்படுகிறது. மக்காத கழிவு நகராட்சி ஆணையர் ஆணையின் படி, சுகாதார ஆய்வாளர் அறிவுரையின்படி, விற்பனை செய்ய இயலாத பிளாஸ்டிக் பொருட்களை இன்று செட்டி நாடு சிமெண்ட் ஆலைக்கு 12 MT அனுப்பி வைக்கப்பட்டது.
News September 16, 2024
மகாத்மா காந்தி சிலை உடைப்பு காரணமாக போராட்டம் அறிவிப்பு
மருதம் கோடு பகுதியில் அரசுக்கு சொந்தமான இடத்தில் மகாத்மா காந்தியின் சிலையை சமூக விரோதிகள் கடந்த சில தினங்களுக்கு முன்பு உடைத்து சேதப்படுத்தினார். காவல்துறை அதிகாரிகள் இரண்டு தினங்களில் குற்றவாளிகளை கைது செய்வதாக உறுதி அளித்தனர் ஆனால் இதுவரை குற்றவாளிகள் கைது செய்யப்படவில்லை. இதனை கண்டித்து நாளை ஆர்ப்பாட்டம் நடத்துவதாக விளவங்கோடு சட்டமன்ற உறுப்பினர் தாரகை கத் பட் இன்று அறிவித்துள்ளார்.
News September 16, 2024
அன்பு,ஈகை,சகோதரதத்துவம் – குமரி எம்பி மிலாடி நபி வாழ்த்து
கன்னியாகுமரி எம்.பி விஜய் வசந்த் இன்று(செப்.16) மிலாடி நபி வாழ்த்து தெரிவித்துள்ளார். அதில் நமது இஸ்லாமிய சொந்தங்கள் அனைவருக்கும் மிலாடி நபி வாழ்த்துக்களை தெரிவித்து கொள்கிறேன். அன்பு ஈகை சகோதரதத்துவம் ஆகியவற்றை நபிகள் நாயகம் போதித்து மக்களை நல்வழியில் நடத்தினார். அதை பின்பற்றி நாம் வாழ்வதே நாம் செலுத்தும் காணிக்கை. இல்லாதவர்களுக்கு இயன்றவரை நாம் உதவிகள் செய்வோம் என்று அதில் அவர் கூறியுள்ளார்
News September 16, 2024
மாத்தூர் தொட்டிப் பாலத்தில் மாணவி தற்கொலை
மாத்தூர் தொட்டிப் பாலத்திற்கு இன்று மாலை பேச்சிப்பாறை அரசு பள்ளி +2 படிக்கும் மாணவி அபிநயா அவளது தோழியுடன் வந்துள்ளார். திடீரென அவர் மாத்தூர் தொட்டிப் பாலத்தில் 70 அடி உயரத்தில் இருந்து கீழே குதித்ததில் அடிபட்டு ஆபத்தான நிலையில் ஆஸ்பத்திரியில் சேர்க்கப்பட்டார். பின் சிகிச்சை பலனின்றி இறந்து போனார். தனது தோழி, அபிநயாவை தவிர்த்ததால் மனமுடைந்து தற்கொலை செய்ததாக போலீசார் கூறினர்.
News September 16, 2024
குமரியில் ரூ.50 லட்சம் செலவில் கோசிங் சென்டர் கட்டிடம் திறப்பு
நெட்டாங்கோடு ஸ்ரீ ராம் இளைஞர் மன்றம் சுமார் ரூ.50 லட்சம் செலவில் அலுவலகம் ஒன்றை அமைத்துள்ளது. இதனை எம்.ஆர் காந்தி எம்எல்ஏ திறந்து வைத்தார். இந்த நிகழ்ச்சியில் குமரி மாவட்ட பாஜக துணை தலைவர் குமரி பா.ரமேஷ் உட்பட பலர் கலந்து கொண்டனர். இந்த கட்டிடம் டியூசன் சென்டராக, கோசிங் சென்டராக, செயல்படுத்தபடும் என்று தெரிவிக்கப்பட்டது.
