India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kanchipuram
News November 10, 2024
காஞ்சிபுரத்தில் மருந்தகம் அமைக்க அழைப்பு
காஞ்சிபுரத்தில், பி.பார்ம்., பட்டம் மற்றும் டி.பார்ம்., பட்டய ஆகிய மருத்துவ சான்று பெற்றவர்கள், நவ.20ம் தேதி வரையில் முதல்வர் மருந்தகம் அமைக்க www.mudhalvarmarundhagam.tn.gov.in என்ற இணையதளம் வாயிலாக விண்ணப்பிக்கலாம். இதற்கு, 3 லட்ச ரூபாய் அரசு மானியம் இரு தவணைகளாக ரொக்கம் மற்றும் மருந்துகளாக வழங்கப்படும் என காஞ்சிபுரம் மண்டல கூட்டுறவு துறை இணைப் பதிவாளர் ஜெயஸ்ரீ தெரிவித்தார்.
News November 10, 2024
காஞ்சிபுரம் ஆட்சியர் அலுவலகம் அருகே கொள்ளை
கார் தொழிற்சாலையில் பணிபுரிந்து வரும் நரேஷின் தாயார் காஞ்சிபுரம் ஆட்சியர் அலுவலகம் அருகே உள்ள காந்தி நகரில் வசித்து வருகிறார். உடல்நலக்குறைவால் பாதிக்கப்பட்ட தனது தாயை சிகிச்சைக்காக சென்னை அழைத்து சென்றார் நரேஷ். நேற்று அந்த வீட்டின் பூட்டு உடைக்கப்பட்டு 15 சவரன் நகை,25,000 ருபாய் ரொக்க பணம் கொள்ளையடிக்கப்பட்டது. இது குறித்து காஞ்சி தாலுகா போலீசார் விசாரணை மேற்கொண்டு வருகின்றனர்.
News November 10, 2024
காஞ்சிபுரம் ஸ்ரீமீனாட்சி சுந்தரேஸ்வரர் திருக்கல்யாணம்
ஞாயிற்றுக்கிழமை (10.11.2024) மாலை 6.15 மணிக்கு, காஞ்சிபுரம் மாவட்டம் ஓரிக்கை, மிலிட்டரி ரோடு பகுதியில் உள்ள பாரதிதாசன் மேல் நிலை பள்ளியில் ஸ்ரீமீனாட்சி சுந்தரேஸ்வரர் திருக்கல்யாணம் நடைபெற உள்ளது. N. அருண்குமார் அவர்கள் முன்னிலையில் இந்த புனித நிகழ்ச்சி ஆரம்பமாகும். பக்தர்கள் அனைவரும் வருக, அருள் பெறுக.
News November 10, 2024
இசை கலைஞர்களுக்கு பாராட்டு சான்றிதழ் வழங்கிய ஆட்சியர்
காஞ்சிபுரத்தில் மாவட்ட ஆட்சியர் வளாகத்தில் கலை பண்பாட்டு துறை சார்பில், இன்று நவம்பர் 9 மாலை நடைபெற்ற காஞ்சிபுரம் சங்கமம் கலைத்திருவிழாவில் காஞ்சிபுரத்தைச் சேர்ந்த 75 கலைஞர்களுக்கு மாவட்ட ஆட்சியர் கலைசெல்வி மோகன் பாராட்டுச் சான்றிதழும் ஊக்கத் தொகையும் வழங்கி பாராட்டினார். இந்த நிகழ்ச்சியில் காஞ்சிபுரம் மாநகராட்சி மேயர் மகாலட்சுமி, ஒன்றிய பெருந்தலைவர் மலர் கொடி குமார் கலந்து கொண்டனர்.
News November 9, 2024
அரசு மருத்துவமனையில் ஆட்சியர் ஆய்வு
காஞ்சிபுரம் அரசு தலைமை மருத்துவமனையில், இன்று (09.11.2024) நோயாளிகளுக்கு கட்டண வசதியுடன் கூடிய புனரமைக்கப்பட்ட சிகிச்சை மையத்தினை மாவட்ட ஆட்சியர் கலைச்செல்வி மோகன், பார்வையிட்டு ஆய்வு மேற்கொண்டார். உடன் அரசு மருத்துவமனை அலுவலர்கள் மற்றும் மருத்துவர்கள், துறை சார்ந்த அலுவலர்கள் ஆகியோர் கலந்து கொண்டனர்.