News September 15, 2024
குமரி மாவட்ட அறங்காவலர் குழு தலைவர் அறிக்கை
கன்னியாகுமரி மாவட்ட அறங்காவலர் குழு தலைவர் பிரபா ஜி ராமகிருஷ்ணன் இன்று (செப் 15 ) அறிக்கை வெளியிட்டுள்ளார். அதில், “பக்தர்கள் கோவிலுக்கு வழங்கும் நன்கொடையை தனி நபரிடம் வழங்க வேண்டாம்; கோவில் நிர்வாகத்திடம் நன்கொடைகளை வழங்கி முறையாக ரசிது பெற்றுக் கொள்ள வேண்டும்; தனியாரிடம் நன்கொடை வழங்குவதால் முறையாக கோவிலுக்கு அந்த நன்கொடை செல்வதில்லை” என குறிப்பிட்டுள்ளார்.
News September 15, 2024
அரசு பேருந்து டிரைவர் மற்றும் நடத்துநர் பணியிடை நீக்கம்
குமரி மாவட்டம் அழகப்பபுரம் அருகே பெண்கள் கைகாட்டியும் பஸ்சை நிறுத்தாமல் சென்றதை தொடர்ந்து, இளைஞர்கள் சிலர் பின்னால் சென்று, பஸ்சை தடுத்து நிறுத்தி டிரைவரை அறிவுறுத்திய சம்பவம் வலைதளங்களில் பரவியது. இதனைத் தொடர்ந்து டிரைவர் ஸ்டீபன் மற்றும் கண்டக்டர் மணிகண்டன் ஆகியோரை நாகர்கோவில் மண்டல அரசு போக்குவரத்து கழக பொது மேலாளர் மெர்லின் ஜெயந்தி பணியிடை நீக்கம் செய்து இன்று உத்தரவிட்டுள்ளார்.
News September 15, 2024
குமரி மாவட்டத்தில் மலையோர பகுதிகளில் மழை
குமரி மாவட்டத்தில் மலையோர பகுதிகளான வெள்ளச்சிபாறா, பப்புகாலை, நெட்டா, காளிமலை, குருசுமலை, கணபதிகல், ஒருநூறாம்வயல், மருதம்பாறை, மணலோடை, தச்சமலை, குற்றியார், மங்காமலை உள்ளிட்ட இடங்களில் இன்று (செப் 15) பகல் 2 மணி அளவில் மழை பொழிந்தது. அதே நேரத்தில் நாகர்கோவில் மற்றும் மாவட்டத்தின் இதர பகுதிகளில் வெயிலின் தாக்கம் அதிகமாக இருந்தது
News September 15, 2024
விவேகானந்தர் மண்டபத்தை பார்வையிட்டோர் எண்ணிக்கை
குமரி கடல் நடுவில் அமைந்துள்ள
பாறையில் சுவாமி விவேகானந்தர் நினைவு மண்டபம் அமைந்துள்ளது. இந்த மண்டபத்துக்கு தினமும் காலை 8 மணி முதல் மாலை 4 மணி வரை இடைவெளி இன்றி படகு போக்குவரத்து நடந்து வருகிறது. இந்த மண்டபத்தை தினமும் ஏராளமான சுற்றுலா பயணிகள் படகில் சென்று பார்த்து வருகிறார்கள். ஓணம் பண்டிகை விடுமுறையான இன்று(செப்.15) ஒரே நாளில் 8355 சுற்றுலா பயணிகள் பார்வையிட்டுள்ளதாக தகவல் வெளியாகியுள்ளது.
News September 15, 2024
குமரியில் தூய்மை சேவை விழிப்புணர்வு பிரச்சாரம்
கன்னியாகுமரி மாவட்டத்தில் 17ஆம் தேதி முதல் அக்.,2ஆம் தேதி வரை கிராம ஊராட்சி பகுதிகளில் நடைபெற உள்ள நீர், சுகாதாரம், குப்பை அகற்றுதல், நெகிழி மேலாண்மை மற்றும் கழிவுநீர் மேலாண்மை பற்றிய மக்களின் பங்கேற்புடன் கூடிய “தூய்மையே சேவை எனும் மாபெரும் சிறப்பு விழிப்புணர்வு பிரச்சாரம் நடைபெற இருப்பதாக மாவட்ட ஆட்சியர் அழகுமீனா இன்று (செப்.15) தெரிவித்துள்ளார்.
Featured News
Sorry, no posts matched your criteria.