News November 9, 2024
காஞ்சிபுரத்தில் ஆறு வட்டார வளர்ச்சி அலுவலர்கள் மாற்றம்
காஞ்சிபுரம் மாவட்டத்தில், ஆறு வட்டார வளர்ச்சி அலுவலர்களை காஞ்சிபுரம் கலெக்டர் இடமாற்றம் செய்துள்ளார். இதில் கண்ணன் ஊராட்சிகள் நிர்வாகம், காஞ்சிபுரம், சூரியா ஊராட்சிகள் நிர்வாகம், உத்திரமேரூர், பத்மாவதி கண்காணிப்பாளர், காஞ்சிபுரம், வரதராஜன் வட்டார நிர்வாகம், வாலாஜாபாத், மாணிக்கவேல் ஊராட்சிகள் நிர்வாகம், ஸ்ரீபெரும்புதூர், பவானி ஊராட்சி நிர்வாகம், ஸ்ரீபெரும்புதூர் ஆகியோர் மாறியுள்ளனர்.
News November 9, 2024
மாணவ, மாணவிகளுக்கு கலைப்போட்டி
காஞ்சிபுரம் மாவட்ட அளவிலான போட்டிகள், காஞ்சிபுரம், ஓரிக்கை அஞ்சல், சதாவரம், (அரசு காதுகேளாதோர் பள்ளி அருகில்), மாவட்ட அரசு இசைப்பள்ளியில் வரும் 24ஆம் தேதி (ஞாயிற்றுக்கிழமை) அன்று நடைபெற உள்ளது. காலை 9 மணி முதல் மதியம் 1 மணி வரை போட்டிகள் நடைபெறும். குரலிசைப் போட்டியில் முறையாக இசை பயிலும் சிறார்கள் பங்கு பெறலாம். தமிழில் அமைந்த இசை வடிவங்கள் பாட வேண்டும் என அறிவிக்கப்பட்டுள்ளது.
News November 9, 2024
காஞ்சிபுரத்தில் கனமழைக்கு வாய்ப்பு
காஞ்சிபுரம் மாவட்டத்தில் நவம்பர் 14-ஆம் தேதி வரை கனமழை பெய்யக்கூடும் என சென்னை வானிலை ஆய்வு மையம் அறிவித்துள்ளது. தமிழகத்தில் தீவிரமடைந்து வரும் வடகிழக்கு பருவமழையின் காரணமாக பல்வேறு மாவட்டங்களுக்கு கனமழை முதல் மிக கனமழை வரை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது. SHARE NOW!
News November 9, 2024
தேசிய ஆணைய உறுப்பினர் தலைமையில் ஆய்வு கூட்டம்
காஞ்சிபுரம் மாவட்ட ஆட்சியர் அலுவலக வளாக மக்கள் நல்லுறவு மைய கூட்டரங்கில், நேற்று (08.11.2024) ஆதிதிராவிடர் மக்களுக்கு அனைத்து துறைகளிலும் செயல்படுத்தும் திட்டப்பணிகள் குறித்து அலுவலர்களுடன் ஆய்வு கூட்டம் பட்டியல் இனத்தவர்களுக்கான தேசிய ஆணையத்தின் உறுப்பினர் வடேபள்ளி ராமசந்தர் தலைமையில் நடைபெற்றது. உடன் மாவட்ட ஆட்சியர் கலைச்செல்வி மோகன், மாவட்ட காவல் கண்காணிப்பாளர் இருந்தனர்.
News November 8, 2024
பொது விநியோகத் திட்ட குறைதீர் முகாம்கள்
காஞ்சிபுரம் மாவட்டத்தில் நாளை (நவ.9) காலை 10 மணிக்கு, காஞ்சிபுரம் வட்டத்தில் கீழ்கதிர்பூர் மதுரா குண்டுகுளம், உத்திரமேரூர் வட்டத்தில் திணையாம்பூண்டி, வாலாஜாபாத் வட்டத்தில் நத்தாநல்லூர், திருப்பெரும்புதூர் வட்டத்தில் மொளச்சூர், குன்றத்தூர் வட்டத்தில் மணிமங்கலம் (காந்தி நகர்) ஆகிய கிராமங்களில் பொது விநியோகத் திட்ட குறைதீர் முகாம்கள் நடைபெற உள்ளதாக அறிவிக்கப்பட்டுள்ளது. SHARE பண்ணுங்க!
Featured News
Sorry, no posts matched your criteria.